 |
ທ່ານ ເພັງນິລັນ ຄໍາພັນເພັງ ໄດ້ກ່າວເປີດກອງປະຊຸມວ່າ: ກອງປະຊຸມຄັ້ງນີ້, ຈະໄດ້ພິຈາລະນາ, ຮັບຮອງເອົາບັນຫາສຳຄັນ ຄື: ຄົ້ນຄວ້າ, ພິຈາລະນາ ໜັງສືສະເໜີ ຂອງທ່ານເຈົ້າແຂວງ ກ່ຽວກັບການໂຮມ, ໂອນ ບາງພະແນກການຂອງແຂວງ ແລະ ຫ້ອງການຂັ້ນເມືອງ ສະບັບເລກທີ 138/ຈຂ.ຊຍ, ລົງວັນທີ 27 ມິຖຸນາ 2025, ພິຈາລະນາ ແລະ ຮັບຮອງເອົາ ມະຕິກອງປະຊຸມສະໄໝວິສາມັນ ເທື່ອທີ 1 ຂອງສະພາປະຊາຊົນແຂວງ ຊຸດທີ II, ບົດລາຍງານກ່ຽວກັບຮ່າງແຜນພັດທະນາເສດຖະກິດ-ສັງຄົມຂອງແຂວງ 5 ປີ ຄັ້ງທີ VIII (2026-2030), ຮັບຟັງການຄົ້ນຄວ້າປະກອບຄໍາຄິດເຫັນ ຈາກບັນດາສະມາຊິກສະພາປະຊາຊົນແຂວງ ເພື່ອເປັນພື້ນຖານໃຫ້ແກ່ການຈັດຕັ້ງປະຕິບັດ ແລະ ພິຈາລະນາຮັບຮອງ ໃນຂັ້ນຕໍ່ໄປ. ຈາກນັ້ນ, ໄດ້ຮັບຟັງການຜ່ານໜັງສືສະເໜີຂອງທ່ານເຈົ້າແຂວງ ກ່ຽວກັບຂໍພິຈາລະນາຮັບຮອງເອົາການໂຮມ, ໂອນ ບາງພະແນກການຂອງແຂວງ ແລະ ຫ້ອງການຂອງເມືອງ ເລກທີ 138/ຈຂ.ຊຍ ລົງວັນທີ 27 ມິຖຸນາ 2025 , ຜ່ານຮ່າງມະຕິກອງປະຊຸມສະພາປະຊາຊົນແຂວງ ວ່າດ້ວຍການຮັບຮອງເອົາ ການປັບປຸງກົງຈັກການຈັດຕັ້ງຂອງອົງການປົກຄອງແຂວງຄື: ໂຮມພະແນກແຜນການ, ຫ້ອງການ ແຜນການ ແລະ ການລົງທຶນ ເຂົ້າກັບ ພະແນກການ, ຫ້ອງການໆເງິນ ເປັນພະແນກການເງິນແຂວງ; ຫ້ອງການໆເງິນເມືອງ, ໂຮມພະແນກ, ຫ້ອງການພະລັງງານ ແລະ ບໍ່ແຮ່ ເຂົ້າກັບ ພະແນກ, ຫ້ອງການອຸດສາຫະກຳ ແລະ ການຄ້າ ເປັນພະແນກອຸດສາຫະກຳ ແລະ ການຄ້າແຂວງ, ຫ້ອງການອຸດສາຫະກຳ ແລະ ການຄ້າເມືອງ, ໂຮມພະແນກ, ຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ ເຂົ້າກັບ ພະແນກ, ຫ້ອງການ ກະສິກຳ ແລະ ປ່າໄມ້ ເປັນພະແນກກະສິກຳ ແລະ ສິ່ງແວດລ້ອມແຂວງ; ຫ້ອງການກະສິກຳ ແລະ ສິ່ງແວດ ລ້ອມເມືອງ, ໂຮມພະແນກການ, ຫ້ອງການພາຍໃນເມືອງ; ພ້ອມທັງຍົກຍ້າຍບຸກຄະລາກອນ ແລະ ວຽກງານຕ່າງໆ ໄປຂື້ນກັບ ພາກສ່ວນຕ່າງໆ ຄື: ໂອນວຽກງານ ຄຸ້ມຄອງພະນັກງານ-ລັດຖະກອນ; ວຽກງານພັດທະນາການບໍລິຫານລັດ; ວຽກງານປົກຄອງທ້ອງຖິ່ນ; ວຽກງານແຂ່ງຂັນ-ຍ້ອງຍໍ; ວຽກງານຄຸ້ມຄອງພາລະກອນ ພ້ອມດ້ວຍບຸກຄະລາກອນ ທີ່ຮັບຜິດຊອບວຽກງານດັ່ງກ່າວ ໄປຂຶ້ນກັບຄະນະຈັດຕັ້ງແຂວງ, ຄະນະຈັດຕັ້ງເມືອງ, ໂອນວຽກງານແຜນທີ່, ວຽກງານສາສະໜາ, ວຽກງານເອກະສານທາງການ ພ້ອມດ້ວຍບຸກຄະລາກອນທີ່ຮັບຜິດຊອບວຽກງານດັ່ງກ່າວ ໄປຂຶ້ນກັບທ້ອງວ່າການແຂວງ; ຫ້ອງວ່າການເມືອງ; ໂອນ ວຽກງານ ຄຸ້ມຄອງພົນລະເມືອງ ພ້ອມດ້ວຍບຸກຄະລາກອນ ທີ່ຮັບຜິດຊອບວຽກງານໄປຂຶ້ນກັບ ກອງບັນຊາການປ້ອງກັນຄວາມສະຫງົບແຂວງ, ກອງບັນຊາການປ້ອງກັນຄວາມສະຫງົບເມືອງ; ໂອນວຽກງານ ຫັນຫົວໜ່ວຍວິຊາການເປັນເຈົ້າຕົນເອງ ພ້ອມດ້ວຍບຸກຄະລາກອນ ທີ່ຮັບຜິດຊອບ ວຽກງານດັ່ງກ່າວ ໄປຂຶ້ນກັບພະແນກການເງິນແຂວງ, ຫ້ອງການການເງິນເມືອງ, ໂອນ ວຽກງານຖະແຫຼງຂ່າວ-ສື່ມວນຊົນ, ຂະແໜງຖະແຫຼງຂ່າວ, ກອງວິຊາການສື່ສິ່ງພິມ, ກອງວິຊາການວິທະຍຸ-ໂທລະພາບ ຂອງພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ; ຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງ ພ້ອມດ້ວຍບຸກຄະລາກອນ ທີ່ຮັບຜິດຊອບວຽກງານດັ່ງກ່າວ ໄປຂຶ້ນກັບ ຄະນະໂຄສະນາອົບຮົມແຂວງ, ຄະນະໂຄສະນາອົບຮົມເມືອງ.
(ຂ່າວ+ພາບ: ຄໍາໝັ້ນ)
ຄໍາເຫັນ