 |
ຊຶ່ງເປັນໂຄງການໜຶ່ງ ທີ່ນອນຢູ່ໃນແຜນພັດທະນາ ໂຄງສ້າງພື້ນຖານ ຂອງອົງການພຸດທະສາສະໜາສັມລາວ ແຂວງຫຼວງພະບາງ, ເປັນໂຄງການທີ່ໃຫຍ່ ແລະຕ້ອງການງົບປະມານເຂົ້າໃນການກໍ່ສ້າງຢ່າງມະຫາສານ ແຕ່ບໍ່ມີແຫຼ່ງທຶນງົບປະມານທີ່ແນ່ນອນ, ສ່ວນໃຫຍ່ໄດ້ມາຈາກການລະດົມທຶນ, ການປະກອບສ່ວນຂອງສັງຄົມ ຈຶ່ງບໍ່ສາມາດກໍານົດເວລາໃນການດໍາເນີນໂຄງການກໍ່ສ້າງໄດ້ຢ່າງແນ່ນອນ ແລະຕໍ່ເນື່ອງ, ລວມມູນຄ່າການກໍ່ສ້າງທັງໝົດ 11 ຕື້ 502 ລ້ານກວ່າກີບ, ໄດ້ໃຊ້ຈ່າຍງົບປະມານໄປແລ້ວ 5 ຕື້ 420 ລ້ານກວ່າກີບ, ງົບປະມານທີ່ຈະຕ້ອງການນໍາມາໃຊ້ຈ່າຍ ເພື່ອດໍາເນີນການກໍ່ສ້າງໃນຂັ້ນຕອນຕໍ່ໄປຈໍານວນ 5 ຕື້ 950 ລ້ານກວ່າກີບ. ມາເຖິງປັດຈຸບັນ ສຳເລັດແລ້ວ 48% ຂອງໜ້າວຽກທັງໝົດ ໃຊ້ງົບປະມານທັງໝົດ 2 ຕື້ 362 ລ້ານກວ່າກີບ ແລະພວມສຶບຕໍ່ແຜນໜ້າວຽກງວດທີ V ປະກອບມີ: ມຸງຫຼັງຄາ, ຕິດຕັ້ງ ແລະຍົກຍອດຊໍ່ຟ້າ, ວຽກກໍ່-ໂບກຝາ-ຕິດຕັ້ງປະຕູ ຄາດວ່າຈະໃຊ້ທືນປະມານ 1 ຕື້ 990 ລ້ານກວ່າກີບ ແລະຈະໃຊ້ໄລຍະເວລາກໍ່ສ້າງ 4-5 ເດືອນ ຈະສໍາເລັດ ຖ້າງົບປະມານພຽງພໍ ໂດຍລວມແມ່ນມີຄວາມພ້ອມດ້ານອຸປະກອນບາງສ່ວນແລ້ວ, ພ້ອມນັ້ນ ຈະໄດ້ສືບຕໍ່ດຳເນີນການກໍ່ສ້າງເປັນໄລຍະທີ່ VI ປະກອບມີວຽກກໍ່-ໂບກຝາ, ຕິດຕັ້ງປະຕູພາຍໃນອາຄານ, ຕິດຕັ້ງລະບົບໄຟຟ້າ, ອຸປະກອນຮັບໃຊ້ ແລະອື່ນໆ.
 |
ໂຄງການກໍ່ສ້າງຫໍທັມມະສະພາແຫ່ງນີ້, ເພື່ອເປັນບ່ອນເຮັດວຽກຂອງຄະນະສົງ ອົງການພຸດທະສາສະໜາສັມພັນລາວ ແຂວງຫຼວງພຣະບາງ, ເນື່ອງຈາກປັດຈຸບັນການເຮັດວຽກຂອງຄະນະສົງ ແມ່ນເຮັດຢູ່ຕາມວັດວາອາຣາມ ບໍ່ມີຄວາມສອດຄ່ອງກັບການພັດທະນາໄລຍະໃໝ່, ຈຶ່ງມີຄວາມຈຳເປັນຕ້ອງກໍ່ສ້າງຂຶ້ນ ເພື່ອຮັບໃຊ້ວຽກງານຂອງຄະນະສົງສະເພາະ.
ຜ່ານການຈັດຕັ້ງປະຕິບັດມາຮອດປັດຈຸບັນ ໄດ້ຮັບການຊີ້ນຳ ນຳພາຢ່າງໃກ້ສິດ-ຕິດແທດຈາກ ສາທຸໃຫຍ່ ອ່ອນແກ້ວ ກິຕິິພັທໂທ ປະທານອົງການພຸດທະສາສະໜາສຳພັນລາວ ແຂວງຫຼວງພະບາງ ແລະທ່ານ ສົມສະຫວາດ ເລັ່ງສະຫວັດ ອະດີດການນຳຂັ້ນສູງ ຂອງພັກ-ລັດ ປະທານການກໍ່ສ້າງ ຝ່າຍຄາລະວາດ ບວກໃສ່ຄະນະບໍລິຫານງານປະຈຳການ ອົງການພຸດທະສາສະໜາສັມພັນລາວ ແຂວງຫຼວງພະບາງ ແລະອົງການຈັດຕັ້ງພັກ-ລັດຂອງແຂວງ ຕະຫຼອດຮອດອອກຕົນຍາດໂຍມ ຈຶ່ງເຮັດໃຫ້ໂຄງການຂອງພວກເຮົາໄດ້ຮັບຜົນສຳເລັດເປັນກ້າວໆ.
(ຂ່າວ: ອາພຸດເດດ ບຸບຜາ, ພາບ: ອພສແຂວງ)
ຄໍາເຫັນ