ກໍາມະການສູນກາງພັກ ເລຂາຄະນະບໍລິຫານງານພັກ ປະທານສູນກາງສະຫະພັນແມ່ຍິງລາວແລະ ສະຫາຍ ບຸນທັນ ບຸນທະວິໄລ ຮອງເລຂາຄະນະບໍລິຫານງານພັກ ຜູ້ຊີ້ນໍາອົງການຈັດຕັ້ງມະຫາຊົນຮອງຫົວໜ້າອົງການໄອຍະການປະຊາຊົນສູງສຸດພາຍໃຕ້ການເປັນປະທານຂອງ ສະຫາຍ ນາງ ພອນທິບ ສາວະລີ ຄະນະບໍລິຫານງານສູນກາງສະຫະພັນແມ່ຍິງລາວ ສະໄໝທີ VIIIປະທານຄະນະບໍລິຫານງານສະຫະພັນແມ່ຍິງ ອົງການໄອຍະການປະຊາຊົນສູງສຸດ,ມີບັນດາສະຫາຍຄະນະພັກອອປສ, ຄະນະໜ່ວຍພັກອ້ອມຂ້າງອົງການ, ຄະນະບໍລິຫານງານສູນກາງສະຫະພັນແມ່ຍິງລາວ,ຕາງໜ້າອົງການຈັດຕັ້ງກຳມະບານ, ອົງການຈັດຕັ້ງຊາວໜຸ່ມ ແລະ ແຂກຖືກເຊີນເຂົ້າຮ່ວມ.
ໃນວາລະດັ່ງກ່າວ, ສະຫາຍ ນາງ ພອນທິບ ສາວະລີ ໄດ້ໃຫ້ກຽດຂຶ້ນກ່າວເປີດກອງປະຊຸມໃຫຍ່ ຄັ້ງທີ VI ຢ່າງເປັນທາງການ. ພ້ອມທັງຜ່ານຮ່າງບົດລາຍງານການເມືອງທັງສອງພາກ ຊຶ່ງບາງຕອນສະຫາຍໄດ້ກ່າວວ່າ: ຄະນະບໍລິຫານງານສະຫະພັນແມ່ຍິງ ອົງການໄອຍະການປະຊາຊົນສູງສຸດ ແມ່ນໜ່ວຍໜຶ່ງທີ່ເອກະລາດ ຊຶ່ງໄດ້ຈັດຕັ້ງເຄື່ອນໄຫວພາຍໃຕ້ການຊີ້ນໍາ-ນໍາພາຂອງຄະນະພັກ - ຄະນະນໍາອົງການໄອຍະການປະຊາຊົນສູງສຸດ, ມີພາລະບົດບາດໃນການສຶກສາອົບຮົມ ເຕົ້າໂຮມຄວາມສາມັກຄີປຸກລະດົມແມ່ຍິງປະຕິບັດໜ້າທີ່ວິຊາສະເພາະເປັນຕົວແທນປົກປ້ອງສິດຜົນປະໂຫຍດອັນຊອບທໍາຂອງແມ່ຍິງ ແລະ ເດັກ ສົ່ງເສີມການປະຕິບັດສິດສະເໜີພາບລະຫວ່າງ ຍິງ-ຊາຍ ເປັນເຈົ້າການໃນການຮັກສາ ແລະ ເສີມຂະຫຍາຍມູນເຊື້ອຂອງແມ່ຍິງລາວບັນດາເຜົ່າ ແລະ ມີຄວາມຫ້າວຫັນຕໍ່ໜ້າທີ່ວິຊາສະເພາະເຮັດສໍາເລັດໜ້າທີ່ການຈັດຕັ້ງມອບໝາຍໃຫ້ ແລະ ແຜນການທີ່ວາງໄວ້ເປັນແຕ່ລະໄລຍະ. ຕະຫຼອດໄລຍະ 5 ປີ ຜ່ານມາ ຄະນະບໍລິຫານງານສະຫະພັນແມ່ຍິງ ອອປສ ໄດ້ເປັນເຈົ້າການຈັດຕັ້ງຜັນຂະຫຍາຍແຜນພັດທະນາເສດຖະກິດ-ສັງຄົມ ກໍຄືແຜນພັດທະນາ ໄລຍະ 5 ປີຕໍ່ໜ້າ (2026-2030) ມີ 8 ແຜນງານ, 12 ໂຄງການ, ຜັນຂະຫຍາຍເນື້ອໃນຂໍ້ແຂ່ງຂັນ 3 ດີ ເຊື່ອມໂຍງກັບການປະຕິບັດວຽກວິຊາສະເພາະຄຽງຄູ່ກັບການປະຕິບັດ 2 ວາລະແຫ່ງຊາດ.ຄະນະບໍລິຫານງານສະຫະພັນແມ່ຍິງ ອົງການໄດ້ເອົາໃຈໃສ່ນໍາພາ-ຊີ້ນໍາເອື້ອຍນ້ອງແມ່ຍິງຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຜູ້ແທນແມ່ຍິງລາວທົ່ວປະເທດ ຄັ້ງທີ VIII ແລະມະຕິກອງປະຊຸມໃຫຍ່ສະມາຊິກສະຫະພັນແມ່ຍິງ ອົງການໄອຍະການປະຊາຊົນສູງສຸດ ຄັ້ງທີ V. ຜ່ານການເຄື່ອນໄຫວຈັດຕັ້ງປະຕິບັດພາລະບົດບາດ, ໜ້າທີ່ຂອງຕົນໂດຍພາຍໃຕ້ການຊີ້ນໍາ-ນໍາພາຂອງຄະນະພັກ-ຄະນະນໍາ ອົງການໄອຍະການປະຊາຊົນສູງສຸດ ແລະ ໄດ້ຮັບຄວາມເອົາໃຈໃສ່ຈາກຄະນະນໍາ ສູນກາງສະຫະພັນແມ່ຍິງລາວ ເຮັດໃຫ້ສະຫະພັນແມ່ຍິງ ອອປສ ໄດ້ຮັບການພັດທະນາຢ່າງບໍ່ຢຸດຢັ້ງ ແລະ ສາມາດຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ V ຂອງຕົນດ້ວຍຜົນສໍາເລັດ; ສະຫະພັນແມ່ຍິງອົງການໄດ້ດໍາເນີນກອງປະຊຸມຄົບຄະນະກາງສະໄໝ ແລະ ທ້າຍສະໄໝຂອງຄະນະບໍລິຫານງານສະຫະພັນແມ່ຍິງ ແລະໄດ້ນໍາພາດໍາເນີນກອງປະຊຸມໃຫຍ່ໜ່ວຍຮາກຖານທີ່ຂຶ້ນກັບສະຫະພັນແມ່ຍິງອອປສ ປັດຈຸບັນມີສະມາຊິກແມ່ຍິງທັງໝົດ 97 ສະຫາຍ ໃນນັ້ນຄະນະບໍລິຫານງານສະຫະພັນແມ່ຍິງ 7 ສະຫາຍ, ປະກອບມີ 8ໜ່ວຍ ແຕ່ລະໜ່ວຍມີຄະນະໜ່ວຍ 3 ສະຫາຍ ໃນນັ້ນ ມີຜູ້ຮັບຜິດຊອບວຽກງານກວດກາ 1 ສະຫາຍ. ຈາກນັ້ນ ຄະນະຊຸດເກົ່າກໍໄດ້ຂຶ້ນຜ່ານຜົນງານການຊີ້ນໍາ-ນໍາພາລວມຕະຫຼອດໄລຍະຜ່ານມາ ແລະ ກ່າວລາໜ້າທີ່. ພ້ອມດຽວກັນນີ້,ຜູ້ແທນກອງປະຊຸມໃຫຍ່ ໄດ້ນໍາໃຊ້ສິດປະຊາທິປະໄຕຂອງຕົນດ້ວຍຄວາມຮັບຜິດຊອບສູງປະຕິບັດຕາມກົດລະບຽບເພື່ອປ່ອນບັດຄັດເລືອກເອົາ ຄະນະບໍລິຫານງານສະຫະພັນແມ່ຍິງ ອົງການໄອຍະການປະຊາຊົນສູງສຸດ ຊຸດທີ VIໃນນີ້ມີຜູ້ສະໝັກ 11ສະຫາຍ ເລືອກເອົາ 9 ສະຫາຍ, ກອງປະຊຸມປະຖົມມະລືກໄດ້ເປັນເອກະພາບກັນເລືອກເອົາສະຫາຍ ນາງ ພອນທິບ ສາວະລີ ເປັນປະທານ,ສະຫາຍ ນາງແສງສຸດາ ສີປະເສີດ ຮອງປະທານ ທັງເປັນປະທານກວດກາ, ສະຫາຍ ນາງຫວານໃຈ ພະສີວໍລະວົງຮອງປະທານ.
ໂອກາດນີ້, ສະຫາຍ ນາງ ອາລີ ວົງໜໍ່ບຸນທໍາ ໄດ້ມີຄຳເຫັນໃຫ້ຄະນະບໍລິຫານງານສະຫະພັນແມ່ຍິງຊຸດໃໝ່ສືບຕໍ່ຈັດຕັ້ງຜັນຂະຫຍາຍມະຕິຂອງກອງປະຊຸມໃຫຍ່ຄັ້ງປະຖົມມະລືກ ໃຫ້ເປັນແຜນງານ, ໂຄງການ ແລະ ກິດຈະກຳລະອຽດ ເພື່ອຈັດຕັ້ງປະຕິບັດເຂົ້າສູ່ວຽກງານຕົວຈິງ ພ້ອມກັນນັ້ນ ກໍຕ້ອງມີກົນໄກຊຸກຍູ້ຕິດຕາມກວດກາປະເມີນຜົນການຈັດຕັ້ງປະຕິບັດເປັນແຕ່ລະໄລຍະເປັນປົກກະຕິ; ສຶກສາອົບຮົມວຽກງານການເມືອງແນວຄິດໃຫ້ສະມາຊິກຢ່າງເປັນປົກກະຕິ, ບຸກບືນຍົກສູງບົດບາດ ຄວາມກ້າວໜ້າເພດຍິງທັງການຍົກລະດັບຄວາມຮູ້ ຄວາມສາມາດ ໃນຖັນແຖວພະນັກງານວິຊາການ ຂຶ້ນເປັນ ພະນັກງານນຳພາ; ເອົາໃຈໃສ່ຈັດຕັ້ງປະຕິບັດໜ້າທີ່ການເມືອງ ກໍຄືວຽກງານວິຊາສະເພາະຢາງມີຄວາມຮັບຜິດຊອບສູງ ແລະ ມີຜົນສໍາ.
(ຂ່າວ-ພາບ: ສຸກ ອອປສ)
ຄໍາເຫັນ