ໄລຍະສະຫຼອງບຸນປີໃໝ່ລາວຢູ່ ແຂວງສາລະວັນ ມີອຸບັດເຫດເກີດຂຶ້ນ 8 ເລື່ອງ

09:29 22/04/2026

ທ່ານ ພັທ ວິຊາຍ ຫານວິໄລ ຫົວໜ້າພະແນກຈະລາຈອນ ກອງບັນຊາການ ປກສ ແຂວງສາລະວັນ ໄດ້ໃຫ້ສໍາພາດຕໍ່ສື່ມວນຊົນແຂວງ ໃນວັນທີ 20 ເມສານີ້ວ່າ: ໃນໄລຍະສະເຫຼີມສະຫຼອງປີໃໝ່ລາວ ພສ 2569 ເລີ່ມແຕ່ວັນທີ 12-18 ເມສາ ຜ່ານມາ ໄດ້ມີອຸບັດເຫດເກີດຂຶ້ນທັງໝົດ 8 ເລື່ອງ, ພາຫານະເປ່ເພ 13 ຄັນ. ໃນນັ້ນ, ເປ່ເພເລັກນ້ອຍ 3 ຄັນ, ເປ່ເພສົມຄວນ 9 ຄັນ ແລະ ໃຊ້ການບໍ່ໄດ້ 1 ຄັນ.

ໄລຍະສະຫອງບນປໃໝລາວຢ ແຂວງສາລະວນ ມອບດເຫດເກດຂນ 8 ເລອງ - image 1

ມີຄົນໄດ້ຮັບບາດເຈັບ 15 ຄົນ, ເສຍຊີວິດ 1 ຄົນ, ໄດ້ຮັບບາດເຈັບເລັກນ້ອຍ 10 ຄົນ, ບາດເຈັບສົມຄວນ 1 ຄົນ, ບາດເຈັບສາຫັດ 4 ຄົນ ແລະ ເສຍຊີວິດ 1 ຄົນ (ເພດຊາຍ); ຄິດເປັນມູນຄ່າເສຍຫາຍ 460 ລ້ານກີບ. ສໍາລັບອຸບັດເຫດເກີດຂຶ້ນຢູ່ ເມືອງສາລະວັນ ມີ 2 ເລື່ອງ, ເມືອງລະຄອນເພັງ 2 ເລື່ອງ, ເມືອງຕະໂອ້ຍ 1 ເລື່ອງ, ເມືອງຄົງເຊໂດນ 1 ເລື່ອງ, ເມືອງວາປີ 1 ເລື່ອງ, ເມືອງສະໝ້ວຍ 1 ເລື່ອງ. ສ່ວນເມືອງຕຸ້ມລານ ແລະ ເມືອງເລົ່າງາມ ແມ່ນບໍ່ມີກໍລະນີໃດໆກ່ຽວກັບອຸບັດເຫດ ໃນໄລຍະສະເຫຼີມສະຫຼອງບຸນປີໃໝ່ລາວ ປີນີ້.

ໄລຍະສະຫອງບນປໃໝລາວຢ ແຂວງສາລະວນ ມອບດເຫດເກດຂນ 8 ເລອງ - image 2

ທ່ານ ຍັງໃຫ້ຮູ້ຕື່ມອີກວ່າ: ສາເຫດຕົ້ນຕໍທີ່ພາໃຫ້ເກີດອຸປະຕິເຫດແມ່ນມາຈາກຄວາມປະໝາດຂອງຜູ້ຂັບຂີ່ ເຊັ່ນ: ການດື່ມສິ່ງມຶນເມົາແລ້ວຂັບຂີ່, ການໃຊ້ຄວາມໄວເກີນກຳນົດ ແລະ ບໍ່ເຄົາລົບກົດຈະລາຈອນ, ອຸບັດເຫດເກີດຂຶ້ນ ສ່ວນໃຫຍ່ແມ່ນຢູ່ໃນເກນອາຍຸຊາວໜຸ່ມ-ໄວໜຸ່ມ, ຖ້າທຽບໃສ່ປີຜ່ານມາ ການເກີດອຸບັດເຫດ ແມ່ນຫຼຸດລົງ. ເນື່ອງຈາກເຈົ້າໜ້າທີ່ປ້ອງກັນຄວາມສະຫງົບ ໄດ້ກຽມຄວາມພ້ອມ ແລະ ເອົາໃຈໃສ່ຮັກສາຄວາມປອດໄພ ໄລຍະແຕ່ເບື້ອງຕົ້ນ ໃນຂອບເຂດທົ່ວແຂວງສາລະວັນ ເພື່ອຮັບປະກັນໃນການສະເຫຼີມສະຫຼອງບຸນປີໃໝ່ລາວ ພສ 2569 ຢູ່ແຂວງສາລະວັນ ຮັບປະກັນຄວາມສະຫງົບ, ປອດໄພ ແລະ ມ່ວນຊື່ນ.

(ພາບ-ຂ່າວ: ສ.ພະຈັນ)

ຄໍາເຫັນ

ຂ່າວວັດທະນະທຳ-ສັງຄົມ

ການນໍາແຂວງໄຊສົມບູນ ລົງຕິດຕາມ ຜົນກະທົບຈາກໄພພິບັດ ພະຍຸລະດູຮ້ອນ ຢູ່ເມືອງລ້ອງຊານ

22/04/2026 09:34

ໃນວັນທີ 20 ເມສາຜ່ານມານີ້, ສະຫາຍ ພອຍຄຳ ຮຸ່ງບຸນຍວງ ກຳມະການສູນກາງພັກ ເລຂາພັກແຂວງໄຊສົມບູນ ພ້ອມດ້ວຍຄະນະ ໄດ້ລົງຕິດຕາມ ຜົນກະທົບຈາກໄພພິບັດ ພະຍຸລະດູຮ້ອນ ຢູ່ເມືອງລ້ອງຊານ ໂດຍມີ ສະຫາຍ ພົມມາ ແກ້ວບົວພາ ເລຂາພັກເມືອງລ້ອງຊານ, ຕະຫຼອດຮອດພາກສ່ວນທີ່ກ່ຽວຂ້ອງຂອງແຂວງ, ເມືອງ ເຂົ້າຮ່ວມ.

ແກ່ນທ້າວ ປະກາດແຕ່ງຕັ້ງຄະນະກໍາມະການປ້ອງກັນຊາດ-ປ້ອງກັນຄວາມສະຫງົບ ເມືອງ

22/04/2026 09:27

ໃນວັນທີ 21 ເມສານີ້, ທີ່ກອງຮ້ອຍ ທະຫານຊາຍແດນ 158 ເມືອງແກ່ນທ້າວ ແຂວງໄຊຍະບູລີ ໄດ້ຈັດປະກາດແຕ່ງຕັ້ງປະທານ, ຮອງປະທານ, ຜູ້ປະຈໍາການ ແລະ ກໍາມະການ ຄະນະກໍາມະການປ້ອງກັນຊາດ-ປ້ອງກັນຄວາມສະຫງົບ ຂັ້ນເມືອງ, ໂດຍການເປັນກຽດເຂົ້າຮ່ວມຂອງສະຫາຍ ເພັງນິລັນ ຄໍາພັນເພັງ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ປະທານຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງໄຊຍະບູລີ, ມີສະຫາຍ ຄໍາປຸ່ນ ນວນສະບັບ ກໍາມະການພັກແຂວງ ເລຂາຄະນະບໍລິຫານງານພັກເມືອງແກ່ນທ້າວ, ມີແຂກຖືກເຊີນ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ຄໍາມ່ວນ ປະກາດສ້າງຕັ້ງ 6 ຕາແສງ ທີ່ຂຶ້ນກັບເມືອງຫີນບູນ

21/04/2026 15:52

ພິທີປະກາດສ້າງຕັ້ງ 6 ຕາແສງຂອງເມືອງຫີນບູນ ແຂວງຄໍາມ່ວນ ຈັດຂຶ້ນໃນວັນທີ 21 ເມສາຍນີ້, ເປັນກຽດເຂົ້າຮ່ວມມີທ່ານ ໄຊຊະນະ ໂຄດພູທອນ ເລຂາຄະນະບໍລິຫານງານພັກແຂວງຄໍາມ່ວນ, ທ່ານ ຄໍາສິງ ອໍລະວັນ ເລຂາຄະນະບໍລິຫານງານພັກເມືອງຫີນບູນ, ມີບັນດາການນໍາຂອງແຂວງ, ເມືອງ ແລະ ແຂກຖືກເຊີນເຂົ້າຮ່ວມ.

ສູນກາງສະຫະພັນແມ່ຍິງລາວ ເຜີຍແຜ່ວຽກງານປະກັນສັງຄົມ

21/04/2026 15:49

ສູນກາງສະຫະພັນແມ່ຍິງລາວ (ສສຍລ) ໄດ້ຈັດກອງປະຊຸມເຜີຍແຜ່ໃຫ້ຄວາມຮູ້ກ່ຽວກັບວຽກງານປະກັນສັງຄົມໃນວັນທີ 20 ເມສາຜ່ານມາ, ໃຫ້ກຽດເຂົ້າຮ່ວມມີທ່ານ ນາງ ທໍາມາ ເພັດວິໄຊ ແລະ ທ່ານ ນາງ ຜາສຸກ ວົງວິຈິດ ຮອງປະທານຄະນະບໍລິຫານງານສູນກາງສະຫະພັນແມ່ຍິງລາວ; ມີອະດີດຮອງປະທານຄະນະບໍລິຫານງານ ສສຍລ, ຄະນະຫ້ອງການ, ກົມ, ສູນ, ຫ້ອງການ ຄຊກມດ, ຄະນະພະແນກ, ພະນັກງານບຳນານ, ພະນັກ ງານ ສສຍລ ພ້ອມດ້ວຍຄະນະຈາກອົງການປະກັນສັງຄົມແຫ່ງຊາດເຂົ້າຮ່ວມ.

ມອບ-ຮັບໜ້າທີ່ຫົວໜ້າຫ້ອງວ່າການສະພາປະຊາຊົນແຂວງສາລະວັນ

21/04/2026 15:46

ໂດຍປະຕິບັດຕາມມະຕິກອງປະຊຸມຄັ້ງປະຖົມມະລຶກຂອງສະພາປະຊາຊົນແຂວງສາລະວັນ ຊຸດທີ V ວ່າດ້ວຍການພິຈາລະນາຮັບຮອງເອົາກົງຈັກການຈັດຕັ້ງຂອງສະພາປະຊາຊົນແຂວງ, ຮັບຮອງເອົາການສະ ເໜີແຕ່ງຕັ້ງປະທານຄະນະກໍາມະການ ແລະ ຫົວໜ້າຫ້ອງວ່າການສະພາປະຊາຊົນແຂວງ ຊຸດທີ V. ໃນນັ້ນ, ໄດ້ຮັບຮອງເອົາ ທ່ານ ສົມພອນ ແສງສຸລິຈັນ ສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 14, ເປັນປະທານຄະນະກໍາມະການເສດຖະກິດ, ການເງິນ ແລະ ສິ່ງແວດລ້ອມ; ທ່ານ ບຸນທະວີ ພິມມະສານ ສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 14, ເປັນຫົວໜ້າຫ້ອງວ່າການສະພາປະຊາຊົນແຂວງ.

ສພຂ ສະຫວັນນະເຂດ ຍົກສູງຄຸນນະພາບດ້ານເນື້ອໃນໃຫ້ແກ່ກອງປະຊຸມຄັ້ງປະຖົມມະລືກ

21/04/2026 15:44

ໃນວັນທີ 21 ເມສານີ້, ທີ່ສະພາປະຊາຊົນແຂວງ (ສພຂ) ສະຫວັນນະເຂດ ຈັດກອງປະຊຸມຍົກສູງຄຸນນະພາບທາງດ້ານເນື້ອໃນ ໃຫ້ແກ່ກອງປະຊຸມຄັ້ງປະຖົມມະລືກຂອງສະພາປະຊາຊົນແຂວງຊຸດທີ V ທີ່ຈະຈັດຂຶ້ນໃນວັນທີ 22-24 ເມສາ ໂດຍການເຂົ້າຮ່ວມຂອງ ທ່ານ ບຸນໂຈມ ອຸບົນປະເສີດ ກຳມະການສູນກາງພັກ ເລຂາຄະນະບໍລິຫານງານພັກແຂວງ, ທ່ານ ກົງແກ້ວ ມີວໍລະຈັກ ປະທານສະພາປະຊາຊົນແຂວງ, ມີບັນດາສະມາຊິກສະພາແຫ່ງຊາດປະຈຳເຂດເລືອກຕັ້ງທີ 13 ແຂວງສະຫວັນນະເຂດ, ສະມາຊິກສະພາປະຊາຊົນແຂວງປະຈຳເມືອງ-ນະຄອນ ເຂົ້າຮ່ວມ.

ຫາລືການຈັດລຽງບຸລິມະສິດຮ່າງກົດໝາຍທີ່ຈະນຳເຂົ້າພິຈາລະນາໃນກອງປະຊຸມສະພາ

21/04/2026 15:42

ກອງປະຊຸມປຶກສາຫາລືໃນການຈັດລຽງບຸລິມະສິດກົດໝາຍ ທີ່ຈະນຳເຂົ້າພິຈາລະນາຮັບຮອງ ໃນກອງປະຊຸມສະໄໝວິສາມັນເທື່ອທີ 1 ແລະ ສະໄໝສາມັນປະຈໍາປີ ຂອງສະພາແຫ່ງຊາດ ຊຸດທີ X ຈັດຂຶ້ນວັນທີ 20 ເມສາ ນີ້, ໂດຍການເປັນປະທານຂອງ ທ່ານ ກອງແກ້ວ ໄຊສົງຄາມ ຮອງປະທານສະພາແຫ່ງຊາດ, ມີປະທານ-ຮອງປະທານກໍາມາທິການ, ຮອງລັດຖະມົນຕີ, ຮອງຫົວໜ້າອົງການ, ຫົວໜ້າ-ຮອງຫົວໜ້າກົມ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.

ກະຊວງປ້ອງກັນປະເທດ ປະກາດຍົກຍ້າຍພະນັກງານການນຳຂັ້ນສູງໄປຮັບໜ້າທີ່ໃໝ່

21/04/2026 14:43

ຫ້ອງວ່າການກະຊວງປ້ອງກັນປະເທດ ຈັດພິທີປະກາດຍົກຍ້າຍພະນັກງານການນຳຂັ້ນສູງໄປຮັບໜ້າທີ່ໃໝ່ ຢູ່ສະພາແຫ່ງຊາດໃນວັນທີ 20 ເມສາ ຜ່ານມາ, ໂດຍການເປັນປະທານຂອງສະຫາຍ ພົນໂທ ວົງສອນ ອິນປານພິມ ຄະນະເລຂາທິການສູນກາງພັກ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາ, ກົມ, ຫ້ອງການ, ບໍລິສັດ, ລັດວິສາຫະກິດ ແລະ ພະນັກງານຫຼັກແຫຼ່ງເຂົ້າຮ່ວມ.

ການນຳກະຊວງ ກສ ລົງຊີ້ນໍາການແກ້ໄຂບັນຫາໄຟໄໝ້ລາມປ່າ ຢູ່ເຂດພູເຂົາຄວາຍ ແລະ ພູພະນັງ

21/04/2026 10:03

ກອງປະຊຸມຊຸກຍູ້, ຕິດຕາມການຈັດຕັ້ງປະຕິບັດຄຳສັ່ງເລກທີ 11/ນຍ ແລະ ຕິດຕາມສະພາບໄຟ ໄໝ້ລາມປ່າ ຢູ່ເຂດອຸທິຍານແຫ່ງຊາດພູເຂົາຄວາຍ ແລະ ປ່າສະຫງວນແຫ່ງຊາດພູພະນັງ ໄດ້ຈັດຂຶ້ນໃນວັນທີ 20 ເມສາ ນີ້ ທີ່ຫ້ອງວ່າການແຂວງວຽງຈັນ ໃຫ້ກຽດເປັນປະທານຮ່ວມໂດຍ ທ່ານ ລິນຄຳ ດວງສະຫວັນ ກຳມະການສູນກາງພັກ ລັດຖະມົນຕີ ກະຊວງກະສິກຳ ແລະ ສິ່ງແວດລ້ອມ (ກສ) ແລະ ທ່ານ ພູທະນູເພັດ ໄຊສົມບັດ ກຳມະການສູນກາງພັກ ເລຂາຄະນະບໍລິຫານງານພັກແຂວງ ປະທານສະພາປະຊາຊົນແຂວງວຽຈັນ, ເຂົ້າຮ່ວມມີບັນດາຮອງຄະນະອົງການປົກຄອງແຂວງວຽງຈັນ, ບໍລິຄຳໄຊ, ໄຊສົມບູນ ແລະ ນະຄອນຫຼວງວຽງຈັນ, ພ້ອມດ້ວຍຫົວໜ້າກົມ, ຮອງກົມ, ຫົວໜ້າພະແນກການຈາກຂັ້ນແຂວງ ແລະ ຂັ້ນເມືອງທີ່ກ່ຽວຂ້ອງ.

7 ວັນໄລຍະສະຫຼອງປີໃໝ່ລາວ ທົ່ວປະເທດມີອຸບັດເຫດເກີດຂຶ້ນ 228 ລາຍ

21/04/2026 09:55

ທ່ານ ພັອ ຄຳສອນ ສີດາວົງ ຫົວໜ້າກົມຕໍາຫຼວດຈະລາຈອນ ກົມໃຫຍ່ຕໍາຫຼວດ ກະຊວງປ້ອງກັນປະເທດ (ປກສ) ໄດ້ຖະແຫຼງຂ່າວກ່ຽວກັບສະຫຼຸບການຈັດຕັ້ງປະຕິບັດວຽກງານປ້ອງກັນ, ສະກັດກັ້ນອຸບັດເຫດຈະລາຈອນທາງບົກ ໄລຍະການສະເຫຼີມສະຫຼອງສົ່ງທ້າຍປີເກົ່າ-ຕ້ອນຮັບປີໃໝ່ລາວ ພ.ສ 2569. 7 ວັນອັນຕະລາຍ ເລີ່ມແຕ່ວັນທີ 12-18 ເມສາ 2026 ຕໍ່ສື່ມວນຊົນໃນວັນທີ 20 ເມສານີ້, ທີ່ກົມໃຫຍ່ຕໍາຫຼວດວ່າ: ທົ່ວປະເທດ ພົບເຫັນຜູ້ລະເມີດຈະລາຈອນທັງໝົດ 11,002 ຄົນ ຍິງ 4,530 ຄົນ, ໄດ້ສຶກສາອົບຮົມ 9,880 ຄົນ; ກວດກາຈັບຄວາມໄວທັງໝົດພົບເຫັນນໍາໃຊ້ຄວາມໄວເກີນກໍານົດທັງໝົດ 11,22 ຄັນ, ຄວາມໄວສູງສຸດ 122 ກິໂລແມັດ/ຕໍ່ຊົ່ວໂມງ; ກວດພົບທາດເຫຼົ້າໃນຮ່າງກາຍ ເກີນກໍານົດ150 ຄົນ. ໃນນັ້ນ, ໄດ້ກັກພາຫະນະທັງໝົດ 52 ຄັນ, ກັກເອກະສານ 42 ໃບ (ໃບຂັບຂີ່ 42 ໃບ).

ເພີ່ມເຕີມ