ເລຂາຄະນະບໍລິຫານງານພັກແຂວງ ເຈົ້າແຂວງຈຳປາສັກ, ມີບັນດາສະຫາຍ ຮອງເລຂາພັກແຂວງ, ຄະນະປະຈຳພັກແຂວງ, ກຳມະການພັກແຂວງ, ບັນດາເລຂາພັກເມືອງ-ນະຄອນ, ເລຂາຄະນະພັກ-ໜ່ວຍພັກຮາກຖານອ້ອມຂ້າງແຂວງ ເຂົ້າຮ່ວມ.
ສະຫາຍ ອາລຸນໄຊ ສູນນະລາດ ໄດ້ກ່າວໄຂກອງປະຊຸມ ມີເນື້ອໃນບາງຕອນກ່າວວ່າ: ມື້ນີ້ ພວກເຮົາໄດ້ພ້ອມກັນຕີລາຄາການຈັດຕັ້ງປະຕິບັດມະຕິກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 14 ສະໄໝທີ VIII, ໂດຍສະເພາະແມ່ນການຊີ້ນຳ-ນຳພາ ວຽກງານຮອບດ້ານຂອງຄະນະບໍລິຫານງານພັກແຂວງ ໃນໄລຍະ 1 ປີຜ່ານມາ ແລະ ຈະໄດ້ພ້ອມກັນຄົ້ນຄວ້າປະກອບຄໍາຄິດຄໍາເຫັນ ຕໍ່ທິດທາງວຽກງານຈຸດສຸມໝົດປີ 2024 ແລະ ທິດທາງແຜນ ປີ 2025 ໃນຕໍ່ໜ້າ ເປັນຕົ້ນ: ຜົນສຳເລັດຂອງກອງປະຊຸມ ສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ IX, ການສະຫຼຸບຕີລາຄາການນໍາພາ-ຊີ້ນຳ ການຈັດຕັ້ງປະຕິບັດມະຕິກອງປະຊຸມ ຄົບຄະນະຄັ້ງທີ 14 ຂອງຄະນະບໍລິຫານງານພັກແຂວງ, ມະຕິກອງປະຊຸມຄົບຄະນະ ຄັ້ງທີ 8 ຂອງຄະນະບໍລິຫານງານສູນກາງພັກ ຕິດພັນກັບການຕີລາຄາການນໍາພາ-ຊີ້ນຳວຽກງານຮອບດ້ານຂອງຄະນະບໍລິຫານງານພັກແຂວງ, ປະຈໍາປີ 2024 ແລະ ທິດທາງແຜນການນໍາພາ ປີ 2025, ທິດທາງວຽກງານຈຸດສຸມ 3 ເດືອນ ຕົ້ນປີ 2025, ການນຳພາ-ຊີ້ນຳກະກຽມຄວາມພ້ອມໃຫ້ແກ່ການດຳເນີນກອງປະຊຸມໃຫຍ່ ອົງຄະນະພັກເມືອງ-ນະຄອນ, ຮາກຖານພັກອ້ອມຂ້າງແຂງ ແລະ ກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງ, ການສະຫຼຸບຕີລາຄາການນຳພາກະກຽມ ແລະ ດຳເນີນກອງປະຊຸມໃຫຍ່ຂອງສະຫະພັນນັກຮົບເກົ່າ, ແນວລາວສ້າງຊາດ ແລະ ອົງການຈັດຕັ້ງມະຫາຊົນ ໃນປີ 2024 ຜ່ານມາ ແລະ ກໍານົດທິດທາງແຜນການ ປະຈໍາປີ 2025, ການນໍາພາຈັດຕັ້ງປະຕິບັດຕິດຕາມກວດກາພັກ ຕິດພັນກັບການລາຍງານສະຫຼຸບຕີລາຄາການນຳພາ ດຳເນີນຊີວິດການເມືອງທ້າຍສະໄໝ ກະກຽມໃຫ້ແກ່ການດຳເນີນກອງປະຊຸມໃຫຍ່ ຂອງຄະນະພັກ, ຮາກຖານພັກ, ພະແນກການ, ກົມກອງອ້ອມຂ້າງແຂວງ, ເມືອງ-ນະຄອນໃນ 2024 ຜ່ານມາ ແລະ ທິດທາງ ປີ 2025, ການກະກຽມ ສະຫຼຸບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ 5 ປີ ຄັ້ງທີ IX ແລະ ການກະກຽມສ້າງແຜນພັດທະນາ ເສດຖະກິດ-ສັງຄົມ, ແຜນງົບປະມານ 5 ປີ ຄັ້ງທີ X ຂອງແຂວງ, ການນຳພາ-ຊີ້ນຳວຽກງານ ກໍ່ສ້າງຮາກຖານການເມືອງ, ພັດທະນາຊົນນະບົດແກ້ໄຂຄວາມທຸກຍາກ ແລະ ວຽກງານ 3 ສ້າງ ຕາມວຽກຈຸດສຸມ 4 ເນື້ອໃນ 4 ຄາດໝາຍ ປີ 2024 ແລະ ທິດທາງແຜນການ ປີ 2025, ການສຳຫຼວດ ການນຳພາລວມຂອງຄະນະບໍລິຫານງານພັກແຂວງປະຈໍາປີ 2024 ແລະ ກໍານົດທິດທາງນຳພາ ປີ 2025 ແລະ ຈະມີບັ້ນດໍາເນີນຊີວິດການເມືອງ ພາຍໃນພັກ.
(ຂ່າວ: ທັດຊະນະ)
ຄໍາເຫັນ