ກອງປະຊຸມຄົບຄະນະບໍລິຫານງານພັກ ກະຊວງຊັບພະຍາກອນທຳມະຊາດແລະສິ່ງແວດລ້ອມ (ກຊສ) ຄັ້ງທີ 7 (ເປີດກວ້າງ) ສະໄໝທີ II ໄດ້ເປີດຂຶ້ນໃນວັນທີ 2 ຕຸລານີ້ ທີ່ກະຊວງດັ່ງກ່າວ ໂດຍການເປັນປະທານ ຂອງ ສະຫາຍ ນາງ ບຸນຄຳ ວໍລະຈິດ ກຳມະການສູນກາງພັກ ເລຂາຄະນະພັກ ລັດຖະມົນຕີກະຊວງຊັບພະຍາກອນທຳມະຊາດແລະສິ່ງແວດລ້ອມ ມີຄະນະປະຈໍາພັກ, ຄະນະພັກກະຊວງ, ເລຂາຄະນະພັກຮາກຖານ, ເລຂາໜ່ວຍພັກ, ຫົວໜ້າກົມ ແລະ ຕາງໜ້າ ສາມອົງການຈັດຕັ້ງມະຫາຊົນຂັ້ນກະຊວງ ເຂົ້າຮ່ວມ.
ກອງປະຊຸມຄັ້ງນີ້ ໄດ້ຮັບຟັງການລາຍງານ,ຄົ້ນຄວ້າ ແລະ ພິຈາລະນາຮັບຮອງເອົາບັນດາເອກະສານທີ່ສຳຄັນ ເປັນຕົ້ນບົດລາຍງານການຄຸ້ມຄອງໝໍ້ໄຟລົດໄຟຟ້າທີ່ເສື່ອມຄຸນນະພາບ ແລະ ສິ່ງເສດເຫຼືອຈາກໝໍ້ໄຟແບບປອດໄພ, ບົດລາຍງານການຈັດຕັ້ງປະຕິບັດສົນທິສັນຍາ ແລະ ອະນຸສັນຍາສາກົນຂອງຂະແໜງຊັບພະຍາກອນທຳມະຊາດ ແລະ ສິ່ງແວດລ້ອມ,ບົດລາຍງານຄວາມຄືບໜ້າແຜນຄວາມຍືນຍົງຫ້ອງທົດລອງສິ່ງແວດລ້ອມ,ບົດລາຍງານການຫັນເປັນທັນສະໄໝວຽກງານທີ່ດິນ ແລະ ການໃຫ້ເອກະຊົນມີສ່ວນຮ່ວມໃນການຄຸ້ມຄອງ ແລະ ພັດທະນາທີ່ດິນ,ບົດລາຍງານຄວາມຄືບໜ້າກ່ຽວກັບການສ້າງສະຖານີອຸຕຸນິຍົມໃໝ່ 45 ສະຖານີແລະ ສະຖານີອຸທົກກະສາດໃໝ່ 25 ສະຖານີ ຕາມແຜນການ 5 ປີ (2021-2025),ບົດລາຍງານສະພາບສະຖານີທີ່ເປ່ເພ,ບົດລາຍງານກ່ຽວກັບການສ້າງຍຸດທະສາດຄຸ້ມຄອງທີ່ດິນບໍລິເວນນໍ້າ ຊຶ່ງໄດ້ຈັດຕັ້ງປະຕິບັດຕາມແຜນດຳເນີນງານ ຂອງອົງຄະນະພັກກະຊວງ.
ໃນນັ້ນ, ກອງປະຊຸມຍັງໄດ້ເຜີຍແຜ່ເຊື່ອມຊຶມ ແລະ ຜັນຂະຫຍາຍຜົນສໍາເລັດກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝ ທີ XI, ບົດຄວາມເຫັນຊີ້ນຳຂອງສະຫາຍເລຂາທິການໃຫຍ່ຄະນະບໍລິຫານງານສູນກາງພັກປະທານປະເທດແຫ່ງ ສປປ ລາວ ຕໍ່ກອງປະຊຸມດັ່ງກ່າວ ແລະ ເຜີຍແຜ່ເຊື່ອມຊຶມຄຳສັ່ງ ຂອງຄະນະເລຂາທິການສູນກາງພັກ ສະບັບເລກທີ 411/ຄລສພ, ລົງວັນທີ 8 ສິງຫາ 2023 ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ ແລະ ຄຳແນະນຳ ຂອງຄະນະຈັດຕັ້ງສູນກາງພັກ ສະບັບເລກທີ 211/ຄຈສພ, ລົງວັນທີ 16 ສິງຫາ 2023 ເພື່ອເປັນການກະກຽມພ້ອມດ້ານຕ່າງໆ ໃນການດໍາເນີນກອງປະຊຸມໃຫຍ່ ຂອງອົງຄະນະພັກກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ໃຫ້ສໍາເລັດຕາມແຜນການ.
ພ້ອມນີ້, ຜູ້ເຂົ້າຮ່ວມຍັງໄດ້ປະກອບຄຳເຫັນຢ່າງກົງໄປກົງມາ ແລະ ມີຄວາມຮັບຜິດຊອບສູງ ເພື່ອເຮັດໃຫ້ດ້ານເນື້ອໃນຂອງເອກະສານຕ່າງໆສົມບູນຄົບຖ້ວນເພື່ອກ້າວໄປເຖິງການຮັບຮອງ ແລະ ເປັນບ່ອນອີງໃນການຈັດຕັ້ງປະຕິບັດວຽກງານໃນຕໍ່ໜ້າ ທັງເປັນການນຳພາ-ຊີ້ນຳ ວຽກງານຮອບດ້ານ ຂອງບັນດາສະຫາຍຄະນະບໍລິຫານງານພັກກະຊວງ ທີ່ຮັບຜິດຊອບໃນແຕ່ລະຂົງເຂດວຽກງານໃຫ້ສຳເລັດຕາມແຜນທີ່ວາງໄວ້ ແລະ ຕອນທ້າຍວາລະກອງປະຊຸມຍັງໄດ້ມີການຄົ້ນຄວ້າປະກອບຄຳຄິດເຫັນ ກ່ຽວກັບບັນຫາການແກ້ໄຂຄວາມຫຍຸ້ງຍາກທາງດ້ານເສດຖະກິດ ຕິດພັນກັບການສ້າງເງື່ອນໄຂສະດວກໃນການປະຕິບັດໜ້າທີ່ການເມືອງ ຂອງພະນັກງານ ທີ່ຢູ່ພາຍໃນຄວາມຮັບຜິດຊອບຂອງແຕ່ລະຂັ້ນຄຸ້ມຄອງພາຍໃນກະຊວງ.
(ຂ່າວ: ກຊສ,ພາບ:ສຳນານ)
ກອງປະຊຸມຄັ້ງນີ້ ໄດ້ຮັບຟັງການລາຍງານ,ຄົ້ນຄວ້າ ແລະ ພິຈາລະນາຮັບຮອງເອົາບັນດາເອກະສານທີ່ສຳຄັນ ເປັນຕົ້ນບົດລາຍງານການຄຸ້ມຄອງໝໍ້ໄຟລົດໄຟຟ້າທີ່ເສື່ອມຄຸນນະພາບ ແລະ ສິ່ງເສດເຫຼືອຈາກໝໍ້ໄຟແບບປອດໄພ, ບົດລາຍງານການຈັດຕັ້ງປະຕິບັດສົນທິສັນຍາ ແລະ ອະນຸສັນຍາສາກົນຂອງຂະແໜງຊັບພະຍາກອນທຳມະຊາດ ແລະ ສິ່ງແວດລ້ອມ,ບົດລາຍງານຄວາມຄືບໜ້າແຜນຄວາມຍືນຍົງຫ້ອງທົດລອງສິ່ງແວດລ້ອມ,ບົດລາຍງານການຫັນເປັນທັນສະໄໝວຽກງານທີ່ດິນ ແລະ ການໃຫ້ເອກະຊົນມີສ່ວນຮ່ວມໃນການຄຸ້ມຄອງ ແລະ ພັດທະນາທີ່ດິນ,ບົດລາຍງານຄວາມຄືບໜ້າກ່ຽວກັບການສ້າງສະຖານີອຸຕຸນິຍົມໃໝ່ 45 ສະຖານີແລະ ສະຖານີອຸທົກກະສາດໃໝ່ 25 ສະຖານີ ຕາມແຜນການ 5 ປີ (2021-2025),ບົດລາຍງານສະພາບສະຖານີທີ່ເປ່ເພ,ບົດລາຍງານກ່ຽວກັບການສ້າງຍຸດທະສາດຄຸ້ມຄອງທີ່ດິນບໍລິເວນນໍ້າ ຊຶ່ງໄດ້ຈັດຕັ້ງປະຕິບັດຕາມແຜນດຳເນີນງານ ຂອງອົງຄະນະພັກກະຊວງ.
ໃນນັ້ນ, ກອງປະຊຸມຍັງໄດ້ເຜີຍແຜ່ເຊື່ອມຊຶມ ແລະ ຜັນຂະຫຍາຍຜົນສໍາເລັດກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝ ທີ XI, ບົດຄວາມເຫັນຊີ້ນຳຂອງສະຫາຍເລຂາທິການໃຫຍ່ຄະນະບໍລິຫານງານສູນກາງພັກປະທານປະເທດແຫ່ງ ສປປ ລາວ ຕໍ່ກອງປະຊຸມດັ່ງກ່າວ ແລະ ເຜີຍແຜ່ເຊື່ອມຊຶມຄຳສັ່ງ ຂອງຄະນະເລຂາທິການສູນກາງພັກ ສະບັບເລກທີ 411/ຄລສພ, ລົງວັນທີ 8 ສິງຫາ 2023 ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ ແລະ ຄຳແນະນຳ ຂອງຄະນະຈັດຕັ້ງສູນກາງພັກ ສະບັບເລກທີ 211/ຄຈສພ, ລົງວັນທີ 16 ສິງຫາ 2023 ເພື່ອເປັນການກະກຽມພ້ອມດ້ານຕ່າງໆ ໃນການດໍາເນີນກອງປະຊຸມໃຫຍ່ ຂອງອົງຄະນະພັກກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ໃຫ້ສໍາເລັດຕາມແຜນການ.
ພ້ອມນີ້, ຜູ້ເຂົ້າຮ່ວມຍັງໄດ້ປະກອບຄຳເຫັນຢ່າງກົງໄປກົງມາ ແລະ ມີຄວາມຮັບຜິດຊອບສູງ ເພື່ອເຮັດໃຫ້ດ້ານເນື້ອໃນຂອງເອກະສານຕ່າງໆສົມບູນຄົບຖ້ວນເພື່ອກ້າວໄປເຖິງການຮັບຮອງ ແລະ ເປັນບ່ອນອີງໃນການຈັດຕັ້ງປະຕິບັດວຽກງານໃນຕໍ່ໜ້າ ທັງເປັນການນຳພາ-ຊີ້ນຳ ວຽກງານຮອບດ້ານ ຂອງບັນດາສະຫາຍຄະນະບໍລິຫານງານພັກກະຊວງ ທີ່ຮັບຜິດຊອບໃນແຕ່ລະຂົງເຂດວຽກງານໃຫ້ສຳເລັດຕາມແຜນທີ່ວາງໄວ້ ແລະ ຕອນທ້າຍວາລະກອງປະຊຸມຍັງໄດ້ມີການຄົ້ນຄວ້າປະກອບຄຳຄິດເຫັນ ກ່ຽວກັບບັນຫາການແກ້ໄຂຄວາມຫຍຸ້ງຍາກທາງດ້ານເສດຖະກິດ ຕິດພັນກັບການສ້າງເງື່ອນໄຂສະດວກໃນການປະຕິບັດໜ້າທີ່ການເມືອງ ຂອງພະນັກງານ ທີ່ຢູ່ພາຍໃນຄວາມຮັບຜິດຊອບຂອງແຕ່ລະຂັ້ນຄຸ້ມຄອງພາຍໃນກະຊວງ.
(ຂ່າວ: ກຊສ,ພາບ:ສຳນານ)
ຄໍາເຫັນ