ກອງປະຊຸມອົງການປົກຄອງແຂວງສາລະວັນ ຄັ້ງທີ 10 ຊຸດທີ IX ໄດ້ຈັດຂຶ້ນໃນວັນທີ 2 ພະຈິກ ນີ້ ຊຶ່ງຈະໄດ້ຄົ້ນຄວ້າ 7 ວຽກງາານທີ່ສຳຄັນຂອງແຂວງ, ທັງໄດ້ມີການຕີລາຄາຜົນການຈັດຕັ້ງປະຕິບັດໃນໄລຍະຜ່ານມາ ແລະ ລາຍງານການກະກຽມໃນດ້ານຕ່າງໆ ທີ່ຮີບດ່ວນ ມີຄື: ໜຶ່ງ: ແຜນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ສອງ: ການປະຕິບັດແຜນງົບປະມານແຫ່ງລັດ ໃນໄລຍະ 9 ເດືອນ ແລະ ທິດທາງແຜນການ 3 ເດືອນທ້າຍປີ 2023, ສາມ: ການກະກຽມເປັນເຈົ້າພາບງານມະຫະກຳກິລານັກຮຽນມັດທະຍົມທົ່ວປະເທດ ປີ 2024, ສີ່: ການກຽມຄວາມພ້ອມໃນການຍົກລະດັບດ່ານທ້ອງຖິ່ນປາກຕະພານ ເປັນດ່ານສາກົນ, ຫ້າ: ລາຍງານການແບ່ງຂັ້ນຄຸ້ມຄອງການຈັດເກັບລາຍຮັບຈາກການເກັບຊື້ມັນຕົ້ນໃຫ້ເມືອງ, ຫົກ: ການຫັນການບໍລິຫານຜ່ານລະບົບທັນສະໄໝ ເພື່ອແລກປ່ຽນຂໍ້ມູນ, ເຈັດ: ການກະກຽມຄວາມພ້ອມງານແຫ່ພຣະໄຕຣປີດົກ ປະຈຳປີ 2023 ແລະ ເປີດປີທ່ອງທ່ຽວລາວ ປີ 2024.
ໃນພິທີ, ທ່ານ ດາວວົງ ພອນແກ້ວເຈົ້າແຂວງສາລະວັນ ກ່າວວ່າ: ກອງປະຊຸມຄັ້ງນີ້ ຖືເປັນບາດກ້າວທີ່ສໍາຄັນ ຈະໄດ້ພ້ອມກັນຄົ້ນຄ້ວາ, ກວດກາ, ສະຫຼຸບຕີລາຄາຄືນການຈັດຕັ້ງປະຕິບັດວຽກງານໃນຂົງເຂດອົງການບໍລິຫານລັດຂອງແຂວງ ແລະ ວຽກສໍາຄັນທີ່ຮີບດ່ວນ ໃນໄລຍະ 3 ເດືອນທ້າຍປີ, ທັງການຫ້າງຫາກະກຽມວຽກງານອື່ນໆ ເພື່ອຮອງຮັບໃຫ້ແກ່ການຈັດຕັ້ງປະຕິບັດໃນປີ 2024 ລຸລ່ວງ ແລະ ສາມາດດຳເນີນໄປຕາມແຜນການຢ່າງລະອຽດ, ຊັດເຈນ, ພ້ອມທັງຊອກໃຫ້ເຫັນຈຸດອ່ອນ, ຂໍ້ຄົງຄ້າງ, ບົດຮຽນທີ່ຖອດຖອນໄດ້ ແລະ ວາງແຜນສືບຕໍ່ວຽກງານຈຸດສຸມຕ່າງໆ. ນອກນີ້, ທ່ານກໍໄດ້ຮຽກຮ້ອງໃຫ້ບັນດາການນຳຂອງແຂວງ, ພະແນກການ, ຂະແໜງການຕ່າງໆທີ່ກ່ຽວຂ້ອງ ເພີ່ມທະວີເອົາໃຈໃສ່ຄົ້ນຄວ້າໃຫ້ເລິກເຊິ່ງຕໍ່ກັບວຽກງານສຳຄັນຂອງແຂວງ ຫັນເຂົ້າສູ່ຄຸນນະພາບ ເພື່ອສ້າງການຫັນປ່ຽນໃໝ່ຢ່າງແຂງແຮງ, ເລິກເຊິ່ງ, ຮອບດ້ານ, ບົນພື້ນຖານສະພາບຄວາມເປັນຈິງ, ພ້ອມກັນແກ້ໄຂບັນຫາຫຍຸ້ງຍາກໃຫ້ບັນລຸຕາມຄາດໝາຍທີ່ວາງໄວ.
ນອກຈາກນີ້, ຜູ້ແທນເຂົ້າຮ່ວມ ກໍຈະໄດ້ຮັບຟັງການລາຍງານວຽກໃນ 7 ຫົວຂໍ້ໃຫຍ່ ທີ່ໄດ້ນຳມາສະເໜີ ແລະ ຄົ້ນຄວ້າພິຈາລະນາ, ທັງຈະໄດ້ປະກອບຄຳຄິດເຫັນຂອງບັນດາຜູ້ແທນກອງປະຊຸມ, ມີການເຈາະຈີ້ມບາງບັນຫາຂອງວຽກງານໃນແຕ່ລະຂົງເຂດຕ່າງໆ ເພື່ອຊອກໃຫ້ເຫັນສາເຫດ ແລະ ເຫດຜົນ ພ້ອມທັງວິທີທາງແກ້ໄຂ ໃນຕໍ່ໜ້າ.
ກອງປະຊຸມໄດ້ຈັດຂຶ້ນທີ່ສະໂມສອນແຂວງ, ພາຍໃຕ້ການເປັນປະທານກອງປະຊຸມຂອງ ທ່ານ ດາວວົງ ພອນແກ້ວ, ມີຮອງເລຂາພັກແຂວງ,ຮອງເຈົ້າແຂວງສາລະວັນ, ບັນດາການນຳຂອງແຂວງ, ຫົວໜ້າພະແນກການ, ອົງການທຽບເທົ່າອ້ອມຂ້າງ, ເຈົ້າເມືອງ 8 ຕົວເມືອງ, ລັດວິສາຫະກິດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ຂ່າວ-ພາບ: ວິໄລວອນ ສິດທິໄຊ
ໃນພິທີ, ທ່ານ ດາວວົງ ພອນແກ້ວເຈົ້າແຂວງສາລະວັນ ກ່າວວ່າ: ກອງປະຊຸມຄັ້ງນີ້ ຖືເປັນບາດກ້າວທີ່ສໍາຄັນ ຈະໄດ້ພ້ອມກັນຄົ້ນຄ້ວາ, ກວດກາ, ສະຫຼຸບຕີລາຄາຄືນການຈັດຕັ້ງປະຕິບັດວຽກງານໃນຂົງເຂດອົງການບໍລິຫານລັດຂອງແຂວງ ແລະ ວຽກສໍາຄັນທີ່ຮີບດ່ວນ ໃນໄລຍະ 3 ເດືອນທ້າຍປີ, ທັງການຫ້າງຫາກະກຽມວຽກງານອື່ນໆ ເພື່ອຮອງຮັບໃຫ້ແກ່ການຈັດຕັ້ງປະຕິບັດໃນປີ 2024 ລຸລ່ວງ ແລະ ສາມາດດຳເນີນໄປຕາມແຜນການຢ່າງລະອຽດ, ຊັດເຈນ, ພ້ອມທັງຊອກໃຫ້ເຫັນຈຸດອ່ອນ, ຂໍ້ຄົງຄ້າງ, ບົດຮຽນທີ່ຖອດຖອນໄດ້ ແລະ ວາງແຜນສືບຕໍ່ວຽກງານຈຸດສຸມຕ່າງໆ. ນອກນີ້, ທ່ານກໍໄດ້ຮຽກຮ້ອງໃຫ້ບັນດາການນຳຂອງແຂວງ, ພະແນກການ, ຂະແໜງການຕ່າງໆທີ່ກ່ຽວຂ້ອງ ເພີ່ມທະວີເອົາໃຈໃສ່ຄົ້ນຄວ້າໃຫ້ເລິກເຊິ່ງຕໍ່ກັບວຽກງານສຳຄັນຂອງແຂວງ ຫັນເຂົ້າສູ່ຄຸນນະພາບ ເພື່ອສ້າງການຫັນປ່ຽນໃໝ່ຢ່າງແຂງແຮງ, ເລິກເຊິ່ງ, ຮອບດ້ານ, ບົນພື້ນຖານສະພາບຄວາມເປັນຈິງ, ພ້ອມກັນແກ້ໄຂບັນຫາຫຍຸ້ງຍາກໃຫ້ບັນລຸຕາມຄາດໝາຍທີ່ວາງໄວ.
ນອກຈາກນີ້, ຜູ້ແທນເຂົ້າຮ່ວມ ກໍຈະໄດ້ຮັບຟັງການລາຍງານວຽກໃນ 7 ຫົວຂໍ້ໃຫຍ່ ທີ່ໄດ້ນຳມາສະເໜີ ແລະ ຄົ້ນຄວ້າພິຈາລະນາ, ທັງຈະໄດ້ປະກອບຄຳຄິດເຫັນຂອງບັນດາຜູ້ແທນກອງປະຊຸມ, ມີການເຈາະຈີ້ມບາງບັນຫາຂອງວຽກງານໃນແຕ່ລະຂົງເຂດຕ່າງໆ ເພື່ອຊອກໃຫ້ເຫັນສາເຫດ ແລະ ເຫດຜົນ ພ້ອມທັງວິທີທາງແກ້ໄຂ ໃນຕໍ່ໜ້າ.
ກອງປະຊຸມໄດ້ຈັດຂຶ້ນທີ່ສະໂມສອນແຂວງ, ພາຍໃຕ້ການເປັນປະທານກອງປະຊຸມຂອງ ທ່ານ ດາວວົງ ພອນແກ້ວ, ມີຮອງເລຂາພັກແຂວງ,ຮອງເຈົ້າແຂວງສາລະວັນ, ບັນດາການນຳຂອງແຂວງ, ຫົວໜ້າພະແນກການ, ອົງການທຽບເທົ່າອ້ອມຂ້າງ, ເຈົ້າເມືອງ 8 ຕົວເມືອງ, ລັດວິສາຫະກິດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ຂ່າວ-ພາບ: ວິໄລວອນ ສິດທິໄຊ
ຄໍາເຫັນ