ກອງປະຊຸມສ່ອງແສງເຄື່ອນທີ່ ປະຈໍາໄຕມາດທີ I ປີ 2024 ຂອງ ຄະນະຊາວໜຸ່ມປະຊາຊົນປະຕິວັດລາວ (ຄຊປປລ) ກະຊວງ, ອົງການອ້ອມຂ້າງສູນກາງ ແລະ ນະຄອນຫຼວງວຽງຈັນ ໄດ້ຈັດຂຶ້ນໃນວັນທີ 28 ມີນາ ຜ່ານມາທີ່ຫ້ອງວ່າການສຳນັກງານນາຍົກລັດຖະມົນຕີ (ຫສນຍ) ພາຍໃຕ້ເປັນປະທານຮ່ວມຂອງສະຫາຍ ອາລຸນໄຊ ສູນນະລາດ ກໍາມະການສູນກາງພັກລັດຖະມົນຕີ ຫົວໜ້າຫ້ອງວ່າການສໍານັກງານນາຍົກລັດຖະມົນຕີ ແລະ ສະຫາຍ ມອນໄຊ ລາວມົວຊົ່ງ ກໍາມະການສໍາຮອງສູນກາງພັກເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ; ມີບັນດາສະຫາຍຜູ້ຕາງໜ້າຫ້ອງການ, ບັນດາກົມອ້ອມຂ້າງ ສູນກາງຊາວໜຸ່ມປະຊາຊົນປະຕິວັດລາວ, ຄະນະບໍລິຫານງານຊາວໜຸ່ມບັນດາກະຊວງ, ອົງການ ແລະ ນະຄອນຫຼວງວຽງຈັນ ເຂົ້າຮ່ວມ.
ໃນໂອກາດດັ່ງກ່າວ, ສະຫາຍ ອາລຸນໄຊ ສູນນະລາດ ຕາງໜ້າໃຫ້ຄະນະພັກຫ້ອງວ່າການສຳນັກງານນາຍົກລັດຖະ ມົນຕີ ໄດ້ກ່າວຕ້ອນຮັບ ພ້ອມທັງມີຄໍາເຫັນເນັ້ນໜັກຕໍ່ວຽກງານຊາວໜຸ່ມໂດຍສະເພາະການບໍລິຫານວຽກງານ 3 ແບບ ຄື: ຕ້ອງມີແບບແຜນການດຳລົງຊີວິດ,ແບບແຜນວິທີເຮັດວຽກ ແລະ ແບບແຜນວິທີການນໍາພາທີ່ດີ.ພ້ອມທັງ ຫັນປ່ຽນ 3ດ້ານ ຄື: 1) ຫັນປ່ຽນແນວຄິດລໍຖ້າຄໍາສັ່ງ ໄປສູ່ແນວຄິດຮັບຜິດຊອບ ແລະ ການເປັນເຈົ້າການ,2) ຫັນປ່ຽນແນວຄິດ ບໍ່ມີແຜນດໍາເນີນງານ ມາມີແຜນການ, ແຜນກິດຈະກໍາໃນການເຮັດວຽກ,3) ຫັນປ່ຽນຈາກການເຮັດວຽກຫຼາຍຂັ້ນຫຼາຍຂອດ ໃຫ້ຜ່ອນຂັ້ນຂອດລົງ ໂດຍສະເພາະການບໍລິຫານເອກະສານ ແລະ ອື່ນໆ.
ໃນໂອກາດດຽວກັນ, ສະຫາຍ ສົມຄວນ ມາສຸວັນ ຄະນະບໍລິຫານງານສູນກາງຊາວໜຸ່ມ ປປລ ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວ ຫສນຍ ໄດ້ລາຍງານຫຍໍ້ສະພາບພົ້ນເດັ່ນຂອງການເຄື່ອນໄຫວວຽກງານໃນໄລຍະ 3 ເດືອນຜ່ານມາ ເຫັນວ່າ ຄະນະບໍລິຫານງານຊາວໜຸ່ມ ຫສນຍແຕ່ລະຂັ້ນໄດ້ຕັ້ງໜ້ານຳພາ-ຊີ້ນຳ ວຽກງານສຶກສາອົບຮົມການເມືອງ-ແນວຄິດ ໃຫ້ແກ່ສະມາຊິກຊາວໜຸ່ມ ໂດຍສະເພາະໄດ້ລະດົມໃຫ້ສະມາຊິກຊາວໜຸ່ມ ເຂົ້າຮັບຟັງການເຜີຍແຜ່ເຊື່ອມຊຶມເອກະສານຕ່າງໆ ຂອງພັກຂອງຊາດ ຈຳນວນຫຼາຍຄັ້ງ. ພ້ອມນັ້ນ,ໄດ້ເປັນເຈົ້າການໃນການຊ່ວຍຄະນະພັກ-ຄະນະນໍາ ຂອງຫ້ອງວ່າການສຳນັກງານນາຍົກລັດຖະມົນຕີ ໃນການແຈກຢາຍ ແລະ ຄົ້ນຄວ້າເອກະສານເຂົ້າ-ອອກ, ການປະສານກັບບັນດາຂະແໜງການ ແລະ ທ້ອງຖິ່ນ ເພື່ອເກັບກໍາຂໍ້ມູນບັນຫາຕ່າງໆ ລາຍງານການນໍາ ເພື່ອຊີ້ນໍາໃຫ້ຖືກຕ້ອງ,ເອົາໃຈໃສ່ຕໍ່ການບໍລິການຮັບໃຊ້ ແລະ ສ້າງເງື່ອນໄຂອໍານວຍຄວາມສະດວກດ້ານຕ່າງໆ ໃຫ້ແກ່ການປະຕິບັດໜ້າທີ່ ກໍຄືການເຄື່ອນໄຫວວຽກງານ ຂອງການນໍາດ້ວຍຄວາມຮັບຜິດຊອບສູງ,ໄດ້ສໍາເລັດການຂຽນແຜນດໍາເນີນທຸລະກິດຮ້ານກາເຟຊາວໜຸ່ມ ຫສນຍ ແລະ ສະເໜີຮູບແບບການບໍລິຫານ ທີ່ເໝາະສົມກັບລັກສະນະເພາະ ຂອງ ຫສນຍ,ໄດ້ເຂົ້າຮ່ວມກອງປະຊຸມສະຫຼຸບວຽກງານແຂ່ງຂັນ-ຍ້ອງຍໍ ຮັກຊາດ ແລະ ພັດທະນາ ປະຈຳປີ 2023ແລະ ເປີດຂະບວນການແຂ່ງຂັນ-ຍ້ອງຍໍ ຮັກຊາດ ແລະ ພັດທະນາ ປະຈຳປີ2024ຂອງ ຫສນຍ.
ສຳລັບທິດທາງແຜນວຽກຈຸດສຸມປະຈຳໄຕມາດ II ປີ 2024 ຂອງຄະນະບໍລິຫານງານຊາວໜຸ່ມ ຫສນຍຈະໄດ້ສືບຕໍ່ເອົາໃຈໃສ່ສຶກສາອົບຮົມທາງດ້ານການເມືອງ-ແນວຄິດໃຫ້ແກ່ສະມາຊິກຊາວໜຸ່ມດ້ວຍຫຼາຍຮູບແບບ,ສືບຕໍ່ຊຸກຍູ້ສະມາຊິກຊາວໜຸ່ມເພື່ອຈັດຕັ້ງປະຕິບັດຄໍາຂວັນ 3 ດີແລະຂໍ້ແຂ່ງຂັນ 3 ຫັນຂອງ ຫສນຍຕິດພັນກັບການຈັດຕັ້ງປະຕິບັດຄໍາຂວັນ 3 ພັດທະນາຂອງຊາວໜຸ່ມຫສນຍ ແລະ ຂໍ້ແຂ່ງຂັນ 4 ບຸກ ຂອງຊາວໜຸ່ມ ປປລ ໃຫ້ມີປະສິດຜົນກວ່າເກົ່າ,ສືບຕໍ່ນໍາພາ-ຊີ້ນໍາ ແລະ ຊຸກຍູ້ບັນດາໜ່ວຍຮາກຖານຊາວໜຸ່ມ ໃນການກະກຽມ ແລະ ດໍາເນີນກອງປະຊຸມໃຫຍ່ຂອງຕົນ ໃຫ້ສໍາເລັດຕາມແຜນການທີ່ກໍານົດໄວ້ ແລະ ຊຸກຍູ້ບັນດາໜ່ວຍຮາກຖານຊາວໜຸ່ມ ທີ່ສໍາເລັດການດໍາເນີນກອງປະຊຸມໃຫຍ່ແລ້ວ ຮີບຮ້ອນແບ່ງຄວາມຮັບຜິດຊອບພາຍໃນຄະນະໜ່ວຍ,ຊຸກຍູ້ໃຫ້ສະມາຊິກຊາວໜຸ່ມ ສືບຕໍ່ປະຕິບັດໜ້າທີ່ວຽກງານວິຊາສະເພາະ ຕາມສິດ, ໜ້າທີ່ ແລະ ຄວາມຮັບຜິດຊອບ ເພື່ອເຮັດໃຫ້ວຽກງານດໍາເນີນໄປຢ່າງເປັນລະບົບ, ໂປ່ງໄສ ແລະ ສາມາດກວດສອບໄດ້;ເປັນເຈົ້າການຄົ້ນຄວ້າ, ລາຍງານສະພາບການພົ້ນເດັ່ນທັງພາຍໃນ ແລະ ຕ່າງປະເທດ; ຜັນຂະຫຍາຍທິດຊີ້ນໍາຂອງການນໍາ ໃຫ້ມີຄວາມວ່ອງໄວທັນການ,ສືບຕໍ່ຊອກຄົ້ນແລະສ້າງໃຫ້ມີຊາວໜຸ່ມຕົວແບບພ້ອມສະເໜີຍ້ອງຍໍແລະໃຫ້ການຊຸກຍູ້ສົ່ງເສີມໃນຮູບແບບຕ່າງໆທີ່ເໝາະສົມ,ສືບຕໍ່ຕິດຕາມ, ຊຸກຍູ້ແລະສະເໜີໂຄງການແກ້ໄຂຊີວິດການເປັນຢູ່ ຂອງສະມາຊິກຊາວໜຸ່ມ ຫສນຍ,ສືບຕໍ່ຕິດຕາມ ຊຸກຍູ້ການເຄື່ອນໄຫວວຽກງານຂອງບັນດາໜ່ວຍຊາວໜຸ່ມ ໃຫ້ສາມາດຈັດຕັ້ງປະຕິບັດພາລະບົດບາດ ໜ້າທີ່ຂອງຕົນ ຕາມທີ່ໄດ້ກໍານົດໄວ້; ສືບຕໍ່ເປັນເສນາທິການຊ່ວຍຄະນະພັກ-ຄະນະນໍາ ຫສນຍປະສານງານກັບບັນດາຂະແໜງການກ່ຽວຂ້ອງ ແລະ ປຸກລະດົມໃຫ້ສະມາຊິກຊາວໜຸ່ມລາວບັນດາເຜົ່າ ມີສ່ວນຮ່ວມ ໃນການກະກຽມຄວາມພ້ອມຮອບດ້ານ ໃຫ້ແກ່ການເປັນເຈົ້າພາບຈັດກອງປະຊຸມສຸດຍອດອາຊຽນແລະ ສ້າງຄວາມປະທັບໃຈໃຫ້ແກ່ບັນດາແຂກ ທີ່ຈະມາຮ່ວມປະຊຸມ ແລະ ກິດຈະກໍາປິ່ນອ້ອມຕ່າງໆ ຢູ່ ສປປ ລາວ ໃນປີ2024.
ຂ່າວ ແລະ ພາບ: ກົມປະຊາສຳພັນ ຫສນຍ.
ໃນໂອກາດດັ່ງກ່າວ, ສະຫາຍ ອາລຸນໄຊ ສູນນະລາດ ຕາງໜ້າໃຫ້ຄະນະພັກຫ້ອງວ່າການສຳນັກງານນາຍົກລັດຖະ ມົນຕີ ໄດ້ກ່າວຕ້ອນຮັບ ພ້ອມທັງມີຄໍາເຫັນເນັ້ນໜັກຕໍ່ວຽກງານຊາວໜຸ່ມໂດຍສະເພາະການບໍລິຫານວຽກງານ 3 ແບບ ຄື: ຕ້ອງມີແບບແຜນການດຳລົງຊີວິດ,ແບບແຜນວິທີເຮັດວຽກ ແລະ ແບບແຜນວິທີການນໍາພາທີ່ດີ.ພ້ອມທັງ ຫັນປ່ຽນ 3ດ້ານ ຄື: 1) ຫັນປ່ຽນແນວຄິດລໍຖ້າຄໍາສັ່ງ ໄປສູ່ແນວຄິດຮັບຜິດຊອບ ແລະ ການເປັນເຈົ້າການ,2) ຫັນປ່ຽນແນວຄິດ ບໍ່ມີແຜນດໍາເນີນງານ ມາມີແຜນການ, ແຜນກິດຈະກໍາໃນການເຮັດວຽກ,3) ຫັນປ່ຽນຈາກການເຮັດວຽກຫຼາຍຂັ້ນຫຼາຍຂອດ ໃຫ້ຜ່ອນຂັ້ນຂອດລົງ ໂດຍສະເພາະການບໍລິຫານເອກະສານ ແລະ ອື່ນໆ.
ໃນໂອກາດດຽວກັນ, ສະຫາຍ ສົມຄວນ ມາສຸວັນ ຄະນະບໍລິຫານງານສູນກາງຊາວໜຸ່ມ ປປລ ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວ ຫສນຍ ໄດ້ລາຍງານຫຍໍ້ສະພາບພົ້ນເດັ່ນຂອງການເຄື່ອນໄຫວວຽກງານໃນໄລຍະ 3 ເດືອນຜ່ານມາ ເຫັນວ່າ ຄະນະບໍລິຫານງານຊາວໜຸ່ມ ຫສນຍແຕ່ລະຂັ້ນໄດ້ຕັ້ງໜ້ານຳພາ-ຊີ້ນຳ ວຽກງານສຶກສາອົບຮົມການເມືອງ-ແນວຄິດ ໃຫ້ແກ່ສະມາຊິກຊາວໜຸ່ມ ໂດຍສະເພາະໄດ້ລະດົມໃຫ້ສະມາຊິກຊາວໜຸ່ມ ເຂົ້າຮັບຟັງການເຜີຍແຜ່ເຊື່ອມຊຶມເອກະສານຕ່າງໆ ຂອງພັກຂອງຊາດ ຈຳນວນຫຼາຍຄັ້ງ. ພ້ອມນັ້ນ,ໄດ້ເປັນເຈົ້າການໃນການຊ່ວຍຄະນະພັກ-ຄະນະນໍາ ຂອງຫ້ອງວ່າການສຳນັກງານນາຍົກລັດຖະມົນຕີ ໃນການແຈກຢາຍ ແລະ ຄົ້ນຄວ້າເອກະສານເຂົ້າ-ອອກ, ການປະສານກັບບັນດາຂະແໜງການ ແລະ ທ້ອງຖິ່ນ ເພື່ອເກັບກໍາຂໍ້ມູນບັນຫາຕ່າງໆ ລາຍງານການນໍາ ເພື່ອຊີ້ນໍາໃຫ້ຖືກຕ້ອງ,ເອົາໃຈໃສ່ຕໍ່ການບໍລິການຮັບໃຊ້ ແລະ ສ້າງເງື່ອນໄຂອໍານວຍຄວາມສະດວກດ້ານຕ່າງໆ ໃຫ້ແກ່ການປະຕິບັດໜ້າທີ່ ກໍຄືການເຄື່ອນໄຫວວຽກງານ ຂອງການນໍາດ້ວຍຄວາມຮັບຜິດຊອບສູງ,ໄດ້ສໍາເລັດການຂຽນແຜນດໍາເນີນທຸລະກິດຮ້ານກາເຟຊາວໜຸ່ມ ຫສນຍ ແລະ ສະເໜີຮູບແບບການບໍລິຫານ ທີ່ເໝາະສົມກັບລັກສະນະເພາະ ຂອງ ຫສນຍ,ໄດ້ເຂົ້າຮ່ວມກອງປະຊຸມສະຫຼຸບວຽກງານແຂ່ງຂັນ-ຍ້ອງຍໍ ຮັກຊາດ ແລະ ພັດທະນາ ປະຈຳປີ 2023ແລະ ເປີດຂະບວນການແຂ່ງຂັນ-ຍ້ອງຍໍ ຮັກຊາດ ແລະ ພັດທະນາ ປະຈຳປີ2024ຂອງ ຫສນຍ.
ສຳລັບທິດທາງແຜນວຽກຈຸດສຸມປະຈຳໄຕມາດ II ປີ 2024 ຂອງຄະນະບໍລິຫານງານຊາວໜຸ່ມ ຫສນຍຈະໄດ້ສືບຕໍ່ເອົາໃຈໃສ່ສຶກສາອົບຮົມທາງດ້ານການເມືອງ-ແນວຄິດໃຫ້ແກ່ສະມາຊິກຊາວໜຸ່ມດ້ວຍຫຼາຍຮູບແບບ,ສືບຕໍ່ຊຸກຍູ້ສະມາຊິກຊາວໜຸ່ມເພື່ອຈັດຕັ້ງປະຕິບັດຄໍາຂວັນ 3 ດີແລະຂໍ້ແຂ່ງຂັນ 3 ຫັນຂອງ ຫສນຍຕິດພັນກັບການຈັດຕັ້ງປະຕິບັດຄໍາຂວັນ 3 ພັດທະນາຂອງຊາວໜຸ່ມຫສນຍ ແລະ ຂໍ້ແຂ່ງຂັນ 4 ບຸກ ຂອງຊາວໜຸ່ມ ປປລ ໃຫ້ມີປະສິດຜົນກວ່າເກົ່າ,ສືບຕໍ່ນໍາພາ-ຊີ້ນໍາ ແລະ ຊຸກຍູ້ບັນດາໜ່ວຍຮາກຖານຊາວໜຸ່ມ ໃນການກະກຽມ ແລະ ດໍາເນີນກອງປະຊຸມໃຫຍ່ຂອງຕົນ ໃຫ້ສໍາເລັດຕາມແຜນການທີ່ກໍານົດໄວ້ ແລະ ຊຸກຍູ້ບັນດາໜ່ວຍຮາກຖານຊາວໜຸ່ມ ທີ່ສໍາເລັດການດໍາເນີນກອງປະຊຸມໃຫຍ່ແລ້ວ ຮີບຮ້ອນແບ່ງຄວາມຮັບຜິດຊອບພາຍໃນຄະນະໜ່ວຍ,ຊຸກຍູ້ໃຫ້ສະມາຊິກຊາວໜຸ່ມ ສືບຕໍ່ປະຕິບັດໜ້າທີ່ວຽກງານວິຊາສະເພາະ ຕາມສິດ, ໜ້າທີ່ ແລະ ຄວາມຮັບຜິດຊອບ ເພື່ອເຮັດໃຫ້ວຽກງານດໍາເນີນໄປຢ່າງເປັນລະບົບ, ໂປ່ງໄສ ແລະ ສາມາດກວດສອບໄດ້;ເປັນເຈົ້າການຄົ້ນຄວ້າ, ລາຍງານສະພາບການພົ້ນເດັ່ນທັງພາຍໃນ ແລະ ຕ່າງປະເທດ; ຜັນຂະຫຍາຍທິດຊີ້ນໍາຂອງການນໍາ ໃຫ້ມີຄວາມວ່ອງໄວທັນການ,ສືບຕໍ່ຊອກຄົ້ນແລະສ້າງໃຫ້ມີຊາວໜຸ່ມຕົວແບບພ້ອມສະເໜີຍ້ອງຍໍແລະໃຫ້ການຊຸກຍູ້ສົ່ງເສີມໃນຮູບແບບຕ່າງໆທີ່ເໝາະສົມ,ສືບຕໍ່ຕິດຕາມ, ຊຸກຍູ້ແລະສະເໜີໂຄງການແກ້ໄຂຊີວິດການເປັນຢູ່ ຂອງສະມາຊິກຊາວໜຸ່ມ ຫສນຍ,ສືບຕໍ່ຕິດຕາມ ຊຸກຍູ້ການເຄື່ອນໄຫວວຽກງານຂອງບັນດາໜ່ວຍຊາວໜຸ່ມ ໃຫ້ສາມາດຈັດຕັ້ງປະຕິບັດພາລະບົດບາດ ໜ້າທີ່ຂອງຕົນ ຕາມທີ່ໄດ້ກໍານົດໄວ້; ສືບຕໍ່ເປັນເສນາທິການຊ່ວຍຄະນະພັກ-ຄະນະນໍາ ຫສນຍປະສານງານກັບບັນດາຂະແໜງການກ່ຽວຂ້ອງ ແລະ ປຸກລະດົມໃຫ້ສະມາຊິກຊາວໜຸ່ມລາວບັນດາເຜົ່າ ມີສ່ວນຮ່ວມ ໃນການກະກຽມຄວາມພ້ອມຮອບດ້ານ ໃຫ້ແກ່ການເປັນເຈົ້າພາບຈັດກອງປະຊຸມສຸດຍອດອາຊຽນແລະ ສ້າງຄວາມປະທັບໃຈໃຫ້ແກ່ບັນດາແຂກ ທີ່ຈະມາຮ່ວມປະຊຸມ ແລະ ກິດຈະກໍາປິ່ນອ້ອມຕ່າງໆ ຢູ່ ສປປ ລາວ ໃນປີ2024.
ຂ່າວ ແລະ ພາບ: ກົມປະຊາສຳພັນ ຫສນຍ.
ຄໍາເຫັນ