ທ່ານ ແກ້ວໄພທຸນ ແກ້ວມະນີ ຮອງປະທານແນວລາວສ້າງຊາດເມືອງ ໄດ້ຜ່ານບົດລາຍງານ ການເມືອງ ທັງ 2 ພາກ ໃນການເຄື່ອນໄຫວວຽກງານຂອງຄະນະກໍາມະການແນວລາວສ້າງຊາດເມືອງ ຫຼວງນໍ້າທາ 5 ປີຜ່ານມາ (2020-2024) ແລະ ທິດທາງໃນຕໍ່ຫນ້າ (2025-2029).
 |
ໄລຍະ 5 ປີ ຜ່ານມາ ຄະນະກໍາມະການ ແນວລາວສ້າງຊາດເມືອງ ໄດ້ຕັ້ງໜ້າເສີມຂະຫຍາຍມູນເຊື້ອອັນສະຫງ່າລາສີ ຂອງແນວລາວອິດສະຫຼະ ແລະ ແນວລາວຮັກຊາດໃນເມື່ອກ່ອນ, ສຶບຕໍ່ເປັນຄັນທຸງເຕົ້າໂຮມຄວາມສາ ມັກຄີທົ່ວປວງຊົນໃຫ້ເປັນປຶກແຜ່ນແໜ້ນໜາ ແລະ ແກ້ໄຂຄວາມຂັດຂ້ອງໜອງໃຈຂອງປະຊາຊົນ ແລະ ຊຸກຍູ້ປະຊາຊົນບັນດາເຜົ່າປົກປັກຮັກສາຮິດຄອງ ປະເພນີອັນດີງາມຂອງຊາດ, ຂອງເຜົ່າ, ເອົາໃຈໃສ່ຕິດ ຕາມກວດກາການຈັດຕັ້ງປະຕິບັດຂອງຄະນະກຳມະການ ແນວລາວສ້າງຊາດຂັ້ນເມືອງ-ຂັ້ນບ້ານ ໃຫ້ມີການເຄື່ອນໄຫວຖືກຕ້ອງສອດຄ່ອງກັບພະລະບົດບາດ, ສິດ ແລະ ໜ້າທີຂອງແນວລາວສ້າງຊາດ, ປະສານສົມທົບກັບອົງການພາຄີ, ອົງການຈັດຕັ້ງຕ່າງໆ ຕະຫຼອດຮອດພະນັກງານ-ລັດຖະກອນ ເປີດບັ້ນ ແຂ່ງຂັນຮັກຊາດ ແລະ ພັດທະນາວຽກງານກໍ້ສ້າງຮາກຖານການເມືອງຕາມ 4 ເນື້ອໃນ 4 ຄາດໝາຍ, ໄດ້ສ້າງຕັ້ງກອງທືນສາມັກຄີໄດ້ 4 ກອງທືນ ມີສາມະຊິກ 3,423 ຄົນ, ມີເງິນກອງທືນໝູນວຽນທັງໝົດ 26 ຕື້ ກວ່າກີບ, ໄດ້ຈັດຕັ້ງປະຕິບັດຂະບວນການສ້າງເປັນຄອບຄົວ ແລະ ປະກາດຮັບຮອງບ້ານສາມັກຄີ ປອງດອງ ໄດ້ 76 ບ້ານ, ມີ 12,783 ຄອບຄົວ ເທົ່າກັບ 87,62%.
ກອງປະຊຸມ, ຄະນະກໍາມະການແນວລາວສ້າງຊາດຊຸດເກົ່າໄດ້ຂຶ້ນລາໜ້າທີ່ຕາມອາຍຸການ. ຈາກນັ້ນ, ກໍໄດ້ຜ່ານມາດຖານເງື່ອນໄຂຜູ້ສະໝັກ ແລະ ຜ່ານລາຍຊື່ຜູ້ທີ່ສະໝັກເປັນຄະນະກຳມະການ ແນວລາວສ້າງຊາດຊຸດ ໃໝ່ ຊຶ່ງມີຜູ້ສະໝັກ 43 ທ່ານ ຍິງ 5 ທ່ານ. ກອງປະຊຸມ ຄັ້ງປະຖົມມະລຶກຂອງ ຄະນະກໍາມະການແນວລາວ ສ້າງຊາດ ຊຸດທີ X ໄດ້ເປັນເອກະສັນຮັບຮອງເອົາຄະນະປະຈໍາ 5 ທ່ານ ຍິງ 2 ທ່ານ, ຕົກລົງຮັບຮອງເອົາ ທ່ານ ຄໍາພຸດ ໂພທິລາດ ກຳມະການປະຈຳພັກເມືອງ ເປັນປະທານ ແນວລາວສ້າງຊາດເມືອງ, ທ່ານ ນາງ ສອນເພັດ ແກ້ວວົງເພັດ ແລະ ທ່ານ ແກ້ວໄພທຸນ ແກ້ວມະນີ ເປັນຮອງປະທານ ແລະ 40 ທ່ານ ເປັນຄະນະກໍາມະການ ແນວລາວສ້າງຊາດເມືອຫຼວງນໍ້າທາ.
(ແຫຼ່ງຂ່າວ: ເມືອງຫຼວງນໍ້າທາ)
ຄໍາເຫັນ