ໂດຍ: ສ.ບຸດປະຊາ
ໄລຍະຜ່ານມາ, ຜູ້ຜະລິດ ແລະ ຜູ້ປະກອບການ ໃນການຜະລິດ ແລະ ປຸງແຕ່ງພືດສິນຄ້າ ຍັງມີບາງບັນຫາໃນການເຂົ້າເຖິງແຫຼ່ງທຶນດອກເບ້ຍຕໍ່າ ຈາກສະຖາບັນການເງິນ, ກອງທຶນສົ່ງເສີມຈຸນລະວິສະຫະກິດ, ວິສາຫະກິດຂະໜາດນ້ອຍ ແລະ ກາງ ມີຄວາມຫຍຸ້ງຍາກ ແລະ ຫຼາຍຂັ້ນ ຫຼາຍຂອດ, ສ່ວນໃຫຍ່ຍັງນໍາໃຊ້ແຫຼ່ງທຶນດອກເບ້ຍສູງ, ໄລຍະກູ້ຢືມສັ້ນ; ຂະນະທີ່, ລັດຖະບານ ກໍມີແຫຼ່ງທຶນຈໍາກັດ ແລະ ຍັງບໍ່ທັນມີນະໂຍບາຍສິນເຊື່ອສະເພາະ ສໍາລັບສົ່ງເສີມການຜະລິດ ແລະ ການປຸງແຕ່ງ ພືດເປັນສິນຄ້າ.
ເພື່ອແກ້ໄຂບັນຫາຂ້າງເທິງນັ້ນ, ລັດຖະບານ ໄດ້ກຳນົດນະໂຍບາຍດ້ານສິນເຊື່ອ ແລະ ການເຂົ້າເຖິງແຫຼ່ງທຶນເຂົ້າເປັນນະໂຍບາຍ ທີ 8 ຊຶ່ງແມ່ນນະໂຍບາຍຂໍ້ສຸດທ້າຍໃນນະໂຍບາຍແຫ່ງຊາດ ວ່າດ້ວຍການສົ່ງເສີມການປູກພືດ ຂອງ ສປປ ລາວ ທີ່ໄດ້ຮັບຮອງ ແລະ ປະກາດໃຊ້ ໃນດຳລັດເລກທີ 226/ນຍ, ລົງວັນທີ 10/7/2023 ຊຶ່ງນະໂຍບາຍໃນຂໍ້ນີ້ ແມ່ນເພື່ອສ້າງເງື່ອນໄຂໃຫ້ແກ່ຊາວກະສິກອນ ແລະ ຜູ້ປະກອບການ ໃນການດໍາເນີນກິດຈະການປູກພືດ ແລະ ການປຸງແຕ່ງພືດເປັນສິນຄ້າ ໃຫ້ສາມາດເຂົ້າເຖິງແຫຼ່ງທຶນ ດ້ວຍເງື່ອນໄຂທີ່ເໝາະສົມ; ນອກນີ້, ກໍເພື່ອໃຫ້ສະຖາບັນການເງິນ, ຊາວກະສິກອນ ແລະ ຜູ້ປະກອບການສາມາດດໍາເນີນກິດຈະການຮ່ວມກັນ ໄດ້ຕາມເງື່ອນໄຂ, ກົດໝາຍ ແລະ ລະບຽບການ ທີ່ກໍານົດ.
ລັດຖະບານ ໄດ້ກຳນົດນະໂຍບາຍເພື່ອສົ່ງເສີມຢ່າງຈະແຈ້ງວ່າ: ລັດ ໄດ້ມີການຈັດສັນທຶນ ແລະ ງົບປະມານ ສະເພາະ ເຂົ້າໃນການປູກພືດ, ການປຸງແຕ່ງ ແລະ ການສົ່ງອອກພືດ ແລະ ຜະລິດຕະພັນພືດ ລວມທັງ ການປ້ອງກັນ ແລະ ຄວບຄຸມການລະບາດຂອງສັດຕູພືດ, ການວິໄຈ ສັດຕູພືດ, ການຢັ້ງຢືນກະສິກໍາສະອາດ, ການຢັ້ງຢືນຄຸນນະພາບຜະລິດຕະພັນພືດ, ວຽກງານສຸຂານາໄມ ແລະ ສຸຂານາໄມພືດ ຕາມໂຄງການຕ່າງໆ ທີ່ໄດ້ຮັບອະນຸມັດຈາກລັດຖະບານ ໃຫ້ຫຼາຍຂຶ້ນ; ກໍານົດ ແລະ ອອກນະໂຍບາຍ ຜ່ອນຜັນໄລຍະເວລາຊໍາລະສິນເຊື່ອສະເພາະ ໃນກໍລະນີ ຊາວກະສິກອນ ແລະ ຜູ້ປະກອບການປະສົບໄພພິບັດທໍາມະຊາດ;ກໍານົດ ແລະ ອອກນະໂຍບາຍການເຂົ້າເຖິງແຫຼ່ງທຶນຂອງລັດຖະບານ ແລະ ສະຖາບັນການເງິນ ມີນະໂຍບາຍສິນເຊື່ອຖົມຂຸມດອກເບ້ຍ ແລະ ນະໂຍບາຍສິນເຊື່ອກະຈາຍລົງສູ່ທ້ອງຖິ່ນ ດ້ວຍອັດຕາດອກເບ້ຍ, ໄລຍະການກູ້ຢືມ ແລະ ການຜ່ອນຜັນ, ການທົດແທນທຶນຄືນ ຕາມລະບຽບການ ແລະ ກົດໝາຍ ຊຶ່ງໄດ້ມີການກໍານົດໄວ້ໃນແຕ່ລະໄລຍະ ລະຫວ່າງຊາວກະສິກອນ, ຜູ້ປະກອບການ ແລະ ສະຖາບັນການເງິນ ຕ່າງຝ່າຍຕ່າງໄດ້ຮັບຜົນປະໂຫຍດຮ່ວມກັນ ດັ່ງລຸ່ມນີ້:
1). ຜູ້ຜະລິດ, ກຸ່ມຜະລິດ ແລະ ຜູ້ປະກອບການ ທີ່ດຳເນີນການປູກພືດ ແລະ ປຸງແຕ່ງພືດອາຍຸສັ້ນ ແລະ ພືດອຸສາຫະກຳປະກອບມີ: ເຂົ້າ, ສາລີ, ມັນຕົ້ນ, ໝາກໂມ, ມັນດ້າງ, ຖົ່ວຜັກຍາວ, ຖົ່ວເຫຼືອງ, ຜັກສົດ, ຖົ່ວເບີ, ຖົ່ວດິນ, ໝາກເດືອຍ, ພືດຜັກ, ອ້ອຍ, ໝາກກ້ວຍ ຊຶ່ງນະໂຍບາຍນີ້ ໄດ້ກໍານົດໄລຍະການກູ້ຢືມເກີນ3 ປີ ດ້ວຍອັດຕາດອກເບ້ຍ 5% ຕໍ່ປີ, ການຈ່າຍດອກເບ້ຍ ແມ່ນຈ່າຍປີທີ 1-2 ແລະ ມາປີທີ 3 ແມ່ນເລີ່ມຈ່າຍຕົ້ນທຶນ ແລະ ດອກເບ້ຍ.
2). ຜູ້ຜະລິດ, ກຸ່ມຜະລິດ ແລະ ຜູ້ປະກອບການ ທີ່ດຳເນີນການປູກພືດ ແລະ ປຸງແຕ່ງໄມ້ໃຫ້ໝາກປະກອບມີ: ໝາກມ່ວງ, ໝາກມີ້, ໝາກພຸກ, ໝາກກ້ຽງ, ໝາກນາວ, ໝາກມ່ວງຫິມະພານ, ໝາກລໍາໄຍ, ໝາກລິ້ນຈີ່, ໝາກຖົ່ວລຽນ; ນະໂຍບາຍນີ້ ກໍານົດໄລຍະກູ້ຢືມເກີນ 7 ປີ ໂດຍມີອັດຕາດອກເບ້ຍ 3% ຕໍ່ປີ, ປອດດອກເບ້ຍ ແລະ ຕົ້ນທຶນ (ບໍ່ໄດ້ຈ່າຍດອກ ແລະ ຕົ້ນທຶນ) ຮອດປີທີ 4, ຈົນມາຮອດປີທີ 5 ຈຶ່ງເລີ່ມຈ່າຍຕົ້ນທຶນ ແລະ ດອກເບ້ຍ. ໃນປະເພດນີ້, ຍັງໄດ້ມີນະໂຍບາຍ ສຳລັບການປູກພືດ ແລະ ປຸງແຕ່ງ ໝາກໜອດ, ໝາກມັງກອນ ໄດ້ກຳນົດໄລຍະການກູ້ຢືມເກີນ 5 ປີ ມີອັດຕາດອກເບ້ຍ 3% ຕໍ່ປີ, ປອດດອກເບ້ຍ ແລະ ຕົ້ນທຶນ ຮອດປີທີ 3, ເລີ່ມຈ່າຍຕົ້ນທຶນ ແລະ ດອກເບ້ຍ ປິທີ 4.
3). ຜູ້ຜະລິດ, ກຸ່ມຜະລິດ ແລະ ຜູ້ປະກອບການ ທີ່ດຳເນີນການປູກພືດ ແລະ ປຸງແຕ່ງ ກາເຟ ນະໂຍບາຍນີ້ ກໍານົດໄລຍະກູ້ຢືມເກີນ 7 ປີ ໂດຍມີອັດຕາດອກເບ້ຍ 3% ຕໍ່ປີ, ປອດດອກເບ້ຍ ແລະ ຕົ້ນທຶນ, ຮອດປີທີ 4 ຈົນມາຮອດປີທີ 5 ຈຶ່ງເລີ່ມຈ່າຍຕົ້ນທຶນ ແລະ ດອກເບ້ຍ. ສຳລັບ ຊາ ແມ່ນໄດ້ດຳນົດໄລຍະການກູ້ຢືມເກີນ 5 ປີ ມີອັດຕາດອກເບ້ຍ 3% ຕໍ່ປີ, ປອດດອກເບ້ຍ ແລະ ຕົ້ນທຶນ ຮອດປີທີ 4, ໃຫ້ເລີ່ມຈ່າຍຕົ້ນທຶນ ແລະ ດອກເບ້ຍ ປິທີ 5.
4). ຜູ້ປະກອບການ ທີ່ສ້າງຕັ້ງໂຮງງານປຸງແຕ່ງພືດ ແລະ ຜະລິດຕະພັນພືດ ຊຶ່ງນະໂຍບາຍນີ້ ໄດ້ກຳນົດໄລຍະການກູ້ຢືມເກີນ 5 ປີ ມີອັດຕາດອກເບ້ຍ 3% ຕໍ່ປີ, ປອດດອກເບ້ຍ ແລະ ຕົ້ນທຶນ ຮອດປີທີ 5, ໃຫ້ເລີ່ມຈ່າຍຕົ້ນທຶນ ແລະ ດອກເບ້ຍ ປິທີ 6.
ທັງໝົດນັ້ນ, ຄືນະໂຍບາຍ ທີ່ໄດ້ກຳນົດທິດທາງ ແລະ ວຽກງານລະອຽດສົມຄວນ ໃນການສົ່ງເສີມການຜະລິດ ແລະ ປຸ່ງແຕ່ງພືດເປັນສິນຄ້າ ທີ່ໃຫ້ຄວາມຮູ້ພື້ນຖານດ້ານສິນເຊື່ອ ແລະ ເພື່ອຜູ້ຜະລິດ, ຜູ້ປະກອບການ ໄດ້ຂໍ້ມູນເພື່ອພົວພັນກັບ ສະຖາບັນການເງິນ, ກອງທຶນສົ່ງເສີມຈຸນລະວິສະຫະກິດ, ວິສາຫະກິດຂະໜາດນ້ອຍ ແລະ ກາງ ຢູ່ຂອບເຂດພື້ນທີ່ຂອງຕົນ ເພື່ອຈະສາມາດເຂົ້າເຖິງແຫຼ່ງທຶນ ເງື່ອນໄຂທີ່ເໝາະສົມ ມານໍາໃຊ້ເຂົ້າໃນການຜະລິດ ແລະ ປຸ່ງແຕ່ງພາຍໃນ ຊ່ວຍກັນພັດທະນາຜະລິດຕະພັນລາວ ໃຫ້ມີຄຸນນະພາບ ແລະ ບັນລຸເປົ້າໝາຍ ໃນການຜະລິດສະບຽງອາຫານ ຄ້ຳປະກັນສະບຽງອາຫານໄດ້ໂດຍພື້ນຖານ ແລະ ເປັນສິນຄ້າ ຫຼຸດຜ່ອນການນໍາເຂົ້າ ຕາມທີ່ພັກ-ລັດຖະບານ ວາງໄວ້.
ໄລຍະຜ່ານມາ, ຜູ້ຜະລິດ ແລະ ຜູ້ປະກອບການ ໃນການຜະລິດ ແລະ ປຸງແຕ່ງພືດສິນຄ້າ ຍັງມີບາງບັນຫາໃນການເຂົ້າເຖິງແຫຼ່ງທຶນດອກເບ້ຍຕໍ່າ ຈາກສະຖາບັນການເງິນ, ກອງທຶນສົ່ງເສີມຈຸນລະວິສະຫະກິດ, ວິສາຫະກິດຂະໜາດນ້ອຍ ແລະ ກາງ ມີຄວາມຫຍຸ້ງຍາກ ແລະ ຫຼາຍຂັ້ນ ຫຼາຍຂອດ, ສ່ວນໃຫຍ່ຍັງນໍາໃຊ້ແຫຼ່ງທຶນດອກເບ້ຍສູງ, ໄລຍະກູ້ຢືມສັ້ນ; ຂະນະທີ່, ລັດຖະບານ ກໍມີແຫຼ່ງທຶນຈໍາກັດ ແລະ ຍັງບໍ່ທັນມີນະໂຍບາຍສິນເຊື່ອສະເພາະ ສໍາລັບສົ່ງເສີມການຜະລິດ ແລະ ການປຸງແຕ່ງ ພືດເປັນສິນຄ້າ.
ເພື່ອແກ້ໄຂບັນຫາຂ້າງເທິງນັ້ນ, ລັດຖະບານ ໄດ້ກຳນົດນະໂຍບາຍດ້ານສິນເຊື່ອ ແລະ ການເຂົ້າເຖິງແຫຼ່ງທຶນເຂົ້າເປັນນະໂຍບາຍ ທີ 8 ຊຶ່ງແມ່ນນະໂຍບາຍຂໍ້ສຸດທ້າຍໃນນະໂຍບາຍແຫ່ງຊາດ ວ່າດ້ວຍການສົ່ງເສີມການປູກພືດ ຂອງ ສປປ ລາວ ທີ່ໄດ້ຮັບຮອງ ແລະ ປະກາດໃຊ້ ໃນດຳລັດເລກທີ 226/ນຍ, ລົງວັນທີ 10/7/2023 ຊຶ່ງນະໂຍບາຍໃນຂໍ້ນີ້ ແມ່ນເພື່ອສ້າງເງື່ອນໄຂໃຫ້ແກ່ຊາວກະສິກອນ ແລະ ຜູ້ປະກອບການ ໃນການດໍາເນີນກິດຈະການປູກພືດ ແລະ ການປຸງແຕ່ງພືດເປັນສິນຄ້າ ໃຫ້ສາມາດເຂົ້າເຖິງແຫຼ່ງທຶນ ດ້ວຍເງື່ອນໄຂທີ່ເໝາະສົມ; ນອກນີ້, ກໍເພື່ອໃຫ້ສະຖາບັນການເງິນ, ຊາວກະສິກອນ ແລະ ຜູ້ປະກອບການສາມາດດໍາເນີນກິດຈະການຮ່ວມກັນ ໄດ້ຕາມເງື່ອນໄຂ, ກົດໝາຍ ແລະ ລະບຽບການ ທີ່ກໍານົດ.
ລັດຖະບານ ໄດ້ກຳນົດນະໂຍບາຍເພື່ອສົ່ງເສີມຢ່າງຈະແຈ້ງວ່າ: ລັດ ໄດ້ມີການຈັດສັນທຶນ ແລະ ງົບປະມານ ສະເພາະ ເຂົ້າໃນການປູກພືດ, ການປຸງແຕ່ງ ແລະ ການສົ່ງອອກພືດ ແລະ ຜະລິດຕະພັນພືດ ລວມທັງ ການປ້ອງກັນ ແລະ ຄວບຄຸມການລະບາດຂອງສັດຕູພືດ, ການວິໄຈ ສັດຕູພືດ, ການຢັ້ງຢືນກະສິກໍາສະອາດ, ການຢັ້ງຢືນຄຸນນະພາບຜະລິດຕະພັນພືດ, ວຽກງານສຸຂານາໄມ ແລະ ສຸຂານາໄມພືດ ຕາມໂຄງການຕ່າງໆ ທີ່ໄດ້ຮັບອະນຸມັດຈາກລັດຖະບານ ໃຫ້ຫຼາຍຂຶ້ນ; ກໍານົດ ແລະ ອອກນະໂຍບາຍ ຜ່ອນຜັນໄລຍະເວລາຊໍາລະສິນເຊື່ອສະເພາະ ໃນກໍລະນີ ຊາວກະສິກອນ ແລະ ຜູ້ປະກອບການປະສົບໄພພິບັດທໍາມະຊາດ;ກໍານົດ ແລະ ອອກນະໂຍບາຍການເຂົ້າເຖິງແຫຼ່ງທຶນຂອງລັດຖະບານ ແລະ ສະຖາບັນການເງິນ ມີນະໂຍບາຍສິນເຊື່ອຖົມຂຸມດອກເບ້ຍ ແລະ ນະໂຍບາຍສິນເຊື່ອກະຈາຍລົງສູ່ທ້ອງຖິ່ນ ດ້ວຍອັດຕາດອກເບ້ຍ, ໄລຍະການກູ້ຢືມ ແລະ ການຜ່ອນຜັນ, ການທົດແທນທຶນຄືນ ຕາມລະບຽບການ ແລະ ກົດໝາຍ ຊຶ່ງໄດ້ມີການກໍານົດໄວ້ໃນແຕ່ລະໄລຍະ ລະຫວ່າງຊາວກະສິກອນ, ຜູ້ປະກອບການ ແລະ ສະຖາບັນການເງິນ ຕ່າງຝ່າຍຕ່າງໄດ້ຮັບຜົນປະໂຫຍດຮ່ວມກັນ ດັ່ງລຸ່ມນີ້:
1). ຜູ້ຜະລິດ, ກຸ່ມຜະລິດ ແລະ ຜູ້ປະກອບການ ທີ່ດຳເນີນການປູກພືດ ແລະ ປຸງແຕ່ງພືດອາຍຸສັ້ນ ແລະ ພືດອຸສາຫະກຳປະກອບມີ: ເຂົ້າ, ສາລີ, ມັນຕົ້ນ, ໝາກໂມ, ມັນດ້າງ, ຖົ່ວຜັກຍາວ, ຖົ່ວເຫຼືອງ, ຜັກສົດ, ຖົ່ວເບີ, ຖົ່ວດິນ, ໝາກເດືອຍ, ພືດຜັກ, ອ້ອຍ, ໝາກກ້ວຍ ຊຶ່ງນະໂຍບາຍນີ້ ໄດ້ກໍານົດໄລຍະການກູ້ຢືມເກີນ3 ປີ ດ້ວຍອັດຕາດອກເບ້ຍ 5% ຕໍ່ປີ, ການຈ່າຍດອກເບ້ຍ ແມ່ນຈ່າຍປີທີ 1-2 ແລະ ມາປີທີ 3 ແມ່ນເລີ່ມຈ່າຍຕົ້ນທຶນ ແລະ ດອກເບ້ຍ.
2). ຜູ້ຜະລິດ, ກຸ່ມຜະລິດ ແລະ ຜູ້ປະກອບການ ທີ່ດຳເນີນການປູກພືດ ແລະ ປຸງແຕ່ງໄມ້ໃຫ້ໝາກປະກອບມີ: ໝາກມ່ວງ, ໝາກມີ້, ໝາກພຸກ, ໝາກກ້ຽງ, ໝາກນາວ, ໝາກມ່ວງຫິມະພານ, ໝາກລໍາໄຍ, ໝາກລິ້ນຈີ່, ໝາກຖົ່ວລຽນ; ນະໂຍບາຍນີ້ ກໍານົດໄລຍະກູ້ຢືມເກີນ 7 ປີ ໂດຍມີອັດຕາດອກເບ້ຍ 3% ຕໍ່ປີ, ປອດດອກເບ້ຍ ແລະ ຕົ້ນທຶນ (ບໍ່ໄດ້ຈ່າຍດອກ ແລະ ຕົ້ນທຶນ) ຮອດປີທີ 4, ຈົນມາຮອດປີທີ 5 ຈຶ່ງເລີ່ມຈ່າຍຕົ້ນທຶນ ແລະ ດອກເບ້ຍ. ໃນປະເພດນີ້, ຍັງໄດ້ມີນະໂຍບາຍ ສຳລັບການປູກພືດ ແລະ ປຸງແຕ່ງ ໝາກໜອດ, ໝາກມັງກອນ ໄດ້ກຳນົດໄລຍະການກູ້ຢືມເກີນ 5 ປີ ມີອັດຕາດອກເບ້ຍ 3% ຕໍ່ປີ, ປອດດອກເບ້ຍ ແລະ ຕົ້ນທຶນ ຮອດປີທີ 3, ເລີ່ມຈ່າຍຕົ້ນທຶນ ແລະ ດອກເບ້ຍ ປິທີ 4.
3). ຜູ້ຜະລິດ, ກຸ່ມຜະລິດ ແລະ ຜູ້ປະກອບການ ທີ່ດຳເນີນການປູກພືດ ແລະ ປຸງແຕ່ງ ກາເຟ ນະໂຍບາຍນີ້ ກໍານົດໄລຍະກູ້ຢືມເກີນ 7 ປີ ໂດຍມີອັດຕາດອກເບ້ຍ 3% ຕໍ່ປີ, ປອດດອກເບ້ຍ ແລະ ຕົ້ນທຶນ, ຮອດປີທີ 4 ຈົນມາຮອດປີທີ 5 ຈຶ່ງເລີ່ມຈ່າຍຕົ້ນທຶນ ແລະ ດອກເບ້ຍ. ສຳລັບ ຊາ ແມ່ນໄດ້ດຳນົດໄລຍະການກູ້ຢືມເກີນ 5 ປີ ມີອັດຕາດອກເບ້ຍ 3% ຕໍ່ປີ, ປອດດອກເບ້ຍ ແລະ ຕົ້ນທຶນ ຮອດປີທີ 4, ໃຫ້ເລີ່ມຈ່າຍຕົ້ນທຶນ ແລະ ດອກເບ້ຍ ປິທີ 5.
4). ຜູ້ປະກອບການ ທີ່ສ້າງຕັ້ງໂຮງງານປຸງແຕ່ງພືດ ແລະ ຜະລິດຕະພັນພືດ ຊຶ່ງນະໂຍບາຍນີ້ ໄດ້ກຳນົດໄລຍະການກູ້ຢືມເກີນ 5 ປີ ມີອັດຕາດອກເບ້ຍ 3% ຕໍ່ປີ, ປອດດອກເບ້ຍ ແລະ ຕົ້ນທຶນ ຮອດປີທີ 5, ໃຫ້ເລີ່ມຈ່າຍຕົ້ນທຶນ ແລະ ດອກເບ້ຍ ປິທີ 6.
ທັງໝົດນັ້ນ, ຄືນະໂຍບາຍ ທີ່ໄດ້ກຳນົດທິດທາງ ແລະ ວຽກງານລະອຽດສົມຄວນ ໃນການສົ່ງເສີມການຜະລິດ ແລະ ປຸ່ງແຕ່ງພືດເປັນສິນຄ້າ ທີ່ໃຫ້ຄວາມຮູ້ພື້ນຖານດ້ານສິນເຊື່ອ ແລະ ເພື່ອຜູ້ຜະລິດ, ຜູ້ປະກອບການ ໄດ້ຂໍ້ມູນເພື່ອພົວພັນກັບ ສະຖາບັນການເງິນ, ກອງທຶນສົ່ງເສີມຈຸນລະວິສະຫະກິດ, ວິສາຫະກິດຂະໜາດນ້ອຍ ແລະ ກາງ ຢູ່ຂອບເຂດພື້ນທີ່ຂອງຕົນ ເພື່ອຈະສາມາດເຂົ້າເຖິງແຫຼ່ງທຶນ ເງື່ອນໄຂທີ່ເໝາະສົມ ມານໍາໃຊ້ເຂົ້າໃນການຜະລິດ ແລະ ປຸ່ງແຕ່ງພາຍໃນ ຊ່ວຍກັນພັດທະນາຜະລິດຕະພັນລາວ ໃຫ້ມີຄຸນນະພາບ ແລະ ບັນລຸເປົ້າໝາຍ ໃນການຜະລິດສະບຽງອາຫານ ຄ້ຳປະກັນສະບຽງອາຫານໄດ້ໂດຍພື້ນຖານ ແລະ ເປັນສິນຄ້າ ຫຼຸດຜ່ອນການນໍາເຂົ້າ ຕາມທີ່ພັກ-ລັດຖະບານ ວາງໄວ້.
ຄໍາເຫັນ