ກອງປະຊຸມກົນໄກການຮ່ວມມື 4 ປະເທດ 9 ຝ່າຍ ເຂດຊາຍແດນ ຄັ້ງທີ IX ທີ່ແຂວງຫຼວງນໍ້າທາ ໄດ້ຮັບກຽດເປັນເຈົ້າພາບຈັດຂຶ້ນຢ່າງເປັນທາງການຫວ່າງບໍ່ດົນມານີ້ ທີ່ເຂດເສດຖະກິດສະເພາະບໍ່ເຕ່ນແດນງາມໂດຍການເຂົ້າຮ່ວມຂອງທ່ານ ວຽງສະຫວັດ ສີພັນດອນ ເຈົ້າແຂວງຫຼວງນໍ້າທາ ມີບັນດາການນໍາຂັ້ນສູງ ຈາກ ກິ່ງແຂວງສິບສອງພັນນາ ແຫ່ງ ສປ ຈີນ,ແຂວງຊຽງໃໝ່,ແຂວງຊຽງລາຍ ແຫ່ງຣາຊະອານາຈັກໄທ,ເມືອງຊຽງຕຸງ,ເມືອງທ່າຂີ້ເຫຼັກ ສະຫະພາບມຽນມາ,ແຂວງອຸດົມໄຊ,ແຂວງຫຼວງພະບາງ, ແຂວງບໍ່ແກ້ວຂອງ ສປປ ລາວ ພ້ອມດ້ວຍພາກສ່ວນກ່ຽວຂ້ອງ.
ກອງປະຊຸມຄັ້ງນີ້ຈັດຂຶ້ນເພື່ອທົບທວນຄືນການຈັດຕັ້ງປະຕິບັດບົດບັນທຶກຄວາມເຂົ້າໃຈກອງປະຊຸມຄັ້ງທີ 8 ຊຶ່ງຈັດຂຶ້ນໃນປີ 2019 ຜ່ານມາ ທີ່ແຂວງອຸດົມໄຊ ພ້ອມທັງຕີລາຄາຄືນຜົນໄດ້ຮັບຈາກການຈັດຕັ້ງປະຕິບັດຕົວຈິງ ເພື່ອຖອດຖອນບົດຮຽນດ້ານດີ, ຂໍ້ຄົງຄ້າງກໍຄືສິ່ງທ້າທາຍດ້ານຕ່າງໆ ເພື່ອວາງທິດທາງແຜນການຮ່ວມມືຂອງບັນດາຝ່າຍໃນຕໍ່ໜ້າໃຫ້ມີປະສິດທິຜົນຫຼາຍກວ່າເກົ່າ .
ໂອກາດນີ້, ທ່ານ ວຽງສະຫວັດ ສີພັນດອນ ໄດ້ຍົກໃຫ້ເຫັນເຖິງໝາກຜົນຂອງກອງປະຊຸມຕະຫຼອດໄລ ຍະຜ່ານມາ ແລະ ສາມາດຢັ້ງຢືນໄດ້ວ່າ ກົນໄກການຮ່ວມມືນີ້ ມີບົດບາດສູງຕໍ່ການພົວພັນຮ່ວມມື ໄມຕີຈິດ ມິດຕະພາບອັນດີງາມ ລະຫວ່າງ 9 ຝ່າຍເປັນຢ່າງດີ ແລະ ມີຜົນສໍາເລັດຢ່າງຕໍ່ເນື່ອງໃນຫຼາຍດ້ານ ຊຶ່ງກອງປະຊຸມຄັ້ງນີ້ ແນໃສ່ທົບທວນຄືນການຈັດຕັ້ງປະຕິບັດບົດບັນທຶກກອງປະຊຸມການຮ່ວມມື 4 ປະເທດ 9 ຝ່າຍໃນໄລຍະຜ່ານມາ ແລະພ້ອມກັນປະກອບຄໍາຄິດຄໍາເຫັນ ຕໍ່ທິດທາງກົນໄກການຮ່ວມມືໃນຕໍ່ໜ້າ. ແຂວງຫຼວງນໍ້າທາເປັນແຂວງທາງຜ່ານຂອງອະນຸພາກພື້ນແມ່ນໍ້າຂອງ ແລະ ແລວທາງເສດຖະກິດ ເໜືອ-ໃຕ້ ຄືຈີນ ແລະ ຣາຊະອານາຈັກໄທ, ຕາເວັນອອກ-ຕາເວັນຕົກ ຫວຽດນາມແລະ ມຽນມາ, ເປັນປ້ອມດ່ານໜ້າຂອງການຮ່ວມມືອາຊຽນ-ຈີນ ແລະ ປະຕູດ່ານນຳເຂົ້າ-ສົ່ງອອກສິນຄ້າສູ່ຈີນ, ມີທາງລົດໄຟຜ່ານ, ມີສະໜາມບິນພາຍໃນ ແລະ ມີປະຕູດ່ານອອກສູ່ຕ່າງປະເທດ 4 ດ່ານ ຄື:ດ່ານສາກົນ1 ດ່ານ, ດ່ານທ້ອງຖິ່ນ 2 ດ່ານ, ດ່ານປະເພນີ 1 ດ່ານ ມີເຂດເສດຖະກິດສະເພາະບໍ່ເຕ່ນແດນງາມ ທີ່ເປັນສູນກາງການຄ້າ,ການລົງທຶນ ແລະ ເປັນສະຖານທີ່ທ່ອງທ່ຽວທີ່ເປັນທ່າແຮງໃນການສ້າງວຽກເຮັດງານທຳໃຫ້ແກ່ແຮງງານພາຍໃນແຂວງ; ມີປ່າສະຫງວນແຫ່ງຊາດນໍ້າຫ້າ ແລະ ມີແຫຼ່ງທ່ອງທ່ຽວທາງດ້ານປະຫວັດສາດ,ທຳມະຊາດ ແລະວັດທະນະທຳ ທີ່ສາມາດດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ຽວຊົມແຂວງຫຼວງນໍ້າທາ.
ກອງປະຊຸມກົນໄກການຮ່ວມມື 4 ປະເທດ 9 ຝ່າຍ ເຂດຊາຍແດນ ຄັ້ງທີ IX ຍັງໄດ້ພ້ອມກັນລົງນາມໃນບົດບັນທຶກ ເພື່ອສືບຕໍ່ຈັດຕັ້ງປະຕິບັດການຮ່ວມມືໃນຂັ້ນຕໍ່ໄປ ນອກຈາກນີ້ພາຍຫຼັງສໍາເລັດກອງປະຊຸມຄະນະຜູ້ແທນໄດ້ເດີນທາງໄປຮ່ວມຊົມງານວາງສະແດງຜະລິດຕະພັນສິນຄ້າຂອງແຂວງ,ທ່ຽວຊົມບັນດາບໍລິສັດໂລຈິສຕິກຢູ່ເຂດດ່ານພາສີສາກົນບໍ່ເຕ່ນ, ທ່ຽວຊົມສະຖານທີ່ວັດທະນະທຳເຂດເສດຖະກິດບໍ່ເຕ່ນ ແລະຢ້ຽມຊົມສູນຈຳລອງເຂດຖະກິດບໍ່ເຕ່ນແດນງາມ ເພື່ອເປັນຊ່ອງທາງໃຫ້ນັກທຸລະກິດເຂົ້າມາລົງທຶນພາຍໃນແຂວງຫຼວງນໍ້າທານັບມື້ຫຼາຍຂຶ້ນ.
(ຂ່າວ-ພາບ: ມຸນຕີ)
ກອງປະຊຸມຄັ້ງນີ້ຈັດຂຶ້ນເພື່ອທົບທວນຄືນການຈັດຕັ້ງປະຕິບັດບົດບັນທຶກຄວາມເຂົ້າໃຈກອງປະຊຸມຄັ້ງທີ 8 ຊຶ່ງຈັດຂຶ້ນໃນປີ 2019 ຜ່ານມາ ທີ່ແຂວງອຸດົມໄຊ ພ້ອມທັງຕີລາຄາຄືນຜົນໄດ້ຮັບຈາກການຈັດຕັ້ງປະຕິບັດຕົວຈິງ ເພື່ອຖອດຖອນບົດຮຽນດ້ານດີ, ຂໍ້ຄົງຄ້າງກໍຄືສິ່ງທ້າທາຍດ້ານຕ່າງໆ ເພື່ອວາງທິດທາງແຜນການຮ່ວມມືຂອງບັນດາຝ່າຍໃນຕໍ່ໜ້າໃຫ້ມີປະສິດທິຜົນຫຼາຍກວ່າເກົ່າ .
ໂອກາດນີ້, ທ່ານ ວຽງສະຫວັດ ສີພັນດອນ ໄດ້ຍົກໃຫ້ເຫັນເຖິງໝາກຜົນຂອງກອງປະຊຸມຕະຫຼອດໄລ ຍະຜ່ານມາ ແລະ ສາມາດຢັ້ງຢືນໄດ້ວ່າ ກົນໄກການຮ່ວມມືນີ້ ມີບົດບາດສູງຕໍ່ການພົວພັນຮ່ວມມື ໄມຕີຈິດ ມິດຕະພາບອັນດີງາມ ລະຫວ່າງ 9 ຝ່າຍເປັນຢ່າງດີ ແລະ ມີຜົນສໍາເລັດຢ່າງຕໍ່ເນື່ອງໃນຫຼາຍດ້ານ ຊຶ່ງກອງປະຊຸມຄັ້ງນີ້ ແນໃສ່ທົບທວນຄືນການຈັດຕັ້ງປະຕິບັດບົດບັນທຶກກອງປະຊຸມການຮ່ວມມື 4 ປະເທດ 9 ຝ່າຍໃນໄລຍະຜ່ານມາ ແລະພ້ອມກັນປະກອບຄໍາຄິດຄໍາເຫັນ ຕໍ່ທິດທາງກົນໄກການຮ່ວມມືໃນຕໍ່ໜ້າ. ແຂວງຫຼວງນໍ້າທາເປັນແຂວງທາງຜ່ານຂອງອະນຸພາກພື້ນແມ່ນໍ້າຂອງ ແລະ ແລວທາງເສດຖະກິດ ເໜືອ-ໃຕ້ ຄືຈີນ ແລະ ຣາຊະອານາຈັກໄທ, ຕາເວັນອອກ-ຕາເວັນຕົກ ຫວຽດນາມແລະ ມຽນມາ, ເປັນປ້ອມດ່ານໜ້າຂອງການຮ່ວມມືອາຊຽນ-ຈີນ ແລະ ປະຕູດ່ານນຳເຂົ້າ-ສົ່ງອອກສິນຄ້າສູ່ຈີນ, ມີທາງລົດໄຟຜ່ານ, ມີສະໜາມບິນພາຍໃນ ແລະ ມີປະຕູດ່ານອອກສູ່ຕ່າງປະເທດ 4 ດ່ານ ຄື:ດ່ານສາກົນ1 ດ່ານ, ດ່ານທ້ອງຖິ່ນ 2 ດ່ານ, ດ່ານປະເພນີ 1 ດ່ານ ມີເຂດເສດຖະກິດສະເພາະບໍ່ເຕ່ນແດນງາມ ທີ່ເປັນສູນກາງການຄ້າ,ການລົງທຶນ ແລະ ເປັນສະຖານທີ່ທ່ອງທ່ຽວທີ່ເປັນທ່າແຮງໃນການສ້າງວຽກເຮັດງານທຳໃຫ້ແກ່ແຮງງານພາຍໃນແຂວງ; ມີປ່າສະຫງວນແຫ່ງຊາດນໍ້າຫ້າ ແລະ ມີແຫຼ່ງທ່ອງທ່ຽວທາງດ້ານປະຫວັດສາດ,ທຳມະຊາດ ແລະວັດທະນະທຳ ທີ່ສາມາດດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ຽວຊົມແຂວງຫຼວງນໍ້າທາ.
ກອງປະຊຸມກົນໄກການຮ່ວມມື 4 ປະເທດ 9 ຝ່າຍ ເຂດຊາຍແດນ ຄັ້ງທີ IX ຍັງໄດ້ພ້ອມກັນລົງນາມໃນບົດບັນທຶກ ເພື່ອສືບຕໍ່ຈັດຕັ້ງປະຕິບັດການຮ່ວມມືໃນຂັ້ນຕໍ່ໄປ ນອກຈາກນີ້ພາຍຫຼັງສໍາເລັດກອງປະຊຸມຄະນະຜູ້ແທນໄດ້ເດີນທາງໄປຮ່ວມຊົມງານວາງສະແດງຜະລິດຕະພັນສິນຄ້າຂອງແຂວງ,ທ່ຽວຊົມບັນດາບໍລິສັດໂລຈິສຕິກຢູ່ເຂດດ່ານພາສີສາກົນບໍ່ເຕ່ນ, ທ່ຽວຊົມສະຖານທີ່ວັດທະນະທຳເຂດເສດຖະກິດບໍ່ເຕ່ນ ແລະຢ້ຽມຊົມສູນຈຳລອງເຂດຖະກິດບໍ່ເຕ່ນແດນງາມ ເພື່ອເປັນຊ່ອງທາງໃຫ້ນັກທຸລະກິດເຂົ້າມາລົງທຶນພາຍໃນແຂວງຫຼວງນໍ້າທານັບມື້ຫຼາຍຂຶ້ນ.
(ຂ່າວ-ພາບ: ມຸນຕີ)
ຄໍາເຫັນ