ລະບຸວ່າ: ລາຍຮັບຈາກການໂຄສະນາທົ່ວໂລກຄາດວ່າຈະເພີ່ມຂຶ້ນ9.5%ສູ່ລະດັບ 1 ພັນຕື້ໂດລາໃນປີນີ້ ຊຶ່ງຈະເປັນຄັ້ງທຳອິດທີ່ສະຖິຕິດັ່ງກ່າວຖືກທຳລາຍ.
ຂ່າວລະບຸວ່າ: ທ່ານນາງ ເຄດ ສະກັອດ ດໍກິນສ ປະທານຝ່າຍທຸລະກິດIntelligent ລະດັບໂລກຂອງ GroupM ໄດ້ປະກາດໃນວັນທີ 9 ທັນວາ ຜ່ານມາ ໃນກອງປະຊຸມສື່ມວນຊົນແລະການສື່ສານທົ່ວໂລກ ຂອງ UBS ໃນນະຄອນນິວຢອກ ລະບຸວ່າ:ຈຳນວນການຂາຍສ່ວນໃຫຍ່ແມ່ນຂັບເຄື່ອນຈາກການໂຄສະນາອອນລາຍ ລວມທັງຢູ່ໃນເວັບໄຊຕ່າງເຊັ່ນ:Google ຂອງ Alphabet, Meta Platforms ແລະ Amazon.com. ທ່ານກ່າວວ່າ: ປັດຈຸບັນ Google, Meta ແລະ Amazon ກວມເອົາ 41% ຂອງລາຍຮັບໂຄສະນາທົ່ວໂລກ.
ທັງນີ້, ໂຕເລກການຄາດຄະເນ ປີ 2024 ບໍ່ລວມເຖິງການໂຄສະນາທາງດ້ານການເມືອງໃນສະຫະລັດ ອາເມຣິກາ ຊຶ່ງເພີ່ມຂຶ້ນໃນປີນີ້ເນື່ອງຈາກການເລືອກຕັ້ງປະທານາທິບໍດີແລະ GroupM ຄາດຄະເນວ່າ: ອຸດສາຫະກໍານີ້ຈະເຕີບໂຕ 7.7% ໃນປີ 2025.
ທ່ານ ວິນເຊນ ເລທັງ ຮອງປະທານບໍລິຫານຝ່າຍການຕະຫຼາດລະດັບໂລກຂອງບໍລິສັດ Magna ຊຶ່ງເປັນບໍລິສັດວິໄຈຕະຫຼາດກ່າວວ່າ: ງານກິລາໂອແລັມປິກ ທີ່ນະຄອນຫຼວງປາຣີ ປະເທດຝຣັ່ງ ໄດ້ຊ່ວຍເພີ່ມຈຳນວນການຂາຍໂຄສະນາ.
ທ່ານ ວິນເຊນ ເລທັງກ່າວຕື່ມວ່າ: ນີ້ແມ່ນການເຕີບໂຕທີ່ແຂງແຮງທີ່ສຸດໃນຮອບ 25 ປີ, ຖ້າບໍ່ນັບລວມປີ 1998 ຊຶ່ງເປັນປີທີ່ຫາກໍຟື້ນຕົວຄືນໃໝ່ຫຼັງຈາກ ໂຄວິດ-19.
ຄໍາເຫັນ