 |
ເຂດເມືອງນາໝໍ້ໃນວັນທີ 30/8/2026 ມີຝົນຕົກລິນຢ່າງຕໍ່ເນື່ອງເຮັດໃຫ້ນໍ້າແຊ ແລະ ນໍ້າພາກຍື່ງນອງຂຶ້ນສູງ ໄດ້ມີເຫດການຕາຂ່າຍໄດ້ຮັບຜົນກະທົບ 2 ຈຸດ ຄື: ແລວຕາຂ່າຍ F1 ສະຖານີນາໝໍ້ 1 ພົບເຫັນຕາຂ່າຍໄດ້ຮັບຄວາມເສຍຫາຍຄື: ເສົາເນີ້ງຕິດໃສ່ຕົ້ນໄມ້ຢູ່ເຂດບ້ານນາຕອງ ໄດ້ສ້ອມແປງສໍາເລັດ ແລະ ສົ່ງໄຟເຂົ້າເຂດເທສະບານເມືອງນາໝໍ້ໄດ້ສໍາເລັດ; ເສົາລົ້ມ 1 ຕົ້ນຢູ່ເຂດບ້ານນາທົ່ງ. ປັດຈຸບັນມີ 11 ບ້ານ ຍັງບໍ່ມີໄຟຟ້າຊົມໃຊ້ ແລວຕາຂ່າຍໄຟຟ້າເຂົ້າເຂດບ້ານຂວາງ - ຊາຍແດນໝູຕຶ່ນ - ເຂດນໍ້າເງິນ ບໍ່ສາມາດເຂົ້າກວດກາຄວາມເສຍຫາຍຂອງຕາຂ່າຍໄດ້ ເນື່ອງຈາກມີດິນສະໄລ້ເຈື່ອນລັດທາງ ຄາດວ່າຕາຂ່າຍໃນເຂດນີ້ອາດຈະໄດ້ຮັບຄວາມເສຍຫາຍຫຼາຍສົມຄວນ ປັດຈຸ ບັນຍັງມີ 22 ບ້ານ ຈໍານວນ 1,717 ລູກຄ້າທີ່ບໍ່ມີໄຟຟ້າຊົມໃຊ້.
 |
ພາຍຫຼັງສ້ອມແປງຕາຂ່າຍທີ່ລົ້ມໃນວັນທີ 28/8/2026 ຈໍານວນ 2 ຕົ້ນຢູ່ຈຸດບ້ານຫ້ວຍແພສໍາເລັດ ຮອດຕອນແລງຂອງວັນທີ 30/8/2026 ສາມາດກວດພົບຕາຂ່າຍໄດ້ຮັບຄວາມເສຍຫາຍເບື້ອງຕົ້ນ ແມ່ນເສົາລົ້ມຢູ່ເຂດບ້ານປາກກໍຈໍານວນ 10 ຕົ້ນ ແລະ ຍັງບໍ່ສາມາດເຂົ້າໄປກວດກາຈຸດຕໍ່ໄປໄດ້ ເນື່ອງຈາກມີດິນສະໄລ້ລັດທາງ ແລະ ໄດ້ຮັບແຈ້ງຈາກປະຊາຊົນມີການພົບເຫັນຕາຂ່າຍລຽບທາງແຄມນໍ້າພາກລົ້ມ 3 ຈຸດ ຊຶ່ງທາງຫ້ອງການໄຟຟ້າເມືອງຫຼາ ຈະສືບຕໍ່ລົງກວດກາໃນວັນທີ 31/8/2026. ປັດຈຸບັນທົ່ວເມືອງຫຼາ ມີໄຟຟ້າໃຊ້ 8 ບ້ານ ແລະ ຍັງມີ 37 ບ້ານຈໍານວນ 2,100 ລູກຄ້າທີ່ບໍ່ທັນມີໄຟຟ້າຊົມໃຊ້.
ລັດວິສາຫະກິດໄຟຟ້າລາວ ສາຂາແຂວງອຸດົມໄຊ ກຳລັງຕິດຕາມ, ກວດກາ ແລະ ເລັ່ງແກ້ໄຂບັນດາຈຸດທີ່ໄດ້ຮັບຜົນກະທົບ ສາມາດແກ້ໄຂເບື້ອງຕົ້ນ ແລະ ສາມາດສະໜອງໄຟຄືນຮັບໃຊ້ສັງຄົມຫຼາຍຈຸດ ໂດຍຄຳນຶງເຖິງຄວາມປອດໄພເປັນສຳຄັນ ແລະ ຍັງອີກຫຼາຍຈຸດທີ່ມີຄວາມສ່ຽງ ບໍ່ສາມາດເຂົ້າໄປກວດກາ ແກ້ໄຂໄດ້ ເນື່ອງຈາກມີນໍ້າຖ້ວມ, ທາງຂາດ, ດິນເຈື່ອນຖົມທາງ ແມ່ນບໍ່ສາມາດສະໜອງໄຟໃຫ້ຊົມໃຊ້ໄດ້ ແລະ ຈະພະຍາມແກ້ໄຂ ແລະ ສົ່ງກະແສໄຟຟ້າຄືນຮັບໃຊ້ສັງຄົມໃຫ້ໄວທີ່ສຸດ.
 |
ພວກເຮົາຂໍອະໄພ ແລະ ຂໍຄວາມເຫັນໃຈຈາກປະຊາຊົນຜູ້ຊົມໃຊ້ໄຟຟ້າໃນພື້ນທີ່ ທີ່ໄດ້ຮັບຜົນກະທົບດ້ວຍ.
#ຖ້າຫາກພົບເຫັນເສົາໄຟຟ້າລົ້ມ, ໄຟຕົກ-ໄຟມອດ ຫຼືແຈ້ງເຫດການຕ່າງໆ ກ່ຽວກັບໄຟຟ້າ ສາມາດໂທແຈ້ງ ຫຼືສອບຖາມຂໍ້ມູນໄດ້ທີ່ເບີໂທ: 081 212 530 ສາຍດ່ວນ: 081 1199 ຕະຫຼອດ 24 ຊົ່ວໂມງ.
ຂ່າວ: ຄຳພູສະຫວັນ ເພັນສະຫວັດ
ຄໍາເຫັນ