ທ່ານນາງ ສາຍຄິດ ວິສີສົມບັດ ຮອງປະທານສະຫະພັນແມ່ຍິງກະຊວງຍຸຕິທຳ ໄດ້ຜ່ານບົດລາຍງານການເມືອງທັງສອງພາກ ຍົກໃຫ້ເຫັນຜົນງານການເຄື່ອນໄຫວຂອງເອື້ອຍນ້ອງແມ່ຍິງໃນ 5 ປີຜ່ານມາ (2020-2024) ແລະ ແຜນພັດທະນາແມ່ຍິງໃນ 5 ປີຕໍ່ໜ້າ (2025-2030) ໃນ 5 ປີຜ່ານມາ, ຄະນະສະຫະພັນແມ່ຍິງໄດ້ເອົາໃຈໃສ່ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຂອງແມ່ຍິງ ແລະ ມະຕິກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ເອົາໃຈໃສ່ສຶກສາອົບຮົມການເມືອງແນວຄິດໃຫ້ເອື້ອຍນ້ອງແມ່ຍິງ ຊຸກຍູ້ຂະບວນການເນື້ອໃນຂໍ້ແຂ່ງຂັນ 3 ດີ, ແຜນພັດທະນາແມ່ຍິງລາວ 5 ປີ, ລັດຖະທຳມະນູນ, ກົດໝາຍທີ່ພົວພັນເຖິງການພັດທະນາ ແລະ ປົກປ້ອງສິດຜົນປະໂຫຍດແມ່ຍິງ, ແມ່ ແລະ ເດັກ, ເອົາໃຈໃສ່ຂະຫຍາຍສະມາຊິກແມ່ຍິງ ຊຶ່ງມາຮອດປັດຈຸບັນທົ່ວກະຊວງ ມີສະມາຊິກສະຫະພັນແມ່ຍິງທັງໝົດ 122 ຄົນ ເປັນສະມາຊິກພັກ 101 ສະຫາຍ ມີ 10 ໜ່ວຍ ແລະ 1 ຮາກຖານສະຫະພັນແມ່ຍິງຂຶ້ນກັບ ຄະນະສະຫະພັນແມ່ຍິງໄດ້ຊຸກຍູ້ໃຫ້ສະພາທະນາຍຄວາມລາວ ເພື່ອຂະຫຍາຍເປັນໜ່ວຍສະຫະພັນແມ່ຍິງໃນຕໍ່ໜ້າ, ເອົາໃຈໃສ່ຊຸກຍູ້ໃຫ້ສະມາຊິກແມ່ຍິງໃຫ້ໄດ້ຮັບການຍົກລະດັບຂັ້ນຕ່າງໆທັງພາຍໃນ ແລະ ຕ່າງປະເທດ, ສະມາຊິກແມ່ຍິງກວມ 90% ໄດ້ປະກອບສ່ວນມີຜົນງານພົ້ນເດັ່ນໃນແຕ່ລະປີ ທີ່ໄດ້ຮັບການປະກອບສ່ວນສ້າງສາພັດທະນາປະເທດຊາດ ຈຶ່ງໄດ້ຮັບການຍ້ອງຍໍຄື: ໃນ 5 ປີຜ່ານມາໄດ້ຮັບຫຼຽນໄຊແຮງງານຊັ້ນ 2 ຈຳນວນ 1 ໜ່ວຍ, ຊັ້ນ 3 ຈຳນວນ 3 ໜ່ວຍ, ໃບຍ້ອງຍໍລັດຖະບານ 360 ໃບ, ໃບຍ້ອງຍໍລັດຖະມົນຕີກະຊວງ 1,650 ໃບ ແລະ ໃບຍ້ອງຍໍຈາກສູນກາງສະຫະພັນແມ່ຍິງລາວ, ສູນກາງຊາວໜຸ່ມ ແລະ ກຳມະບານລາວຈຳນວນໜຶ່ງ ໄດ້ປະກອບສ່ວນຢ່າງຕັ້ງໜ້າໃນການບໍລິການໃຫ້ຄຳປຶກສາ, ຈັດຝຶກອົບຮົມ ແລະ ແກ້ໄຂບັນຫາເພື່ອປົກປ້ອງສິດ ແລະ ຜົນປະໂຫຍດອັນຊອບທຳຂອງແມ່ຍິງ ແລະ ເດັກໄດ້ 127 ຄັ້ງ 1,143 ຄົນ ຍິງ 712 ຄົນ, ໃຫ້ການຊ່ວຍເຫຼືອທາງດ້ານກົດໝາຍ 4,924 ເທື່ອຄົນ ແລະ ໃຫ້ບໍລິການທັງໝົດ 120,512 ຄົນ ປະກອບສ່ວນລົງໂຄສະນາເຜີຍແຜ່ກົດໝາຍ ແລະ ຕັ້ງໂຕະໃຫ້ຄຳປຶກສາແບບເຄື່ອນທີ່ໄດ້ 547 ຄັ້ງ ມີຜູ້ເຂົ້າຮ່ວມ 20,692 ຄົນ, ໃຫ້ຄຳປຶກສາດ້ານກົດໝາຍໂດຍບໍ່ເສຍຄ່າພາຍໃຕ້ການສະໜັບສະໜູນງົບປະມານຈາກໂຄງການອົງການຈັດຕັ້ງສາກົນ ແລະ ຕ່າງປະເທດ ສາມາດເຄື່ອນໄຫວໄດ້ 148 ເມືອງ.
ກອງປະຊຸມໄດ້ປ່ອນບັດເລືອກຕັ້ງເອົາຄະນະບໍລິຫານສະຫະພັນແມ່ຍິງຊຸດໃໝ່ 13 ທ່ານ, ກອງປະຊຸມຄັ້ງມະລືກໄດ້ເປັນເອກະສັນເລືອກເອົາທ່ານນາງ ເກມອຸລາ ໄຊຍະວົງ ເປັນປະທານ, ທ່ານນາງ ເພັດສະໄໝ ໄຊມຸງຄຸນ ເປັນຮອງປະທານ, ທ່ານນາງ ລົດຈະນາ ເຂັມທອງ ເປັນຮອງປະທານ ທັງເປັນປະທານກວດກາ ແລະ ທ່ານນາງ ຄຳສະໄໝ ຈັນສະໝອນ ເປັນຮອງປະທານກວດກາ. ກອງປະຊຸມຍັງໄດ້ເລືອກເອົາຜູ້ແທນສົມບູນ 3 ທ່ານ, ສຳຮອງ 1 ທ່ານ ໄປຮ່ວມກອງປະຊຸມໃຫຍ່ຄັ້ງທີ IX ຂອງຜູ້ແທນແມ່ຍິງລາວທົ່ວປະເທດ ພ້ອມທັງຮັບຟັງການໂອ້ລົມໃຫ້ທິດຊີ້ນໍາຈາກປະທານກອງປະຊຸມຕື່ມອີກ.
ທີ່ມາ: ວຽງຈັນໃໝ່
ຄໍາເຫັນ