ຫຼາຍພາກສ່ວນ ຮັບຟັງການປະເມີນປະຕິບັດກົດໝາຍວ່າດ້ວຍລັດຖະບານ ທີ່ຕິດພັນກັບແຂວງສະຫວັນນະເຂດ ແລະ ແຂວງຄຳມ່ວນ

ແລະ ການຕິດຕາມຊຸກຍູ້ການຈັດຕັ້ງປະຕິບັດນິຕິກຳໃຕ້ກົດໝາຍຂອງລັດຖະບານ, ພາຍໃຕ້ການເປັນປະທານຮ່ວມຂອງທ່ານ ນາງ ບຸນໜັກ ດາລາງາແກ້ວ ຮອງລັດຖະມົນຕີ ຮອງຫົວໜ້າຫ້ອງວ່າການສຳນັກງານນາຍົກລັດຖະມົນຕີ, ທ່ານ ໂພໄຊ ໄຂຄຳພິທູນ ຮອງເຈົ້າແຂວງສະຫວັນນະເຂດ ແລະ ທ່ານ ແກ້ວອຸດອນ ບຸດສິງຂອນ ຮອງເຈົ້າແຂວງຄໍາມ່ວນ.

ກອງປະຊຸມຄັ້ງນີ້, ໄດ້ຮັບຟັງລາຍງານການຈັດຕັ້ງປະຕິບັດກົດໝາຍວ່າດ້ວຍລັດຖະບານ ເລກທີ 03/ສພຊ, ລົງວັນທີ 16 ພະຈິກ 2021 ຈາກທ່ານ ໄຊສົມພອນ ແກ່ນມະນີຈັນ ຮອງຫົວໜ້າກົມນິຕິກຳ ຫ້ອງວ່າການສຳນັກງານນາຍົກລັດຖະມົນຕີ ພ້ອມນັ້ນ, ກໍໄດ້ຮັບຟັງລາຍງານການຈັດຕັ້ງປະຕິບັດເອກະສານທາງການເປັນຕົ້ນ: ມະຕິ, ຄໍາສັ່ງຂອງລັດຖະບານ, ແຈ້ງການ, ໜັງສືທາງລັດຖະການຂອງຫ້ອງວ່າການສຳນັກງານນາຍົກລັດຖະມົນຕີ ທີ່ຕິດພັນກັບທ້ອງຖິ່ນ ແຂວງສະຫວັນນະເຂດ ແລະ ແຂວງຄຳມ່ວນ ແຕ່ປີ 2023-2025.

ຈຸດປະສົງ ກໍເພື່ອປະເມີນຜົນການຈັດຕັ້ງປະຕິບັດກົດໝາຍວ່າດ້ວຍລັດຖະບານ ສະບັບເລກທີ 03/ສພຊ, ລົງວັນທີ 16 ພະຈິກ 2021, ເພື່ອເປັນຂໍ້ມູນໃນການປັບປຸງກົດໝາຍວ່າດ້ວຍລັດຖະບານເພື່ອໃຫ້ສອດຄ່ອງກັບລັດຖະທໍາມະນູນສະບັບປັບປຸງໃໝ່ ເພື່ອຮັບປະກັນໃຫ້ແກ່ການຄຸ້ມຄອງລັດ-ຄຸ້ມຄອງສັງຄົມ ມີຄວາມເປັນເອກະພາບ, ໄດ້ຮັບປະສິດທິຜົນ, ສອດຄ່ອງກັບແນວທາງນະໂຍບາຍຂອງພັກ, ແທດເໝາະກັບສະພາບການພັດທະນາເສດຖະກິດ-ສັງຄົມ ກໍຄືເງື່ອນໄຂຈຸດພິເສດຂອງການບໍລິຫານ-ຄຸ້ມຄອງລັດ, ຄຸ້ມຄອງ-ສັງຄົມໃນແຕ່ລະໄລຍະ ທັງເຮັດໃຫ້ການປະສານງານລະຫວ່າງຫ້ອງວ່າການສຳນັກງານນາຍົກລັດຖະມົນຕີ ກັບບັນດາຂະ ແໜງການ ແລະ ທ້ອງຖິ່ນມີຄວາມກົມກຽວກັນດີ, ມີຄວາມຄ່ອງແຄ້ວ ແລະ ເປັນບ່ອນອີງໃຫ້ແກ່ການຈັດຕັ້ງປະຕິບັດກົດໝາຍ ແລະ ບັນດານິຕິກຳລຸ່ມກົດໝາຍຂອງລັດຖະບານໃຫ້ມີປະສິດທິຜົນດີຂຶ້ນກວ່າເກົ່າ.

ໂອກາດນີ້, ທ່ານ ນາງ ບຸນໜັກ ດາລາງາແກ້ວ ໄດ້ຍົກໃຫ້ເຫັນສະພາບການຈັດຕັ້ງປະຕິບັດກົດ ໝາຍ ແລະ ບັນດານິຕິກຳລຸ່ມກົດໝາຍໃນໄລຍະຜ່ານມາ. ໃນກອງປະຊຸມ ຍັງໄດ້ມີການແລກປ່ຽນບົດຮຽນ ແລະ ຄຳຄິດ ຄຳເຫັນກ່ຽວກັບການຈັດຕັ້ງປະຕິບັດວຽກງານດັ່ງກ່າວຕື່ມອີກ.