ໂຄງການກໍ່ສ້າງນ້ຳລິນ ບ້ານ ນ້ຳຍາບ ເມືອງພຽງ ແຂວງໄຊຍະບູລີ ໄດ້ຮັບທຶນຊ່ວຍເຫຼືອລ້າຈາກລັດຖະບານ ແລະ ປາຊາຊົນຢີ່ປຸ່ນໂດຍຜ່ານສະຖານທູດຢີ່ປຸ່ນປະຈຳລາວ ແລະ ໄດ້ເລີ່ມລົງມືກໍ່ສ້າງແຕ່ວັນທີ 28 ທັນວາ 2023 ມາຮອດປັດຈຸບັນ ແມ່ນສຳເລັດຮ້ອຍສ່ວນນຮ້ອຍ.
ໃນວັນທີ 15 ກຸມພາ ຜ່ານມາ, ທ່ານ ເສີດ ແສງສຸລິນ ເຈົ້າເມືອງໆພຽງ ພ້ອມດ້ວຍພະນັກງານວິຊາການທີ່ກ່ຽວຂ້ອງຂອງເມືອງໄດ້ລົງຕິດຕາມກວດກາເບິ່ງໂຄງການກໍ່ສ້າງນ້ຳລິນ ບ້ານນ້ຳຍາບ ຊຶ່ງມາຮ້ອດປັດຈຸບັນແມ່ນໄດ້ກໍ່ສ້າງສຳເລັດແລ້ວຮ້ອຍສ່ວນຮ້ອຍ, ໂດຍມີຈຸດປະສົງເພື່ອເປັນການແກ້ໄຂ ແລະ ຕອບສະໜອງນໍ້າດື່ມ-ນ້ຳໃຊ້ໃຫ້ປະຊາຊົນ ບ້ານນ້ຳຍາບໄດ້ມີນ້ຳຊົມໃຊ້ຢ່າງສະດວກສະບາຍ ແລະ ພຽງພໍ, ເຮັດໃຫ້ຊຸມຊົນສາມາດມີນໍ້າດື່ມ-ນ້ຳໃຊ້ທີ່ມີຄວາມສະອາດ, ປອດໄພ ແລະ ຮັບປະກັນຄູນະພາບ. ໂດຍນຳໃຊ້ງົບປະມານໂຕຈິງໃນການກໍ່ສ້າງ 36 ພັນກວ່າໂດລາ ຫຼື ປະມານ 432.ລ້ານກວ່າກີບໂດຍໄດ້ຮັບທຶນຊ່ວຍເຫຼືອຈາກລັດຖະບານ ແລະ ປະຊາຊົນຢີ່ປຸ່ນ ໂດຍຜ່ານສະຖານທູດຢີ່ປຸ່ນປະຈຳລາວ ແລະ ທືນສົມທົບຂອງປະຊາຊົນ 53 ລ້ານກວ່າກີບ ແລະ ມາຮອດປັດຈຸບັນ ໄດ້ເປີດທົດລອງ ແລະ ນຳໃຊ້ນນໍ້າແລ້ວ.
ໂຄງການກໍ່ສ້າງລະບົບນ້ຳລິນບ້ານ ນ້ຳຍາບ ແມ່ນໄດ້ສຳເລັດຮ້ອຍສ່ວນຮ້ອຍ ຊຶ່ງໄດ້ສ້າງຄວາມສະດວກສະບາຍໃຫ້ກັບປະຊາຊົນພາຍໃນບ້ານໄດ້ເປັນຢ່າງດີ. ນອກນັ້ນ, ພະນັກງານວິຊາການກ່ຽວຂອງເມືອງຍັງໄດ້ຝຶກອົບຮົມເຕັກນິກໃນການນຳໃຊ້, ບໍາລຸງຮັກສາ ແລະ ການສ້ອມແປງ, ຄຸ້ມຄອງນ້ຳລິນໃຫ້ຊາວບ້ານ ແລະ ຄະນະກຳມະການຂັ້ນບ້ານເພື່ອໃຫ້ໄດ້ນຳໃຊ້ຢ່າງຍາວນານ.
(ຂ່າວ: ແສງສຸດາ ກິ່ງສະຫວັດ).
ຄໍາເຫັນ