ກອງປະຊຸມສາມັນຄົບຄະນະກໍາມະການແນວລາວສ້າງຊາດແຂວງຄໍາມ່ວນ ຄັ້ງທີ IV ສະໄໝທີ VIII

ກອງປະຊຸມສາມັນຄົບຄະນະກໍາມະການແນວລາວສ້າງຊາດແຂວງຄໍາມ່ວນ ຄັ້ງທີ IV ສະໄໝທີ VIII ໄດ້ຈັດຂຶ້ນໃນວັນທີ 21 ທັນວາ ຜ່ານມາ ທີ່ເຮືອນຮັບແຂກເລກ I ຂອງແຂວງ ໂດຍການເປັນປະທານຂອງທ່ານ ພິດສະໄໝ ກອງຊາເດດ ປະທານແນວລາວສ້າງຊາດແຂວງ, ມີຄະນະກໍາມະການແນວລາວສ້າງຊາດແຂວງ, ເມືອງ, ພະແນກ ການອ້ອມຂ້າງເຂົ້າຮ່ວມ.
ກອງປະຊຸມໄດ້ຮັບຟັງການຜ່ານຮ່າງບົດສະຫຼຸບການເຄື່ອນໄຫວວຽກງານຂອງຄະນະກໍາມະການແນວລາວສ້າງຊາດແຂວງໃນໄລຍະ 1 ປີຜ່ານມາ ໂດຍຍົກໃຫ້ເຫັນຜົນງານດ້ານດີ, ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ຊຶ່ງຄະນະກໍາມະການແນວລາວສ້າງຊາດໃນຖານະເປັນຫຼັກແຫຼ່ງ ເຕົ້າໂຮມຄວາມສາມັກຄີປອງດອງທົ່ວປວງຊົນເປັນປຶກແຜ່ນໄດ້ເປັນເຈົ້າການສະໜັບສະໜູນແນວທາງນະໂຍບາຍຂອງພັກ, ເອົາໃຈໃສ່ເຕົ້າໂຮມຄວາມສາມັກຄີ, ສຶກສາອົບຮົມ ແລະ ປຸກລະດົມສະມາຊິກພັກ, ພະນັກງານ-ລັດຖະກອນ, ທະຫານ, ຕໍາຫຼວດ ຕະຫຼອດຮອດພໍ່ແມ່ປະຊາຊົນບັນດາເຜົ່າຊັ້ນຄົນຕ່າງໆ ເຂົ້າຮ່ວມຈັດຕັ້ງປະຕິບັດບັນດາມະຕິຂອງພັກ, ຂອງອົງການປົກຄອງ. ເວົ້າສະ ເພາະກໍ່ແມ່ນແຜນພັດທະນາເສດຖະກິດ-ສັງຄົມຂອງແຂວງ, ເມືອງວາງອອກໄດ້ມີຜົນສໍາເລັດຫຼາຍດ້ານ. ຈາກນັ້ນ ບັນດາຜູ້ແທນກອງປະຊຸມໄດ້ພ້ອມກັນປະກອບຄໍາຄິດ-ຄໍາເຫັນ ເພື່ອຄວາມເປັນເອກະພາບໃນການຈັດຕັ້ງປະຕິບັດແຜນສູ້ຊົນໃນຕໍ່ໜ້າ 2024 ໃຫ້ສໍາເລັດ ແລະ ມີປະສິດທິຜົນ. ພ້ອມນີ້ກອງປະຊຸມຍັງໄດ້ຮັບຟັງການປະກອບຄໍາເຫັນໃນຫົວຂໍ້ການເຕົ້າໂຮມສາສະໜາຕ່າງໆ, ຫົວຂໍ້ສາມັກຄີປອງດອງຕິດພັນກັບການປຸກລະດົມຊ່ວຍເຫຼືອໄພນໍ້າຖ້ວມ, ຮັບຟັງມະຕິກອງປະຊຸມສາມັນຄົບຄະນະຄັ້ງທີ 2 ສະໄໝທີ XI ຂອງສູນກາງແນວລາວສ້າງຊາດ ແລະ ພິຈາລະນາສະ  ເໜີຮັບຮອງກໍາມະການແນວລາວສ້າງຊາດແຂວງສະໄໝທີ VIII ທົດແທນຕໍາແໜ່ງຫວ່າງຈໍານວນ 1 ທ່ານ.
ຂ່າວ-ພາບ: ມະນີວັນ