 |
ຊຶ່ງເນື້ອໃນສໍາຄັນຂອງກອງປະຊຸມຄັ້ງນີ້: ໄດ້ຮັບຮອງເອົາຜົນຂອງການເລືອກຕັ້ງເອົາ ທ່ານ ນາງ ຊາຍຄາ ອໍ ໂນໄວສ(Shaikha Al Nowais), ລັດຖະມົນຕີກະຊວງທ່ອງທ່ຽວ ປະເທດສະຫະລັດອາລັບ ອີມີເລດ ເປັນເລຂາທິການໃຫຍ່ອົງການສະຫະປະຊາຊາດ ພື່ອການທ່ອງທ່ຽວຜູ້ໃໝ່ ໄລຍະປີ 2026-2030; ຮັບຮອງເອົາຫົວຂໍ້ປີທ່ອງທ່ຽວໂລກ ສໍາລັບປີ 2026 ແມ່ນ: ການຫັນເປັນດີຕີຕອນ ແລະ ປັນຍາປະດິດ ເພື່ອກໍານົດທິດທາງການທ່ອງທ່ຽວຄືນໃໝ່, ແລະ ຫົວຂໍ້ປີ 2027 ແມ່ນ: ຫັນປ່ຽນການທ່ອງທ່ຽວ ດ້ວຍ ການສຸມໃສ່ການປັບປຸງການສຶກສາ. ໃນກອງປະຊຸມດັ່ງກ່າວ ບັນດາການນໍາຂັ້ນສູງ ຍັງໄດ້ແລກປ່ຽນ ດ້ານນະໂຍບາຍ, ບົດຮຽນ ແລະ ຄໍາແນະນໍາຕ່າງໆ ພາຍໃຕ້ຫົວຂໍ້: “ການຫັນປ່ຽນຂອງຂະແໜງການ ທ່ອງທ່ຽວ ດ້ວຍການນໍາໃຊ້ປັນຍາປະດິດ” ຮັບຮອງເອົາການສະເໜີຂອງ ສປ ຈີນ ໃນການສ້າງ ຕັ້ງຫ້ອງການສະຫະປະຊາຊາດເພື່ອການທ່ອງທ່ຽວ ປະຈໍາພາກພື້ນອາຊີ-ປາຊີຟິກ ແລະ ອາຊີໃຕ້ ຕັ້ງຢູ່ນະຄອນຊຽງໄຮ, ສປ ຈີນ; ຮັບຮອງ ເອົາ ສະມາ ຊິກຄະນະບໍລິຫານງານອົງການສະຫະປະ ຊາຊາດເພື່ອການທ່ອງທ່ຽວ ຈໍານວນ 17 ບ່ອນນັ່ງ; ຮັບຮອງເອົາການສະເໜີຂອງປະເທດ ໂດມິນິກັນ ເປັນປະ ເທດເຈົ້າພາບ ຈັດກອງ ປະຊຸມ ອົງການ ສະຫະປະຊາຊາດເພື່ອການທ່ອງທ່ຽວ ຄັ້ງທີ 27 ຊຶ່ງຈະຈັດຂຶ້ນໃນປີ 2027; ຮັບຮອງເອົາຖະແຫຼງການ ຣີຢາດ ກ່ຽວກັບອະນາຄົດຂອງການທ່ອງທ່ຽວ (Riyadh Declaration on the Future of Tourism).
ໂອກາດດັ່ງກ່າວ, ສປປ ລາວ ໄດ້ສະແດງຄວາມຊົມເຊີຍຕໍ່ປະເທດເຈົ້າພາບ ໃນການຈັດ ກອງປະ ຊຸມທີ່ມີຄວາມໝາຍສໍາຄັນໃນຄັ້ງນີ້. ລັດຖະບານແຫ່ງ ສປປ ລາວ ໄດ້ຖືເອົາຂະແໜງການທ່ອງທ່ຽວ ເປັນຂະແໜງເສດຖະກິດທີ່ສໍາຄັນໃນການປະກອບ ສ່ວນເຂົ້າໃນການພັດທະນາເສດຖະກິດ-ສັງຄົມຂອງປະເທດ, ການທ່ອງທ່ຽວຍັງປະກອບສ່ວນຊ່ວຍປົກປັກຮັກມໍຣະດົກວັດທະນະທໍາ ແລະ ປະກອບສ່ວນເຂົ້າໃນການປັບປຸງຄຸນນະພາບການດໍາລົງຊີວິດຂອງປະຊາຊົນທ້ອງຖິ່ນ ນັບມືນັບດີຂຶ້ນ. ການນໍາໃຊ້ປັນຍາປະດິດໄດ້ສ້າງກາລະໂອກາດທີ່ສໍາຄັນໃນການເລັ່ງຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມຂອງປະເທດ, ຊ່ວຍສະໜອງຂໍ້ມູນຂ່າວສານການທ່ອງທ່ຽວ ແລະ ການເດີນທາງ, ຊ່ວຍບໍລິຫານຄຸ້ມຄອງຈຸດໝາຍປາຍທາງການທ່ອງທ່ຽວ ແລະ ຊ່ວຍປົກປັກຮັກສາມໍຣະດົກ.
 |
ພ້ອມກັນນີ້, ການນໍາໃຊ້ປັນຍາປະດິດ ຕ້ອງໄດ້ຮັບການພັດທະນາຢ່າງມີຄວາມຮັບຜິດຊອບ, ເນື່ອງຈາກວ່າປັນຍາປະດິດ ແມ່ນເຄື່ອງມືຊ່ວຍໃນການບໍລິຫານ ແລະ ການສະໜອງຂໍ້ມູນ, ແຕ່ບໍ່ສາມາດປ່ຽນແທນຄວາມສາມາດ ແລະ ຄຸນຄ່າຂອງມະນຸດໄດ້. ດັ່ງນັ້ນ, ການນໍາໃຊ້ປັນຍາປະດິດ ຈໍາເປັນຕ້ອງມີຄວາມຮັບຜິດຊອບຄຽງຄູ່ກັບຈັນຍາບັນ ເພື່ອໃຫ້ເກີດຜົນປະໂຫຍດສູງສຸດຕໍ່ສັງຄົມ. ສປປ ລາວ ມີຄວາມມຸ່ງໝັ້ນໃນການຮ່ວມມືກັບບັນດາປະເທດສະມາຊິກ ແລະ ພາກສ່ວນກ່ຽວຂ້ອງ ເພື່ອພັດ ທະນາຂະແໜງການທ່ອງທ່ຽວໃຫ້ມີຄຸນນະພາບ ແລະ ມີຄວາມຍືນຍົງ.
ຂ່າວ: ກະຊວງ ວທ
ຄໍາເຫັນ