ຮັກສາການ ເລຂາຄະນະບໍລິຫານງານພັກ ທຫລ ຊຶ່ງມີ ບັນດາສະຫາຍ ຄະນະບໍລິຫານງານພັກ ແລະ ພະນັກງານຫຼັກແຫຼ່ງເຂົ້າຮ່ວມ.
ຈຸດປະສົງຂອງກອງປະຊຸມຄັ້ງນີ້ ແມ່ນເພື່ອເປັນການ ຄົ້ນຄວ້າ ແລະ ປຶກສາຫາລືຊອກຫາທາງອອກ, ວາງມາດຕະການ-ວິທີແກ້ໄຂບັນຫາໃຫ້ຖືກຕ້ອງ, ສອດຄ່ອງ ແລະ ມອບ
ໝາຍໃຫ້ແຕ່ລະຮາກຖານພັກ-ແຕ່ລະພາກສ່ວນ ເພື່ອນໍາພາຈັດຕັ້ງປະຕິບັດ ດ້ວຍຄວາມຮັບຜິດຊອບສູງ ແລະ ດ້ວຍຈິດໃຈບຸກບືນສູ້ຊົນ, ເຮັດແທ້ທໍາຈິງ; ໄປຄຽງຄູ່ກັບການຄົ້ນຄວ້າ-ເຊື່ອມຊຶມເອກະສານສໍາຄັນຕ່າງໆ ຂອງສູນກາງພັກ, ຂອງສະພາແຫ່ງຊາດ ແລະ ຂອງລັດຖະບານ, ຕິດພັນກັບການຕີລາຄາການນໍາພາ-ຊີ້ນໍາວຽກງານຮອບດ້ານຂອງຄະນະບໍລິ ຫານງານພັກ ທຫລ ຕະຫຼອດໄລຍະ 6 ເດືອນຕົ້ນປີ 2024 ທີ່ຜ່ານມາ ແລະ ການກໍານົດແຜນການຜັນຂະຫຍາຍ ມະຕິ 04 ຂອງກົມການເມືອງສູນກາງພັກ ແລະ ມະຕິ 05 ຂອງລັດຖະບານ ກ່ຽວກັບການສ້າງເສດຖະກິດ ເອກະລາດ ເປັນເຈົ້າຕົນເອງໃນໄລຍະໃໝ່ ເພື່ອຈັດຕັ້ງປະຕິບັດຢູ່ຂະແໜງທະນາຄານພວກເຮົາ.
ປະທານກອງປະຊຸມໄດ້ຮຽກຮ້ອງໃຫ້ຜູ້ເຂົ້າຮ່ວມກອງປະຊຸມຈົ່ງພ້ອມກັນຄົ້ນຄວ້າ ແລະ ຍົກສູງຄວາມຮັບຜິດຊອບໜ້າທີ່ການເມືອງຂອງຕົນ ແລະ ສຸມຫົວຄິດປະດິດສ້າງ ເຂົ້າໃນການຄົ້ນຄວ້າພິຈາລະນາ ແລະ ປະກອບຄວາມເຫັນຕໍ່ເອກະສານທີ່ກ່ຽວຂ້ອງ ຢ່າງເລິກເຊິ່ງ ເພື່ອຈະສືບຕໍ່ນໍາໄປຜັນຂະຫຍາຍເຂົ້າສູ່ພາກປະຕິບັດ ໃຫ້ເກີດໝາກຜົນຕົວຈິງໃນແຕ່ລະດ້ານ ແລະ ມີປະສິດທິຜົນສູງ.
(ຂ່າວ-ພາບ:ຕຸໄລເພັດ)
ຄໍາເຫັນ