 |
ສະຫາຍ ພັນໂທ ນາງ ຄຳຜາຍ ອາດສົມພູ ໄດ້ຂຶ້ນຜ່ານຮ່າງບົດລາຍງານການເມືອງກ່ຽວກັບການເຄື່ອນໄຫວນຳພາ-ຊີ້ນຳ ຂອງໜ່ວຍພັກແຕ່ປີ 2021-2025 ແລະ ທິດທາງແຜນການ 2026-2030, ຜ່ານບົດສໍາຫຼວດການນຳພາລວມຂອງໜ່ວຍພັກ ຊຶ່ງໄດ້ຊີ້ໃຫ້ເຫັນເຖິງວຽກງານອັນພົ້ນເດັ່ນ ແລະ ຂໍ້ຄົງຄ້າງວຽກງານພັັກ ແລະ ວຽກງານວິຊາສະເພາະໃນໄລຍະທີ່ຜ່ານມາ ພ້ອມດ້ວຍຜ່ານທິດທາງ ແຜນການໃນຕໍ່ໜ້າເພື່ອຊຸກຍູ້ສົ່ງເສີມ ແລະ ຜັນຂະຫຍາຍວຽກງານສະຫະພັນນັກຮົບເກົ່າໃນຕໍ່ໜ້າໃຫ້ຖືກຕ້ອງສອດຄ່ອງຕາມທິດທາງແຜນການຂອງຂັ້ນເທິງວາງອອກ.
ກອງປະຊຸມ, ຍັງໄດ້ດຳເນີນການປ່ອນບັດຄັດເລືອກເອົາ ຄະນະໜ່ວຍພັກຮາກຖານຊຸດໃໝ່ ຊຶ່ງມີຜູ້ສະໝັກ 5 ສະຫາຍ ຍິງ 2 ສະຫາຍ. ກອງປະຊຸມຄັ້ງປະຖົມມະລຶກໄດ້ຕົກລົງຮັບຮອງເອົາສະຫາຍ ພົນຈັດຕະວາ ສົມແຄນ ອັບປະສອນ ເປັນເລຂາໜ່ວຍພັກຮາກຖານສະຫະພັນນັກຮົບເກົ່າແຂວງຊຸດໃໝ່, ສະຫາຍ ພັນເອກ ພົມມາ ເດດຂຸນຟອງ ເປັນຮອງເລຂາ ທັງເປັນຜູ້ຮັບຜິດຊອບວຽກງານກວດກາ ແລະ ສະຫາຍ ພັນໂທ ນາງ ຄຳຜາຍ ອາດສົມພູ ເປັນກຳມະການໜ່ວຍພັກ.
ໃນຕອນທ້າຍ, ຜູ້ແທນກອງປະຊຸມຍັງໄດ້ຮັບຟັງການໂອ້ລົມ ແລະ ໃຫ້ທິດເຍືອງທາງຈາກ ສະຫາຍ ບຸນມີ ພິມມະສອນ ຮອງເລຂາພັກແຂວງ ປະທານສະພາປະຊາຊົນແຂວງ, ຊຶ່ງກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ການນຳພາ-ຊີ້ນຳຂອງຄະນະໜ່ວຍພັກຊຸດເກົ່າ ທີ່ໄດ້ເອົາໃຈໃສ່ເຮັດສຳເລັດໜ້າທີ່ວຽກງານຮອບດ້ານ, ພ້ອມກັນນັ້ນ ສະຫາຍ ຍັງໄດ້ສະແດງຄວາມເປັນຫ່ວງເປັນໄຍ ຕໍ່ບັນຫາທີ່ຍັງຄົງຄ້າງ ແລະ ໃຫ້ທິດຊີ້ນຳຕໍ່ວຽກງານແຕ່ລະດ້ານ. ສະຫາຍຍັງໄດ້ຝາກຄວາມເຊື່ອໝັ້ນ, ຄວາມໄວ້ວາງໃຈໃນການຈັດຕັ້ງປະຕິບັດໜ້າທີ່ວຽກງານໃນຕໍ່ໜ້າ ຂອງຄະນະພັກຮາກຖານຊຸດໃໝ່ ທີ່ຈະໄດ້ສືບຕໍ່ຈັດຕັ້ງປະຕິບັດກອງປະຊຸມໃຫຍ່ ຄັ້ງທີ V ໃຫ້ບັນລຸຕາມແຜນການທີ່ວາງໄວ້, ຮຽກຮ້ອງໃຫ້ບັນດາສະຫາຍສະມາຊິກພັກທັງໝົດ ຈົ່ງສືບຕໍ່ຍົກສູງແນວຄິດຕື່ນຕົວ, ສະຕິຊາດ, ຮັກສາທາດແທ້ມູນເຊື້ອວິລະຊົນອັນມີກຽດສະຫງ່າ, ຕັ້ງໜ້າປະກອບສ່ວນກັບອຳນາດການປົກຄອງທ້ອງຖິ່ນທຸກຂັ້ນ, ພ້ອມກັນຕ້ານ ແລະ ສະກັດກັ້ນບັນດາກົນອຸບາຍຫັນປ່ຽນໂດຍສັນຕິຂອງກຸ່ມຄົນບໍ່ດີ ຢູ່ຂັ້ນຮາກຖານຢ່າງແຂງແຮງ, ບົນຈິດໃຈນຳເອົາບັນດາເນື້ອໃນຂອງກອງປະຊຸມໃຫຍ່ໃນຄັ້ງນີ້, ຫັນມາເປັນແຜນງານ, ໂຄງການອັນລະອຽດແຕ່ລະໄລຍະ ແລະ ແຕ່ລະຂົງເຂດຄວາມຮັບຜິດຊອບ ໃຫ້ສອດຄ່ອງ ແທດເໝາະກັບສະພາບຕົວຈິງ ແລະ ກ້າວໜ້າຂະຫຍາຍຕົວຂຶ້ນ.
(ແຫຼ່ງຂ່າວ: ແຂວງຄໍາມ່ວນ)
ຄໍາເຫັນ