ກອງປະຊຸມໂຕະມົນ ລັດຖະມົນຕີ ກໍ່ສ້າງ ອາຊຽນ-ຈີນ ຈັດຂຶ້ນທີ່ເມືອງກຸ້ຍຫຼິນແຂວງກວາງຊີ ສປຈີນ ໃນວັນທີ 15 ກັນຍາ ນີ້ ຊຶ່ງຈັດຂຶ້ນທຸກປີ, ໂດຍການຜັດປ່ຽນກັນເປັນເຈົ້າພາບ ລະຫວ່າງ ສປ ຈີນ ແລະ ປະເທດສະມາຊິກອາຊຽນ. ໄລຍະຜ່ານມາໄດ້ຈັດແລ້ວ 2 ຄັ້ງ ຄື: ຄັ້ງທີ 1 ປີ 2023 ຢູ່ເມືອງໜານໜີງ ແຂວງກວາງຊີ ສປ ຈີນ ແລະ ຄັ້ງທີ 2 ປີ 2024 ທີ່ນະຄອນຫຼວງກົວລາລຳເປີ ປະເທດມາເລເຊຍ ແລະ ປີ 2025 ນີ້ ສປ ຈີນ ເປັນເຈົ້າພາບກອງະຊຸມໂຕະມົນ ລັດຖະມົນຕີ ກໍ່ສ້າງ ອາຊຽນ-ຈີນ ຄັ້ງທີ 3 ປະຈຳປີ 2025 ພາຍໃຕ້ຫົວຂໍ້ “ອາຊຽນ ແລະ ຈີນ: ສົ່ງເສີມຄຸນນະພາບສູງ ການພັດທະນາຂະແໜງການກໍ່ສ້າງດ້ວຍດີຈີຕອນ ການສ້າງຄວາມເຂັ້ມແຂງທາງປັນຍາ ແລະ ມໍລະດົກວັດທະນະທໍາ” ພາຍໃຕ້ການເປັນປະທານ ຂອງ ທ່ານ ລີ່ ຫົງ ລັດຖະມົນຕີ ກະຊວງເຄຫາສະຖານ ແລະ ພັດທະນາ ຕົວເມືອງ-ຊົນນະບົດ ສປ ຈີນ ຊຶ່ງມີບັນດາທ່ານ ລັດຖະມົນຕີ, ຮອງລັດຖະມົນຕີ ຈາກ 11 ປະເທດອາຊຽນ ເຂົ້າຮ່ວມ. ສປປ ລາວ ນຳພາຄະນະຜູ້ແທນໂດຍທ່ານ ເດດສົງຄາມ ທຳມະວົງ ຮອງລັດຖະມົນຕີ ກະຊວງໂຍທາທິການ ແລະ ຂົນສົ່ງ, ທ່ານ ບຸນຕາ ອ່ອນນາວົງ ຫົວໜ້າກົມກົມເຄຫາ ແລະ ຜັງເມືອງ ແລະ ກົງສູນໃຫຍ່ ສປປ ລາວ ປະຈຳ ນະຄອນໜານໜີງ ແຂວງກວາງຊີ ສປ ຈີນ ເຂົ້າຮ່ວມ.
ນອກຈາກນີ້, ຜູ້ແທນເຂົ້າຮ່ວມກອງປະຊຸມ ຍັງໄດ້ມີໂອກາດຢ້ຽມຊົມການວາງສະແດງນະວັດຕະກຳ ແລະ ເຕັກໂນໂລຊີ ການກໍ່ສ້າງທີ່ທັນສະໄໝ ຂອງ ສປ ຈີນ ແລະ ຮັບຮອງຂໍ້ລິເລີ່ມກຸ້ຍຫຼິນ (Guilin Initiative) ໂດຍການຢືນຢັນຄືນໃໝ່ ຄຳໝັ້ນສັນຍາຕໍ່ຫຼັກການ ແລະ ເນື້ອໃນຈິດໃຈ ຂອງເອກະສານສໍາຄັນ, ລວມມີວິໄສທັດການພົວພັນຄູ່ຮ່ວມມືຍຸດທະສາດ ອາຊຽນ-ຈີນ 2030, ຖະແຫຼງການຮ່ວມພິເສດ ອາຊຽນ-ຈີນ ກອງປະຊຸມສະເຫຼີມສະຫຼອງວັນຄົບຮອບ 30 ປີ ຄູ່ຮ່ວມເຈລະຈາ ອາຊຽນ-ຈີນ.
(ຂ່າວ: ຍທຂ)
ຄໍາເຫັນ