ໂດຍມີບັນດາຜູ້ນໍາຂອງອົງການສື່ມວນຊົນຈາກທົ່ວໂລກ ເຂົ້າຮ່ວມ. ໃນນັ້ນມີ ໜັງສືພິມປະຊາຊົນ ສຽງຂອງສູນກາງພັກ ປະຊາຊົນ ປະຕິວັດລາວ ຊຶ່ງນໍາໂດຍ ທ່ານ ສີວັນ ຫອມໄຊຍະເດດ ຮອງຫົວໜ້າບັນນາທິການໃຫຍ່ໜັງສືພິມປະຊາຊົນ, ສຳນັກຂ່າວທີ່ບໍ່ຫວັງຜົນກຳໄລຂອງອາເມຣິກາ (AP), ສຳນັກຂ່າວ TASS ຣັດເຊຍ, ສຳນັກຂ່າວ kyodo ຍີ່ປຸ່ນ, ມີບັນດາເຈົ້າໜ້າທີ່ລັດຖະບານ, ຜູ້ຕາງໜ້າບັນດາອົງກອນສາ ກົນ, ຜູ້ບໍລິຫານບັນດາວິສາຫະກິດເຕັກໂນໂລຊີແຖວໜ້າໂລກເຂົ້າຮ່ວມ. ກອງປະຊຸມຄັ້ງນີ້ໂດຍການເປັນປະທານຂອງທ່ານ ຝູຫົວ ຫົວໜ້າສໍານັກຂ່າວສານຊິນຮວາ ສປ ຈີນ ດ້ວຍຫົວຂໍ້: ປັນຍາປະດິດ ແລະ ການຫັນປ່ຽນສື່ມວນຊົນ (Artificial Intelligence and Transformation), ຄົ້ນຫາຜົນກະທົບຂອງ AI ໃນອຸດສາຫະກໍາສື່ມວນຊົນ ແລະ ແກ້ໄຂ ທັງໂອກາດ ແລະ ສິ່ງທ້າທາຍທີ່ເກີດຂຶ້ນໂດຍ AI ໃນຍຸກດີຈີຕອນ.
ໃນກອງປະຊຸມບັນດາຜູ້ຕາງໜ້າສື່ມວນຊົນທົ່ວໂລກ ໄດ້ແລກປ່ຽນສົນທະນາ ໂດຍສຸມໃສ່ທ່າແຮງວິທີການນຳໃຊ້ AI ເຂົ້າໃນການພັດທະນາລະບົບສື່ມວນຊົນ. ບັນດາອົງກອນສື່ມວນຊົນໃນທົ່ວໂລກ ພວມຫັນມານໍາໃຊ້ເຕັກໂນໂລຊີ AI ເພື່ອປັບປຸງການດໍາເນີນງານ, ເພີ່ມປະສິດທິພາບການຜະລິດ ແລະ ປັບປຸງການມີສ່ວນຮ່ວມຂອງຜູ້ບໍລິໂພກຂ່າວ. ເຄື່ອງມື AI ສາມາດຊ່ວຍນັກຂ່າວໃນການເຮັດຂ່າວໄດ້ໂດຍອັດຕະໂນມັດ ເຊັ່ນ: ໃຫ້ AI ຖອດຂໍ້ຄວາມສະຫຼຸບການສຳພາດ, ນຳໃຊ້ AI ໃນການລາຍງານຂ່າວແທນຄົນ ຫຼື ການສ້າງເນື້ອຫາໂດຍອີງໃສ່ການວິເຄາະຂໍ້ມູນ. ນອກຈາກນັ້ນ, ການແກ້ໄຂ ທີ່ຂັບເຄື່ອນດ້ວຍ AI ຊ່ວຍໃຫ້ອົງການຈັດຕັ້ງສື່ມວນຊົນສາມາດກໍານົດເປົ້າໝາຍເນື້ອໃນທີ່ດີກວ່າໃຫ້ກັບຜູ້ບໍລິໂພກຂ່າວ, ປັບປຸງປະສົບການຂອງຜູ້ບໍລິໂພກຂ່າວ ແລະ ເປີດກວ້າງການເຂົ້າເຖິງແຫຼ່ງຂໍ້ມູນທີ່ຫຼາກຫຼາຍ.
ຢ່າງໃດກໍຕາມ, ຜົນປະໂຫຍດເຫຼົ່ານີ້ ກໍມາພ້ອມກັບສິ່ງທ້າທາຍດ້ານຈັນຍາບັນ ແລະ ການດໍາເນີນງານທີ່ສໍາຄັນ. ຄວາມກັງວົນກ່ຽວກັບຂໍ້ມູນທີ່ບໍ່ຖືກຕ້ອງ, ຄວາມເປັນສ່ວນຕົວຂອງຂໍ້ມູນ ແລະ ການນຳໃຊ້ AI ຕ້ອງມີຄວາມຮັບຜິດຊອບສູງ ຊຶ່ງແມ່ນບັນຫາທີ່ສຳຄັນຂອງການສົນທະນາໃນກອງປະຊຸມຄັ້ງນີ້. ພ້ອມກັນນີ້, ກອງປະຊຸມ ໄດ້ເຈາະເລິກວິທີການທີ່ບັນດາອົງການສື່ມວນຊົນ ສາມາດແກ້ໄຂບັນຫາເຫຼົ່ານີ້ໃນຂະນະທີ່ຮັບປະກັນວ່າ AI ໄດ້ຖືກນໍາໃຊ້ຢ່າງມີຄວາມຮັບຜິດຊອບສູງ.
ກອງປະຊຸມສຸດຍອດສື່ມວນຊົນໂລກຄັ້ງທີ 6 ນີ້ໄດ້ສະແດງໃຫ້ເຫັນເຖິງໂອກາດອັນສໍາຄັນສໍາລັບບັນດາສື່ມວນຊົນທົ່ວໂລກ, ບັນດາຜູ້ນໍາດ້ານອຸດສາຫະກໍາ ໄດ້ຮ່ວມກັນປຶກສາຫາລື, ແບ່ງປັນຄວາມຮູ້ ແລະ ຮ່ວມມືກັນກ່ຽວກັບຍຸດທະສາດເພື່ອປັບຕົວເຂົ້າກັບສະພາບແວດລ້ອມທີ່ມີການພັດທະນາໄວ.
(ຂ່າວ-ພາບ: ວິໄລສັກ)
ຄໍາເຫັນ