ທີ່ຫ້ອງຮັບແຂກ ຫ້ອງວ່າການປົກຄອງແຂວງຫຼວງພະບາງ. ມີບັນດາຫົວໜ້າ-ຮອງຫົວໜ້າກົມ, ພະແນກການຂອງແຂວງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ຈຸດປະສົງ ແມ່ນເພື່ອລາຍງາານການລົງມາຊຸກຍູ້ ຕິດຕາມການຜະລິດກະສິກໍາ, ປ່າໄມ້ ແລະ ພັດທະນາຊົນນະບົດພາຍໃນແຂວງ ເວົ້າລວມ, ເວົ້າສະເພາະແມ່ນການຈັດຕັ້ງປະຕິບັດວຽກງານຂອງ ພະແນກກະສິກໍາ ແລະ ປ່າໄມ້ ແຂວງຫຼວງພະບາງທີ່ກໍາລັງຈັດຕັ້ງປະຕິບັດຢູ່ ແລະ ທິດທາງແຜນການໃນຕໍ່ໜ້າ ໂດຍສະເພາະແມ່ນການກໍານົດເຂດການຜະລິດກະສິກໍາ ແລະ ການກໍານົດຈຸດສຸມບຸລິມະສິດ ຂອງແຂວງ. ໂອກາດນີ້ ທ່ານເຈົ້າແຂວງຫຼວງພະບາງ ໄດ້ສະແດງຄວາມຊົມເຊີຍຕໍ່ກັບການລົງເຄື່ອນໄຫວວຽກໃນຄັ້ງນີ້ ພ້ອມທັງສະເໜີ ໃຫ້ທ່ານລັດຖະມົນຕີກະຊວງກະສິກໍາ ແລະ ປ່າໄມ້ ພ້ອມດ້ວຍຄະນະ ສືບຕໍ່ຊີ້ນໍານໍາພາຂົງເຂດວຽກງານກະສິກໍາ ແລະ ປ່າໄມ້ ເຮັດໃຫ້ແຂວງຫຼວງພະບາງ ສາມາດຜະລິດກະສິກໍາ ເພື່ອມາບໍລິໂພກພາຍໃນແຂວງ ແລະ ເພື່ອຮັບປະກັນດ້ານສະບຽງອາຫານໃຫ້ແກ່ແຂກນັກທ່ອງທ່ຽວ ລວມທັງໃຫ້ສາມາດຜະລິດກະສິກໍາເປັນສິນຄ້າ ສ້າງລາຍຮັບໃຫ້ກັບແຂວງໄດ້ໃຫ້ຫຼາຍກວ່າເກົ່າ.
ເນື່ອງໃນໂອກາດເຄື່ອນໄຫວວຽກງານຢູ່ແຂວງຫຼວງພະບາງໃນຄັ້ງ ທ່ານລັດຖະມົນຕີກະຊວງກະສິກໍາ ແລະ ປ່າໄມ້ ໄດ້ມອບເງິນຈຳນວນໜຶ່ງ ເພື່ອແກ້ໄຂວຽກງານໄພພິບັດພາຍໃນແຂວງ ທີ່ໄດ້ຮັບຜົນກະທົບຜ່ານມາ ເປັນຕົ້ນແມ່ນການແກ້ໄຂບັນຫາແນວພັນ ເພື່ອສະໜອງໃຫ້ປະຊາຊົນ ສາມາດທໍາການຜະລິດໄດ້ໃນເບື້ອງຕົ້ນ.
(ແຫຼ່ງຂ່າວ: ກສກ, ສອນເພັດ ສຸລິພອນ)
ຄໍາເຫັນ