 |
ໂອກາດດັ່ງກ່າວ, ທ່ານ ໄຊຊະນະ ໂຄດພູທອນ ໄດ້ສະແດງຄວາມຕ້ອນຮັບອັນອົບອຸ່ນພ້ອມທັງໄດ້ຕີລາຄາສູງຕໍ່ການມາ ຢ້ຽມຢາມ ແລະ ເຄື່ອນໄຫວເຮັດວຽກຢູ່ແຂວງຄໍາມ່ວນຂອງຄະນະໃນຄັ້ງນີ້, ທັງສະແດງໃຫ້ເຫັນມູນເຊື້ອຄວາມສໍາພັນອັນດີງາມ ແລະ ຄວາມສາມັກຄີພິເສດລະຫວ່າງສອງພັກ, ສອງລັດ ແລະ ປະຊາຊົນສອງຊາດ ທີ່ມີມາແຕ່ດຶກດໍາບັນ, ໂດຍແມ່ນປະທານໂຮ່ຈິມິນ, ປະທານໄກສອນ ພົມວິຫານ ແລະ ປະທານ ສຸພານຸວົງເປັນຜູ້ກໍ່ຕັ້ງ ແລະ ສືບຕໍ່ໃຫ້ຄົນລຸ້ນຫຼັງໄດ້ເພີ່ມພູນຄູນສ້າງເຖິງທຸກວັນນີ້, ທັງຊົມເຊີຍຜົນງານທີ່ພົ້ນເດັ່ນໃນການພັດທະນາເສດຖະກິດ-ສັງຄົມ ຂອງແຂວງກວາງຈິ.
ທ່ານ ຟານ ຟອງຟູ່ ໃນນາມຫົວໜ້າຄະນະກໍ່ໄດ້ ແຈ້ງຈຸດປະສົງໃນການຢ້ຽມຢາມ ແລະ ເຮັດວຽກຢູ່ແຂວງຄໍາມ່ວນ ໃຫ້ເລຂາຄະນະບໍລິຫານງານພັກແຂວງໄດ້ຮັບຮູ້ ໂດຍສະເພາະແມ່ນໄດ້ສະແດງຄວາມຍິນດີນໍາທີ່ແຂວງຄໍາມ່ວນໄດ້ຖືກຮັບຮອງເອົາອຸທິຍານແຫ່ງຊາດ ຫີນໜາມໜໍ່ ເຂົ້າເປັນມໍລະດົກໂລກ ທາງທໍາມະຊາດ ທີ່ຮ່ວມຊາຍແດນກັບ ອຸທິຍານແຫ່ງຊາດຟອງຍາແກບ່າງ ມໍລະດົກໂລກທາງທໍາມະຊາດ ແຂວງກວາງຈິ ສສຫວຽດນາມ, ພ້ອມນັ້ນ ຍັງຖືໂອກາດນີ້ ອວຍພອນປີໃໝ່ລາວ ທີ່ຈະມາເຖິງນີ້ ໃຫ້ແກ່ເລຂາຄະນະບໍລິຫານງານພັກແຂວງ ຈົ່ງມີສຸຂະພາບເຂັ້ມແຂງ ແລະ ມີຜົນສໍາເລັດໃນໜ້າທີ່ການງານ ທັງອວຍພອນສາຍພົວພັນມິດຕະພາບ ຄວາມສາມັກຄີພິເສດ ລະຫວ່າງສອງພັກ-ສອງລັດ ແລະ ສອງຊາດລາວ-ຫວຽດນາມ ສະເພາະກໍຄືສອງແຂວງກວາງຈິ-ຄໍາມ່ວນ ໃຫ້ນັບມື້ໝັ້ນຄົງຂະໜົງແກ່ນຕະຫຼອດໄປ.
(ຂ່າວ+ພາບ : ມະນີວັນ+ກອງຄໍາ)
ຄໍາເຫັນ