ຂອງຈຸດປະສານງານແຫ່ງຊາດໃນວຽກງານຫຼຸດຜ່ອນຄວາມສ່ຽງທາງດ້ານເຄມີ, ຊີວະພາບ, ກໍາມັນຕະພາບລັງສີ ແລະນິວເຄຼຍ ຮ່ວມກັບ ທ່ານທ່ານ ມາກ ກາແລເກີ(Mark Gallagher)ເອກອັກຄະລັດຖະທູດຂອງສະຫະພາບເອີຣົບ ປະຈໍາ ນະຄອນຫຼວງວຽງຈັນ ແລະ ທ່ານທ່ານ ເບີນາໂດ ຟໍຮີດສ໌ ຈູເນຍ(Bernardo Florece Jr)ຫົວໜ້າກອງເລຂາປະຈໍາພາກພື້ນອາຊີຕາເວັນອອກສຽງໃຕ້; ມີຜູ້ທີ່ເປັນຈຸດປະສານງານແຫ່ງຊາດຈາກປະເທດສະມາຊິກອາຊຽນ, ຊ່ຽວຊານອົງການ ສປຊ (UNICRI), ບັນດາຊ່ຽວຊານຈາກສະຫະພາບເອີຣົບ ແລະ ບັນດາຂະແໜງການທີ່ກ່ຽວຂ້ອງຂອງ ສປປ ລາວ ເຂົ້າຮ່ວມ.
ຈຸດປະສົງຂອງກອງປະຊຸມໃນຄັ້ງນີ້ ແມ່ນເພື່ອຮັບຟັງການລາຍງານຄວາມຄືບໜ້າໃນການຈັດຕັ້ງປະຕິບັດວຽກງານເຄມີ, ຊີວະພາບ, ກໍາມັນຕະພາບລັງສີ ແລະ ນິວເຄຼຍ(CBRN)ໃນພາກພື້ນອາຊີຕາເວັນອອກສຽງໃຕ້ ຈາກຜູ້ປະສານງານປະຈໍາພາກພື້ນ ແລະ ຮັບຟັງການລາຍງານຈາກຈຸດປະສານງານຂອງປະເທດສະມາຊິກອາຊຽນໃນຄວາມຄືບໜ້າໃນການຈັດຕັ້ງປະຕິບັດກິດຈະກໍາທີ່ເປັນບຸລິມະສິດຂອງປະເທດຕົນ ທີ່ໄດ້ຮັບການຊ່ວຍເຫຼືຶອຈາກໂຄງການເຄມີ, ຊີວະພາບ, ກໍາມັນຕະພາບລັງສີ ແລະ ນິວເຄຼຍ ພາຍໃຕ້ສູນດີເລີດຂອງສະຫະພາບເອີຣົບ(EU CBRN CoE). ພ້ອມກັນນັ້ນ, ຍັງໄດ້ແລກປ່ຽນຄໍາຄິດເຫັນ ແລະ ປຶກສາຫາລືຮ່ວມກັນ ກ່ຽວກັບ ຂອບການຮ່ວມມືລະຫວ່າງ ປະເທດຄູ່ຮ່ວມງານ ແລະ ສະຫະພາບເອີຣົບ ໃນກິດຈະກໍາທີ່ເປັນບຸລິມະສິດຂອງພາກພື້ນທີ່ຕິດພັນກັບວຽກງານດັ່ງກ່າວ ແລະ ລວມທັງຄວາມເປັນໄປໄດ້ໃນອານາຄົດທີ່ຈະສ້າງແຜນງານແຫ່ງຊາດຂອງພາກພື້ນວ່າດ້ວຍຫຼຸດຜ່ອນຄວາມສ່ຽງທາງດ້ານເຄມີ, ຊີວະພາບ, ກໍາມັນຕະພາບລັງສີ ແລະ ນິວເຄຼຍ.
ທ່ານໄມທອງ ທໍາມະວົງສາ ໄດ້ຍົກໃຫ້ເຫັນເຖິງຄວາມສໍາຄັນໃນການຮ່ວມມືລະຫວ່າງປະເທດສະມາຊິກອາຊຽນ ແລະ EU CBRN CoEນັບແຕ່ປີ2010ເປັນຕົ້ນມາທີ່ມີຈຸດປະສົງເພື່ອສະໜັບສະໜູນປະເທດຄູ່ຮ່ວມງານໃນພາກພື້ນ ໃນການສ້າງຄວາມເຂັ້ມແຂງໃນການຫຼຸດຜ່ອນຄວາມສ່ຽງຈາກ CBRN,ສ້າງຄວາມເຂັ້ມແຂງໃຫ້ແກ່ບຸກຄະລາກອນໃນວຽກງານດັ່ງກ່າວແລະ ການສົ່ງເສີມການສະໜັບສະໜູນການພັດທະນາແຜນງານແຫ່ງຊາດໃນການຫຼຸດຜ່ອນຄວາມສ່ຽງທາງດ້ານເຄມີ, ຊີວະພາບ, ກໍາມັນຕະພາບລັງສີ ແລະ ນິວເຄຼຍ ເພື່ອສົ່ງເສີມຄວາມປອດໄພ ແລະ ຄວາມໝັ້ນຄົງໃນພາກພື້ນ. ດັ່ງນັ້ນ, ຈຶ່ງມີຄວາມຈໍາເປັນ ແລະ ສໍາຄັນທີ່ປະເທດຄູ່ຮ່ວມງານ ແລະ EU CBRN CoE ຈະຕ້ອງໄດ້ມີການຮ່ວມມືກັນໃນການປ້ອງກັນ, ຮັບມື ແລະ ຕອບໂຕ້ກັບເຫດສຸກເສີນຈາກ CBRN ທີ່ອາດຈະເກີດຂຶ້ນໂດຍເຈດຕະນາ, ໂດຍບັງເອີນ ຫຼື ຈາກໄພທໍາມະຊາດ.
ໃນໂອກາດກອງປະຊຸມຄັ້ງນີ້ ທີ່ ສປປ ລາວ ໄດ້ເປັນເຈົ້າພາບຮ່ວມກັບສະຫະພາບເອີຣົບ ແລະ ອົງການUNICRI, ທ່ານຮອງລັດຖະມົນຕີ ຍັງໄດ້ສະແດງຄວາມຂອບໃຈມາຍັງສະຫະພາບເອີຣົບ ແລະ ອົງການ UNICRIທີ່ໄດ້ໃຫ້ການສະໜັບສະໜູນໃນການຈັດກອງປະຊຸມປະຈໍາພາກພື້ນດັ່ງກ່າວ ແລະ ສະແດງຄວາມຂອບໃຈມາຍັງຄະນະຜູ້ແທນຈາກປະເທດສະມາຊິກອາຊຽນ ແລະ ບັນດາຊ່ຽວຊານຈາກພາກພື້ນ ແລະ ສາກົນ ທີ່ມາຮ່ວມກອງປະຊຸມດັ່ງກ່າວໃນຄັ້ງນີ້.
(ຂ່າວ-ພາບ: ກະຊວງການຕ່າງປະເທດ)
ຄໍາເຫັນ