ມອບເງິນຈຳນວນ 500 ລ້ານກີບ ມອບໂດຍ ທ່ານ ອຸທອນ ໄຕລິດທິ ອຳນວຍການ ບໍລິສັດ ແລະ ກຸ່ມບໍລິສັດ ໂຊກໄຊ ມອບເງິນຈຳນວນ 200 ລ້ານກີບ ມອບໂດຍ ທ່ານ ພັນປະກິດ ອ່ອນພັນດາລາ ຮອງປະທານກຸ່ມ, ຕາງໜ້າກະຊວງ ຮັບໂດຍ ທ່ານ ບຸນເຖິງ ດວງສະຫວັນ ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ ໂດຍມີຕາງໜ້າອົງການຈັດຕັ້ງມະຫາຊົນ ເຂົ້າຮ່ວມເປັນສັກຂີພິຍານ.
ໂອກາດນີ້, ທ່ານຮອງລັດຖະມົນຕີ ໄດ້ສະແດງຄວາມຂອບໃຈ ຕໍ່ບໍລິສັດທັງສອງ ທີ່ໄດ້ສະໜັບສະໜູນ ແລະ ປະກອບສ່ວນໃຫ້ແກ່ວຽກງານຈັດກອງປະຊຸມລັດຖະມົນຕີ ເສດຖະກິດອາຊຽນ, ການຊ່ວຍເຫຼືອນີ້ຈະເປັນປະໂຫຍດຢ່າງຍິ່ງ ຊຶ່ງຈະຊ່ວຍກອງເລຂາຂອງກະຊວງໃນການຊ່ວຍອຳນວຍຄວາມສະດວກກອງປະຊຸມລັດຖະມົນຕີ ເສດຖະກິດອາຊຽນ ແລະ ກອງປະຊຸມອື່ນໆ ທີ່ຈັດໂດຍກະຊວງ.
ພ້ອມກັນນັ້ນ, ທ່ານຮອງລັດຖະມົນຕີ ຍັງຊົມເຊີຍ ນໍາທຸກພາກສ່ວນ ທີ່ມີຈິດໃຈມະນຸດສະທໍາ, ເອື້ອເຟື້ອເຜື່ອແຜ່ ໃຫ້ການຊ່ວຍເຫຼືອ ຕໍ່ບັນດາຜູ້ປະສົບອຸທົກກະໄພ ໃນຄັ້ງນີ້ ເຖິງວ່າສະພາບເສດຖະກິດມີຄວາມຫຍຸ້ງຍາກ ແຕ່ການຊ່ວຍເຫຼືອດັ່ງກ່າວ, ແມ່ນສອດຄ່ອງກັບຄວາມຮຽກຮ້ອງຕ້ອງການ ຂອງສະພາບການຕົວຈິງໃນປັດຈຸບັນ ແລະ ທ່ານຍັງໄດ້ສະແດງຄວາມຢືນຢັນວ່າ ຈະນຳເອົາການຊ່ວຍເຫຼືອດັ່ງກ່າວນຳໃຊ້ເຂົ້າໃນການຊ່ວຍເຫຼືອຜູ້ຖືກປະສົບໄພນໍ້າຖ້ວມຢູ່ບັນດາແຂວງພາກເໜືອ ໃຫ້ໄດ້ໄວທີ່ສຸດ.
(ຂ່າວ: ສກຄ)
ຄໍາເຫັນ