ໃນວັນທີ 18ມັງກອນນີ້, ກອງພົນທີ5 ໄດ້ປາຖະກະຖາວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ, ລະນຶກວັນເກີດປະທານ ຄໍາໄຕ ສີພັນດອນ ຄົບຮອບ 100 ປີ ແລະ ເຊື່ອມຊຶມມະຕິຄົບຄະນະບໍລິຫານງານສູນກາງພັກຄັ້ງທີ 7ສະໄໜທີXIໂດຍການເປັນປະທານ ແລະ ປາຖະກະຖາຂອງສະຫາຍ ພົຈວສີປະເສີດ ເຜີຍຄໍາສີງ ຫົວໜ້າການເມືອງກອງພົນທີ 5, ມີຄະນະພັກ-ຄະນະບັນຊາອົງການ 5 ຫ້ອງພ້ອມດ້ວຍພາກ ສ່ວນກ່ຽວຂ້ອງເຂົ້າຮ່ວມ.
ສະຫາຍ ພົຈວ ສີປະເສີດ ເຜີຍຄໍາສີງ ໄດ້ຍົກໃຫ້ເຫັນມູນເຊື້ອວັນສ້າງຕັ້ງກອງທັບປະຊາຊາຊົນລາວ ຄົບຮອບ 75 ປີ(20 ມັງກອນ 1949-20 ມັງກອນ 2024) ນັບແຕ່ໄດ້ຮັບການສ້າງຕັ້ງຈົນເຖິງປັດຈຸບັນ; ກອງທັບປະຊາຊົນລາວໄດ້ຮັບການສ້າງຕັ້ງຂຶ້ນໃນວັນທີ 20 ມັງກອນ 1949 ຢູ່ເຂດທີ່ໝັ້ນຖໍ້າແມ ເຂດລາວຮຸ່ງພຽງສາ ເມືອງຊຽງຄໍ້ ແຂວງຫົວພັນໂດຍປະທານໄກສອນ ພົມວິຫານໄດ້ສ້າງຕັ້ງກອງລາດຊະວົງ,ໃນມື້ດຽວກັນນັ້ນໂດຍການນໍາພາອັນແທດເຖິງຂອງພັກກອມມູນິດອິນດູຈີນປະຈໍາຢູ່ແຄ້ວນລາວໄດ້ປະກາດສ້າງຕັ້ງກອງທັບລາວອິດສະຫຼະຢ່າງເປັນທາງການ, ນັບແຕ່ນັ້ນມາວັນທີ 20 ມັງກອນ 1949 ຈຶ່ງກາຍເປັນປະຫວັດສາດແຫ່ງການສ້າງຕັ້ງກອງທັບປະຊາຊົນລາວໂດຍພາຍໃຕ້ການນໍາພາໂດຍກົງຮອບດ້ານຂອງພັກ ໄດ້ນໍາພາປະຊາຊົນລາວລຸກຮືຂຶ້ນຕໍ່ສູ້ຕ້ານພວກຈັກກະພັດ, ພວກລ່າເມືອງຂຶ້ນແບບເກົ່າ ແລະໃໝ່, ເພີ່ມທະວີຕໍ່ສູ້ຍິ່ງຕໍ່ສູ້ຍິ່ງເຕີບໃຫຍ່ເຂັ້ມແຂງ ແລະໄດ້ຮັບໄຊຊະເປັນກ້າວໆມາ. ສາມາດສະຖາປະນາເປັນ ສາທາລະນະລັດ ປະຊາທິປະໄຕ ປະຊາຊົນລາວໃນວັນທີ 2 ທັນວາ 1975.
ໂອກາດນີ້,ໄດ້ລະນຶກວັນເກີດທ່ານ ຄໍາໄຕ ສີພັນດອນ ຄົບຮອບ 100 ປີ ຊຶ່ງປະທານ ຄໍາໄຕ ສີພັນດອນເກີດໃນວັນທີ 8 ກຸມພາ 1924, ຢູ່ບ້ານຫົວໂຂງພະໃຫຍ່ເມືອງໂຂງແຂວງສີທັນດອນ (ແຂວງຈໍາປາສັກໃນປັດຈຸບັນ)ໃນຄອບຄົວຊາວນາ ມີຄວາມດຸໝັ່ນຂະຫຍັນພຽນ, ເປັນບຸດຂອງພໍ່ນີ ນີລະໄຊ ແລະ ແມ່ສາຍບົວ ນີລະໄຊ, ມີເອື້ອຍນ້ອງນໍາກັນ 6 ຄົນ, ຜ່ານການເຄື່ອນໄຫວປະຕິວັດໃນແຕ່ລະໄລຍະມາຮອດປີ 1967 ໄດ້ຖືກແຕ່ງຕັ້ງເປັນຜູ້ບັນຊາການສູງສຸດຂອງກອງທັບປົດປ່ອຍປະຊາຊົນລາວ, ປີ 1972 ໄດ້ຮັບການເລືອກຕັ້ງເປັນກໍາມະການກົມການເມືອງສູນກາງພັກຮອງນາຍົກລັດຖະມົນຕີລັດຖະມົນຕີກະຊວງປ້ອງກັນປະເທດ, ປີ 1991 ກອງປະຊຸມສະພາປະຊາຊົນຄັ້ງທີ II ໄດ້ແຕ່ງຕັ້ງເປັນນາຍົກລັດຖະມົນຕີ ແລະ ວັນທີ 24 ພະຈິກ 1992 ກອງປະຊຸມຂອງກົມການເມືອງສູນກາງພັກ ໄດ້ເປັນເອກະສັນເລືອກເອົາປະທານ ຄໍາໄຕ ສີພັນດອນ ເປັນປະທານພັກປະຊາຊົນປະຕິວັດລາວຈົນເຖິງເດືອນມິຖຸນາ 2006 ກອງປະຊຸມໃຫຍ່ຄັ້ງທີ VIII ຂອງພັກຄັ້ງນີ້, ທ່ານໄດ້ກ່າວລາໜ້າທີ່ເພື່ອພັກຜ່ອນບໍານານ; ຈາກນັ້ນ,ກອງປະຊຸມໄດ້ເຊື່ອມຊຶມມະຕິຄົບຄະນະບໍລິຫານງານສູນກາງພັກຄັ້ງທີ 7 ສະໄໜທີ XI.
ການປາຖະກະຖາ ແລະ ເຊື່ອມຊຶມໃນຄັ້ງນີ້, ເພື່ອເຮັດໃຫ້ພະນັກງານສະມາຊິກພັກ, ນາຍ ແລະ ພົນທະຫານໃນທົ່ວກອງພົນທີ 5 ໄດ້ພ້ອມກັນຄົ້ນຄວ້າທົບທວນຫວນຄືນ ແລະ ຈົດຈໍາເອົາຄຸນງາມຄວາມດີ, ບົດຮຽນອັນລໍ້າຄ່ານໍາໄປເປັນບົດຮຽນໃນການຈັດຕັ້ງປະຕິບັດໜ້າທີ່ວຽກງານຂອງຕົນໃນອະນາຄົດໃຫ້ມີຜົນສໍາເລັດເປັນກ້າວໆ.
ຂ່າວ-ພາບ: ທອງປານ ສີດາໄລ
ສະຫາຍ ພົຈວ ສີປະເສີດ ເຜີຍຄໍາສີງ ໄດ້ຍົກໃຫ້ເຫັນມູນເຊື້ອວັນສ້າງຕັ້ງກອງທັບປະຊາຊາຊົນລາວ ຄົບຮອບ 75 ປີ(20 ມັງກອນ 1949-20 ມັງກອນ 2024) ນັບແຕ່ໄດ້ຮັບການສ້າງຕັ້ງຈົນເຖິງປັດຈຸບັນ; ກອງທັບປະຊາຊົນລາວໄດ້ຮັບການສ້າງຕັ້ງຂຶ້ນໃນວັນທີ 20 ມັງກອນ 1949 ຢູ່ເຂດທີ່ໝັ້ນຖໍ້າແມ ເຂດລາວຮຸ່ງພຽງສາ ເມືອງຊຽງຄໍ້ ແຂວງຫົວພັນໂດຍປະທານໄກສອນ ພົມວິຫານໄດ້ສ້າງຕັ້ງກອງລາດຊະວົງ,ໃນມື້ດຽວກັນນັ້ນໂດຍການນໍາພາອັນແທດເຖິງຂອງພັກກອມມູນິດອິນດູຈີນປະຈໍາຢູ່ແຄ້ວນລາວໄດ້ປະກາດສ້າງຕັ້ງກອງທັບລາວອິດສະຫຼະຢ່າງເປັນທາງການ, ນັບແຕ່ນັ້ນມາວັນທີ 20 ມັງກອນ 1949 ຈຶ່ງກາຍເປັນປະຫວັດສາດແຫ່ງການສ້າງຕັ້ງກອງທັບປະຊາຊົນລາວໂດຍພາຍໃຕ້ການນໍາພາໂດຍກົງຮອບດ້ານຂອງພັກ ໄດ້ນໍາພາປະຊາຊົນລາວລຸກຮືຂຶ້ນຕໍ່ສູ້ຕ້ານພວກຈັກກະພັດ, ພວກລ່າເມືອງຂຶ້ນແບບເກົ່າ ແລະໃໝ່, ເພີ່ມທະວີຕໍ່ສູ້ຍິ່ງຕໍ່ສູ້ຍິ່ງເຕີບໃຫຍ່ເຂັ້ມແຂງ ແລະໄດ້ຮັບໄຊຊະເປັນກ້າວໆມາ. ສາມາດສະຖາປະນາເປັນ ສາທາລະນະລັດ ປະຊາທິປະໄຕ ປະຊາຊົນລາວໃນວັນທີ 2 ທັນວາ 1975.
ໂອກາດນີ້,ໄດ້ລະນຶກວັນເກີດທ່ານ ຄໍາໄຕ ສີພັນດອນ ຄົບຮອບ 100 ປີ ຊຶ່ງປະທານ ຄໍາໄຕ ສີພັນດອນເກີດໃນວັນທີ 8 ກຸມພາ 1924, ຢູ່ບ້ານຫົວໂຂງພະໃຫຍ່ເມືອງໂຂງແຂວງສີທັນດອນ (ແຂວງຈໍາປາສັກໃນປັດຈຸບັນ)ໃນຄອບຄົວຊາວນາ ມີຄວາມດຸໝັ່ນຂະຫຍັນພຽນ, ເປັນບຸດຂອງພໍ່ນີ ນີລະໄຊ ແລະ ແມ່ສາຍບົວ ນີລະໄຊ, ມີເອື້ອຍນ້ອງນໍາກັນ 6 ຄົນ, ຜ່ານການເຄື່ອນໄຫວປະຕິວັດໃນແຕ່ລະໄລຍະມາຮອດປີ 1967 ໄດ້ຖືກແຕ່ງຕັ້ງເປັນຜູ້ບັນຊາການສູງສຸດຂອງກອງທັບປົດປ່ອຍປະຊາຊົນລາວ, ປີ 1972 ໄດ້ຮັບການເລືອກຕັ້ງເປັນກໍາມະການກົມການເມືອງສູນກາງພັກຮອງນາຍົກລັດຖະມົນຕີລັດຖະມົນຕີກະຊວງປ້ອງກັນປະເທດ, ປີ 1991 ກອງປະຊຸມສະພາປະຊາຊົນຄັ້ງທີ II ໄດ້ແຕ່ງຕັ້ງເປັນນາຍົກລັດຖະມົນຕີ ແລະ ວັນທີ 24 ພະຈິກ 1992 ກອງປະຊຸມຂອງກົມການເມືອງສູນກາງພັກ ໄດ້ເປັນເອກະສັນເລືອກເອົາປະທານ ຄໍາໄຕ ສີພັນດອນ ເປັນປະທານພັກປະຊາຊົນປະຕິວັດລາວຈົນເຖິງເດືອນມິຖຸນາ 2006 ກອງປະຊຸມໃຫຍ່ຄັ້ງທີ VIII ຂອງພັກຄັ້ງນີ້, ທ່ານໄດ້ກ່າວລາໜ້າທີ່ເພື່ອພັກຜ່ອນບໍານານ; ຈາກນັ້ນ,ກອງປະຊຸມໄດ້ເຊື່ອມຊຶມມະຕິຄົບຄະນະບໍລິຫານງານສູນກາງພັກຄັ້ງທີ 7 ສະໄໜທີ XI.
ການປາຖະກະຖາ ແລະ ເຊື່ອມຊຶມໃນຄັ້ງນີ້, ເພື່ອເຮັດໃຫ້ພະນັກງານສະມາຊິກພັກ, ນາຍ ແລະ ພົນທະຫານໃນທົ່ວກອງພົນທີ 5 ໄດ້ພ້ອມກັນຄົ້ນຄວ້າທົບທວນຫວນຄືນ ແລະ ຈົດຈໍາເອົາຄຸນງາມຄວາມດີ, ບົດຮຽນອັນລໍ້າຄ່ານໍາໄປເປັນບົດຮຽນໃນການຈັດຕັ້ງປະຕິບັດໜ້າທີ່ວຽກງານຂອງຕົນໃນອະນາຄົດໃຫ້ມີຜົນສໍາເລັດເປັນກ້າວໆ.
ຂ່າວ-ພາບ: ທອງປານ ສີດາໄລ
ຄໍາເຫັນ