ລາຄາເຂົ້າສານ ໃນຍີ່ປຸ່ນເພີ່ມສູງຂຶ້ນ 16 ອາທິດຕິດຕໍ່ກັນ

14:16 29/04/2025

ຂ່າວຕ່າງປະເທດລາຍງານ ໃນວັນທີ 29 ເມສາ ນີ້ວ່າ: ກະຊວງກະສິກຳ, ປ່າໄມ້ ແລະ ການປະມົງຂອງຍີ່ປຸ່ນໄດ້ເປີດເຜີຍວ່າ:ລາຄາສະເລ່ຍຂອງເຂົ້າສານທີ່ຂາຍຢູ່ຮ້ານສັບພະສິນຄ້າທົ່ວປະເທດສືບຕໍ່ເພີ່ມຂຶ້ນ. ເຖິງແມ່ນວ່າລັດຖະບານໄດ້ລະບາຍເຂົ້າສານອອກຈາກຄັງສຳຮອງເພື່ອສະກັດກັ້ນລາຄາເຂົ້າທີ່ເພີ່ມຂຶ້ນກໍຕາມ.

ລາຄາເຂົ້າສານສະເລ່ຍປະຈໍາອາທິດສິ້ນສຸດວັນທີ 20 ເມສາ ຜ່ານມາ ຢູ່ທີ່ 4.220 ເຢນຕໍ່ 5 ກິໂລກຣາມ, ເພີ່ມຂຶ້ນ 3 ເຢນຈາກອາທິດກ່ອນແລະເພີ່ມຂຶ້ນເປັນອາທິດທີ 16 ຕິດຕໍ່ກັນ.

ກະຊວງດັ່ງກ່າວໄດ້ຕິດຕາມລາຄາເຂົ້າປະຈໍາອາທິດໂດຍອ້າງອີງຂໍ້ມູນທີ່ເກັບກໍາຈາກຮ້ານສັບພະສິນຄ້າ ປະມານ 1,000 ແຫ່ງໃນທົ່ວປະເທດ. ເຖິງແມ່ນວ່າລາຄາຈະເພີ່ມຂຶ້ນໃນອັດຕາທີ່ຊ້າລົງແຕ່ທ່າອ່ຽງຍັງສືບຕໍ່ເພີ່ມຂຶ້ນ.

ປັດຈຸບັນ, ລາຄາເຂົ້າສານໄດ້ເພີ່ມຂຶ້ນຫຼາຍກວ່າສອງເທົ່າຈາກ 2,088 ເຢນໃນເວລາດຽວກັນຂອງປີກາຍ. ຂະນະທີ່ປະລິມານການຂາຍເຂົ້າສານໄດ້ເພີ່ມຂຶ້ນ 14.9% ເມື່ອທຽບໃສ່ປີກາຍ

ກະຊວງດັ່ງກ່າວລະບຸວ່າ: ລັດຖະບານກຳລັງລະບາຍເຂົ້າສານສຳຮອງທີ່ມີລາຄາຖືກອອກສູ່ຕະຫຼາດ. ແຕ່ຜູ້ບໍລິໂພກກໍຍັງຊື້ເຂົ້າສານຈາກຄັງສຳຮອງທີ່ລາຄາຖືກກວ່າ ແລະ ເຂົ້າສານທົ່ວໄປທີ່ມີລາຄາສູງກວ່າ. ສົ່ງຜົນເຮັດໃຫ້ລາຄາເຂົ້າສານໃນທ້ອງຕະຫຼາດໂດຍລວມຍັງສືບຕໍ່ເພີ່ມຂຶ້ນ.

ໃນຕົ້ນເດືອນນີ້, ກະຊວງດັ່ງກ່າວເປີດເຜີຍວ່າ: ລັດຖະບານຍີ່ປຸ່ນຈະປ່ອຍເຂົ້າສານຈາກຄັງສຳຮອງທຸກເດືອນຈົນຮອດທ້າຍເດືອນກໍລະກົດ. ເພື່ອສະກັດກັ້ນການເພີ່ມຂຶ້ນຂອງລາຄາເຂົ້າ ຊຶ່ງການຕັດສິນໃຈດັ່ງກ່າວມີຂຶ້ນພາຍຫຼັງທີ່ລາຄາເຂົ້າສານໄດ້ສືບຕໍ່ເພີ່ມຂຶ້ນ. ເຖິງວ່າກ່ອນໜ້ານີ້ຈະມີການລະບາຍເຂົ້າໄປແລ້ວສອງຮອບ ລວມ 212.000 ໂຕນ ກໍຕາມ, ສ່ວນການລະບາຍເຂົ້າສານຮອບທີ 3 ໄດ້ເກີດຂຶ້ນໃນອາທິດແລ້ວນີ້.

ຄໍາເຫັນ

ຂ່າວຕ່າງປະເທດ

ບົດບາດແມ່ຍິງ ກາຍເປັນກຳລັງແຮງຊຸກຍູ້ການພັດທະນາ

15/10/2025 15:36

ຂ່າວສານຊີອາໄອລາຍງານ ໃນວັນທີ 14 ຕຸລາຜ່ານມາວ່າ: ໃນໂອກາດຈັດກອງປະຊຸມສຸດຍອດແມ່ຍິງໂລກ, ໂທລະພາບສາກົນຈີນ ຫຼື CGTN ຂອງວິທະຍຸໂທລະພາບສູນກາງຈີນ ໄດ້ສຳຫຼວດຄວາມເຫັນບັນດາກຸ່ມຄົນຈຳນວນ 7,292 ຄົນ ຈາກ 38 ປະເທດໃນຂອບເຂດທົ່ວໂລກ, ຜົນການສຳຫຼວດສະແດງໃຫ້ເຫັນວ່າ: ຜູ້ຕອບແບບສອບຖາມມີຄວາມຮັບຮູ້ໂດຍທົ່ວໄປວ່າ, ແມ່ຍິງແມ່ນກຳລັງແຮງສຳຄັນໃນການຊຸກຍູ້ຂະບວນການພັດທະນາເສດຖະກິດ-ສັງຄົມ, ແລະ ຍັງໄດ້ຕີລາຄາຢ່າງຕັ້ງໜ້າຕໍ່ແນວຄິດພັດທະນາ ແລະ ຜົນສຳເລັດຂອງພາລະກິດແມ່ຍິງຈີນ.

ການເກັບຊື້ສະບຽງອາຫານຂອງຈີນ ບັນລຸຫຼາຍກວ່າ 400 ລ້ານໂຕນຕໍ່ປີ

15/10/2025 15:35

ຂ່າວສານຊີອາໄອລາຍງານວ່າ: ໃນວັນທີ 14 ຕຸລາ ຜ່ານມາ, ຫ້ອງການຖະແຫຼງຂ່າວຂອງຄະນະລັດຖະບານຈີນໄດ້ຈັດກອງປະຊຸມຖະແຫຼງຂ່າວກ່ຽວກັບການປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 14 ຂອງຈີນຢ່າງມີຄຸນນະພາບສູງ ໂດຍໄດ້ແຈ້ງປະສິດທິຜົນດ້ານການພັດທະນາ ແລະ ປະຕິຮູບການຈໍລະຈອນຂອງສະບຽງອາຫານ.

ທ່ານ ໂຕເລິມ ຮຽກຮ້ອງໃຫ້ສ້າງບັນຍາກາດ ແລະ ກຳລັງໜູນພັດທະນານະຄອນໂຮ່ຈິມິນ ໄລຍະໃໝ່

15/10/2025 15:31

ວິທະຍຸກະຈາຍສຽງຫວຽດນາມ ລາຍງານວ່າ: ກອງປະຊຸມໃຫຍ່ຜູ້ແທນອົງຄະນະພັກນະຄອນໂຮ່ຈິມິນ ຄັ້ງທີ 1, ເປີດຂຶ້ນໃນຕອນເຊົ້າວັນທີ 14 ຕຸລາ ຜ່ານມາ ຢູ່ນະຄອນໂຮ່ຈິມິນ. ເຂົ້າຮ່ວມກອງປະຊຸມມີທ່ານ ໂຕເລິມ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ, ທ່ານ ເລືອງເກື່ອງ ປະທານປະເທດ ຫວຽດນາມ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ, ທ່ານ ເຈິ່ນແທັງເໝິ້ນ ປະທານສະພາແຫ່ງຊາດ ຫວຽດນາມ, ພ້ອມດ້ວຍຜູ້ແທນ 547 ທ່ານ ຕາງໜ້າໃຫ້ແກ່ສະມາຊິກພັກ 366,000 ກວ່າຄົນ ໃນທົ່ວອົງຄະນະພັກນະຄອນ.

AI ແລະ ລະບົບອັດຕະໂນມັດ ກຳລັງຫັນປ່ຽນສະຖານທີ່ເຮັດວຽກໃນແຟັງລັງ

15/10/2025 14:54

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ຜົນການສໍາຫຼວດໂດຍຫ້ອງການການຄ້າຂອງແຟັງລັງເປີດເຜີຍວ່າ, ປັນຍາປະດິດ (AI) ແລະ ລະບົບອັດຕະໂນມັດກໍາລັງຫັນປ່ຽນບ່ອນເຮັດວຽກຂອງແຟັງລັງຢ່າງໄວວາ, ໂດຍເຂົ້າມາແທນທີ່ທັງວຽກທີ່ໃຊ້ແຮງງານ ແລະ ວຽກລະດັບຜູ້ຊ່ຽວຊານ ໃນຂະນະດຽວກັນກໍຊ່ວຍເພີ່ມປະສິດທິພາບຂອງການເຮັດວຽກ.

ອິນໂດເນເຊຍ ມີແຜນຈະຢຸດການນຳເຂົ້ານໍ້າມັນກາຊວນ

15/10/2025 14:51

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ທ່ານ ບາລິວ ລາຮາດາເລຍ ລັດຖະມົນຕີກະຊວງພະລັງງານ ແລະ ຊັບພະຍາກອນບໍ່ແຮ່ ອິນໂດເນເຊຍ ໃຫ້ຮູ້ວ່າ: ອິນໂດເນເຊຍມີແຜນຈະຢຸດການນຳເຂົ້ານ້ຳມັນກາຊວນໃນເຄິ່ງຫຼັງປີ 2026 ຕາມຄຳສັ່ງທີ່ຈະນຳໃຊ້ນ້ຳມັນເຊື້ອໄຟຊີວະພາບຊະນິດໃໝ່(B-50).

ທ່ານ ສີຈິ້ນຜິງ ກ່າວຄຳປາໄສໃນກອງປະຊຸມສຸດຍອດແມ່ຍິງໂລກ

15/10/2025 14:46

ຂ່າວສານຊີອາໄອລາຍງານວ່າ: ໃນຕອນເຊົ້າວັນທີ 13 ຕຸລາ ຜ່ານມາ, ທ່ານ ສີຈິ້ນຜິງ ປະທານປະເທດຈີນໄດ້ເຂົ້າຮ່ວມກອງປະຊຸມສຸດຍອດແມ່ຍິງໂລກຢູ່ສູນປະຊຸມແຫ່ງຊາດ ທີ່ນະຄອນຫຼວງປັກກິ່ງ ພ້ອມທັງກ່າວຄຳປາໄສສຳຄັນພາຍໃຕ້ຫົວຂໍ້ “ເສີມຂະຫຍາຍຈິດໃຈກອງປະຊຸມໃຫຍ່ແມ່ຍິງໂລກປັກກິ່ງ ເລັ່ງລັດຂະບວນການໃໝ່ແຫ່ງການພັດທະນາແມ່ຍິງຢ່າງຮອບດ້ານ”.

ອົງຄະນະພັກລັດຖະບານ ຕ້ອງເປັນແບບຢ່າງດ້ານຄຸນທາດການເມືອງ ພູມປັນຍາ ແລະ ການປ່ຽນແປງໃໝ່

15/10/2025 14:41

ວິທະຍຸກະຈາຍສຽງຫວຽດນາມລາຍງານວ່າ: ໃນຕອນເຊົ້າວັນທີ 13 ຕຸລາ ຜ່ານມາ, ທ່ານ ໂຕເລິມ ເລຂາທິການໃຫຍ່ພັກກອມມູນິດຫວຽດນາມ ກ່າວຄຳເຫັນໃນກອງປະຊຸມໃຫຍ່ຜູ້ແທນອົງຄະນະພັກລັດຖະບານຄັ້ງທີ 1, ອາຍຸການ 2025 – 2030 ວ່າ: ໃນອາຍຸການ 2020 – 2025, ຄະນະພັກລັດຖະບານໄດ້ສະແດງໃຫ້ເຫັນຄຸນທາດ, ຄວາມສາມັກຄີ, ຫົວຄິດປະດິດສ້າງ, ຂ້ຽວຂາດໃນການຊີ້ນຳ, ບໍລິຫານ, ບຸກທະລຸໃນການກະທຳ, ຈັດຕັ້ງປະຕິບັດຢ່າງມີຈຸດສຸມ, ຕິດແທດກັບຕົວຈິງ ແລະ ບັນລຸໄດ້ໝາກຜົນສຳຄັນຫຼາຍຢ່າງ, ຮອບດ້ານພໍສົມຄວນ ແລະ ມີຫຼາຍຈຸດພົ້ນເດັ່ນ. ນີ້ແມ່ນພື້ນຖານ, ກຳລັງໜູນໃໝ່ເພື່ອໃຫ້ອົງຄະນະພັກລັດຖະບານ ກ້າວເຂົ້າສູ່ໄລຍະໃໝ່.

ອິນໂດເນເຊຍ ມີແຜນຈະຢຸດການນຳເຂົ້ານໍ້າມັນກາຊວນ

13/10/2025 15:06

31 ລັດ ໃນເມັກຊິກເກີດໄພນໍ້າຖ້ວມ ແລະ ດິນເຈື່ອນ

13/10/2025 14:20

ຂ່າວຕ່າງປະເທດລາຍງານ ເມື່ອວັນທີ 12 ຕຸລາ ຜ່ານມາວ່າ: ອົງການປ້ອງກັນ ແລະ ແກ້ໄຂໄພພິບັດແຫ່ງຊາດເມັກຊິກ ລາຍງານວ່າ, 31 ລັດ ໃນ 32 ລັດຂອງປະເທດ ປະສົບກັບຝົນຕົກໜັກກວ່າປົກກະຕິ ເຮັດໃຫ້ແມ່ນ້ຳໃຫຍ່ຫຼາຍສາຍລົ້ນຝັ່ງ ໄຫຼເຂົ້າຖ້ວມບ້ານເຮືອນປະຊາຊົນ, ເນື້ອທີ່ນາ ແລະ ເສັ້ນທາງຄົມມະນາຄົມຂົນສົ່ງ. ອີກທັງຍັງເກີດດິນເຈື່ອນສ້າງຄວາມເສຍຫາຍຢ່າງກວ້າງຂວາງ.

ປະຊາກອນຕ່າງປະເທດຂອງຍີ່ປຸ່ນບັນລຸ 3.95 ລ້ານຄົນ

13/10/2025 14:18

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ອົງການບໍລິການກວດຄົນເຂົ້າເມືອງຂອງຍີ່ປຸ່ນ ເປີດເຜີຍວ່າ: ຈຳນວນຄົນຕ່າງປະເທດທີ່ອາໄສຢູ່ໃນຍີ່ປຸ່ນ ບັນລຸເຖິງ 3.95 ລ້ານຄົນ, ຂະນະທີ່ຍີ່ປຸ່ນເປີດຮັບແຮງງານຕ່າງປະເທດຫຼາຍຂຶ້ນ ເພື່ອແກ້ໄຂບັນຫາການຂາດແຄນແຮງງານຢ່າງໜັກໜ່ວງ.

ເພີ່ມເຕີມ