ໃນໄລຍະ 2 ປີເຄິ່ງທ້າຍສະໄໝ ແຂວງເຊກອງ ຈະສືບຕໍ່ປັບປຸງໂຄງປະກອບເສດຖະກິດໃຫ້ມີຄວາມຫຼາກຫຼາຍ ຕາມຂະແໜງການຜະລິດ ແລະ ບໍລິການຢ່າງມີປະສິດທິພາບ, ສ້າງໃຫ້ມີມູນຄ່າເພີ່ມສູງຂຶ້ນຕາມທ່າແຮງບົ່ມຊ້ອນ; ສົ່ງເສີມການຜະລິດກະສິກໍາ, ຊຸກຍູ້ບັນດາອຸດສາຫະກໍາປຸງແຕ່ງຜົນຜະລິດກະສິກໍາໃຫ້ມີການເຄື່ອນໄຫວ ເພື່ອສ້າງອາຊີບ-ສ້າງວຽກເຮັດງານທໍາໃຫ້ປະຊາຊົນ, ຍູ້ໜູນການຈັດເກັບລາຍຮັບເຂົ້າງົບປະມານ, ການສົ່ງອອກສິນຄ້າ ແລະ ສູ້ຊົນເຮັດໃຫ້ເສດຖະກິດຂອງແຂວງຂະຫຍາຍຕົວຕາມທິດມີຄຸນນະພາບ ແລະ ຍືນຍົງ.
ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ ໃຫ້ຮູ້ເມື່ອບໍ່ດົນມານີ້ວ່າ: ແຜນພັດທະນາເສດຖະກິດ-ສັງຄົມ ຂອງແຂວງໃນໄລຍະ 2 ປີເຄິ່ງທ້າຍສະໄໝ ແມ່ນເປັນການສືບຕໍ່ຜັນຂະຫຍາຍ ແລະ ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິ X ຂອງອົງຄະນະພັກແຂວງ, ແຜນພັດທະນາເສດຖະກິດ-ສັງຄົມ 5 ປີ (2021-2025) ຕາມ 6 ເປົ້າໝາຍ 8 ແຜນງານບຸລິມະສິດ ໂດຍສູ້ຊົນເຮັດໃຫ້ເສດຖະກິດຂະຫຍາຍຕົວ ເພີ່ມຂຶ້ນໃນລະດັບ 5% ຕໍ່ປີ ແລະ ຮອດປີ 2025 ເຮັດໃຫ້ມູນຄ່າລວມຍອດຜະລິດຕະພັນພາຍໃນ (GDP) ບັນລຸໄດ້ 2.790 ຕື້ກີບ ແລະ ລາຍໄດ້ສະເລ່ຍຕໍ່ຫົວຄົນບັນລຸໄດ້ 19,73 ລ້ານກີບ. ໃນນີ້, ຂະແໜງກະສິກໍາ ເພີ່ມຂຶ້ນ 6,4% ກວມເອົາ 44,18%, ຂະແໜງອຸດສາຫະກໍາ ເພີ່ມຂຶ້ນ 4,35% ກວມເອົາ 22,38% ແລະ ຂະແໜງບໍລິການ ເພີ່ມຂຶ້ນ 3,62% ກວມເອົາ 33,43% ຂອງ GDP. ສູ້ຊົນຜະລິດເຂົ້າໃຫ້ໄດ້ 157.471 ໂຕນ, ພືດສະບຽງອາຫານ 87.272 ໂຕນ, ພືດເປັນສິນຄ້າ 630.830 ໂຕນ ແລະ ຜະລິດຊີ້ນ, ປາ, ໄຂ່ໃຫ້ໄດ້ 16.624 ໂຕນ, ຊຸກຍູ້-ສົ່ງເສີມການລ້ຽງສັດແບບເປັນຟາມ ຫຼື ແບບຄອບຄົວຮ່ວມໂຄງການຕ່າງໆ ແລະ ການລ້ຽງສັດເປັນສິນຄ້າ ເພື່ອສະໜອງຕະຫຼາດພາຍໃນໃຫ້ພຽງພໍ ແລະ ສົ່ງອອກໄປຕະຫຼາດຕ່າງແຂວງ ກໍຄື ຕ່າງປະເທດໃຫ້ນັບມື້ຫຼາຍຂຶ້ນ.
ພ້ອມນີ້, ກໍເອົາໃຈໃສ່ພັດທະນາ ແລະ ສົ່ງເສີມການແປຮູບຜະລິດຕະພັນກະສິກໍາ ແລະ ສົ່ງເສີມວຽກງານຫັດຖະກໍາເຂົ້າໃນການພັດທະນາສິນຄ້າທ່າແຮງກາຍເປັນສິນຄ້າໂອດັອບແຫ່ງຊາດຕາມພູມປັນຍາ ຊາວບ້ານ; ສູ້ຊົນເຮັດໃຫ້ມູນຄ່າຈໍລະຈອນສິນຄ້າ (ຂາຍຍົກ, ຂາຍຍ່ອຍ ແລະ ບໍລິການ) ເພີ່ມຂຶ້ນ; ສ້າງແຜນພັດທະນາການທ່ອງທ່ຽວ, ສົ່ງເສີມການສ້າງຕັ້ງ ແລະ ດໍາເນີນທຸລະກິດ SME, ພັດທະນາຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ ໄປສູ່ຄຸນນະພາບໃໝ່ໃຫ້ມີຄວາມເຂັ້ມແຂງ ສາມາດແຂ່ງ ຂັນກັບຕະຫຼາດພາຍໃນ ແລະ ພາຍນອກໃຫ້ດີຂຶ້ນ; ພັດທະນາຊັບພະຍາກອນມະນຸດໃຫ້ມີຄຸນນະພາບ ເພື່ອເປັນກໍາລັງຂັບເຄື່ອນການພັດທະນາແຂວງ ໃຫ້ຫຼຸດພົ້ນອອກຈາກຄວາມທຸກຍາກ ແລະ ບັນລຸເປົ້າໝາຍການພັດທະນາແບບຍືນຍົງ.
(ຂ່າວ-ພາບ: ສັນຍາ)
ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ ໃຫ້ຮູ້ເມື່ອບໍ່ດົນມານີ້ວ່າ: ແຜນພັດທະນາເສດຖະກິດ-ສັງຄົມ ຂອງແຂວງໃນໄລຍະ 2 ປີເຄິ່ງທ້າຍສະໄໝ ແມ່ນເປັນການສືບຕໍ່ຜັນຂະຫຍາຍ ແລະ ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິ X ຂອງອົງຄະນະພັກແຂວງ, ແຜນພັດທະນາເສດຖະກິດ-ສັງຄົມ 5 ປີ (2021-2025) ຕາມ 6 ເປົ້າໝາຍ 8 ແຜນງານບຸລິມະສິດ ໂດຍສູ້ຊົນເຮັດໃຫ້ເສດຖະກິດຂະຫຍາຍຕົວ ເພີ່ມຂຶ້ນໃນລະດັບ 5% ຕໍ່ປີ ແລະ ຮອດປີ 2025 ເຮັດໃຫ້ມູນຄ່າລວມຍອດຜະລິດຕະພັນພາຍໃນ (GDP) ບັນລຸໄດ້ 2.790 ຕື້ກີບ ແລະ ລາຍໄດ້ສະເລ່ຍຕໍ່ຫົວຄົນບັນລຸໄດ້ 19,73 ລ້ານກີບ. ໃນນີ້, ຂະແໜງກະສິກໍາ ເພີ່ມຂຶ້ນ 6,4% ກວມເອົາ 44,18%, ຂະແໜງອຸດສາຫະກໍາ ເພີ່ມຂຶ້ນ 4,35% ກວມເອົາ 22,38% ແລະ ຂະແໜງບໍລິການ ເພີ່ມຂຶ້ນ 3,62% ກວມເອົາ 33,43% ຂອງ GDP. ສູ້ຊົນຜະລິດເຂົ້າໃຫ້ໄດ້ 157.471 ໂຕນ, ພືດສະບຽງອາຫານ 87.272 ໂຕນ, ພືດເປັນສິນຄ້າ 630.830 ໂຕນ ແລະ ຜະລິດຊີ້ນ, ປາ, ໄຂ່ໃຫ້ໄດ້ 16.624 ໂຕນ, ຊຸກຍູ້-ສົ່ງເສີມການລ້ຽງສັດແບບເປັນຟາມ ຫຼື ແບບຄອບຄົວຮ່ວມໂຄງການຕ່າງໆ ແລະ ການລ້ຽງສັດເປັນສິນຄ້າ ເພື່ອສະໜອງຕະຫຼາດພາຍໃນໃຫ້ພຽງພໍ ແລະ ສົ່ງອອກໄປຕະຫຼາດຕ່າງແຂວງ ກໍຄື ຕ່າງປະເທດໃຫ້ນັບມື້ຫຼາຍຂຶ້ນ.
ພ້ອມນີ້, ກໍເອົາໃຈໃສ່ພັດທະນາ ແລະ ສົ່ງເສີມການແປຮູບຜະລິດຕະພັນກະສິກໍາ ແລະ ສົ່ງເສີມວຽກງານຫັດຖະກໍາເຂົ້າໃນການພັດທະນາສິນຄ້າທ່າແຮງກາຍເປັນສິນຄ້າໂອດັອບແຫ່ງຊາດຕາມພູມປັນຍາ ຊາວບ້ານ; ສູ້ຊົນເຮັດໃຫ້ມູນຄ່າຈໍລະຈອນສິນຄ້າ (ຂາຍຍົກ, ຂາຍຍ່ອຍ ແລະ ບໍລິການ) ເພີ່ມຂຶ້ນ; ສ້າງແຜນພັດທະນາການທ່ອງທ່ຽວ, ສົ່ງເສີມການສ້າງຕັ້ງ ແລະ ດໍາເນີນທຸລະກິດ SME, ພັດທະນາຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ ໄປສູ່ຄຸນນະພາບໃໝ່ໃຫ້ມີຄວາມເຂັ້ມແຂງ ສາມາດແຂ່ງ ຂັນກັບຕະຫຼາດພາຍໃນ ແລະ ພາຍນອກໃຫ້ດີຂຶ້ນ; ພັດທະນາຊັບພະຍາກອນມະນຸດໃຫ້ມີຄຸນນະພາບ ເພື່ອເປັນກໍາລັງຂັບເຄື່ອນການພັດທະນາແຂວງ ໃຫ້ຫຼຸດພົ້ນອອກຈາກຄວາມທຸກຍາກ ແລະ ບັນລຸເປົ້າໝາຍການພັດທະນາແບບຍືນຍົງ.
(ຂ່າວ-ພາບ: ສັນຍາ)
ຄໍາເຫັນ