ສະຫາຍ ສົມບູນ ອາຄະວົງສາ ເລຂາຄະນະພັກຮາກຖານ ຄບຕ ຜ່ານຮ່າງບົດລາຍງານການເມືອງຂອງຄະນະພັກຮາກຖານຫ້ອງການ ຄບຕ ວ່າ: ດ້ານແບບແຜນການນຳພາ-ວິທີເຮັດວຽກໄດ້ປະຕິບັດຫຼັກການລວມສູນປະຊາທິປະໄຕຄົ້ນ ຄວ້າປຶກສາຫາລືເປັນໝູ່ຄະນະ, ແບ່ງຄວາມຮັບຜິດຊອບໃຫ້ບັນດາສະຫາຍໃນຄະນະໜ່ວຍພັກຊີ້ນໍາຕາມສາຍວິຊາສະເພາະ. ເວົ້າລວມແລ້ວທຸກໆຂະແໜງການໄດ້ເປັນເຈົ້າການນໍາພາ-ຊີ້ນຳ, ແຕ່ລະເດືອນມີການປະຊຸມສ່ອງແສງວຽກພັກ, ວຽກລັດເພື່ອຕິດຕາມ, ກວດກາ, ປະເມີນຜົນຊອກໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງເພື່ອແກ້ໄຂບັນຫາດ້ວຍຄວາມຮັບຜິດຊອບສູງ; ຈັດຕັ້ງຜັນຂະຫຍາຍແຜນງານຮັກສາຄວາມສະອາດຕົວເມືອງທີ່ ນວ ວາງອອກ ໂດຍສະເພາະບັນດານິຕິກຳການຄຸ້ມຄອງຕົວເມືອງເປັນຕົ້ນ: ຍຸດທະສາດການຄຸ້ມຄອງຂີ້ເຫຍື້ອໃນ ນວ ປີ 2020-2030, ຂໍ້ຕົກລົງວ່າດ້ວຍ ສ ສະອາດ ແລະ ອື່ນໆ; ຜັນຂະຫຍາຍແຜນພັດທະນາຂອງຫ້ອງການ ຄບຕ ມາເປັນອັນລະອຽດ ແລະ ນໍາພາສະມາຊິກພັກ, ພະນັກງານ-ກຳມະ ກອນປະຕິບັດແຜນວຽກທີ່ໄດ້ວາງໄວ້ໃນແຕ່ລະໄລຍະ. ພ້ອມທັງມີການຕິດຕາມ, ຊຸກຍູ້ ແລະ ປະຕິບັດລະບອບລາຍງານ, ປະເມີນຜົນ, ສະຫຼຸບລາຍງານຂັ້ນເທິງເປັນປົກກະຕິ; ເອົາໃຈໃສ່ເປັນເຈົ້າການກວດກາ ການເຄື່ອນໄຫວວຽກງານຂອງສະ ມາຊິກພັກ-ພະນັກງານ, ສຶກສາອົບຮົມຖັນແຖວສະມາຊິກພັກ-ພະນັກງານໃຫ້ມີສະຕິຕໍ່ການຈັດຕັ້ງ, ມີລະບຽບວິໄນຂອງພັກ ແລະ ກົດໝາຍຂອງລັດ, ເອົາໃຈໃສ່ຄຸ້ມຄອງສະມາຊິກພັກ, ພະນັກງານ-ລັດຖະກອນ ເປັນຕົ້ນການຄຸ້ມຄອງປະຫວັດ, ຄຸ້ມຄອງຕິດຕາມກວດກາ ການເຄື່ອນໄຫວ ແລະ ການພົວພັນສັງຄົມຂອງສະມາຊິກພັກ-ພະນັກງານຢ່າງເປັນປະຈຳ ເພື່ອສະກັດກັ້ນການສໍ້ລາດບັງຫຼວງ ແລະ ປະກົດການຫຍໍ້ທໍ້ຕ່າງໆໃນຖັນແຖວສະມາຊິກພັກ-ພະນັກງານ. ຜ່ານການຈັດຕັ້ງປະ ຕິບັດເຮັດໃຫ້ຄຸນທາດການເມືອງ, ຄຸນສົມບັດສິນທຳປະຕິວັດຂອງສະມາຊິກພັກ, ພະນັກງານມີຄວາມໜັກແໜ້ນ, ຮັກສາໄດ້ຄວາມລັບຂອງພັກ, ມີສະຕິລະວັງຕົວຕໍ່ກົນອຸບາຍຫັນປ່ຽນຂອງກຸ່ມຄົນບໍ່ດີ, ເອົາໃຈໃສ່ປ້ອງກັນສຳນັກງານ-ຫ້ອງການໃຫ້ມີຄວາມສະຫງົບໂດຍພື້ນຖານ, ຫັນເອົາສະມາຊິກພັກ, ພະນັກງານຫຼັກແຫຼ່ງລົງຮາກຖານຢູ່ 7 ເມືອງໃນ ນວ 19 ສະຫາຍຍິງ 5 ສະຫາຍ ເພື່ອຈັດຕັ້ງຜັນຂະຫຍາຍຂໍ້ຕົກລົງເລກທີ 104/ຈນວ, ລົງວັນທີ 11 ກຸມພາ 2020 ວ່າດ້ວຍການຮັບຮອງ 300 ບ້ານເຂົ້າເປັນເປົ້າໝາຍບ້ານອະນາໄມ ແລະ ກຳຈັດຂີ້ເຫຍື້ອຕິດພັນກັບການແກ້ໄຂຄວາມທຸກຍາກ, ວຽກງານ 3 ສ້າງ ແລະ ຂະບວນການແຂ່ງຂັນ “ຮັກຊາດ ແລະ ພັດທະນາ”.
ໃນພິທີໄດ້ຜ່ານມະຕິຕົກລົງຂອງຄະນະປະຈຳພັກ ນວ ວ່າດ້ວຍການຍຸບເລີກຄະນະພັກຮາກຖານ ແລະ ສ້າງຕັ້ງໜ່ວຍພັກຮາກຖານຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ ແລະ ປະກາດບົ່ງຕົວແຕ່ງຕັ້ງຄະນະໜ່ວຍພັກຮາກຖານຊຸດໃໝ່ ຊຶ່ງໄດ້ແຕ່ງຕັ້ງສະຫາຍ ປັນຍາ ມະນີວົງ ເປັນເລຂາໜ່ວຍພັກ, ສະຫາຍ ສອນເພັດ ວົງປະດິດ ເປັນຮອງ ທັງເປັນຜູ້ກວດກາ, ສະຫາຍ ສອນທະວີ ພິມມະສານ ເປັນກຳມະການ.
ຂ່າວ: ກະແຕ
ຄໍາເຫັນ