ມີຄູອາຈານ-ພະນັກງານທັງໝົດ 86 ຄົນ ຍິງ 45 ຄົນ, ມີນັກສຶກສາທັງໝົດ 4,125 ຄົນ ຍິງ 2,777 ຄົນ. ໃນນີ້, ມີສຶກສາປະລິນຍາເອກ 12 ຄົນ ຍິງ 4 ຄົນ, ນັກສຶກສາປະລິນຍາໂທ 157 ຄົນ ຍິງ 74 ຄົນ ແລະ ນັກສຶກສາປາລິນຍາຕີ 3,954 ຄົນ ຍິງ 2,700 ຄົນ. ໃນນັ້ນ, ຄສບ ເນັ້ນໃຫ້ນັກສຶກສາຮັບປະກັນ 3 ລັກສະນະ 5 ຫຼັກມູນຂອງກະຊວງສຶກສາທິການ ແລະ ກິລາ (ສສກ) ວາງອອກ.
ທ່ານ ນາງວາດສະໜາ ຈັນທະນະສິນ ຮອງຄະນະບໍດີ ຄສບ ໄດ້ຜ່ານບົດສະຫຼຸບການຈັດຕັ້ງປະຕິບັດແຜນການສົກປີ 2023-2024 ແລະ ທິດທາງແຜນການ ສົກປີ 2024-2025 ຕໍ່ພິທີສະຫຼຸບການຮຽນ-ການສອນສົກສຶກສາ 2023-2024, ເປີດສົກຮຽນໃໝ່ 2024-2025 ແລະ ມອບ-ຮັບໃບປະກາສະນີຍະບັດໃຫ້ຜູ້ສໍາເລັດການສຶກສາ ປະຈໍາສົກສຶກສາ 2023-2024 ເມື່ອບໍ່ດົນມານີ້ ທີ່ຄະນະດັ່ງກ່າວວ່າ: ສໍາລັບແຜນການສົກສຶກສາ 2024-2025 ຄສບ ຈະສືບຕໍ່ໃຫ້ພະນັກງານ, ຄູ-ອາຈານ ມີແນວຄິດຫຼັກໝັ້ນການເມືອງດີ, ມີຄວາມເຊື່ອໝັ້ນຕໍ່ການນໍາພາ, ມີແນວຄິດອຸ່ນອ່ຽນທຸ່ນທ່ຽງດີ, ມີຄວາມດຸໝັ່ນຄົ້ນຄວ້າ ແລະ ພັດທະນາຕົນເອງຂຶ້ນຕື່ມ; ຈະສືບຕໍ່ຈັດຕັ້ງປະຕິບັດເຜີຍແຜ່-ເຊື່ອມຊຶມແນວທາງນະໂຍບາຍຂອງພັກ ແລະ ລັດວາງອອກ ອີງຕາມວັນສໍາຄັນຕ່າງໆຂອງຊາດ; ການຂຶ້ນຫ້ອງສອນຂອງຄູ-ອາຈານ ໃນແຕ່ລະຊົ່ວໂມງ ຈະສືບຕໍ່ສຶກສາແນວຄິດ ໃຫ້ນັກສຶກສາຂອງແຕ່ລະພາກວິຊາ ເພື່ອຮັບປະກັນ 3 ລັກສະນະ 5 ຫຼັກມູນຂອງກະຊວງ ສສກ ວາງອອກ.
ສໍາລັບວຽກງານດ້ານວິຊາການ: ວຽກງານປະລິນຍາຕີ ແລະ ຫຼັງປະລິນຍາຕີ ໃຫ້ໄດ້ຈັດ ແລະ ເຂົ້າຮ່ວມການຝຶກອົບຮົມ 10 ຄັ້ງ ໃນຫົວຂໍ້ຕ່າງໆ; ຈັດກອງປະຊຸມສໍາມະນາທາງວິຊາການພາຍໃນ ໃຫ້ໄດ້ 30 ຄັ້ງ ແລະ ຢູ່ຕ່າງປະເທດໃຫ້ໄດ້ 10 ຄັ້ງ; ຈັດການສອບເສັງເພື່ອຄັດເລືອກເອົານັກສຶກສາປະລິນຍາຕີ ໄປຮຽນຕໍ່ໃນຫຼັກສູດ 2+2 ຢູ່ ນະຄອນຫຼວງໂຕກຽວ ປະເທດຍີ່ປຸ່ນ; ຄສບ ກຳລັງສ້າງຫຼັກສູດ 1+2 ຮ່ວມມືກັບມະຫາວິທະຍາໄລໂຮຮາຍ ສປ ຈີນ ເພື່ອໃຫ້ທຶນແກ່ນັກສຶກສາປະລິນຍາໂທໃນສາຂາບໍລິຫານທຸລະກິດ ແລະ ສາຂາການບັນຊີ; ໃຫ້ໄດ້ເຊີນໄປສອນ ຫຼື ບັນຍາຍພິເສດຢູ່ມະຫາວິທະຍາໄລ ຫຼື ສະຖາບັນຕ່າງໆທີ່ ຕ່າງປະເທດ 2 ຄົນ ແລະ ພາຍໃນ 5 ຄົນ; ສືບຕໍ່ບໍລິການແກ່ສັງຄົມພາຍນອກເຊັ່ນ: ໄປບັນຍາຍພິເສດ ຫຼື ເປັນວິທະຍາກອນໃນຫົວຂໍ້ຕ່າງໆໃຫ້ພາກສ່ວນລັດ ແລະ ອົງກອນເອກະຊົນໃຫ້ໄດ້ 5 ຄັ້ງ; ເຊີນອາຈານທາງນອກມາບັນລະຍາຍພິເສດໃຫ້ແກ່ຄູ-ອາຈານ ພາຍໃນ ຄສບ ໃຫ້ໄດ້ 2 ຄັ້ງ; ໃນແຕ່ລະປີ ຄສບ ໃຫ້ໄດ້ລົງໄປໂຄສະນາເຜີຍແຜ່ຫຼັກສູດໃຫ້ກັບນັກສຶກສາ ທີ່ໂຮງຮຽນມັດທະຍົມຕອນປາຍຕ່າງໆ ເພື່ອກຽມພ້ອມເລືອກສາຂາວິຊາຮຽນໃຫ້ໄດ້ນໍາພາ ແລະ ຕິດຕາມການໄປທັດສະນະສຶກສາຂອງນັກສຶກສາປະລິນຍາໂທ ແລະ ເຂົ້າຮ່ວມກິດຈະກຳຕ່າງໆ 10 ຄັ້ງ; ເຂົ້າຮ່ວມງານວາງສະແດງຕ່າງໆທັງພາຍໃນ ແລະ ຕ່າງປະເທດທັງໝົດ 2 ຄັ້ງ; ໃຫ້ໄດ້ຈັດຕັ້ງການຮຽນການສອນວິຊາປ້ອງກັນຕົວໃຫ້ກັບນັກສຶກສາ ປີ 1 ເປັນປົກະຕິ; ໃຫ້ໄດ້ຈັດງານຕະຫຼາດນັດນັກສຶກສາ ຄສບ 1 ຄັ້ງຕໍ່ປີ; ໄດ້ຮ່ວມເຊັນສັນຍາການຮ່ວມມື (MOU, MOA) ກັບພາກສ່ວນຕ່າງໆທັງພາຍໃນ ແລະ ຕ່າງປະເທດໄດ້ 3 ຄັ້ງ; ໃຫ້ໄດ້ນໍາສົ່ງນັກສຶກສາປະລິນຍາໂທ ເພື່ອໄປແລກປ່ຽນບົດຮຽນເປັນເວລາ 5 ເດືອນ ທີ່ມະຫາວິທະຍາໄລໂກເບ ປະເທດຍີ່ປຸ່ນ; ໃຫ້ໄດ້ເຂົ້າຮ່ວມການແຂ່ງຂັນແຜນທຸລະກິດ; ໃຫ້ໄດ້ຕ້ອນຮັບຄະນະອາຈານ ແລະ ນັກສຶກສາ ຈາກຕ່າງປະເທດເຂົ້າມາທັດສະນະສຶກສາແລກປ່ຽນຄວາມຮູ້ທາງວິຊາການກັບ ຄສບ ຈໍານວນ 10 ຄັ້ງ; ຂຽນ ແລະ ຮຽບຮຽງປຶ້ມໃຫ້ໄດ້ຈໍານວນ 5 ເຫຼັ້ມ.
ຄໍາເຫັນ