ຄະນະໂຄສະນາອົບຮົມສູນກາງພັກ(ຄອສພ) ໄດ້ຈັດເຊື່ອມຊຶມຄໍາສັ່ງ, ຄໍາແນະນໍາ ກ່ຽວກັບການກະກຽມດໍາເນີນກອງປະຊຸມໃຫຍ່ 3 ຂັ້ນ ຂອງພັກ ຂຶ້ນໃນວັນທີ 22 ພະຈິກ ນີ້ທີ່ຫ້ອງປະຊຸມໃຫຍ່ ຄອສພ ໂດຍການເປັນປະທານ ຂອງທ່ານ ຄຳພັນ ເຜີຍຍະວົງ ເລຂາທິການສູນກາງພັກເລຂາຄະນະພັກຫົວໜ້າ ຄອສພ, ມີຄະນະປະຈຳພັກ, ເລຂາໜ່ວຍພັກ, ບັນຫົວໜ້າກົມ, ຮອງຫົວໜ້າກົມ, ຫົວໜ້າພະແນກ, ຮອງພະແນກ ແລະ ພະນັກງານທົ່ວ ຄອສພ ເຂົ້າຮ່ວມຢ່າງພ້ອມພຽງ.
ທ່ານ ຄຳພັນ ເຜີຍຍະວົງ ໄດ້ໃຫ້ກຽດເຜີຍແຜ່ເຊື່ອມຊຶມຄຳສັ່ງ ຂອງຄະນະເລຂາທິການສູນກາງພັກ ເລກທີ 411/ຄອສພ, ລົງວັນທີ 8/8/2023 ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນ ຂອງພັກ, ບົດແນະນຳ ຂອງຫ້ອງວ່າການສູນກາງພັກ ສະບັບເລກທີ 5/ຫສພ, ລົງວັນທີ 31/10/2023 ກ່ຽວກັບການກະກຽມເນື້ອໃນຮ່າງລາຍງານການເມືອງ ຂອງອົງຄະນະພັກ ແຕ່ລະຂັ້ນ ແລະ ແນະນຳໂຄງຮ່າງການສ້າງແຜນພັດທະນາເສດຖະກິດ-ສັງຄົມ; ມະຕິກອງປະຊຸມຄົບຄະນະຄັ້ງທີ 7 ຂອງຄະນະບໍລິຫານງານສູນກາງພັກ ສະໄໝທີ XI. ທ່ານໄດ້ເນັ້ນໜັກບັນຫາທີ່ສໍາຄັນຄື: ເພື່ອເປັນການປັບປຸງພາຍໃນພັກ ໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນ ຮັບປະກັນການກໍ່ສ້າງພັກ ຕາມ 5 ຫຼັກການ ແລະ ສາມທິດນຳຂອງພັກໃຫ້ຖືກຕ້ອງຕາມກົດລະບຽບ, ເພື່ອກວດກາ, ຕີລາຄາການຜັນຂະຫຍາຍນຳພາ-ຊີ້ນຳ ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ, ກົດລະບຽບພັກແຜນພັດທະນາເສດຖະກິດ-ສັງຄົມ 5 ປີ ແຫ່ງລັດ ຄັ້ງທີ IX; ຕິດພັນກັບການປະຕິບັດມະຕິກອງປະຊຸມໃຫຍ່ ແລະ ແຜນພັດທະນາເສດຖະກິດ-ສັງຄົມ 5 ປີ ຂອງທ້ອງຖິ່ນ, ຂະແໜງການ; ເພື່ອຄັດເລືອກບຸກຄະລາກອນ ທີ່ມີມາດຕະຖານເງື່ອນໄຂຕາມທີ່ກຳນົດໄວ້ປະກອບເຂົ້າໃນການຈັດຕັ້ງແຕ່ລະຂັ້ນ ໃນລະບົບການເມືອງ, ເພື່ອບຸກທະລຸການສ້າງການຫັນປ່ຽນຢ່າງແຂງແຮງ ແລະ ເລິກເຊິ່ງ; ເພື່ອຍູ້ແຮງການເຄື່ອນໄຫວວຽກງານຮອບດ້ານ ໃນທົ່ວອົງຄະນະພັກ, ປຸກລະດົມສະມາຊິກພັກ, ພະນັກງານ, ທະຫານ, ຕໍາຫຼວດ ແລະ ປະຊາຊົນບັນດາເຜົ່າ ເຂົ້າຮ່ວມພາລະກິດປົກປັກຮັກສາ ແລະ ພັດທະນາປະເທດຊາດ. ທ່ານຍັງໄດ້ເນັ້ນຕື່ມອີກວ່າ: 1). ຈຸດປະສົງລະດັບຄາດໝາຍ,2). ການກະກຽມໃຫ້ແກ່ການດໍາເນີນກອງປະຊຸມໃຫຍ່ ຂອງພັກແຕ່ລະຂັ້ນ, 3). ກອງປະຊຸມໃຫຍ່ ແລະ ໄລຍະເວລາດຳເນີນກອງປະຊຸມໃຫຍ່ ຄະນະພັກແຕ່ລະຂັ້ນ ແລະ ວິທີການຈັດຕັ້ງປະຕິບັດ; ທ່ານຍັງໄດ້ຮຽກຮ້ອງໃຫ້ຄະນະພັກ, ໜ່ວຍພັກ, ບຸກຄົນພາຍໃນພັກ ແລະ ສະມາຊິກພັກ ຕະຫຼອດຮອກພະນັກງານລັດຖະກອນ ທົ່ວ ຄອສພ ຈົ່ງພ້ອມກັນເອົາໃຈໃສ່ຈັດຕັ້ງປະຕິບັດ ໃຫ້ປະກົດຜົນເປັນຈິງ.
ຈາກນັ້ນ, ທ່ານ ນາງ ວິລະວອນ ພັນທະວົງ ຄະນະປະຈຳພັກຮອງຫົວໜ້າ ຄອສພ ໄດ້ເຜີຍແຜ່ເຊື່ອມຊຶຶມຄຳແນະນຳ ຂອງຄະນະກວດກາສູນກາງພັກ ສະບັບເລກທີ 285/ ຄກສພ, ລົງວັນທີ 15/9/2023 ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນ ຂອງພັກ ຄື: 1. ຈຸດປະສົງລະດັບຄາດໝາຍ ຂອງການດຳເນີນຊີວິດການເມືອງ,2. ເນື້ອໃນເຈາະຈີ້ມສຳຫຼວດການນຳພາລວມ ຂອງຄະນະບໍລິຫານງານພັກ, ບຸກຄົນຄະນະພັກ ແລະ ສະມາຊິກພັກ, 3. ຂັ້ນຕອນ ແລະ ວິທີການດຳເນີນ ແລະ ວິທີການຈັດຕັ້ງປະຕິບັດ 4 ບັນຫາສຳກຄັນດັ່ງກ່າວນັ້ນ ແມ່ນເພື່ອຜັນຂະຫຍາຍ ແລະ ຈັດຕັ້ງປະຕິບັດເນື້ອໃນຄຳສັ່ງ ຂອງຄະນະເລຂາທິການສູນກາງພັກ ສະບັບເລກທີ 411/ ຄລສພ, ລົງວັນທີ 8 ສິງຫາ 2023 ໃຫ້ຖືກຕ້ອງ, ເປັນເອກະພາບ ແລະ ທັນເວລາ ໃນທົ່ວພັກ, ຄະນະກວດກາສູນກາງພັກ ຈຶ່ງໄດ້ອອກຄຳສັ່ງແນະນຳ ການກະກຽມ ແລະ ດຳເນີນຊີວິດການເມືອງທ້າຍສະໄໝກອງປະຊຸມໃຫຍ່ 3 ຂັ້ນ ຂອງພັກ.
ໃນຕອນບ່າຍ ຂອງວັນດຽວກັນນີ້ ທ່ານ ລາວປາວຊົ່ງ ນະວົງໄຊ ຮອງເລຂາຄະນະພັກ, ຮອງຫົວໜ້າ ຄອສພ ໄດ້ຂຶ້ນຜ່ານຂໍ້ຕົກລົງ ຂອງຄະນະເລຂາທິການສູນກາງພັກ ເລກທີ 416/ຄລສພ ລົງວັນທີ 25/8/2023 ວ່າດ້ວຍການຈັດຕັ້ງ ແລະ ການເຄື່ອນໄຫວ ຂອງຄະນະພັກຮາກຖານກຸ່ມບ້ານ ຫຼື ບ້ານໃຫຍ່ ຊຶ່ງທ່ານໄດ້ຍົກໃຫ້ເຫັນ 5 ໝວດຄື: ທີ່ຕັ້ງ ແລະ ພາລະບົດບາດ; ໜ້າທີ່ ແລະ ຂອບເຂດສິດ; ໂຄງປະກອບການຈັດຕັ້ງ ແລະ ບຸກຄະລາກອນ; ແບບແຜນວິທີການເຮັດວຽກ ແລະ ວິທີການຈັດຕັ້ງປະຕິບັດ; ທ່ານ ອານົງສັກ ອິນທະວົງ ຄະນະພັກ, ຫົວໜ້າກົມຈັດຕັ້ງ-ພະນັກງານ ໄດ້ເຜີຍແຜ່ຄຳແນະນໍາ ຂອງຄະນະຈັດຕັ້ງສູນກາງພັກ ເລກທີ 211/ຄຈສພ, ລົງວັນທີ 16/8/2023 ການຈັດຕັ້ງປະຕິບັດຄຳສັ່ງ ຂອງຄະນະເລຂາທິການສູນການພັກ ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ.
(ຂ່າວ-ພາບ: ພັດ ລໍວັນໄຊ)
ທ່ານ ຄຳພັນ ເຜີຍຍະວົງ ໄດ້ໃຫ້ກຽດເຜີຍແຜ່ເຊື່ອມຊຶມຄຳສັ່ງ ຂອງຄະນະເລຂາທິການສູນກາງພັກ ເລກທີ 411/ຄອສພ, ລົງວັນທີ 8/8/2023 ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນ ຂອງພັກ, ບົດແນະນຳ ຂອງຫ້ອງວ່າການສູນກາງພັກ ສະບັບເລກທີ 5/ຫສພ, ລົງວັນທີ 31/10/2023 ກ່ຽວກັບການກະກຽມເນື້ອໃນຮ່າງລາຍງານການເມືອງ ຂອງອົງຄະນະພັກ ແຕ່ລະຂັ້ນ ແລະ ແນະນຳໂຄງຮ່າງການສ້າງແຜນພັດທະນາເສດຖະກິດ-ສັງຄົມ; ມະຕິກອງປະຊຸມຄົບຄະນະຄັ້ງທີ 7 ຂອງຄະນະບໍລິຫານງານສູນກາງພັກ ສະໄໝທີ XI. ທ່ານໄດ້ເນັ້ນໜັກບັນຫາທີ່ສໍາຄັນຄື: ເພື່ອເປັນການປັບປຸງພາຍໃນພັກ ໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນ ຮັບປະກັນການກໍ່ສ້າງພັກ ຕາມ 5 ຫຼັກການ ແລະ ສາມທິດນຳຂອງພັກໃຫ້ຖືກຕ້ອງຕາມກົດລະບຽບ, ເພື່ອກວດກາ, ຕີລາຄາການຜັນຂະຫຍາຍນຳພາ-ຊີ້ນຳ ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ, ກົດລະບຽບພັກແຜນພັດທະນາເສດຖະກິດ-ສັງຄົມ 5 ປີ ແຫ່ງລັດ ຄັ້ງທີ IX; ຕິດພັນກັບການປະຕິບັດມະຕິກອງປະຊຸມໃຫຍ່ ແລະ ແຜນພັດທະນາເສດຖະກິດ-ສັງຄົມ 5 ປີ ຂອງທ້ອງຖິ່ນ, ຂະແໜງການ; ເພື່ອຄັດເລືອກບຸກຄະລາກອນ ທີ່ມີມາດຕະຖານເງື່ອນໄຂຕາມທີ່ກຳນົດໄວ້ປະກອບເຂົ້າໃນການຈັດຕັ້ງແຕ່ລະຂັ້ນ ໃນລະບົບການເມືອງ, ເພື່ອບຸກທະລຸການສ້າງການຫັນປ່ຽນຢ່າງແຂງແຮງ ແລະ ເລິກເຊິ່ງ; ເພື່ອຍູ້ແຮງການເຄື່ອນໄຫວວຽກງານຮອບດ້ານ ໃນທົ່ວອົງຄະນະພັກ, ປຸກລະດົມສະມາຊິກພັກ, ພະນັກງານ, ທະຫານ, ຕໍາຫຼວດ ແລະ ປະຊາຊົນບັນດາເຜົ່າ ເຂົ້າຮ່ວມພາລະກິດປົກປັກຮັກສາ ແລະ ພັດທະນາປະເທດຊາດ. ທ່ານຍັງໄດ້ເນັ້ນຕື່ມອີກວ່າ: 1). ຈຸດປະສົງລະດັບຄາດໝາຍ,2). ການກະກຽມໃຫ້ແກ່ການດໍາເນີນກອງປະຊຸມໃຫຍ່ ຂອງພັກແຕ່ລະຂັ້ນ, 3). ກອງປະຊຸມໃຫຍ່ ແລະ ໄລຍະເວລາດຳເນີນກອງປະຊຸມໃຫຍ່ ຄະນະພັກແຕ່ລະຂັ້ນ ແລະ ວິທີການຈັດຕັ້ງປະຕິບັດ; ທ່ານຍັງໄດ້ຮຽກຮ້ອງໃຫ້ຄະນະພັກ, ໜ່ວຍພັກ, ບຸກຄົນພາຍໃນພັກ ແລະ ສະມາຊິກພັກ ຕະຫຼອດຮອກພະນັກງານລັດຖະກອນ ທົ່ວ ຄອສພ ຈົ່ງພ້ອມກັນເອົາໃຈໃສ່ຈັດຕັ້ງປະຕິບັດ ໃຫ້ປະກົດຜົນເປັນຈິງ.
ຈາກນັ້ນ, ທ່ານ ນາງ ວິລະວອນ ພັນທະວົງ ຄະນະປະຈຳພັກຮອງຫົວໜ້າ ຄອສພ ໄດ້ເຜີຍແຜ່ເຊື່ອມຊຶຶມຄຳແນະນຳ ຂອງຄະນະກວດກາສູນກາງພັກ ສະບັບເລກທີ 285/ ຄກສພ, ລົງວັນທີ 15/9/2023 ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນ ຂອງພັກ ຄື: 1. ຈຸດປະສົງລະດັບຄາດໝາຍ ຂອງການດຳເນີນຊີວິດການເມືອງ,2. ເນື້ອໃນເຈາະຈີ້ມສຳຫຼວດການນຳພາລວມ ຂອງຄະນະບໍລິຫານງານພັກ, ບຸກຄົນຄະນະພັກ ແລະ ສະມາຊິກພັກ, 3. ຂັ້ນຕອນ ແລະ ວິທີການດຳເນີນ ແລະ ວິທີການຈັດຕັ້ງປະຕິບັດ 4 ບັນຫາສຳກຄັນດັ່ງກ່າວນັ້ນ ແມ່ນເພື່ອຜັນຂະຫຍາຍ ແລະ ຈັດຕັ້ງປະຕິບັດເນື້ອໃນຄຳສັ່ງ ຂອງຄະນະເລຂາທິການສູນກາງພັກ ສະບັບເລກທີ 411/ ຄລສພ, ລົງວັນທີ 8 ສິງຫາ 2023 ໃຫ້ຖືກຕ້ອງ, ເປັນເອກະພາບ ແລະ ທັນເວລາ ໃນທົ່ວພັກ, ຄະນະກວດກາສູນກາງພັກ ຈຶ່ງໄດ້ອອກຄຳສັ່ງແນະນຳ ການກະກຽມ ແລະ ດຳເນີນຊີວິດການເມືອງທ້າຍສະໄໝກອງປະຊຸມໃຫຍ່ 3 ຂັ້ນ ຂອງພັກ.
ໃນຕອນບ່າຍ ຂອງວັນດຽວກັນນີ້ ທ່ານ ລາວປາວຊົ່ງ ນະວົງໄຊ ຮອງເລຂາຄະນະພັກ, ຮອງຫົວໜ້າ ຄອສພ ໄດ້ຂຶ້ນຜ່ານຂໍ້ຕົກລົງ ຂອງຄະນະເລຂາທິການສູນກາງພັກ ເລກທີ 416/ຄລສພ ລົງວັນທີ 25/8/2023 ວ່າດ້ວຍການຈັດຕັ້ງ ແລະ ການເຄື່ອນໄຫວ ຂອງຄະນະພັກຮາກຖານກຸ່ມບ້ານ ຫຼື ບ້ານໃຫຍ່ ຊຶ່ງທ່ານໄດ້ຍົກໃຫ້ເຫັນ 5 ໝວດຄື: ທີ່ຕັ້ງ ແລະ ພາລະບົດບາດ; ໜ້າທີ່ ແລະ ຂອບເຂດສິດ; ໂຄງປະກອບການຈັດຕັ້ງ ແລະ ບຸກຄະລາກອນ; ແບບແຜນວິທີການເຮັດວຽກ ແລະ ວິທີການຈັດຕັ້ງປະຕິບັດ; ທ່ານ ອານົງສັກ ອິນທະວົງ ຄະນະພັກ, ຫົວໜ້າກົມຈັດຕັ້ງ-ພະນັກງານ ໄດ້ເຜີຍແຜ່ຄຳແນະນໍາ ຂອງຄະນະຈັດຕັ້ງສູນກາງພັກ ເລກທີ 211/ຄຈສພ, ລົງວັນທີ 16/8/2023 ການຈັດຕັ້ງປະຕິບັດຄຳສັ່ງ ຂອງຄະນະເລຂາທິການສູນການພັກ ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ.
(ຂ່າວ-ພາບ: ພັດ ລໍວັນໄຊ)
ຄໍາເຫັນ