ກຳມະການກົມການເມືອງສູນກາງພັກປະທານ ສນຊ, ມີບັນດາທ່ານຄະນະກຳມະການ ສນຊ ອ້ອມຂ້າງສູນກາງ, ບັນດາແຂວງທົ່ວປະເທດເຂົ້າຮ່ວມ.
ທ່ານ ສິນລະວົງ ຄຸດໄພທູນ ກ່າວວ່າ: ກອງປະຊຸມຄັ້ງນີ້ຈະໄດ້ພ້ອມກັນທົບທວນຄວາມຄືບໜ້າໃນການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງແນວລາວສ້າງຊາດໂດຍສະເພາະແມ່ນມະຕິກອງປະຊຸມສາມັນຄົບຄະນະ ສນຊ ຄັ້ງທີ 3 ໃນໜຶ່ງປີຜ່ານມາ ຊຶ່ງພວກເຮົາຍາດໄດ້ຜົນງານ, ດ້ານດີ, ດ້ານອ່ອນ, ຂໍ້ຄົງຄ້າງ, ບົດຮຽນທີ່ຖອດຖອນໄດ້ແລະ ຈະໄດ້ພ້ອມກັນຄົ້ນຄວ້າກໍານົດແຜນວຽກຈຸດສຸມໃນປີ 2025,ຮັບຟັງການລາຍງານ ແລະມີຄໍາເຫັນຕໍ່ການຈັດຕັ້ງປະຕິບັດແຜນພັດທະນາອົງການແນວລາວສ້າງຊາດປະຈຳປີ 2024 ແລະແຜນການປີ 2025 ດ້ວຍຄາດໝາຍ ແລະ ວິທີການແນວໃດຈຶ່ງຈະບັນລຸຜົນ,ກອງປະຊຸມຈະໄດ້ເອກະພາບກັນໃນທິດທາງສໍາຄັນກ່ຽວກັບການກະກຽມກອງປະຊຸມໃຫຍ່ຜູ້ແທນທົ່ວປະເທດຄັ້ງທີXII ຂອງແນວລາວສ້າງຊາດ, ຮັບຟັງການລາຍງານ ແລະ ມີຄໍາເຫັນກ່ຽວກັບຄວາມຄືບໜ້າໃນການກະກຽມສະເຫຼີມສະຫຼອງວັນສ້າງຕັ້ງແນວລາວສ້າງຊາດຄົບຮອບ 75 ປີ ຕິດພັນກັບຂະບວນການສະເຫຼີມສະຫຼອງ 3 ວັນປະຫວັດສາດຂອງພັກ-ຂອງຊາດປີ 2025,ປະເມີນຜົນ ແລະ ວາງໜ້າທີ່ສໍາຄັນໃນການປະກອບສ່ວນຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດໃນຂົງເຂດແນວລາວສ້າງຊາດແລະເຊື່ອມຊຶມມະຕິກອງປະຊຸມຄົບຄະນະບໍລິຫານງານສູນກາງພັກຄັ້ງທີ 9 ສະໄໝທີ XI, ແຜນພັດທະນາປະຈຳປີ 2025 ຂອງລັດຖະບານ ໂດຍຕິດພັນກັບການຈັດຕັ້ງປະຕິບັດມະຕິ 12 ຂອງຄະນະປະຈໍາ ສນຊ ກ່ຽວກັບການສ້າງເສດຖະກິດເອກະລາດເປັນເຈົ້າຕົນເອງໃນຂົງເຂດແນວລາວສ້າງຊາດ,ຮັບຟັງການປະກອບຄໍາເຫັນຕາມການສະເໜີຂຶ້ນທະບຽນຈາກບັນດາປະທານແນວລາວສ້າງຊາດບາງແຂວງ, ກຳມະການ ສນຊ, ຫົວໜ້າຄະນະທີ່ປຶກສາຂອງ ສນຊຈໍານວນໜຶ່ງເພື່ອເປັນການແລກປ່ຽນບົດຮຽນ, ປະສົບການ ໂດຍສະເພາະແມ່ນຕົວແບບຂະບວນການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດແລະພິຈາລະນາຮັບຮອງເອົາການຄັດເລືອກ, ແຕ່ງຕັ້ງກຳມະການ ສນຊ ປ່ຽນແທນຈໍານວນໜຶ່ງ; ພ້ອມນີ້, ທ່ານປະທານ ສນຊ ໄດ້ຮຽກຮ້ອງມາຍັງບັນດາທ່ານຜູ້ແທນທີ່ເຂົ້າຮ່ວມກອງປະຊຸມ ຈົ່ງເຊີດຊູຄວາມຮັບຜິດຊອບຂອງຕົນໃຫ້ສູງ, ສຸມສະຕິປັນຍາ ແລະ ເຫື່ອແຮງຂອງຕົນປະກອບຄໍາຄິດຄໍາເຫັນຢ່າງສ້າງສັນ ແລະ ຮັບປະກັນ ເຮັດໃຫ້ກອງປະຊຸມຄັ້ງນີ້ສໍາເລັດຜົນຢ່າງຈົບງາມ.
ຂ່າວ-ພາບ: ບຸນອູ້ມ
ຄໍາເຫັນ