ມີຄະນະປະຈໍາ, ກໍາມະການຄະນະພັກ, ຕາງໜ້າກົມຈັດຕັ້ງ ແລະ ພະນັກງານ, ຕາງໜ້າ 3 ອົງການຈັດຕັ້ງມະຫາຊົນ, ບັນດາຜູ້ຕາງໜ້າຈາກໜ່ວຍພັກອ້ອມຂ້າງ ແລະ ສະມາຊິກພັກພາຍໃນກົມດັ່ງກ່າວເຂົ້າຮ່ວມ.
ກອງປະຊຸມໄດ້ຮັບຟັງການຜ່ານຮ່າງບົດລາຍງານການເມືອງ, ແຜນພັດທະນາວຽກງານສະຖາບັນຄົ້ນຄວ້ານະໂຍ ບາຍເສດຖະກິດ-ສັງຄົມ ແລະ ຜ່ານບົດສໍາຫຼວດການນໍາພາລວມຂອງຄະນະໜ່ວຍພັກຊຸດເກົ່າ; ພ້ອມນັ້ນ, ຍັງໄດ້ປະ ກອບຄໍາເຫັນຢ່າງພາວະວິໄສ ຈຶ່ງເຮັດໃຫ້ກອງປະຊຸມໃນຄັ້ງນີ້ມີເນື້ອໃນອຸດົມສົມບູນຄົບຖ້ວນ; ຜູ້ແທນກອງປະຊຸມໄດ້ພ້ອມກັນໃຊ້ສິດປະຊາທິປະໄຕຂອງຕົນປ່ອນບັດຄັດເລືອກເອົາຄະນະໜ່ວຍພັກຊຸດໃໝ່ ບົນພື້ນຖານຫຼັກການລວມສູນປະຊາທິປະໄຕ ແລະ ຖືກຕ້ອງຕາມມາດຖານເງື່ອນໄຂທີ່ກໍານົດໄວ້ໃນກົດລະບຽບຂອງພັກ. ກອງປະຊຸມຄັ້ງປະຖົມມະ ລືກໄດ້ເອກະພາບເລືອກເອົາ ສະຫາຍ ອູສະຫວັນ ທ່ຽງເທບວົງສາ ເປັນເລຂາໜ່ວຍພັກ; ສະຫາຍ ລາດຊະວົງ ບຸນສີພົມ ເປັນຮອງເລຂາ ແລະ ສະຫາຍ ສົມບັດ ແສງດາລາ ເປັນກໍາມະການໜ່ວຍພັກ ທັງເປັນປະທານກວດກາ.
ໃນໂອກາດອັນສໍາຄັນນີ້, ສະຫາຍ ກອງແກ້ວ ໄຊສົງຄາມ ໄດ້ມີຄໍາເຫັນໂອ້ລົມຕໍ່ກອງປະຊຸມວ່າ: ຄະນະໜ່ວຍພັກຊຸດໃໝ່ຂອງສະຖາບັນຄົ້ນຄວ້ານະໂຍບາຍເສດຖະກິດ-ສັງຄົມ ຕ້ອງໄດ້ເອົາໃຈໃສ່ເຊີດຊູ ແລະ ຍົກສູງບົດບາດການນໍາຂອງພັກໃຫ້ສູງຂຶ້ນ, ສະມາຊິກພັກທຸກສະຫາຍຕ້ອງອອກແຮງຝຶກຝົນຫຼໍ່ຫຼອມຕົນເອງຮອບດ້ານ ເພື່ອຍົກລະດັບຄວາມຮູ້ຄວາມສາມາດໃຫ້ສົມຄູ່ກັບໜ້າທີ່ການເມືອງ ແລະ ສາມາດນໍາພາປະຕິບັດວຽກງານຂອງໜ່ວຍພັກໃຫ້ສໍາເລັດຕາມແຜນທີ່ວາງໄວ້; ພ້ອມນັ້ນ, ກໍຕ້ອງເປັນຄັນທຸງໃນການນໍາພາຕາມຫຼັກການລວມສູນປະຊາທິປະໄຕ, ມີການແບ່ງງານແບ່ງຄວາມຮັບຜິດຊອບຢ່າງຈະແຈ້ງ, ເຄົາລົບລັດຖະທໍາມະນູນ, ກົດໝາຍ ແລະ ລະບຽບການຕ່າງໆຂອງພັກຂອງລັດ; ຖືເອົາຄວາມສາມັກຄີເປັນພື້ນຖານນະໂຍບາຍ ໃນການສ້າງຄວາມເປັນເອກະພາບທາງດ້ານແນວຄິດ, ການກະທໍາ ແລະ ການຈັດຕັ້ງ ໂດຍປະຕິບັດຕາມມະຕິພັກໄດ້ວາງອອກຢ່າງເຂັ້ມງວດ; ປະຕິບັດການຕໍານິຕິຊົມຕົນເອງ ເພື່ອກໍ່ສ້າງສະມາຊິກພັກ, ໜ່ວຍພັກໃຫ້ປອດໃສ ມີການນໍາພາທີ່ເຂັ້ມແຂງ, ເພີ່ມທະວີການປ້ອງກັນໜ່ວຍພັກ ແລະ ຖືເອົາວຽກງານແນວຄິດເປັນສະໜາມຮົບ ແລະ ສອດຫ້ອຍໃນທຸກສ່ວນຂອງວຽກງານຂອງອົງການຈັດຕັ້ງພັກ.
ນອກຈາກນີ້, ກໍໄດ້ເນັ້ນໜັກໃນດ້ານວຽກງານວິຊາສະເພາະວ່າ: ຕ້ອງໄດ້ເພີ່ມທະວີເອົາໃຈໃສ່ການປະຕິິບັດສິດໜ້າທີ່ ແລະ ພາລະບົດບາດຂອງຕົນ ໂດຍສະເພາະການຄົ້ນຄວ້າວິທະຍາສາດ ເພື່ອວາງແຜນນະໂຍບາຍ ແລະ ຊອກຫາຊ່ອງແກ້ໄຂບັນຫາຕ່າງໆທາງດ້ານເສດຖະກິດ-ສັງຄົມຊ່ວຍພັກ ແລະ ລັດຖະບານ; ໃນນັ້ນ, ໃຫ້ຍົກສູງການປະຕິບັດວຽກງານຕ້ອງໃຫ້ເປັນວິທະຍາສາດ, ຮູ້ນໍາໃຊ້ ແລະ ເສີມຂະຫຍາຍຫົວຄິດປະດິດສ້າງໃຫ້ສູງຂຶ້ນ ເພື່ອກ້າວໄປສູ່ການຫັນປ່ຽນຢ່າງແຂງແຮງ, ເລິກເຊິ່ງ, ຮອບດ້ານ ຍົກສູງບົດບາດຂອງ ສວສສຊ ໃຫ້ສູງຂຶ້ນ ແລະ ມີຜົນງານທີ່ມີຄຸນນະພາບ ອອກສູ່ສັງ ຄົມພາຍໃນ ແລະ ຕ່າງປະເທດ.
ສະຫາຍ ກອງແກ້ວ ໄຊສົງຄາມ ຍັງໄດ້ຮຽກຮ້ອງໃຫ້ຄະນະໜ່ວຍພັກຊຸດໃໝ່ ນໍາເອົາເນື້ອໃນມະຕິກອງປະຊຸມຄັ້ງນີ້ ໄປຈັດຕັ້ງເຊື່ອມຊຶມ ແລະ ຜັນຂະຫຍາຍໃຫ້ສະມາຊິກພະນັກງານຮັບຮູ້, ເຂົ້າໃຈຢ່າງເລິກເຊິ່ງ ແລະ ພ້ອມກັນຈັດຕັ້ງປະຕິບັດໃຫ້ເປັນຮູບປະທໍາ ແລະ ມີປະສິດທຜົນສູງ.
(ຂ່າວ: ສຸກສະຫວັນ, ຂໍ້ມູນ-ພາບ: ສວສສຊ
ຄໍາເຫັນ