ໃຫ້ກຽດເຂົ້າຮ່ວມຂອງ ສະຫາຍ ມອນໄຊ ລາວມົ່ວຊົງ ກຳມະການສຳຮອງສູນກາງພັກເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ສະຫາຍ ຊົງເລົ່າ ຢົງນູ ຮອງເລຂາຄະນະພັກ ນະຄອນຫຼວງວຽງຈັນ, ມີຮອງເຈົ້າຄອງ, ການນໍານະຄອນຫຼວງ, ບັນດາເລຂາຄະນະບໍລິຫານງານຊາວໜຸ່ມເມືອງ, ພະແນກການ ແລະ ພາກສ່ວນກ່ຽວຂ້ອງເຂົ້າຮ່ວມ.
ກອງປະຊຸມ ໄດ້ພ້ອມກັນຄົ້ນຄວ້າ ແລະ ປະກອບຄຳຄິດຄຳເຫັນ ໃສ່ຮ່າງລາຍງານການເມືອງແລະ ບົດສຳຫຼວດການນຳພາລວມຂອງຄະນະບໍລິຫານງານຊາວໜຸ່ມນະຄອນຫຼວງວຽງຈັນ ເອກະພາບຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດ, ບົດຮຽນໃນການຊີ້ນຳ-ນໍາພາ ແລະປະຕິບັດມະຕິກອງປະຊຸມໃຫຍ່ໃນໄລຍະຜ່ານມາ, ພ້ອມກັນນັ້ນ ກອງປະຊຸມ ຍັງໄດ້ເປັນເອກະພາບນໍາເອົາທິດທາງແຜນການ ແລະ ຄາດໝາຍສູ້ຊົນ 5 ປີ ຕໍ່ໜ້າ ແຕ່ປີ 2025-2030ຊຶ່ງມີເນື້ອໃນຕົ້ນຕໍດັ່ງນີ້: ເພີ່ມທະວີການສຶກສາອົບຮົບການເມືອງ-ແນວຄິດ, ຍົກລະດັບຄວາມຮັບຮູ້, ຄວາມເລິກເຊິ່ງຕໍ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ ແລະ ຄວາມຮູ້ດ້ານອື່ນໆ, ສະມາຊິກຊາວໜຸ່ມ-ໄວໜຸ່ມ ແລະ ເຍົາວະຊົນບັນດາເຜົ່າໃຫ້ໄດ້ 75% ຂອງຈຳນວນສະມາຊິກຊາວໜຸ່ມ, ເຍົາວະຊົນທັນວາ ທັງໝົດທົ່ວນະຄອນຫຼວງວຽງຈັນ.ຂະຫຍາຍສະມາຊິກຊາວໜຸ່ມໃຫ້ເຂົ້າເປັນສະມາຊິກພັກ ໃຫ້ໄດ້ 3% ຂອງຈຳນວນສະມາຊິກ,ຂະຫຍາຍສະມາຊິກເຍົາວະຊົນ-ອະນຸຊົນ ໃຫ້ໄດ້ 70% ຂອງເຍົາວະຊົນ-ອະນຸຊົນ,ສະມາຊິກ, ກອງເຍົາວະຊົນ 3ດີ 4ຮູ້ 70% ແລະ ກອງດຸລິຍາງເຍົາວະຊົນໃຫ້ໄດ້ 3ກອງ, ຈັດຕັ້ງປະຕິບັດຂໍ້ແຂ່ງຂັນ 4 ບຸກ ຢູ່ບັນດາຮາກຖານ-ໜ່ວຍຊາວໜຸ່ມແຕ່ລະຂັ້ນໂດຍເລັ່ງໃສ່ກວດກາ,ປະເມີນຜົນ,ຈັດປະເພດສະມາຊິກຊາວໜຸ່ມ,ຮາກຖານ,ໜ່ວຍຮາກຖານຊາວໜຸ່ມ,ນະຄອນຫຼວງວຽງຈັນ 4 ບຸກໃຫ້ໄດ້ 80%, ສຸມໃສ່ການພັດທະນາ ແລະ ການສ້າງວຽກເຮັດງານທຳ ໃຫ້ຮັບປະກັນທາງດ້ານຄຸນະພາບ ໂດຍການສົ່ງເສີມການຝຶກວິຊາຊີບ, ການສ້າງມາດຖານດ້ານວິຊາຊີບ, ຂໍ້ມູນດ້ານແຮງງານ, ສຸມໃສ່ການແກ້ໄຂບັນຫາຢາເສບຕິດ, ປະກົດການຫຍໍ້ທໍ້ຕ່າງໆໃນຖັນແຖວຊາວໜຸ່ມ-ເຍົາວະຊົນ ດ້ວຍຫຼາຍວິທີຢ່າງເຂັ້ມງວດ,ສຸມໃສ່ສ້າງຕັ້ງສະຫະພັນຊາວໜຸ່ມນະຄອນຫຼວງ ແລະ ສ້າງຕັ້ງສະຫະພັນຊາວໜຸ່ມເມືອງ, ເພີ່ມທະວີການຮັບປະກັນສິດເທົ່າທຽມກັນຂອງຊາວໜຸ່ມ, ເຍົາວະຊົນທຸກຂອບເຂດ,ເພີ່ມທະວີການປັບປຸງ, ການຄຸ້ມຄອງ ແລະ ການບໍລິຫານໃຫ້ມີປະສິດທິພາບ, ທັນສະໄໝເປັນເສດຖະກິດດີຈີຕອນສາມາດຂັບເຄື່ອນພັດທະນາ-ເສດຖະກິດສັງຄົມ ຕາມທີ່ພັກເຮົາກຳນົດໄວ້,ຊຸກຍູ້ການສ້າງສະຄົມນັກທຸລະກິດໜຸ່ມຂອງເມືອງໃຫ້ໄດ້ 1 ເມືອງ ແລະ ສ້າງເສດຖະກິດໃນຖັນແຖວສະມາຊິກຊາວໜຸ່ມ,ສົ່ງເສີມ ແລະ ພັດທະນາສະມາຄົມນັກທຸລະກິດໜຸ່ມໃຫ້ມີການຂະຫຍາຍຕົວເຂັ້ມແຂງເພື່ອແຂ່ງຂັນກັບພາກພື້ນ. ສ້າງເງື່ອນໄຂໃຫ້ເຂົາເຈົ້າເຂົ້າເຖິງແຫຼ່ງທຶນ ເພື່ອສ້າງຄວາມເຂັ້ມແຂງຂຶ້ນເລື້ອຍໆ,ເພີ່ມທະວີການປະສານສົມທົບ ໃນການຍາດແຍ່ງການຮ່ວມ ແລະ ເຂົ້າເປັນຄູ່ຮ່ວມມືອົບຮົມວິຊາຊີບ ສ້າງວຽກເຮັດງານທຳ ໃຫ້ໄດ້ 3 ເມືອງ.
ກອງປະຊຸມ ໄດ້ເອກະພາບສູງຮັບຮອງເອົາ ບົດສຳຫຼວດການນຳພາລວມ ຂອງຄະນະບໍລິຫານນະຄອນຫຼວງວຽງຈັນ ສະໄໝທີ VIII ແລະ ໄດ້ຮັບຟັງການປະກອບຄຳຄິດຄຳເຫັນ ຕາງໜ້າຂົງເຂດເສດຖະກິດ ແລະ ຄອບຄົວ.ການປະກອບຄຳເຫັນດັ່ງກ່າວລ້ວນແຕ່ສະແດງຄວາມເປັນເອກະພາບຕໍ່ລາຍງານການເມືອງທີ່ສະແດງໃຫ້ເຫັນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VIII ອັນໄດ້ເຮັດໃຫ້ກອງປະຊຸມມີເນື້ອໃນອຸດົມສົມບູນ; ຜູ້ແທນກອງປະຊຸມໄດ້ພ້ອມກັນໃຊ້ສິດປະຊາທິປະໄຕຂອງຕົນປ່ອນບັດຄັດເລືອກເອົາຄະນະບໍລິຫານງານຊາວໜຸ່ມ ສະໄໝທີ IX ບົນພື້ນຖານຫຼັກການລວມສູນປະຊາທິປະໄຕສອດຄ່ອງກັບມາດຖານເງື່ອນໄຂທີ່ກໍານົດໄວ້ຊຶ່ງມີຜູ້ລົງສະໝັກຈໍານວນ 42 ສະຫາຍ, ເລືອກເອົາ 39 ສະຫາຍເປັນຄະນະບໍລິຫານງານຊາວໜຸ່ມນະຄອນຫຼວງວຽງຈັນ. ກອງປະຊຸມຄັ້ງປະຖົມມະລືກ ໄດ້ເປັນເອກະສັນກັນ ເລືອກເອົາ ສະຫາຍ ຫຸມແພງ ສີສົມບັດ ເປັນເລຂາຄະນະບໍລິຫານງານຊາວໜຸ່ມນະຄອນຫຼວງວຽງຈັນຕື່ມອີກສະໄໝ, ເລືອກເອົາສະຫາຍ ນາງ ລັດດາພອນ ປອນສາຍຄໍາ, ສະຫາຍ ສີລິວັນ ຫຼຽນວິໄລສັກ ແລະ ສະຫາຍ ນາງ ວິຍະດາ ພິມພັນ ເປັນຮອງເລຂາຄະບໍລິຫານງານຊາວໜຸ່ມນະຄອນຫຼວງວຽງຈັນ; ເລືອກເອົາປະທານ ແລະຮອງປະທານກວດກາຊາວໜຸ່ມ ແລະຄະນະປະຈໍາ ຈໍານວນ 11 ສະຫາຍ.
ພິເສດກອງປະຊຸມຍັງຈະໄດ້ຮັບຟັງຄໍາເຫັນໂອ້ລົມຂອງ ສະຫາຍ ຊົງເລົ່າ ຢົງນູ ແລະ ສະຫາຍ ມອນໄຊ ລາວມົວຊົ່ງ ເພື່ອໃຫ້ກອງປະຊຸມມີເນື້ອໃນສົມບູນ ແລະ ເລິກເຊິ່ງ.
(ຂ່າວ-ພາບ: ສ.ສັນທະນາ)
ຄໍາເຫັນ