 |
ໃນການເຄື່ອນໄຫວ ຢູ່ແຂວງວຽງຈັນ, ທ່ານຫົວໜ້າກົມໂຄສະນາພ້ອມຄະນະ ໄດ້ຢ້ຽມຂໍ່ານັບ ທ່ານ ພອນແກ້ວ ຂຸນພົນ ຮອງເລຂາພັກແຂວງ ຜູ້ຊີ້ນຳວຽກງານພັກ-ພະນັກງານ ແລະ ວຽກງານມະຫາຊົນຂອງແຂວງວຽງຈັນ ເພື່ອແຈ້ງຈຸດປະສົງການເຄື່ອນໄຫວວຽກງານ ຢູ່ແຂວງວຽງຈັນ, ຫຼັງຈາກນັ້ນ 2 ຝ່າຍກໍໄດ້ພົບປະແລກປ່ຽນບົດຮຽນຊຶ່ງກັນ ແລະ ກັນ ທີ່ຫ້ອງວ່າການປົກຄອງແຂວງວຽງຈັນ. ການພົບປະຄັ້ງນີ້ ກົມໂຄສະນາ ຄອສພ ນຳໂດຍ ທ່ານ ບົວໄລ ພານຸວົງ ຫົວໜ້າກົມໂຄສະນາ, ຄະນະໂຄສະນາອົບຮົມແຂວງວຽງຈັນ (ຄອຂ) ນຳໂດຍ ທ່ານ ນາງ ຈັນທະຄອນ ສີອຳພອນ ກຳມະການປະຈຳພັກແຂວງ ຫົວໜ້າ ຄອຂ, ໂດຍມີພະນັກງານວິຊາການ 2 ຝ່າຍເຂົ້າຮ່ວມ.
ການພົບປະ 2 ຝ່າຍໄດ້ແຈ້ງສະພາບການເຄື່ອນໄຫວວຽກງານວິຊາສະເພາະໃນໄລຍຜ່ານມາໃຫ້ກັນຊາບ ນັບທັງຜົນສໍາເລັດທີ່ຍາດມາໄດ້, ບັນດາຈຸດອ່ອນຂໍ້ຄົງຄ້າງ ແລະ ວຽກງານຈຸດສຸມໃນຊຸມປີຕໍ່ໜ້າ, ຈາກນັ້ນ ສອງຝ່າຍໄດ້ແລກປ່ຽນບັນຫາທີ່ສົນໃຈນໍາກັນ ເພື່ອສ້າງຄວາມເຂົ້າໃຈທີ່ຖືກຕ້ອງ ແລະ ສ້າງຄວາມເປັນເອກະພາບການເຄື່ອນໄຫວວຽກງານໃນອະນາຄົດ ເປັນຕົ້ນ: ວຽກງານໂຄສະນາປາຖະກະຖາ, ວຽກງານໂຄສະນາເຄື່ອນທີ່, ການໂຄສະນາແນວທາງນະໂຍບາຍ ຂອງພັກ, ການສ້າງຕາໜ່າງເພື່ອນຮ່ວມງານ ແລະ ບັນຫາການນໍາໃຊ້ວາລະສານໂຄສະນາ.
 |
ສໍາລັບ ຢູ່ເມືອງວັງວຽງ ການພົບປະໄດ້ຈັດຂຶ້ນທີ່ຫ້ອງວ່າການປົກຄອງເມືອງວັງວຽງ, ກົມໂຄສະນາ ນໍາໂດຍ ທ່ານ ບົວໄລ ພານຸວົງ ຫົວໜ້າກົມໂຄສະນາ ຄອສພ, ເມືອງວັງວຽງ ນໍາໂດຍ ທ່ານ ສຸວຽງທອງ ວົງຈໍາປາ ຮອງເລຂາພັກເມືອງ ປະທານຄະນະກຳມະການປົກຄອງເມືອງ, ໂດຍມີພະນັກງານກ່ຽວຂ້ອງທັງສອງຝ່າຍເຂົ້າຮ່ວມ.
ຫຼັງຈາກນັ້ນ ພະນັກງານກົມໂຄສະນາ ຄອສພ ໄດ້ໄປທັດສະນະ ແລະ ທ່ຽວຊົມສະຖານທີ່ທ່ອງທ່ຽວຈໍານວນໜຶ່ງ ຂອງເມືອງວັງວຽງ ເປັນຕົ້ນແມ່ນ: ຖໍ້າສິນໄຊ, ຖໍ້ານໍ້າ ແລະ ຖໍ້າປູຄໍາຕື່ມອີກ.
ຂ່າວ: ມີໄຊ; ພາບ: ຫວ່າງ
ຄໍາເຫັນ