 |
ທ່ານ ພົຈວ ລັດສະໝີ ໄຊຍະຄຳ ໄດ້ຍົກໃຫ້ເຫັນເຖິງຊາດລາວ ແມ່ນຊາດໜຶ່ງທີ່ມີປະຫວັດສາດອັນຍາວນານຫຼາຍພັນປີ ໂດຍສືບທອດມູນເຊື້ອອັນອົງອາດກ້າຫານຂອງບັນພະບຸລຸດ ພາຍໃຕ້ການຊີ້ນໍາ-ນຳພາຂອງພັກປະຊາຊົນປະຕິວັດລາວໄດ້ສາມັກຄີກັນຕໍ່ສູ້ຢ່າງພິລະອາດຫານ, ຕ້ານການຜູ້ຮຸກຮານ ແລະ ການຄອບຄອງຂອງຈັກກະພັດລ່າເມືອງຂຶ້ນແບບເກົ່າ ແລະ ໃໝ່, ສາມາດປົດປ່ອຍປະເທດຊາດໄດ້ຢ່າງມີໄຊ ພ້ອມທັງສະຖາປະນາ ສປປລາວຢ່າງສະຫງ່າຜ່າເຜີຍໃນວັນທີ 2 ທັນວາ 1975 ເຊິ່ງເປັນວັນທີ່ປະຊາຊົນລາວບັນດາເຜົ່າໄດ້ມີອິດສະຫຼະພາບ ເປັນເຈົ້າຂອງປະເທດຊາດຢ່າງແທ້ຈິງ, ແມ່ນວັນທີ່ປະເທດລາວໄດ້ມີເອກະລາດຢ່າງສົມບູນ ເເລະ ມີອະທິປະໄຕຢ່າງຄົບຖ້ວນ, ມີທີ່ຕັ້ງອັນສົມກຽດ ເເລະ ມີຖານະເທົ່າທຽມກັບປະເທດອື່ນໆ ໃນເວທີປະຊາຄົມໂລກ ຈົນສາມາດມີສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນາຖາວອນ.
 |
ຈາກນັ້ນ, ທ່ານໄດ້ຍົກໃຫ້ເຫັນເຖິງຄຸນງາມຄວາມດີຂອງປະທານ ໄກສອນ ພົມວິຫານ ຜູ້ນໍາສູງສຸດຂອງພັກ-ລັດ, ປະຊາຊົນ ແລະ ເປັນວິລະບຸລຸດຂອງຊາດລາວເຮົາ ທັງເປັນຜູ້ທີ່ນໍາເດັດຂາດ, ມີຫົວຄິດປະດິດສ້າງ, ກ້າຄິດ, ກ້າເຮັດ, ກ້າຮັບຜິດຊອບ, ມີຄວາມປີຊາສາມາດ, ສະຫຼາດຫຼັກເເຫຼມ, ມີນ້ຳໃຈຕໍ່ສູ້ແບບຢ່າງອັນປະເສີດລໍ້າຄ່າ, ດ້ານຄຸນທາດການເມືອງ, ຄຸນສົມບັດສິນທໍາປະຕິວັດ ກໍຄືແບບແຜນການດໍາລົງຊີວິດໃຫ້ແກ່ພະນັກງານສະມາຊິກພັກ, ພະນັກ ງານ-ນັກຮົບ ແລະ ປະຊາຊົນບັນດາເຜົ່າໃນທົ່ວປະເທດ ເພິ່ນຍັງເປັນແວ່ນແຍງໃນການເຕົ້າໂຮມຄວາມສາມັກຄີກັບປະຊາຊົນບັນດາເຜົ່າ, ຍາມໃດກໍຖືສໍາຄັນ ແລະ ເອົາໃຈໃສ່ສ້າງຄວາມສາມັກຄີຮັກແພງ, ຄວາມໄວ້ເນື້ອເຊື່ອໃຈ ແລະ ນັບຖືມະຫາຊົນຢ່າງດູດດື່ມ ແລະ ຜ່ອງໃສ.
 |
ພາບ-ຂ່າວ: ແກ້ວ ອຸເພັດ
ຄໍາເຫັນ