ມີແຂກຖືກເຂີນ ແລະ ພາກສ່ວນກ່ຽວຂ້ອງເຂົ້າຮ່ວມ.
ສະຫາຍ ດວງຕາ ໄຊວຸດ ຮອງເລຂາພັກແຂວງ ໄດ້ລາຍງານການຕີລາຄາການນໍາພາ- ຊີ້ນໍາວຽກງານຮອບດ້ານປະຈໍາປີ 2024 ແລະ ທິດທາງແຜນວຽກຈຸດສຸມໃນປີ 2025 ຂອງຄະນະບໍລິຫານງານພັກແຂວງ ພາຍໃຕ້ການນໍາພາ- ຊີ້ນໍາຂອງຄະນະບໍລິຫານງານພັກແຂວງຢ່າງຕັ້ງໜ້າຈຶ່ງພາໃຫ້ແຂວງມີຜົນສໍາເລັດຫຼາຍດ້ານເປັນຕົ້ນແມ່ນຮັກສາໄດ້ສະຖຽນລະພາບທາງດ້ານການເມືອງຢ່າງໜັກແໜ້ນ, ເສະຖະກິດຂະຫຍາຍຕົວຢ່າງຕໍ່ເນື່ອງ, ດ້ານວັດທະນະທໍາ- ສັງຄົມ ບັນລຸຫຼາຍຕົວຊີ້ບອກ, ການຄຸ້ມຄອງລັດ- ຄຸ້ມຄອງສັງຄົມແມ່ນໄດ້ຫັນເຂົ້າສູ່ການຄຸ້ມຄອງດ້ວຍກົດໝາຍເທື່ອລະກ້າວ. ໃນໄລຍະ 1 ປີຜ່ານມາ ຄະນະບໍລິຫານງານພັກແຂວງ ໄດ້ສຸມໃສ່ນຳພາຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ໂດຍຕິດພັນກັບການປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ, ເຮັດໃຫ້ເສດຖະກິດຂອງແຂວງມີການຂະຫຍາຍຕົວຢ່າງ ຕໍ່ເນື່ອງ ຢູ່ໃນລະດັບ 5.4%, ລວມຍອດຜະລິດຕະພັນພາຍໃນ ບັນລຸໄດ້ 23,868 ຕື້ກີບ, ສະເລ່ຍໃສ່ຫົວຄົນໄດ້ 56 ລ້ານກີບ, ໄດ້ສຸມໃສ່ຈັດເກັບລາຍຮັບເຂົ້າງົບປະມານໂດຍການນໍາໃຊ້ເຄື່ອງມືທັນສະໄໝ ຊຶ່ງຈັດເກັບລາຍຮັບໄດ້ທັງໝົດ 2,417.71 ຕື້ກີບ ເທົ່າກັບ 115,55% ຂອງແຜນການປີ, ຄຸ້ມຄອງລາຍຈ່າຍປະຕິບັດໄດ້ 710.86 ຕື້ກີບ ເທົ່າກັບ 135.24% ຂອງແຜນເບື້ອງຕົ້ນ, ເທົ່າກັບ 99.83% ຂອງແຜນດັດແກ້ ແລະ ໄດ້ເບີກຈ່າຍເງິນເດືອນ, ເງິນບໍລິຫານອື່ນໆ ສໍາເລັດຕາມແຜນ. ດ້ານແຫຼ່ງທຶນເພື່ອການພັດທະນາ ສາມາດລະດົມທຶນທົ່ວສັງຄົມເຂົ້າໃນການພັດທະນາ ໄດ້ທັງໝົດ 4,070.94 ຕື້ກີບ ເທົ່າກັບ 95.65% ຂອງແຜນການປີ ຊຶ່ງສາມາດດຶງດູດການລົງທຶນພາກເອກະຊົນພາຍໃນ ແລະ ຕ່າງປະເທດ ໄດ້ທັງໝົດ 2,432.75 ຕື້ກີບ ເທົ່າກັບ 103.96% ຂອງແຜນປີ ໄດ້ສຸມໃສ່ນໍາພາ-ຊີ້ນໍາໃນການຊຸກຍູ້ສົ່ງເສີມການຜະລິດກະສິກຳຢ່າງຕັ້ງໜ້າ, ປັບປຸງພື້ນຖານໂຄງລ່າງອໍານວຍຄວາມສະດວກແກ່ການຜະລິດ, ສຸມໃສ່ຄໍ້າປະກັນສະບຽງອາຫານ ແລະ ຜະລິດເປັນສິນຄ້າ ສົ່ງອອກ ແລະ ສະໜອງໂຮງງານປຸງແຕ່ງຂັ້ນຕົ້ນ ໄປຄຽງຄູ່ກັບການເອົາໃຈໃສ່ເຝົ້າລະວັງ ການລະບາດພະຍາດສັດ ແລະ ສັດຕູພືດຕ່າງໆ, ພ້ອມທັງແກ້ໄຂຜົນກະທົບຈາກໄພທຳມະຊາດ ຊຶ່ງຜະລິດເຂົ້າໄດ້ທັງໝົດ 197,500 ໂຕນ ເທົ່າກັບ 104% ຂອງແຜນການປີ; ການຜະລິດພືດເປັນສິນຄ້າໃນປີນີ້ ເຫັນໄດ້ວ່າພືດລະດູແລ້ງ ແມ່ນມີການສົ່ງເສີມການລົງທຶນຈາກຕ່າງປະເທດຫຼາຍຂຶ້ນ ແຕ່ພືດ ສິນຄ້າທີ່ເປັນບູລິມະສິດຂອງແຂວງ ແມ່ນມີເນື້ອທີ່ຫຼຸດລົງ ແລະ ບໍ່ສາມາດບັນລຸໄດ້ຕາມແຜນ.
ສະຫາຍ ສົມຈິດ ຈັນທະວົງ ກໍາມະການປະຈໍາພັກແຂວງ ຮອງເຈົ້າແຂວງໄຊຍະບູລີ ໄດ້ລາຍງານຕີລາຄາການຈັດຕັ້ງປະຕິບັດແຜນພັດທະນາເສດຖະກິດ- ສັງຄົມ, ແຜນງົບປະມານ, ແຜນເງິນຕາ ປະຈໍາປີ 2024 ແລະ ທິດທາງແຜນການປີ 2025 ຕິດພັນກັບການຕີລາຄາການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂ ບັນຫາຄວາມຫຍຸ້ງຍາກດ້ານເສດຖະກິດ. ພ້ອມດຽວກັນນີ້ ບັນດາພະແນກການ, ກົມກອງ ໄດ້ພ້ອມກັນລາຍງານວຽກງານພາຍໃນຂອງຕົນ. ພ້ອມທັງປະກອບຄໍາຄິດຄໍາເຫັນຕໍ່ກັບການຈັດຕັ້ງປະຕິບັດວຽກງານທີ່ຜ່ານມາ.
(ຂ່າວ+ພາບ: ຄໍາໝັ້ນ)
ຄໍາເຫັນ