ຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກປະທານສະພາທິດສະດີສູນກາງພັກ,ສະຫາຍ ສົມສະຫວາດ ເລັ່ງສະຫວັດ ທີ່ປຶກສາ ສະພາທິດສະດີສູນກາງພັກ (ສທພ),ສະຫາຍ ກອງແກ້ວ ໄຊສົງຄາມກຳມະການສູນກາງພັກປະທານສະຖາບັນວິທະຍາສາດເສດຖະກິດ-ສັງຄົມແຫ່ງຊາດ ຮອງປະທານ ສທພ, ສະຫາຍ ພູວົງ ອຸ່ນຄຳແສນ ກຳມະການສູນກາງພັກ ຫົວໜ້າສະຖາບັນການເມືອງ ແລະການປົກຄອງແຫ່ງຊາດຮອງປະທານ ສທພ, ສະຫາຍ ຄຳມອນ ຈັນທະຈິດ ຮອງຫົວໜ້າຄະນະໂຄສະນາອົບຮົມສູນກາງພັກຮອງປະທານຜູ້ປະຈຳການສະພາທິດສະດີສູນກາງພັກ, ບັນດາສະຫາຍຄະນະປະຈໍາສະພາທິດສະດີສູນກາງພັກ, ບັນນດາສະຫາຍສະມາຊິກສະພາທິດສະດີສູນກາງພັກ
ໃນວາລະສະຫາຍ ຄຳພັນ ເຜີຍຍະວົງ ກ່າວວ່າ: ພວກເຮົາຈັດຕັ້ງດຳເນີນກອງປະຊຸມສະຫຼຸບປະຈຳປີ 2024 ເພື່ອຕີລາຄາລວມສະພາບການເຄື່ອນໄຫວວຽກງານຕ່າງໆໝົດປີ 2024 ແລະ ວາງທິດທາງແຜນການເຄື່ອນໄຫວ ປະຈຳປີ 2025 ຊຶ່ງເປັນໄລຍະທ້າຍສະໄໝ ຂອງການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກ ແລະແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX ຂອງລັດຖະບານ.
ໂດຍພາຍໃຕ້ການນຳພາໂດຍກົງຂອງກົມການເມືອງສູນກາງພັກ, ຄະນະເລຂາທິການສູນກາງພັກ; ສະພາທິດສະດີສູນກາງພັກໄດ້ປະຕິບັດພາລະບົດບາດເປັນໃຈກາງໃນການຈັດຕັ້ງດຳເນີນວຽກງານຄົ້ນຄວ້າທິດສະດີ ແລະ ສະຫຼຸບພຶດຕິກຳ, ປະກອບສ່ວນອັນສຳຄັນໃຫ້ແກ່ວຽກງານແນວຄິດ, ທິດສະດີຂອງພັກເຮົາ, ປະກອບສ່ວນໃນການເສີມຂະຫຍາຍລັດທິມາກ-ເລນິນ ແລະ ແນວຄິດໄກສອນພົມວິຫານ. ບົນພື້ນຖານນັ້ນ, ເຫັນໄດ້ວ່າຕະຫຼອດໄລຍະຜ່ານມາ, ຜົນສຳເລັດໃນການຈັດຕັ້ງປະຕິບັດໜ້າທີ່ການເມືອງແລະພາລະບົດບາດຂອງສະພາທິດສະດີສູນກາງພັກ ໄດ້ມີຜົນງານຫຼາຍດ້ານທີ່ເປັນການປະກອບສ່ວນໃຫ້ແກ່ການປັບປຸງ ແລະບູລະນະແນວທາງຂອງພັກກໍຄືໃນການເສີມຂະຫຍາຍບົດບາດການນຳພາຂອງພັກໃນຂົງເຂດວຽກງານຄົ້ນຄວ້າທິດສະດີແລະພຶດຕິກຳ.
ຕະຫຼອດໄລຍະ 1 ປີ ຜ່ານມາ, ເຫັນໄດ້ວ່າ ມີຫຼາຍວຽກງານທີ່ໄດ້ສຳເລັດໝາກຜົນ ແລະ ກໍຍັງມີຫຼາຍວຽກທີ່ຕ້ອງໄດ້ສຸມໃສ່ສືບຕໍ່ຈັດຕັ້ງດຳເນີນໃຫ້ສຳເລັດຕາມຄາດໝາຍ ແລະແຜນການກຳນົດໄວ້ ແນໃສ່ເພື່ອເຮັດໃຫ້ການຈັດຕັ້ງປະຕິບັດພາລະບົດບາດ, ໜ້າທີ່ການເມືອງ ຂອງສະພາທິດສະດີສູນກາງພັກ ໂດຍສະເພາະການເປັນເສນາທິການໃຫ້ແກ່ສູນກາງພັກ ໃນການດຳເນີນວຽກງານຄົ້ນຄວ້າທິດສະດີ-ພຶດຕິກຳ, ການສະໜອງຂໍ້ມູນ-ຂ່າວສານທາງດ້ານທິດສະດີ ເພື່ອປັບປຸງບູລະນະແນວທາງ ຂອງພັກ ພິເສດແມ່ນເພື່ອຕອບສະໜອງໃຫ້ແກ່ການກະກຽມເນື້ອໃນກອງປະຊຸມໃຫຍ່ຄັ້ງທີ XII ຂອງພັກ ໂດຍສະເພາະບັນດາຫົວຂໍ້ສະເພາະທີ່ສູນກາງພັກໄດ້ມອບໝາຍໃຫ້.
ກອງປະຊຸມ, ສຸດທີ່ມີຄວາມໝາຍສຳຄັນ ເພື່ອສະຫຼຸບບົດຮຽນທີ່ຖອດຖອນໄດ້ໃນການປະຊຸມສຳມະນາທິດສະດີ ສອງພັກ ລາວ-ຫວຽດນາມ ຄັ້ງທີ XI, ລາວ-ຈີນ ຄັ້ງທີ XII ແລະ ສະຫຼຸບຕີລາຄາຜົນສຳເລັດ, ດ້ານດີ, ດ້ານອ່ອນ-ຂໍ້ຄົງຄ້າງ ແລະບົດຮຽນທີ່ຖອດຖອນໄດ້ໃນປີ 2024ທີ່ຜ່ານມາ ແນໃສ່ຍົກໃຫ້ເຫັນເພື່ອວາງທິດທາງແຜນການ ປະຈຳປີ 2025ໃຫ້ສອດຄ່ອງກັບເງື່ອນໄຂໃໝ່. ກອງປະຊຸມດຳເນີນເປັນເວລາ 1 ຄາບເຊົ້າຊຶ່ງບັນດາສະຫາຍຄະນະປະຈຳ, ບັນດາສະຫາຍຮອງປະທານແລະສະມາຊິກສະພາທິດສະດີສູນກາງພັກໄດ້ຮ່ວມກັນປະກອບຄຳຄິດຄຳເຫັນຕໍ່ກັບບົດສະຫຼຸບດັ່ງກ່າວ ແລະຮັບຮອງເອົາທິດທາງແຜນການເຄື່ອນໄຫວວຽກງານປະຈຳປີ 2025ເພື່ອພ້ອມກັນຈັດຕັ້ງປະຕິບັດໃຫ້ບັນລຸຜົນສຳເລັດຕາມຄາດໝາຍທີ່ກຳນົດໄວ້.
(ຂ່າວ-ພາບ: ແສງຈັນ)
ຄໍາເຫັນ