ອີງຕາມການເປີດເຜີຍຂອງຜູ້ຈັດງານ, ບໍລິສັດຈີນຖືເປັນສັດສ່ວນທີ່ສໍາຄັນຂອງຜູ້ເຂົ້າຮ່ວມ, ໂດຍມີຜູ້ປະກອບການນຳສິນຄ້າມາວາງສະແດງປະມານ 1,000 ຮ້ານ, ເຮັດໃຫ້ຈີນເປັນກຸ່ມວາງສະແດງທີ່ໃຫຍ່ທີ່ສຸດອັນດັບສອງ ຮອງຈາກເຢຍລະມັນທີ່ເປັນປະເທດເຈົ້າພາບ.
ບູດຂອງShaanxi Blower (Group) Co., Ltd. (Shaangu Group) ເຕັມໄປດ້ວຍຜູ້ຄົນຈໍານວນຫຼາຍ. ບໍລິສັດໄດ້ພັດທະນາຈາກຜູ້ຜະລິດອຸປະກອນໄປສູ່ການແກ້ໄຂລະບົບແລະຜູ້ໃຫ້ບໍລິການໂດຍຜ່ານເສັ້ນທາງເຕັກໂນໂລຊີໃຫມ່ຂອງ “ການຜະລິດອຸປະກອນ+ການໃຫ້ບໍລິການ+ການດໍາເນີນງານ”.
ທ່ານ Fan Xiaolong, ຫົວໜ້າການວິໄຈ ແລະ ພັດທະນາຂອງບໍລິສັດ Shaangu Europe R&D, ຊຶ່ງເປັນບໍລິສັດຍ່ອຍຂອງ Shaangu Group ໃນປະເທດເຢຍລະມັນກ່າວວ່າ: "ສໍລັບອຸປະກອນຂະໜາດໃຫຍ່ ແລະ ມີກໍາລັງພະລັງງານສູງ, ລູກຄ້າຈະໃຫ້ຄວາມສໍາຄັນກັບປະສິດທິພາບຂອງລະບົບ ແລະ ປະສິດທິພາບການຈັດສົ່ງຫຼາຍກວ່າ." ທ່ານ Fan ກ່າວຕື່ມວ່າ:ໃນກໍລະນີນີ້, ບໍລິສັດສະໜອງການແກ້ໄຂແບບຄົບວົງຈອນ ຕັ້ງແຕ່ການຜະລິດອຸປະກອນ, ວິສະວະກໍາແບບຄົບວົງຈອນ, ການບໍລິການອຸດສາຫະກໍາ, ການເຮັດໃຫ້ລະບົບອັດສະລິຍະການດໍາເນີນງານໄດ້ຢ່າງເຕັມປະສິດທີພາບ ຕະຫຼອດຮອດການດໍາເນີນງານດ້ານພະລັງງານ ບໍ່ພຽງແຕ່ໃຫ້ບໍລິການດ້ານອຸປະກອນເທົ່ານັ້ນ.
ປັດຈຸບັນ, Shaangu Group ມີບໍລິສັດໃນຕ່າງປະເທດ ແລະ ບໍລິສັດສາຂາຍ່ອຍ ທີ່ໃຫ້ບໍລິການທັງໝົດ 28 ແຫ່ງໃນປະເທດຕ່າງໆ ເຊັ່ນ:ເຢຍລະມັນ, ສ ເຊັກໂກ, ອິນເດຍ ແລະ ອິນໂດເນເຊຍ, ຊື່ງກໍ່ໃຫ້ເກີດລະບົບລະດັບທົ່ວໂລກທີ່ລວມເອົາອຸປະກອນ, ການບໍລິການ ແລະ ການດໍາເນີນງານເຂົ້າດ້ວຍກັນ.
ບໍລິສັດໄດ້ຊື້ກິດຈະການ EKOL, ຊຶ່ງເປັນຜູ້ຜະລິດກັງຫັນລົມ( turbine )ຊັ້ນນໍາໃນ ສ ເຊັກໂກ, ດໍາເນີນການວິໄຈ ແລະ ພັດທະນາໃນທ້ອງຖິ່ນ ເພື່ອຕອບສະໜອງຄວາມຕ້ອງການຂອງອຸດສາຫະກໍາໃນທ້ອງຖິ່ນ, Shaangu Group ໄດ້ກໍ່ສ້າງໂຄງການແຍກອາກາດທີ່ໃຫຍ່ທີ່ສຸດໃນປະເທດອິນໂດເນເຊຍ.
ທ່ານ Fan ກ່າວອີກວ່າ:"ໂລກາວິວັດນີ້ບໍ່ແມ່ນແຕ່ຂະບວນກາຄັດລອກ ແລະ ວາງຢ່າງງ່າຍດາຍ(copy-paste), ແຕ່ເປັນການປັບປຸງ ແລະ ສ້າງຄວາມສາມາດໃຫມ່" ແລະ ກ່າວເສີມວ່າ:ບໍລິສັດພະຍາຍາມຂະຫຍາຍສາຂາແຕ່ລະພາກພື້ນ ເພື່ອຕອບສະໜອງຕໍ່ຄວາມຕ້ອງການຂອງລູກຄ້າຢ່າງໄວວາ.
ການພັດທະນາຂອງShaangu Groupເປັນຕົວຢ່າຂອງບໍລິສັດຈີນການເຊື່ອມໂຍງເຄືອຂ່າຍນະວັດກໍາອຸດສາຫະກໍາລະດັບໂລກ ໃນລັກສະນະທີ່ມີຄວາມເຕີບໂຕຫຼາຍກວ່າ ແລະ ເປັນລະບົບຫຼາຍຂື້ນ ບໍ່ວ່າຈະດ້ານລະບົບພະລັງງານ, ການຜະລິດທີ່ມີຄວາມຍືດຫຍຸ່ນຕະຫຼອດຮອດຫຸ່ນຍົນ, ການພິມຢາ ແລະ ຂົງເຂດອື່ນໆ.
ໃນການໃຫ້ສໍາພາດລະຫວ່າງງານດັ່ງກ່າວ ທ່ານ Stefan Hartung, ປະທານຄະນະບໍລິຫານຂອງ Robert Bosch GmbH, ຍັງໄດ້ຍົກໃຫ້ເຫັນຄວາມເປັນຜູ້ນໍາພາຂອງຈີນໃນການຫັນປ່ຽນສີຂຽວ ແລະ ການຜະລິດອັດສະລິຍະ, ພ້ອມທັງເນັ້ນຢໍ້າເຖີງບົດບາດສໍາຄັນທີ່ເພີ່ມຂຶ້ນຂອງຈີນໃນການສ້າງອະນາຄົດຂອງອຸດສາຫະກໍາໂລກ.
ຄໍາເຫັນ