ໃນວາລະປິດກອງປະຊຸມສະຫຼຸບວຽກງານປະຈໍາປີ 2023 ແລະ ທິດທາງແຜນການ ປີ 2024 ຂອງ
ລັດວິສາຫະກິດໄຟຟ້າລາວ (ຟຟລ)ທີ່ໄດ້ຈັດຂຶ້ນໃນຕອນແລງຂອງວັນທີ14 ກຸມພານີ້ ທີ່ສຳນັກງານໃຫຍ່ ຟຟລ, ທ່ານ ໂພໄຊ ໄຊຍະສອນລັດຖະມົນຕີ ກະຊວງພະລັງງານ ແລະ ບໍ່ແຮ່ (ພບ) ເຂົ້າມີຄໍາເຫັນຕໍ່ກອງປະຊຸມ ໂດຍໄດ້ເນັ້ນ 5 ບັນຫາສຳຄັນ ໃຫ້ ຟຟລ ເອົາໃນໃຈໃສ່ ເພື່ອເປັນທິດທາງໃນການຈັດຕັ້ງປະຕິບັດແຜນການສໍາລັບປີ 2024 ຂອງ ຟຟລ ຊຶ່ງການມີຄຳເຫັນຄັ້ງນີ້ມີປະທານສະພາບໍລິຫານ, ຜູ້ອໍານວຍການໃຫຍ່, ບັນດາທ່ານຮອງຜູ້ອຳນວຍການໃຫຍ່ ຟຟລ ພ້ອມດ້ວຍທຸກພາກສ່ວນກ່ຽວຂ້ອງເຂົ້າຮ່ວມ.
ທ່ານ ໂພໄຊ ໄຊຍະສອນ ໄດ້ມີຄໍາເຫັນຕໍ່ກອງປະຊຸມວ່າ: ຜ່ານມາ, ການຈັດຕັ້ງ ແລະ ການເຄື່ອນໄຫວ ຟຟລ ມີຄວາມຫຍຸ້ງຍາກຫຼາຍດ້ານ. ໂດຍພື້ນຖານແລ້ວ,ຍັງສາມາດຮັກສາບົດບາດ ແລະ ໄດ້ຮັບຄວາມເຊື່ອໝັ້ນຈາກພັກ, ລັດ, ປະຊາຊົນ ແລະ ເພື່ອນມິດ, ສາກົນຢ່າງໜັກແໜ້ນ. ພ້ອມດຽວກັນ, ກໍໄດ້ຕາງໜ້າຄະນະພັກ-ຄະນະນຳກະຊວງ ພບ ແລະ ໃນນາມສ່ວນຕົວສະແດງຄວາມຍ້ອງຍໍຊົມເຊີຍ ຕໍ່ຄວາມຕັ້ງໜ້າ, ບຸກບືນ ຜ່ານຜ່າຄວາມຫຍຸ້ງຍາກ ຂອງ ຟຟລ ແລະ ກໍສາມາດຍາດໄດ້ຜົນງານຫຼາຍດ້ານ. ຄຽງຄູ່ຜົນງານ ແລະ ດ້ານດີທີ່ຍາດມາໄດ້ໃນ 1 ປີຜ່ານມາ, ກໍເຫັນໄດ້ດ້ານທີ່ເປັນຂໍ້ຫຍຸ້ງຍາກ, ດ້ານທີ່ຍັງອ່ອນ, ເປັນຂໍ້ຄົງຄ້າງ ຊຶ່ງຄະນະພັກ, ຄະນະນໍາກະຊວງ ມີຄວາມເຫັນອົກເຫັນໃຈ ຊຶ່ງໃນໂອກາດນີ້ ກໍໄດ້ມີຄຳເຫັນຈຳນວນໜຶ່ງເພື່ອໃຫ້ພວກສະຫາຍເປັນທິດທາງໃນການຈັດຕັ້ງປະຕິບັດແຜນການສໍາລັບປີ 2024 ໂດຍສະເພາະ 5 ບັນຫາສຳຄັນຄື:
ບັນຫາທີໜຶ່ງ: ກ່ອນອື່ນໝົດ, ຢາກຂໍໃຫ້ກຳແໜ້ນວ່າປີ 2024 ແມ່ນປີທີ່ມີຄວາມສໍາຄັນເປັນພິເສດ. ຍ້ອນວ່າມັນແມ່ນຊຸມປີທ້າຍຂອງການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ IX (2021-2025). ບັນຫານີ້ມັນພົວພັນເຖິງການຈັດຕັ້ງປະຕິບັດທິດທາງ, ຄາດໝາຍລວມ ແລະ ຄາດໝາຍລະອຽດຂອງຂະແໜງການ ແລະ ກະໂຕຂອງ ຟຟລ. ສະນັ້ນ, ສະເໜີໃຫ້ພວກສະຫາຍກວດກາຄືນຕື່ມວ່າທິດທາງ, ແຜນການ, ການວາງຄາດໝາຍແຕ່ລະດ້ານໃນປີ 2024 ຂອງໄຟຟ້າລາວເຮົາ ສອດຄ່ອງກັບມະຕິ ແລະ ແຜນລວມແລ້ວບໍ? ຖ້າບ່ອນໃດບໍ່ສອດຄ່ອງກໍຂໍໃຫ້ພວກສະຫາຍຄົ້ນຄວ້າປັບປຸງ.
ບັນຫາທີສອງ: ນອກຈາກເບິ່ງໃສ່ມະຕິ ແລະ ແຜນລວມແລ້ວ, ການກໍານົດແຜນປະຈໍາປີກໍຕ້ອງໄດ້ເບິ່ງໃສ່ທິດທາງ, ໜ້າທີ່ ແລະ ຈຸດໝາຍລວມ ກ່ຽວກັບການພັດທະນາຂອງຂະແໜງການພວກເຮົາຕື່ມເພື່ອໃຫ້ສອດຄ່ອງ.ພວກເຮົາຕ້ອງຮັບຮູ້ ແລະ ກຳແໜ້ນວິໄສທັດໃນການພັດທະນາຂະແໜງການພວກເຮົາທີ່ໄດ້ ກຳນົດວ່າ: “ພັດທະນາພະລັງງານ ແລະ ບໍ່ແຮ່ ຕາມທິດຫັນເປັນອຸດສາຫະກຳ ແລະ ທັນສະໄໝ; ຂຸດຄົ້ນ ແລະ ນໍາໃຊ້ທຸກກຳລັງແຮງຊັບພະຍາກອນທຳມະຊາດ, ຮັບປະກັນຄວາມຍືນຍົງ, ສົ່ງເສີມຫົວໜ່ວຍເສດຖະກິດຂອງຊາດໃຫ້ເຂັ້ມແຂງ, ຍູ້ແຮງການສະໜອງໄຟຟ້າຮັບໃຊ້ພາຍໃນໃຫ້ພຽງພໍ ແລະ ໝັ້ນຄົງ, ເຊື່ອມໂຍງ-ແລກປ່ຽນພະລັງງານກັບປະເທດເພື່ອນບ້ານ ແລະ ພາກພື້ນ, ພັດທະນາດ້ານພະລັງງານ ແລະບໍ່ແຮເພີ່ມຂຶ້ນດ້ວຍສີຂຽວ ແລະ ສົດໃສ”.ອັນທີ່ມີລັກສະນະເປັນພື້ນຖານຈະຕ້ອງກຳແໜ້ນກໍແມ່ນ: ຍຸດທະສາດການພັດທະນາວຽກງານພະລັງງານຕ້ອງຮັບປະກັນລັກສະນະສົມສ່ວນ, ເປັນມິດກັບສິ່ງແວດລ້ອມ, ສະອາດ ແລະ ຍືນຍົງ.
ບັນຫາທີສາມ: ຈະຕ້ອງໄດ້ສືບຕໍ່ເອົາໃຈໃສ່ຄົ້ນຄວ້າເພື່ອປັບປຸງຂອດການບໍລິການໃຫ້ມີຄຸນນະພາບຊຶ່ງຕ້ອງກ້າຫານຕັດສິນໃຈຫັນອອກຈາກການເຮັດຂອດບໍລິການແບບເກົ່າຄືເຄີຍເຮັດຜ່ານມາໄປສູ່ການເຮັດການບໍລິການ ຕາມກົນໄກຕະຫຼາດດ້ານໄຟຟ້າຢ່າງແຂງແຮງ ແລະ ເຮັດໃຫ້ເຕັມຮູບແບບ, ສ້າງທຸກເງື່ອນໄຂ ເພື່ອນຳເອົາຜະລິດຕະພັນດ້ານກະແສໄຟຟ້າເຂົ້າສູ່ລະບົບການຜະລິດໃຫ້ຫຼາຍຂຶ້ນ ໂດຍສະເພາະແມ່ນເຂົ້າສູ່ການຜະລິດໃນຂະແໜງອຸດສາຫະກຳ, ກະສິກໍາ, ການຂົນສົ່ງ ແລະ ການບໍລິການ. ເນື່ອງຈາກການຊົມໃຊ້ໄຟໃນປະເພດນີ້, ແມ່ນໃຊ້ແບບເປັນປະຈຳປົກກະຕິ, ພ້ອມນີ້ຈະເປັນການສ້າງຖານລາຍຮັບໃຫ້ລັດຖະບານຫຼາຍຂຶ້ນ, ປະຊາຊົນຈະມີວຽກເຮັດງານທຳຫຼາຍ, ປະເທດເຮົາກໍຈະມີສິນຄ້າ ສົ່ງອອກ ເພີ່ມຂຶ້ນ ແລະ ການຂາດດຸນການຄ້າ ກໍຄ່ອຍໆຫຼຸດລົງເທື່ອລະກ້າວ. ສະນັ້ນ, ໃນເວລາທີ່ຄິດ, ກຳນົດແຜນ ແລະ ເຄື່ອນໄຫວຈັດຕັ້ງປະຕິບັດກໍຕ້ອງໄປຕາມທິດລວມ ແລະ ເປົ້າໝາຍສູ້ຊົນລວມດັ່ງກ່າວນີ້ແທ້ໆ.
ບັນຫາທີສີ່: ສືບຕໍ່ປັບປຸງ ເພື່ອຍົກສູງປະສິດທິຜົນໃນການດຳເນີນທຸລະກິດຂອງໄຟຟ້າລາວໃນເງື່ອນໄຂໃໝ່ ຊຶ່ງບັນຫານີ້ແມ່ນບັນຫາສໍາຄັນ ແລະ ເປັນໃຈກາງຂອງການເຄື່ອນໄຫວຂອງໄຟຟ້າລາວ, ເປັນຕົ້ນ ກ່ອນອື່ນໝົດແມ່ນການປັບປຸງ ແລະ ເພີ່ມທະວີ ຮູບແບບການຄຸ້ມຄອງ, ປັບປຸງການຄຸ້ມຄອງລາຍຮັບ-ລາຍຈ່າຍ, ການແກ້ໄຂໜີ້ສິນທົ່ວໄປ ແລະ ສຸມໃສ່ແກ້ໄຂໜີ້ສິນຄຸມເຄືອ, ປັບປຸງຂອດການບໍລິການຜູ້ຊົມໃຊ້ໄຟຟ້າ, ການຄຸ້ມຄອງພະລັງງານຕົກເຮ່ຍ, ຕິດພັນກັບການຄຸ້ມຄອງບັນດາໂຄງການ, ແຜນງານ ທີ່ພວມຈັດຕັ້ງປະຕິບັດໃຫ້ຖືກກັບເນື້ອໃນສັນຍາ, ມາດຖານດ້ານຕັກນິກ, ທັນຕາມກໍານົດເວລາ ແລະ ອື່ນໆ.
ບັນຫາທີຫ້າ: ເພື່ອຮັບປະກັນໃຫ້ແກ່ການຈັດຕັ້ງປະຕິບັດຄາດໝາຍຂອງແຜນການສໍາລັບປີ 2024 ທີ່ໄດ້ວາງອອກ ໃຫ້ບັນລຸຜົນນັ້ນ, ບັນຫາທີ່ມີລັກສະນະຕັດສິນແມ່ນບັນຫາຄົນ, ບັນຫາບຸກຄະລາກອນ.ຍ້ອນວ່າ: ຄົນແມ່ນຜູ້ຈັດຕັ້ງປະຕິບັດ, ເປັນຜູ້ເຮັດຕົວຈິງ; ສະນັ້ນ, ຕ້ອງຍົກສູງຄຸນນະພາບຂອງບຸກຄະລາກອນທຽມທັນກັບຄວາມຕ້ອງການເພື່ອຮອງຮັບການຈັດຕັ້ງປະຕິບັດແຜນການທີ່ວາງອອກ. ການປັບປຸງຍົກສູງຄຸນນະພາບ “ຕ້ອງເຮັດຢ່າງເປັນລະບົບ, ເຮັດແບບຄົບວົງຈອນ”ກ່ອນອື່ນໝົດແມ່ນຈະຕ້ອງເລິີ່ມຈາກການປັບປຸງຄຸນນະພາບໃນການນໍາພາຂອງຄະນະພັກຮາກຖານ, ຂອງໜ່ວຍພັກຕິດພັນກັບການຍົກສູງຄຸນນະພາບຂອງພະນັກງານ, ສະມາຊິກພັກ, ກໍາມະກອນແຕ່ລະຄົນ ຊຶ່ງຄຸນນະພາບຂອງແຕ່ລະຄົນຕ້ອງສະແດງອອກຢູ່ໃນ “ຄວາມຮັບຜິດຊອບ, ຄວາມເປັນເຈົ້າການ,ຄວາມຫ້າວຫັນ, ບຸກບືນສູ້ຊົນ, ຜ່ານຜ່າຄວາມຫຍຸ້ງຍາກ” ຂອງພະນັກງານ-ກໍາມະກອນເຮົາໃຫ້ທຽມທັນກັບຄວາມຮຽກຮ້ອງຕ້ອງການຂອງວຽກງານໃນໄລຍະໃໝ່.
(ຂ່າວ-ພາບ: ສຸກສະຫວັນ)
ລັດວິສາຫະກິດໄຟຟ້າລາວ (ຟຟລ)ທີ່ໄດ້ຈັດຂຶ້ນໃນຕອນແລງຂອງວັນທີ14 ກຸມພານີ້ ທີ່ສຳນັກງານໃຫຍ່ ຟຟລ, ທ່ານ ໂພໄຊ ໄຊຍະສອນລັດຖະມົນຕີ ກະຊວງພະລັງງານ ແລະ ບໍ່ແຮ່ (ພບ) ເຂົ້າມີຄໍາເຫັນຕໍ່ກອງປະຊຸມ ໂດຍໄດ້ເນັ້ນ 5 ບັນຫາສຳຄັນ ໃຫ້ ຟຟລ ເອົາໃນໃຈໃສ່ ເພື່ອເປັນທິດທາງໃນການຈັດຕັ້ງປະຕິບັດແຜນການສໍາລັບປີ 2024 ຂອງ ຟຟລ ຊຶ່ງການມີຄຳເຫັນຄັ້ງນີ້ມີປະທານສະພາບໍລິຫານ, ຜູ້ອໍານວຍການໃຫຍ່, ບັນດາທ່ານຮອງຜູ້ອຳນວຍການໃຫຍ່ ຟຟລ ພ້ອມດ້ວຍທຸກພາກສ່ວນກ່ຽວຂ້ອງເຂົ້າຮ່ວມ.
ທ່ານ ໂພໄຊ ໄຊຍະສອນ ໄດ້ມີຄໍາເຫັນຕໍ່ກອງປະຊຸມວ່າ: ຜ່ານມາ, ການຈັດຕັ້ງ ແລະ ການເຄື່ອນໄຫວ ຟຟລ ມີຄວາມຫຍຸ້ງຍາກຫຼາຍດ້ານ. ໂດຍພື້ນຖານແລ້ວ,ຍັງສາມາດຮັກສາບົດບາດ ແລະ ໄດ້ຮັບຄວາມເຊື່ອໝັ້ນຈາກພັກ, ລັດ, ປະຊາຊົນ ແລະ ເພື່ອນມິດ, ສາກົນຢ່າງໜັກແໜ້ນ. ພ້ອມດຽວກັນ, ກໍໄດ້ຕາງໜ້າຄະນະພັກ-ຄະນະນຳກະຊວງ ພບ ແລະ ໃນນາມສ່ວນຕົວສະແດງຄວາມຍ້ອງຍໍຊົມເຊີຍ ຕໍ່ຄວາມຕັ້ງໜ້າ, ບຸກບືນ ຜ່ານຜ່າຄວາມຫຍຸ້ງຍາກ ຂອງ ຟຟລ ແລະ ກໍສາມາດຍາດໄດ້ຜົນງານຫຼາຍດ້ານ. ຄຽງຄູ່ຜົນງານ ແລະ ດ້ານດີທີ່ຍາດມາໄດ້ໃນ 1 ປີຜ່ານມາ, ກໍເຫັນໄດ້ດ້ານທີ່ເປັນຂໍ້ຫຍຸ້ງຍາກ, ດ້ານທີ່ຍັງອ່ອນ, ເປັນຂໍ້ຄົງຄ້າງ ຊຶ່ງຄະນະພັກ, ຄະນະນໍາກະຊວງ ມີຄວາມເຫັນອົກເຫັນໃຈ ຊຶ່ງໃນໂອກາດນີ້ ກໍໄດ້ມີຄຳເຫັນຈຳນວນໜຶ່ງເພື່ອໃຫ້ພວກສະຫາຍເປັນທິດທາງໃນການຈັດຕັ້ງປະຕິບັດແຜນການສໍາລັບປີ 2024 ໂດຍສະເພາະ 5 ບັນຫາສຳຄັນຄື:
ບັນຫາທີໜຶ່ງ: ກ່ອນອື່ນໝົດ, ຢາກຂໍໃຫ້ກຳແໜ້ນວ່າປີ 2024 ແມ່ນປີທີ່ມີຄວາມສໍາຄັນເປັນພິເສດ. ຍ້ອນວ່າມັນແມ່ນຊຸມປີທ້າຍຂອງການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ IX (2021-2025). ບັນຫານີ້ມັນພົວພັນເຖິງການຈັດຕັ້ງປະຕິບັດທິດທາງ, ຄາດໝາຍລວມ ແລະ ຄາດໝາຍລະອຽດຂອງຂະແໜງການ ແລະ ກະໂຕຂອງ ຟຟລ. ສະນັ້ນ, ສະເໜີໃຫ້ພວກສະຫາຍກວດກາຄືນຕື່ມວ່າທິດທາງ, ແຜນການ, ການວາງຄາດໝາຍແຕ່ລະດ້ານໃນປີ 2024 ຂອງໄຟຟ້າລາວເຮົາ ສອດຄ່ອງກັບມະຕິ ແລະ ແຜນລວມແລ້ວບໍ? ຖ້າບ່ອນໃດບໍ່ສອດຄ່ອງກໍຂໍໃຫ້ພວກສະຫາຍຄົ້ນຄວ້າປັບປຸງ.
ບັນຫາທີສອງ: ນອກຈາກເບິ່ງໃສ່ມະຕິ ແລະ ແຜນລວມແລ້ວ, ການກໍານົດແຜນປະຈໍາປີກໍຕ້ອງໄດ້ເບິ່ງໃສ່ທິດທາງ, ໜ້າທີ່ ແລະ ຈຸດໝາຍລວມ ກ່ຽວກັບການພັດທະນາຂອງຂະແໜງການພວກເຮົາຕື່ມເພື່ອໃຫ້ສອດຄ່ອງ.ພວກເຮົາຕ້ອງຮັບຮູ້ ແລະ ກຳແໜ້ນວິໄສທັດໃນການພັດທະນາຂະແໜງການພວກເຮົາທີ່ໄດ້ ກຳນົດວ່າ: “ພັດທະນາພະລັງງານ ແລະ ບໍ່ແຮ່ ຕາມທິດຫັນເປັນອຸດສາຫະກຳ ແລະ ທັນສະໄໝ; ຂຸດຄົ້ນ ແລະ ນໍາໃຊ້ທຸກກຳລັງແຮງຊັບພະຍາກອນທຳມະຊາດ, ຮັບປະກັນຄວາມຍືນຍົງ, ສົ່ງເສີມຫົວໜ່ວຍເສດຖະກິດຂອງຊາດໃຫ້ເຂັ້ມແຂງ, ຍູ້ແຮງການສະໜອງໄຟຟ້າຮັບໃຊ້ພາຍໃນໃຫ້ພຽງພໍ ແລະ ໝັ້ນຄົງ, ເຊື່ອມໂຍງ-ແລກປ່ຽນພະລັງງານກັບປະເທດເພື່ອນບ້ານ ແລະ ພາກພື້ນ, ພັດທະນາດ້ານພະລັງງານ ແລະບໍ່ແຮເພີ່ມຂຶ້ນດ້ວຍສີຂຽວ ແລະ ສົດໃສ”.ອັນທີ່ມີລັກສະນະເປັນພື້ນຖານຈະຕ້ອງກຳແໜ້ນກໍແມ່ນ: ຍຸດທະສາດການພັດທະນາວຽກງານພະລັງງານຕ້ອງຮັບປະກັນລັກສະນະສົມສ່ວນ, ເປັນມິດກັບສິ່ງແວດລ້ອມ, ສະອາດ ແລະ ຍືນຍົງ.
ບັນຫາທີສາມ: ຈະຕ້ອງໄດ້ສືບຕໍ່ເອົາໃຈໃສ່ຄົ້ນຄວ້າເພື່ອປັບປຸງຂອດການບໍລິການໃຫ້ມີຄຸນນະພາບຊຶ່ງຕ້ອງກ້າຫານຕັດສິນໃຈຫັນອອກຈາກການເຮັດຂອດບໍລິການແບບເກົ່າຄືເຄີຍເຮັດຜ່ານມາໄປສູ່ການເຮັດການບໍລິການ ຕາມກົນໄກຕະຫຼາດດ້ານໄຟຟ້າຢ່າງແຂງແຮງ ແລະ ເຮັດໃຫ້ເຕັມຮູບແບບ, ສ້າງທຸກເງື່ອນໄຂ ເພື່ອນຳເອົາຜະລິດຕະພັນດ້ານກະແສໄຟຟ້າເຂົ້າສູ່ລະບົບການຜະລິດໃຫ້ຫຼາຍຂຶ້ນ ໂດຍສະເພາະແມ່ນເຂົ້າສູ່ການຜະລິດໃນຂະແໜງອຸດສາຫະກຳ, ກະສິກໍາ, ການຂົນສົ່ງ ແລະ ການບໍລິການ. ເນື່ອງຈາກການຊົມໃຊ້ໄຟໃນປະເພດນີ້, ແມ່ນໃຊ້ແບບເປັນປະຈຳປົກກະຕິ, ພ້ອມນີ້ຈະເປັນການສ້າງຖານລາຍຮັບໃຫ້ລັດຖະບານຫຼາຍຂຶ້ນ, ປະຊາຊົນຈະມີວຽກເຮັດງານທຳຫຼາຍ, ປະເທດເຮົາກໍຈະມີສິນຄ້າ ສົ່ງອອກ ເພີ່ມຂຶ້ນ ແລະ ການຂາດດຸນການຄ້າ ກໍຄ່ອຍໆຫຼຸດລົງເທື່ອລະກ້າວ. ສະນັ້ນ, ໃນເວລາທີ່ຄິດ, ກຳນົດແຜນ ແລະ ເຄື່ອນໄຫວຈັດຕັ້ງປະຕິບັດກໍຕ້ອງໄປຕາມທິດລວມ ແລະ ເປົ້າໝາຍສູ້ຊົນລວມດັ່ງກ່າວນີ້ແທ້ໆ.
ບັນຫາທີສີ່: ສືບຕໍ່ປັບປຸງ ເພື່ອຍົກສູງປະສິດທິຜົນໃນການດຳເນີນທຸລະກິດຂອງໄຟຟ້າລາວໃນເງື່ອນໄຂໃໝ່ ຊຶ່ງບັນຫານີ້ແມ່ນບັນຫາສໍາຄັນ ແລະ ເປັນໃຈກາງຂອງການເຄື່ອນໄຫວຂອງໄຟຟ້າລາວ, ເປັນຕົ້ນ ກ່ອນອື່ນໝົດແມ່ນການປັບປຸງ ແລະ ເພີ່ມທະວີ ຮູບແບບການຄຸ້ມຄອງ, ປັບປຸງການຄຸ້ມຄອງລາຍຮັບ-ລາຍຈ່າຍ, ການແກ້ໄຂໜີ້ສິນທົ່ວໄປ ແລະ ສຸມໃສ່ແກ້ໄຂໜີ້ສິນຄຸມເຄືອ, ປັບປຸງຂອດການບໍລິການຜູ້ຊົມໃຊ້ໄຟຟ້າ, ການຄຸ້ມຄອງພະລັງງານຕົກເຮ່ຍ, ຕິດພັນກັບການຄຸ້ມຄອງບັນດາໂຄງການ, ແຜນງານ ທີ່ພວມຈັດຕັ້ງປະຕິບັດໃຫ້ຖືກກັບເນື້ອໃນສັນຍາ, ມາດຖານດ້ານຕັກນິກ, ທັນຕາມກໍານົດເວລາ ແລະ ອື່ນໆ.
ບັນຫາທີຫ້າ: ເພື່ອຮັບປະກັນໃຫ້ແກ່ການຈັດຕັ້ງປະຕິບັດຄາດໝາຍຂອງແຜນການສໍາລັບປີ 2024 ທີ່ໄດ້ວາງອອກ ໃຫ້ບັນລຸຜົນນັ້ນ, ບັນຫາທີ່ມີລັກສະນະຕັດສິນແມ່ນບັນຫາຄົນ, ບັນຫາບຸກຄະລາກອນ.ຍ້ອນວ່າ: ຄົນແມ່ນຜູ້ຈັດຕັ້ງປະຕິບັດ, ເປັນຜູ້ເຮັດຕົວຈິງ; ສະນັ້ນ, ຕ້ອງຍົກສູງຄຸນນະພາບຂອງບຸກຄະລາກອນທຽມທັນກັບຄວາມຕ້ອງການເພື່ອຮອງຮັບການຈັດຕັ້ງປະຕິບັດແຜນການທີ່ວາງອອກ. ການປັບປຸງຍົກສູງຄຸນນະພາບ “ຕ້ອງເຮັດຢ່າງເປັນລະບົບ, ເຮັດແບບຄົບວົງຈອນ”ກ່ອນອື່ນໝົດແມ່ນຈະຕ້ອງເລິີ່ມຈາກການປັບປຸງຄຸນນະພາບໃນການນໍາພາຂອງຄະນະພັກຮາກຖານ, ຂອງໜ່ວຍພັກຕິດພັນກັບການຍົກສູງຄຸນນະພາບຂອງພະນັກງານ, ສະມາຊິກພັກ, ກໍາມະກອນແຕ່ລະຄົນ ຊຶ່ງຄຸນນະພາບຂອງແຕ່ລະຄົນຕ້ອງສະແດງອອກຢູ່ໃນ “ຄວາມຮັບຜິດຊອບ, ຄວາມເປັນເຈົ້າການ,ຄວາມຫ້າວຫັນ, ບຸກບືນສູ້ຊົນ, ຜ່ານຜ່າຄວາມຫຍຸ້ງຍາກ” ຂອງພະນັກງານ-ກໍາມະກອນເຮົາໃຫ້ທຽມທັນກັບຄວາມຮຽກຮ້ອງຕ້ອງການຂອງວຽກງານໃນໄລຍະໃໝ່.
(ຂ່າວ-ພາບ: ສຸກສະຫວັນ)
ຄໍາເຫັນ