ການເຊື່ອມໂຍງກົນໄກການຮ່ວມມືທາງດ້ານກົດໝາຍຂອງບັນດາປະເທດແມ່ນໍ້າຂອງ-ແມ່ນໍ້າລ້ານຊ້າງ ໃນການແກ້ໄຂບັນຫາອາຊະຍາກໍາຂ້າມຊາດທີ່ມີການຈັດຕັ້ງ ພາຍໃຕ້ການເປັນປະທານຂອງ ທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງການຕ່າງປະເທດ ຊຶ່ງມີທ່ານຜູ້ຕາງໜ້າຈາກ ກະຊວງພາຍໃນຂອງ ຣາຊະອານາຈັກກໍາປູເຈຍກະຊວງກົດໝາຍຂອງ ສສ ມຽນມາ, ກະຊວງຍຸຕິທຳຂອງ ຣາຊະອານາຈັກໄທ, ກະຊວງປ້ອງກັນຄວາມສະຫງົບຂອງ ສສ ຫວຽດນາມ ແລະ ຜູ້ຕາງໜ້າຈາກສະຖານເອກອັກຄະລັດຖະທູດ ແຫ່ງ ສປ ຈີນ ປະຈໍາ ສປປ ລາວກໍຄື ບັນດາຜູ້ຕາງໜ້າຈາກບັນດາກົມທີ່ກ່ຽວຂ້ອງກັບວຽກງານຕ້ານອາຊະຍາກໍາຂ້າມຊາດທີ່ມີການຈັດຕັ້ງຂອງ ສປປ ລາວ ຄື: ກະຊວງຕ່າງປະເທດ, ກະຊວງປ້ອງກັນຄວາມສະຫງົບ, ກະຊວງຍຸຕິທໍາ, ອົງການໄອຍະການປະຊາຊົນສູງສຸດ, ສານປະຊາຊົນສູງສຸດ, ຫ້ອງວ່າການສໍານັກງານນາຍົກລັດຖະມົນຕີ, ອົງການກວດກາແຫ່ງລັດ ແລະ ທະນາຄານ ແຫ່ງ ສປປ ລາວ ເຂົ້າຮ່ວມທັງໝົດ 70 ທ່ານ. ກອງປະຊຸມດັ່ງກ່າວໄດ້ຮັບການສະໜັບສະໜູນຈາກກອງທຶນພິເສດຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ.
ຈຸດປະສົງຂອງກອງປະຊຸມໃນຄັ້ງນີ້ ແມ່ນເພື່ອແລກປ່ຽນບົດຮຽນ ກ່ຽວກັບກົນໄກ ແລະ ພາກປະຕິບັດທີ່ດີໃນການຈັດຕັ້ງປະຕິບັດວຽກງານຊ່ວຍເຫຼືອຊຶ່ງກັນ ແລະ ກັນທາງດ້ານກົດໝາຍໃນບັນຫາອາຍາ ເພື່ອແກ້ໄຂບັນຫາອາຊະຍາກຳຂ້າມຊາດທີ່ມີການຈັດຕັ້ງ ໂດຍອີງໃສ່ກົດໝາຍພາຍໃນ ແລະ ສົນທິສັນຍາພາກພື້ນ ແລະ ສາກົນ ເປັນຕົ້ນ ສົນທິສັນຍາ ສປຊ ວ່າດ້ວຍ ການຕ້ານອາຊະຍາກຳຂ້າມຊາດທີ່ມີການຈັດຕັ້ງ (UNTOC), ສົນທິສັນຍາທີ່ກ່ຽວຂ້ອງກັບການຕ້ານການກໍ່ການຮ້າຍ ແລະ ຄ້າຂາຍຢາເສບຕິດ, ສົນທິສັນຍາ ວ່າດ້ວຍ ການຊ່ວຍເຫຼືອຊຶ່ງກັນ ແລະ ກັນໃນບັນຫາອາຍາ (ASEAN MLAT) ແນໃສ່ເສີມສ້າງຄວາມເຂັ້ມແຂງໃຫ້ແກ່ເຈົ້າໜ້າທີ່ບັງຄັບປະຕິບັດກົດໝາຍ ພາຍໃຕ້ກົນໄກຂອງສົນທິສັນຍາທີ່ເປັນພາຄີ ລວມທັງການປຶກສາຫາລື ກ່ຽວກັບ ການເສີມຂະຫຍາຍກົນໄກການຮ່ວມມືໃນວຽກງານຕ້ານອາຊະຍາກໍາຂ້າມຊາດທີ່ມີການຈັດຕັ້ງ ທີ່ມີຢູ່ ແລະ ແນວຄິດລິເລີ່ມໃນການສ້າງຕັ້ງກົນໄກການຮ່ວມມືເພີ່ມເຕີມທີ່ມີຄວາມວ່ອງໄວຂຶ້ນກວ່າເກົ່າ.
(ຂ່າວ: ກຕທ)
ຄໍາເຫັນ