 |
ສະຫາຍ ພັນເອກ ອຸໄທ ຖະໜອມໃຈ ໄດ້ຍົກໃຫ້ເຫັນມູນເຊື້ອການກຳເນີດ ແລະ ເຕີບໃຫຍ່ຂະຫຍາຍຕົວ ຂອງສະຫະພັນນັກຮົບເກົ່າແຫ່ງຊາດລາວ ຊຶ່ງເປັນອົງການຈັດຕັ້ງທາງການເມືອງຂອງພັກ ນອນຢູ່ໃນລະບົບການ ເມືອງແຫ່ງລະບອບໃໝ່ຂອງສປປ ລາວ ສ້າງຂຶ້ນຕາມພາລະບົດບາດ ແລະ ຄວາມຮຽກຮ້ອງຕ້ອງການຂອງສັງຄົມໃນໄລຍະໃໝ່ ເພື່ອຄຸ້ມຄອງດູແລເບິ່ງແຍງ, ສຶກສາອົບຮົມ ແລະ ເຕົ້າໂຮມຄວາມສາມັກຄີໃນຖັນແຖວພະນັກງານນັກຮົບເກົ່າທີ່ພັກຜ່ອນ, ຮັບບໍາເນັດ ແລະ ເປັນພົນລະເມືອງດີ ສ້າງເສດຖະກິດຄອບຄົວຕາມລະບຽບກົດໝາຍ ຂອງລັດວາງອອກ. ເງື່ອນໄຂທີ່ພາໃຫ້ເກີດມີສະຫະພັນນັກຮົບເກົ່າແຫ່ງຊາດລາວ ເພື່ອສືບທອດມູນເຊື້ອການຕໍ່ສູ້ບໍ່ຍອມຈໍານົນຂອງບັນພະບຸລຸດລາວ ຜູ້ອາດຫານທີ່ເກັ່ງກ້າທັງຫຼາຍ ແລະ ໄດ້ຍົກໃຫ້ເຫັນຄວາມອົງອາດກ້າຫານ, ສູ້ຮົບມີໄຊ ຄຽງບ່າຄຽງໄຫຼ່ຮ່ວມຂຸມຄອງດຽວກັນ ລະຫວ່າງກອງທັບປະຊາຊົນຫວຽດນາມ ແລະ ກອງທັບປະຊາຊົນລາວ ໃນການຕໍ່ສູ້ຕ້ານຈັກກະພັດລ່າເມືອງຂຶ້ນທັງເກົ່າ ແລະ ໃໝ່ ພາຍໃຕ້ການນຳພາອັນສະຫຼາດສ່ອງໃສຂອງພັກກອມມູນິດຫວຽດນາມທີ່ມີປະທານໂຮ່ຈີມິນ ຜູ້ນຳທີ່ຍິ່ງໃຫຍ່ເປັນຜູ້ກໍ່ຕັ້ງ ແລະ ນຳພາ ສາມາດປົດປ່ອຍປະເທດຊາດ ຫວຽດນາມໃນວັນທີ 2 ກັນຍາ 1945, ປະທານ ໂຮ່ຈິມິນ ໄດ້ອ່ານຖະແຫຼງການເອກະລາດໃນລະດູໃບໄມ້ຫຼົ່ນປີ 1945 ຊຶ່ງໄດ້ຖືກໍາເນີດ ສສ ຫວຽດນາມ ພາຍໃຕ້ການນຳພາຂອງພັກກອມມູນິດຫວຽດນາມ ຊຶ່ງປະຊາຊົນຫວຽດ ນາມໄດ້ຈາລຶກໄວ້ວ່າ: ບໍ່ມີສິ່ງໃດປະເສີດກວ່າເອກະລາດ ແລະ ເສລີພາບ ແລະ ໄດ້ເຕົ້າໂຮມຄວາມສາມັກຄີ ເປັນຈິດໜຶ່ງໃຈດຽວ, ເດັດດ່ຽວຜ່ານຜ່າຄວາມຫຍຸ້ງຍາກເພື່ອປົກປັກຮັກສາປະເທດຊາດ, ປົກປັກຮັກສາຄວາມເປັນເອກະ ລາດ ແລະ ເສລີພາບຂອງປະເທດຊາດໄວ້ຢ່າງໜຽວແໜ້ນ, ສ້າງສາ ແລະ ພັດທະນາປະເທດນັບມື້ນັບສະຫງ່າຜ່າເຜີຍ, ຍິ່ງໃຫຍ່ ແລະ ສວຍງາມ. ຄຽງຄູ່ກັບການປະກອບສ່ວນຢ່າງຕັ້ງໜ້າເຂົ້າໃນການຮັກສາສັນຕິພາບ, ການຮ່ວມມື ແລະ ການພັດທະນາໃນພາກພື້ນ ແລະ ສາກົນ. ໂດຍ: ລັດສະໝີ ທອງມີໄຊ
ຄໍາເຫັນ