ໃນກອງປະຊຸມ, ໄດ້ຮັບຟັງການຜ່ານຮ່າງລາຍງານການເມືອງທັງສອງພາກທີ່ໄດ້ຕີລາຄາການເຄື່ອນໄຫວຈັດຕັ້ງປະຕິບັດໜ້າທີ່ວຽກງານໄລຍະຜ່ານມາ ຊຶ່ງລ້ວນແຕ່ຍົກໃຫ້ເຫັນບັນດາຜົນງານທີ່ພົ້ນເດັ່ນ, ດ້ານຕັ້ງໜ້າ ລວມເຖິງຂໍ້ຄົງຄ້າງຕ່າງໆ ແລະ ແຜນວຽກຈຸດສຸມໃນອີກ 5 ປີຕໍ່ໜ້າ ຊຶ່ງຄະນະພັກຍາມໃດ ກໍຖືເອົາວຽກງານ ສຶກສາອົບຮົມການເມືອງແນວຄິດເປັນກົກ, ເປັນປົກກະຕິຕໍ່ເນື່ອງ ຖືກກັບເປົ້າ ໝາຍ, ແນ່ໃສ່ເພື່ອປັບປຸງຄຸນທາດການເມືອງ, ຄຸນສົມບັດສິນທໍາປະຕິວັດ ຂອງສະມາຊິກພັກ-ພະນັກງານ ໃຫ້ມີຄວາມໜັກແໜ້ນທາງດ້ານທັດສະນະແນວຄິດ, ຫຼັກໝັ້ນຊົນຊັ້ນ, ຄວາມຈົ່ງຮັກພັກດີຕໍ່ອຸດົມການສັງຄົມນິຍົມ, ຍົກສູງນໍ້າໃຈຮັກຊາດ-ຮັບໃຊ້ປະຊາຊົນ, ມີຈັນຍາບັນ-ຈັນຍາທໍາ ໃນວິຊາຊີບຂອງຕົນ, ມີຄວາມສາມັກຄີ ເປັນເອກະພາບສູງ, ເປັນເຈົ້າການໃນການປະຕິບັດໜ້າທີ່ການເມືອງຂອງຕົນດ້ວຍຄວາມຮັບຜິດຊອບສູງ. ຈາກນັ້ນ, ກໍໄດ້ປ່ອນບັດເລືອກເອົາຄະນະພັກຊຸດໃໝ່ ເພື່ອສືບຕໍ່ນໍາພາ-ຊີ້ນໍາວຽກງານຮອບດ້ານຂອງໜ່ວຍພັກໃນຕໍ່ໜ້າ ໂດຍເຫັນດີເປັນເອກະພາບກັນເລືອກເອົາສະຫາຍ ທອງເພັດ ຜຸຍຍະວົງ ເປັນເລຂາໜ່ວຍພັກ, ເລືອກເອົາສະຫາຍ ໜູການ ສຸວັນນະລາດ ເປັນຮອງເລຂາ, ທັງເປັນປະທານກວດກາໜ່ວຍພັກ ແລະ ເລືອກເອົາສະຫາຍ ຄູນມີ ໄຊວົງສາ ເປັນກຳມະການ.
(ຂ່າວ: ມະນີວັນ)
 |
ຄໍາເຫັນ