ກອງປະຊຸມສະຫຼຸບປະຈຳປີ 2023 ແລະ ວາງແຜນການເຄື່ອນໄຫວ 2024 ຂອງຄະນະກຳມະການໂອແລັມປິກແຫ່ງຊາດລາວຄອລ ໄດ້ຈັດຂຶ້ນໃນວັນທີ 26 ມັງກອນຜ່ານມາ ທີ່ຫ້ອງປະຊຸມໃຫຍ່ ຄະນະກຳມະການໂອແລັມປິກແຫ່ງຊາດລາວ.ໂດຍການເປັນປະທານຂອງທ່ານ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ ປະທານຄະນະກຳມະການໂອແລັມປິກແຫ່ງຊາດລາວ,ມີບັນດາຮອງປະທານ ຄອລ,ຄະນະກຳມະການໂອແລັມປິກ ແລະ ແຂກທີ່ຖືກເຊີນເຂົ້າຮ່ວມ.
ທ່ານ ພຸດ ສິມມາລາວົງ ໄດ້ກ່າວວ່າ: ກອງປະຊຸມຄັ້ງນີ້ ແມ່ນເພື່ອທົບທວນຄືນ ສິ່ງທີ່ພວກເຮົາປະຕິບັດໄດ້ ແລະຍັງເຮັດບໍໍ່ໄດ້ ໃນແຜນການປີ 2023,ເພື່ອພ້ອມກັນໃນການປັບປຸງ,ເສີມຂະຫຍາຍ ແລະ ວາງແຜນການເຄື່ອນໄຫວປະຈຳປີ 2024. ໃນປີ 2024 ນີ້ ຈະມີລາຍການແຂ່ງຂັນຫຼາຍລາຍການ ທີ່ ສປປ ລາວ ຈະໄດ້ເຂົ້າຮ່ວມ ເປັນຕົ້ນເຂົ້າຮ່ວມແຂ່ງຂັນໃນງານໂອແລັມປິກ 2024 ທີ່ ກຸງປາຣີ ປະເທດຝລັ່ງ ແລະ ລາຍການໃນລະດັບອະນຸພາກພື້ນ ແລະ ສາກົນ ຈຳນວນໜຶ່ງແລະ ຮັບຟັງການລາຍງານຜົນສຳເລັດການເຄື່ອນໄຫວປະຈຳປີ 2023 ແລະ ແຜນການເຄື່ອນໄຫວປີ 2024,ການລາຍງານການເງິນ ຄອລ,ການລາຍງານການຈັດຕັ້ງປະຕິບັດກອງທຶນສົ່ງເສີມກິລາສູ່ໂອແລັມປິກ,ຮັບຟັງການລາຍງານ ແລະ ການປະກອບຄຳເຫັນຂອງສະຫະພັນກິລາຈຳນວນໜຶ່ງ ແລະ ເພື່ອເຮັດໃຫ້ກອງປະຊຸມໃນຄັ້ງນີ້ດຳເນີນໄປຕາມຈຸດປະສົງແລະເປົ້າໝາຍຈຶ່ງຮຽກຮ້ອງໃຫ້ບັນດາທ່ານທີ່ເຂົ້າຮ່ວມເອົາໃຈໃສ່ດັ່ງນີ້: ຈົ່ງໄດ້ເຊີດຊູຄວາມເປັນເຈົ້າການໃນການປະກອບຄຳຄິດ ຄຳເຫັນ ທີ່ສ້າງສັນ-ກົງໄປກົງມາ,ນອກຈາກຈະສະເໜີບັນຫາແລ້ວ ໃຫ້ພ້ອມກັນແນະນຳວິທີແກ້ໄຂ ເພື່ອສົ່ງເສີມໃຫ້ບັນຍາກາດວຽກງານກິລາທັງພາຍໃນ ແລະ ຕ່າງປະເທດ ໃຫ້ເປັນຂະບວນຟົດຟື້ນກວ່າເກົ່າ,ຕິດພັນກັບການສົ່ງເສີມກິລາທ້ອງຖິ່ນ ແລະ ການທ່ອງທ່ຽວໃນປີ 2024 ນີ້,ພິເສດຮຽກຮ້ອງໃຫ້ແຕ່ລະສະຫະພັນ ໃຫ້ມີແຜນການເຄື່ອນໄຫວປະຈຳປີ ຊຶ່ງເປັນອົງປະກອບຂອງແຜນການເຄື່ອນໄຫວຂອງ ຄອລ ອັນໃດທີ່ເປັນຄວາມຕ້ອງການຂອງສະຫະພັນໃຫ້ ຄອລ ສ້າງຄວາມເຂັ້ມແຂງໃຫ້ ຫຼື ໃຫ້ການປະສານງານ-ຊ່ວຍເຫຼືອໃນດ້ານອື່ນ ໃຫ້ສະເໜີຫາ ຄອລ ເພື່ອຄົ້ນຄວ້າພິຈາລະນາ ແລະພ້ອມກັນຫັນເປັນມືອາຊີບຫຼາຍຂຶ້ນ.
ໃນໂອກາດນີ້, ທ່ານ ແສງພອນ ພົນອາມາດ ຮອງປະທານ-ເລຂາທິການ ຄອລ ໄດ້ຂຶ້ນຜ່ານບົດສະຫຼຸບການຈັດຕັ້ງເຄື່ອນໄຫວວຽກງານປະຈຳປີ 2023 ແລະ ແຜນການເຄື່ອນໄຫວວຽກງານປີ 2024 ຂອງ ຄອລ ວ່າ:ໃນໜຶ່ງປີຜ່ານມາ ຄອລ ໄດ້ນຳພາ-ຊີ້ນຳຈັດຕັ້ງປະຕິບັດແຜນການເຄື່ອນໄຫວປະຈຳປີ 2023 ມີຜົນສຳເລັດຫຼາຍດ້ານເຊັ່ນ:ສຳເລັດການສົ່ງຂໍ້ມູນຊີວະປະຫວັດ ທ່ານປະທານ,ຮອງປະທານ ແລະ ເລຂາທິການ ຄອລ ຊຸດທີ 8 ໃຫ້ຄະນະກຳມະການໂອແລັມປິກສາກົນ(IOC),ຄະນະກໍາມະການ ໂອແລັມປິກແຫ່ງຊາດ(ANOC) ແລະ ລົງເວັບໄຊຂອງ ຄອລ ແລະ ປັບປຸງບັນດາກຳມະການຝ່າຍຕ່າງໆຂອງ ຄອລ ແລະ ປັບປຸງລະບຽບກຳນົດການໃຊ້ຈ່າຍເງິນບໍລິຫານຂອງ ຄອລ,ໄດ້ຈັດພິທີສະຫຼຸບຍ້ອງຍໍ ຜົນສຳເລັດການເຂົ້າຮ່ວມງານກິລາຊີເກມຄັ້ງທີ 32 ທີ່ຣາຊະອານາຈັກກຳປູເຈຍ ແລະ ເອຊຽນເກມ ຄັ້ງທີ 19 ທີ່ຫາງໂຈ ສປ ຈີນ,ໄດ້ປັບປຸງ ແລະ ຍົກລະດັບຖານຂໍ້ມູນ ຄອລ ລົງໃນ Website ແລະ Facebook page ຂອງ ຄອລ.
ຂ່າວ: ບຸນຕອມ
ທ່ານ ພຸດ ສິມມາລາວົງ ໄດ້ກ່າວວ່າ: ກອງປະຊຸມຄັ້ງນີ້ ແມ່ນເພື່ອທົບທວນຄືນ ສິ່ງທີ່ພວກເຮົາປະຕິບັດໄດ້ ແລະຍັງເຮັດບໍໍ່ໄດ້ ໃນແຜນການປີ 2023,ເພື່ອພ້ອມກັນໃນການປັບປຸງ,ເສີມຂະຫຍາຍ ແລະ ວາງແຜນການເຄື່ອນໄຫວປະຈຳປີ 2024. ໃນປີ 2024 ນີ້ ຈະມີລາຍການແຂ່ງຂັນຫຼາຍລາຍການ ທີ່ ສປປ ລາວ ຈະໄດ້ເຂົ້າຮ່ວມ ເປັນຕົ້ນເຂົ້າຮ່ວມແຂ່ງຂັນໃນງານໂອແລັມປິກ 2024 ທີ່ ກຸງປາຣີ ປະເທດຝລັ່ງ ແລະ ລາຍການໃນລະດັບອະນຸພາກພື້ນ ແລະ ສາກົນ ຈຳນວນໜຶ່ງແລະ ຮັບຟັງການລາຍງານຜົນສຳເລັດການເຄື່ອນໄຫວປະຈຳປີ 2023 ແລະ ແຜນການເຄື່ອນໄຫວປີ 2024,ການລາຍງານການເງິນ ຄອລ,ການລາຍງານການຈັດຕັ້ງປະຕິບັດກອງທຶນສົ່ງເສີມກິລາສູ່ໂອແລັມປິກ,ຮັບຟັງການລາຍງານ ແລະ ການປະກອບຄຳເຫັນຂອງສະຫະພັນກິລາຈຳນວນໜຶ່ງ ແລະ ເພື່ອເຮັດໃຫ້ກອງປະຊຸມໃນຄັ້ງນີ້ດຳເນີນໄປຕາມຈຸດປະສົງແລະເປົ້າໝາຍຈຶ່ງຮຽກຮ້ອງໃຫ້ບັນດາທ່ານທີ່ເຂົ້າຮ່ວມເອົາໃຈໃສ່ດັ່ງນີ້: ຈົ່ງໄດ້ເຊີດຊູຄວາມເປັນເຈົ້າການໃນການປະກອບຄຳຄິດ ຄຳເຫັນ ທີ່ສ້າງສັນ-ກົງໄປກົງມາ,ນອກຈາກຈະສະເໜີບັນຫາແລ້ວ ໃຫ້ພ້ອມກັນແນະນຳວິທີແກ້ໄຂ ເພື່ອສົ່ງເສີມໃຫ້ບັນຍາກາດວຽກງານກິລາທັງພາຍໃນ ແລະ ຕ່າງປະເທດ ໃຫ້ເປັນຂະບວນຟົດຟື້ນກວ່າເກົ່າ,ຕິດພັນກັບການສົ່ງເສີມກິລາທ້ອງຖິ່ນ ແລະ ການທ່ອງທ່ຽວໃນປີ 2024 ນີ້,ພິເສດຮຽກຮ້ອງໃຫ້ແຕ່ລະສະຫະພັນ ໃຫ້ມີແຜນການເຄື່ອນໄຫວປະຈຳປີ ຊຶ່ງເປັນອົງປະກອບຂອງແຜນການເຄື່ອນໄຫວຂອງ ຄອລ ອັນໃດທີ່ເປັນຄວາມຕ້ອງການຂອງສະຫະພັນໃຫ້ ຄອລ ສ້າງຄວາມເຂັ້ມແຂງໃຫ້ ຫຼື ໃຫ້ການປະສານງານ-ຊ່ວຍເຫຼືອໃນດ້ານອື່ນ ໃຫ້ສະເໜີຫາ ຄອລ ເພື່ອຄົ້ນຄວ້າພິຈາລະນາ ແລະພ້ອມກັນຫັນເປັນມືອາຊີບຫຼາຍຂຶ້ນ.
ໃນໂອກາດນີ້, ທ່ານ ແສງພອນ ພົນອາມາດ ຮອງປະທານ-ເລຂາທິການ ຄອລ ໄດ້ຂຶ້ນຜ່ານບົດສະຫຼຸບການຈັດຕັ້ງເຄື່ອນໄຫວວຽກງານປະຈຳປີ 2023 ແລະ ແຜນການເຄື່ອນໄຫວວຽກງານປີ 2024 ຂອງ ຄອລ ວ່າ:ໃນໜຶ່ງປີຜ່ານມາ ຄອລ ໄດ້ນຳພາ-ຊີ້ນຳຈັດຕັ້ງປະຕິບັດແຜນການເຄື່ອນໄຫວປະຈຳປີ 2023 ມີຜົນສຳເລັດຫຼາຍດ້ານເຊັ່ນ:ສຳເລັດການສົ່ງຂໍ້ມູນຊີວະປະຫວັດ ທ່ານປະທານ,ຮອງປະທານ ແລະ ເລຂາທິການ ຄອລ ຊຸດທີ 8 ໃຫ້ຄະນະກຳມະການໂອແລັມປິກສາກົນ(IOC),ຄະນະກໍາມະການ ໂອແລັມປິກແຫ່ງຊາດ(ANOC) ແລະ ລົງເວັບໄຊຂອງ ຄອລ ແລະ ປັບປຸງບັນດາກຳມະການຝ່າຍຕ່າງໆຂອງ ຄອລ ແລະ ປັບປຸງລະບຽບກຳນົດການໃຊ້ຈ່າຍເງິນບໍລິຫານຂອງ ຄອລ,ໄດ້ຈັດພິທີສະຫຼຸບຍ້ອງຍໍ ຜົນສຳເລັດການເຂົ້າຮ່ວມງານກິລາຊີເກມຄັ້ງທີ 32 ທີ່ຣາຊະອານາຈັກກຳປູເຈຍ ແລະ ເອຊຽນເກມ ຄັ້ງທີ 19 ທີ່ຫາງໂຈ ສປ ຈີນ,ໄດ້ປັບປຸງ ແລະ ຍົກລະດັບຖານຂໍ້ມູນ ຄອລ ລົງໃນ Website ແລະ Facebook page ຂອງ ຄອລ.
ຂ່າວ: ບຸນຕອມ
ຄໍາເຫັນ