ກອງປະຊຸມໃຫຍ່ຂອງຜູ້ແທນນັກຮົບເກົ່າເມືອງວຽງພູຄາສະໄໝທີ V ແຂວງຫຼວງນໍ້າທາໄດ້ຈັດຂຶ້ນ ທີ່ສະໂມສອນເມືອງ ໃນວັນທີ 7 ພຶດສະພາ 2024ນີ້ ພາຍໃຕ້ການເປັນປະທານຂອງ ສະຫາຍ ຄໍາເພົ້າ ສຸນາລົງ ປະທານສະຫະພັນນັກຮົບເກົ່າເມືອງ ໂດຍມີ ສະຫາຍ ນາງ ຈັນຄໍາ ທອງມີໄຊ ຮອງເລຂາພັກເມືອງ ປະທານແນວລາວສ້າງຊາດເມືອງ, ສະຫາຍ ພັນໂທ ແສງວັນດີ ວ່າໄຊຢີ ປະທານສະຫະພັນນັກຮົບເກົ່າ ແຂວງຫຼວງນໍ້າທາ, ມີບັນດາປະທານ-ຮອງປະທານນັກຮົບເກົ່າຈາກ 4 ເມືອງເຂົ້າຮ່ວມ.
ສະຫາຍ ຄໍາເພົາ ສຸນາລົງ ໄດ້ກ່າວເປີດກອງປະຊຸມຂຶ້ນຢ່າງເປັນທາງການ ພ້ອມທັງຜ່ານຮ່າງບົດລາຍງານການເມືອງ ຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ຂອງຜູ້ແທນນັກຮົບເກົ່າ ຄັ້ງທີ IV ໃນໄລຍະ 5 ປີຜ່ານມາ ຊຶ່ງໄດ້ຍົກໃຫ້ເຫັນເຖິງພະລະບົດບາດຂອງນັກຮົບເກົ່າ, ຜ່ານມານັກຮົບເກົ່າໄດ້ຖືສໍາຄັນ ແລະ ເອົາໃຈໃສ່ເຮັດວຽກງານອົບຮົບການເມືອງ-ແນວຄິດ, ປຸກລະດົມສະມາຊິກນັກຮົບເກົ່າ ແລະ ເສີມຂະຫຍາຍມູນເຊື້ອປະຕິວັດ, ປະກອບສ່ວນເຂົ້າໃນພາລະກິດປົກປັກຮັກສາ ແລະ ພັດທະນາປະເທດຊາດດ້ວຍຄວາມເປັນເຈົ້າການ,ແລະ ໜ້າທີ່ການເມືອງທີ່ສໍາຄັນ ຂອງຄະນະສະຫະພັນນັກຮົບເກົ່າ ແລະ ສະມາຊິກນັກຮົບເກົ່າທຸກຄົນ, ທັງເປັນອຸດົມການອັນສະເໝີຕົ້ນສະເໝີປາຍ, ຈິດໃຈບໍລິສຸດຕໍ່ພັກ,ຕໍ່ປະເທດຊາດຂອງຖັນແຖວນັກຮົບຕະຫຼອດມາ, ນອກນັ້ນຍັງໄດ້ສົມທົບແໜ້ນ ກັບບັນດາອົງການຈັດຕັ້ງພັກ-ລັດທຸກຂັ້ນ ແລະ ສຸມໃສ່ປັບປຸງການຈັດຕັ້ງເຕົ້າໂຮມນັກຮົບເກົ່າເຂົ້າເປັນສະມາຊິກ, ປັບປຸງແບບແຜນວິທີເຮັດວຽກ; ປະຕິບັດໜ້າທີ່ເປັນຕົວແທນແຫ່ງສິດຜົນປະໂຫຍດ ອັນຊອບທໍາ ຂອງນັກຮົບເກົາພາຍໃຕ້ການນໍາພາຂອງພັກໄດ້ດີກວ່າເກົ່າ. ພ້ອມທັງປະຕິບັດຫຼັກການ, ລະບຽບຕິດຕາມ, ກວດກາສະກັດກັ້ນຕ້ານປະກົດການຫຍໍ້າທໍ້ໃນຂົງເຂດວຽກງານນັກຮົບເກົ່າ, ເອົາໃຈໃສ່ຜັນຂະຫຍາຍວຽກງານ 3 ດີ 6 ຮັກສາມູນເຊື້ອຂອງນັກຮົບເກົ່າຢ່າງກວ້າງຂວາງ ທົ່ວເມືອງ ມີໜ່ວຍນັກຮົບເກົ່າທັງໝົດ 15 ໜ່ວຍ, ມີສະມາຊິກ 345 ສະຫາຍ, ຍິງ 2 ສະຫາຍ, ໜ່ວຍນັກຮົບເກົ່າປະເພດ I ມີ 13 ໜ່ວຍ ເທົ່າກັບ 86%
ໜ່ວຍປະເພດ II ມີ 2 ໜ່ວຍ ເທົ່າກັບ 14% ສະມາຊິກປະເພດ I ມີ 295 ສະຫາຍ, ຍິງ 1 ສະຫາຍ ເທົ່າກັບ 85% ສະມາຊິກປະເພດ II ມີ 50 ສະຫາຍ, ຍິງ 1 ສະຫາຍ ເທົ່າກັບ 15 %, 5 ປີຜ່ານມາໄດ້ຮັບໃບຢັ້ງຢືນໜ່ວຍນັກຮົບເກົ່າ 3 ດີ, 6 ຮັກສາມູນເຊື້ອ 13 ໜ່ວຍ, ຮັບໃບຍ້ອງຍໍບຸກຄົນ ແລະ ກົມກອງ 3 ດີ, 6 ຮັກສາ 97 ໃບ, ບຸກຄົນ 3 ດີ, 6 ຮັກສາ ປະເພດ I ມີ 31 ສະຫາຍ, ປະເພດ II ມີ 66 ສະຫາຍ, ຍິງ 2 ສະຫາຍ. ພ້ອມນັ້ນກອງປະຊຸມຍັງໄດ້ວາງທິດທາງແຜນການໃນໄລຍະ 5 ປີຕໍ່ໜ້າ ສຶບຕໍ່ສຶກສາອົບຮົບການເມືອງ-ແນວຄິດ, ຈັດຕັ້ງເຜີຍແຜ່ເຊື່ອມຊຶມແນວທາງນະໂຍບາຍ, ມະຕິ, ຄໍາສັ່ງຂອງພັກ, ລັດຖະທໍາມະນູນ ແລະ ກົດ ໝາຍຂອງລັດ ປັບປຸງການຈັດຕັ້ງແຕ່ລະຂັ້ນໃຫ້ໜັກແໜ້ນ, ເຂັ້ມແຂງ, ສາມາປະຕິບັດພາລະບົດບາດເປັນຕົວແທນແຫ່ງສິດຜົນປະໂຫຍດ ອັນຊອບທໍາ ຂອງສະມາຊິກນັກຮົບເກົ່າ ຢ່າງແທ້ຈິງ, ຍົກສູງສະຕິລະວັງຕົວ ແລະ ປະຕິບັດລັດຖະທໍາມະນູນ, ກົດໝາຍຂອງລັດໃຫ້ໄດ້ດີ, ໃນກອງປະຊຸມຍັງໄດ້ຜ່ານມາດຖານເງືອນໄຂ ແລະ ປອນບັດຄັດເລືອກເອົາຄະນະບໍລິຫານງານສະຫະພັນນັກຮົບເກົາເມືອງສະໃໝທີ V ປະກອບມີ 5 ສະຫາຍ, ກອງປະຊຸມຄັ້ງປະຖົມມະລຶກໄດ້ ຮັບຮອງເອົາປະທານ, ຮອງປະທານ, ປະທານກວດກາສະຫະພັນນັກຮົບເກົາດັ່ງນີ້: ສະຫາຍ ພັນໂທ ທອງສີ ສຸຂະວົງ. ເປັນປະທານສະຫະພັນນັກຮົບເກົາເມືອງຊຸດໃໝ່, ສະຫາຍ ພັນໂທ ເຈີເເກ້ວ ສັນຍາສອນ, ເປັນປະທານກວດການັກຮົບເກົາ, ສະຫາຍ ຄິດ ວິວັນຮຽມ ເປັນຜູ້ຊ່ວຍວຽກກວດການັກຮົບເກົາ, ກອງປະຊຸມຍັງໄດ້ຄັດເລືອກເອົາຜູ້ແທນສົມບຸນເພື່່ອເຂົ້າຮ່ວມກອງປະຊຸມໃຫຍ່ຄັ້ງທີ V ຂອງສະຫະພັນນັກຮົບເກົາແຂວງ.ຂ່າວ: ຄໍາປິງ- ພາບ: ທອງວີ
ຄໍາເຫັນ