ກົມສ່ວຍສາອາກອນສະຫຼຸບວຽກງານກໍ່ສ້າງພັກ-ພະນັກງານ

ກະຊວງການເງິນໄດ້ຈັດກອງປະຊຸມສະຫຼຸບວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງປະຈໍາປີ 2023 ແລະ ແຜນການປະຈໍາປີ 2024 ຂຶ້ນໃນວັນທີ 13 ມີນານີ້ທີ່ຫ້ອງປະຊຸມກົມດັ່ງກ່າວໂດຍການເປັນປະທານຂອງທ່ານບຸນປອນ ວັນນະຈິດ ຮອງລັດຖະມົນຕີກະຊວງການເງິນ, ມີບັນດາຫົວໜ້າກົມ-ຮອງກົມ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານບຸນປອນ ວັນນະຈິດ ກ່າວວ່າ: ກອງປະຊຸມຄັ້ງນີ້ໄດ້ເຜີຍແຜ່ບົດໂອ້ລົມຂອງສະຫາຍຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດ ຕໍ່ກອງປະຊຸມສະຫຼຸບວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງທົ່ວປະເທດປະຈໍາປີ 2023;ເຜີຍແຜ່ເອກະສານທິດຊີ້ນຳຂອງສະຫາຍເລຂາທິການໃຫຍ່ຄະນະບໍລິຫານງານສູນກາງພັກຕໍ່ວຽກງານການເງິນທົ່ວປະເທດ, ເຜີຍແຜ່ຄໍາແນະນໍາຂອງຄະນະຈັດຕັ້ງສູນກາງພັກ ສະບັບເລກທີ13/ຄຈສພ, ລົງວັນທີ 11/1/2024; ຄໍາແນະນໍາຂອງຄະນະຈັດຕັ້ງສູນກາງພັກສະບັບເລກທີ14/ຄຈສພ, ລົງວັນທີ 11/1/2024;ການຈັດຕັ້ງປະຕິບັດວຽກງານກໍ່ສ້າງພັກ-ພະນັກງານ ແລະປັບປຸງກົງຈັກການຈັດຕັ້ງທົ່ວປະເທດສະບັບເລກທີ 30/ຄຈສພ,ລົງວັນທີ 8 ກຸມພາ 2024;ຜ່ານບົດສະຫຼຸບວຽກງານຕີລາຄາການຈັດຕັ້ງປະຕິບັດວຽກງານກໍ່ສ້າງພັກ-ພະນັກງານ ແລະປັບປຸງກົງຈັກການຈັດຕັ້ງປະຈໍາປີ2023 ແລະ ແຜນການປະຈໍາປີ 2024ເພື່ອເຮັດໃຫ້ການຈັດຕັ້ງເຊື່ອມຊຶມ ແລະ ຜັນຂະຫຍາຍເນື້ອໃນກອງປະຊຸມວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງທົ່ວປະເທດປະຈຳປີ 2023 ໃຫ້ໄດ້ຮັບການຈັດຕັ້ງປະຕິບັດທີ່ສອດຄ່ອງແລະ ເປັນເອກະພາບກັນຫັນເຂົ້າສູ່ການເຄື່ອນໄຫວຕົວຈິງ.ພ້ອມທັງສະຫຼຸບຕີລາຄາການຈັດຕັ້ງວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງຂັ້ນຂອງຕົນ, ຄະນະຈັດຕັ້ງສູນກາງພັກຈຶ່ງອອກຄຳແນະນຳດັ່ງນີ້:ຈຸດປະສົງເພື່ອເຮັດໃຫ້ການຜັນຂະຫຍາຍ ແລະ ຈັດຕັ້ງປະຕິບັດເນື້ອໃນກອງປະຊຸມສະຫຼຸບວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງທົ່ວປະເທດ ມີຄວາມເປັນເອກະພາບທາງດ້ານເນື້ອໃນ, ຂັ້ນຕອນ ແລະ ວິທີການຈັດຕັ້ງປະຕິບັດ, ເພື່ອເປັນບ່ອນອີງໃຫ້ຄະນະພັກ, ກົມຈັດຕັ້ງ-ພະນັກງານກະຊວງ-ອົງການ ແລະ ຄະນະບໍລິຫານງານພັກ, ຄະນະຈັດຕັ້ງແຂວງ-ນະຄອນຫຼວງ ຈັດຕັ້ງເຜີຍແຜ່ເນື້ອໃນກອງປະຊຸມສະຫຼຸບວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງທົ່ວປະເທດປະຈຳປີ 2023 ໃຫ້ສະມາຊິກພັກ, ພະນັກງານ-ລັດຖະກອນທີ່ຢູ່ໃນຄວາມຮັບຜິດຊອບຂອງຕົນ ຮັບຮູ້ເຂົ້າໃຈເປັນເອກະພາບຕໍ່ເນື້ອໃນກອງປະຊຸມດັ່ງກ່າວ ແລະ ນຳພາຈັດຕັ້ງຜັນຂະຫຍາຍເປັນທິດທາງແຜນການຂອງທ້ອງຖິ່ນ ແລະ ຂະແໜງການຕົນ, ເລັ່ງໃສ່ເສີມຂະຫຍາຍດ້ານຕັ້ງໜ້າ, ຈຳກັດແກ້ໄຂດ້ານອ່ອນ-ຂໍ້ຄົງຄ້າງ ແລະ ສິ່ງຫຍໍ້ທໍ້ຕ່າງໆ ກ່ຽວກັບວຽກງານຈັດຕັ້ງ ແນໃສ່ເຮັດໃຫ້ວຽກງານດັ່ງກ່າວບັນລຸຕາມຄາດໝາຍທີ່ວາງໄວ້.ເພື່ອຍູ້ແຮງຂະບວນການເຄື່ອນໄຫວວຽກງານກໍ່ສ້າງພັກ-ພະນັກງານ ແລະປັບປຸງກົງຈັກການຈັດຕັ້ງພ້ອມທັງເພີ່ມທະວີຄວາມຮັບຜິດຊອບ, ຄວາມເປັນເຈົ້າການຂອງຄະນະພັກ, ຄະນະຈັດຕັ້ງແຕ່ລະຂັ້ນຕໍ່ວຽກງານດັ່ງກ່າວໃຫ້ສູງຂຶ້ນກວ່າເກົ່າ.ເພື່ອຈັດຕັ້ງເຜີຍແຜ່ເຊື່ອມຊຶມນິຕິກຳວຽກງານພະນັກງານ ໃຫ້ຄະນະພັກ, ພະນັກງານ-ສະມາຊິກພັກມີຄວາມຮັບຮູ້ເຂົ້າໃຈຢ່າງຖືກຕ້ອງ, ສ້າງຄວາມເປັນເອກະພາບໃນການຈັດຕັ້ງປະຕິບັດ ເພື່ອໃຫ້ມີຜົນສໍາເລັດຕາມລະດັບຄາດໝາຍ.ໃນ 1 ປີຜ່ານມາການຈັດຕັ້ງພະນັກງານກໍ່ສ້າງພັກທາງດ້ານການເມືອງ-ແນວຄິດ, ການຈັດຕັ້ງແບບແຜນການນຳພາແລະວິທີເຮັດວຽກແມ່ນດຳເນີນຕາມ 5 ຫຼັກການແລະ3 ທິດນຳຂອງພັກຈຶ່ງເຮັດໃຫ້ການຈັດຕັ້ງພັກມີຄວາມເຕີບໃຫຍ່ຂະຫຍາຍຕົວປອດໃສເຂັ້ມແຂງໜັກແໜ້ນ, ເສີມຂະຫຍາຍໄດ້ບົດບາດເປັນແກນນຳໃນລະບົບການນຳແຕ່ລະຂັ້ນ.
(ຂ່າວ-ພາບ: ບຸນອູ້ມ+ບຸນຕອມ)