ກົມປ່າໄມ້ສົ່ງເສີມການປູກໄມ້-ນໍາໃຊ້ໄມ້-ເຄື່ອງປ່າຂອງດົງ

ໂດຍ: ໂຕະວິນຍານ
ທ່ານສົມຫວັງພິມມະວົງ ຫົວໜ້າກົມປ່າໄມ້ ກະຊວງກະສິກໍາ-ປ່າໄມ້ ລາຍງານໃຫ້ຊາບວ່າ:ໃນປີ 2023 ຜ່ານມາ,ທົ່ວປະເທດ ກ້າເບ້ຍໄມ້ໄດ້ທັງໝົດ  32.099 ເບ້ຍ ເທົ່າກັບ 92% ຂອງແຜນການ,ປູກຕົ້ນໄມ້ໄດ້20.446 ເຮັກຕາ ເທົ່າກັບ 49%, ເກັບແກ່ນໄມ້ໄດ້ 18.076 ກິໂລ ເທົ່າກັບ 87%, ຟື້ນຟູປ່າ ໄດ້ 391.634 ເຮັກຕາ, ເທົ່າກັບ 79%.
ສໍາລັບວຽກງານນໍາໃຊ້ປ່າໄມ້ ແລະເຄື່ອງປ່າຂອງດົງ ກົມປ່າໄມ້ໄດ້ລົງກວດກາເກັບກໍາສະຖິຕິ,ພ້ອມທັງດັດສົມໂຮງງານທີ່ດໍາເນີນທຸລະກິດຖືກຕ້ອງຕາມກົດໝາຍ ແລະໃຫ້ສອດຄ່ອງກັບນິຕິກໍາໃນໄລຍະໃໝ່.ມາຮອດປັດຈຸບັນ,ກົມປ່າໄມ້ໄດ້ສໍາເລັດການມອບ-ຮັບໂຮງງານອຸດສາຫະກໍາປຸງແຕ່ງໄມ້,ເຄື່ອງປ່າຂອງດົງ ແລະ ຢາງພາລາ ໃນຂອບເຂດທົ່ວປະເທດ,ລວມທັງໝົດ 1.320 ແຫ່ງ.ສະເພາະໂຮງງານອຸດສາຫະກຳປຸງແຕ່ງໄມ້ ມີທັງໝົດ  1.101 ແຫ່ງ, ໃນນີ້ມີໂຮງເລື່ອຍໄມ້ຈໍານວນ 3 ແຫ່ງ;ໂຮງງານປຸງແຕ່ງໄມ້ສໍາເລັດຮູບຈໍານວນ394 ແຫ່ງ;ໂຮງງານເຟີນີເຈີ 587 ແຫ່ງ;ໂຮງເຟີນີເຈີແບບຄອບຄົວ 117 ແຫ່ງ; ໂຮງງານປຸງແຕ່ງເຄື່ອງປ່າຂອງດົງ 164 ແຫ່ງ, ໃນນີ້ມີໂຮງງານຜະລິດຖ່ານຂາວ 117 ແຫ່ງ;ໂຮງງານປງແຕ່ງໄມ້ປ່ອງ 31 ແຫ່ງ;ໂຮງງານປຸງແຕ່ງໝາກຕາວ ເຄິ່ງສຳເລັດຮູບ 9 ແຫ່ງ;ໂຮງງານປຸງແຕ່ງເຄືອແຫມ ຈໍານວນ  7 ແຫ່ງ ແລະ ໂຮງງານປຸງແຕ່ງ ຢາງພາລາ 55 ແຫ່ງ.