ຢູ່ທີ່ສະໂມສອນແຂວງ, ໂດຍການເປັນປະທານຂອງ ສະຫາຍ ວຽງສະຫວັດ ສີພັນດອນ ກຳມະການສູນກາງພັກ ເລຂາພັກແຂວງ ເຈົ້າແຂວງໆຫຼວງນໍ້າທາ, ມີຄະນະປະຈຳພັກແຂວງ, ກຳມະການພັກແຂວງ, ຫົວໜ້າພະແນກການພາຍໃນແຂວງເຂົ້າຮ່ວມ.
ສະຫາຍ ສົມພາວັນ ຈັນທະຈັກວົງ ຮັກສາການ ຫົວໜ້າຫ້ອງວ່າການແຂວງ ໄດ້ຜ່ານບົດສະຫຼຸບການຈັດຕັ້ງປະຕິບັດວຽກງານຮອບດ້ານຂອງແຂວງ ປະຈຳປີ 2024 ແລະ ທິດທາງແຜນການ ປະຈໍາປີ 2025 (ໂດຍສັງເຂບ). ຄະນະບໍລິຫານງານພັກແຂວງ, ອົງການປົກຄອງແຕ່ລະຂັ້ນ, ພະນັກງານ, ທະຫານ, ຕຳຫຼວດ ແລະ ປະຊາຊົນບັນດາເຜົ່າພາຍໃນແຂວງ ໄດ້ເອົາໃຈໃສ່ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ 11 ຂອງພັກ, 2 ວາລະແຫ່ງຊາດ, ມະຕິກອງປະຊຸມໃຫຍ່ຄັ້ງທີ 8 ຂອງອົງຄະນະພັກແຂວງ ແລະ ແຜນພັດທະນາເສດຖະກິດ-ສັງຄົມ ປະຈຳປີ 2024 ຂອງແຂວງ ຢ່າງເປັນຂະບວນ ແລະ ໄດ້ຮັບຜົນສຳເລັດ, ທົ່ວອົງຄະນະພັກແຂວງປະກອບມີ 5 ອົງຄະນະພັກເມືອງ, ມີ 2 ຄະນະພັກກອງບັນຊາການປ້ອງກັນຊາດ-ປ້ອງກັນຄວາມສະຫງົບແຂວງ. ກອງປະຊຸມຄັ້ງນີ້, ໄດ້ຕີລາຄາຄືນ ຜົນການເຄື່ອນໄຫວ ນຳພາ-ຊີ້ນຳ ຂອງຄະນະພັກ, ຄະນະນຳແຂວງຫຼວງນ້ຳທາ ຕະຫຼອດໄລຍະຜ່ານມາ ທັງເປັນການທົບທວນຄືນ ການຈັດຕັ້ງປະຕິບັດວຽກງານພັກ ແລະ ວິຊາສະເພາະແຕ່ລະດ້ານ ໂດຍຍົກໃຫ້ເຫັນດ້ານດີ, ຜົນງານ, ດ້ານອ່ອນ ແລະ ຂໍ້ຄົງຄ້າງ ທີ່ຈະຕ້ອງໄດ້ສືບຕໍ່ປັບປຸງ, ແກ້ໄຂໃນຕໍ່ຫນ້າພ້ອມທັງເຜີຍແຜ່ບັນດານິຕິກຳຂອງພັກ, ເອກະສານສຳຄັນຂອງແຂວງ, ເນື້ອໃນມາດຖານລວມ, ມາດຖານສະເພາະຂອງພະນັກງານນຳພາຄຸ້ມຄອງ, ໜ້າທີ່, ສິດຂອງຄະນະບໍລິການຫານງານພັກແຂວງ, ຄະນະປະຈຳພັກແຂວງ, ເລຂາ, ຮອງເລຂາພັກແຂວງ ພ້ອມທັງ ດຳເນີນການປ່ອນບັດທາບທາມ ຄວາມເຊື່ອໝັ້ນ ແລະ ໄວ້ວາງໃຈຕໍ່ການນຳພາລວມ ແລະ ບຸກຄົນ ຂອງຄະນະບໍລິຫານງານພັກແຂວງ ສະໄຫມທີ IX. ພ້ອມນີ້ ກໍໄດ້ຜ່ານຮ່າງບົດຕີລາຄາ ການນຳພາ-ຊີ້ນຳລວມ ກ່ຽວກັບການຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງທີ IX ຂອງຄະນະບໍລິຫານງານພັກແຂວງ, ການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ, ການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ. ຈາກນັ້ນ ຜູ້ແທນກອງປະຊຸມ ໄດ້ມີຄຳເຫັນບາງບັນຫາ ໂດຍສະເພາະແມ່ນ ວຽກງານການສົ່ງເສີມການປູກພືດກະສິກຳເປັນສິນຄ້າ, ການຊຸກຍູ້ສົ່ງເສີມໃຫ້ບັນດາພາກທຸລະກິດມີສ່ວນຮ່ວມໃນການລົງທຶນ ເຂົ້າໃສ່ວຽກງານຟື້ນຟູ ໄພພິບັດນໍ້າຖ້ວມ ໃນໄລຍະຜ່ານມາ, ການປັບປຸງ ແລະ ພັດທະນາ ວຽກງານການບໍລິການ, ການຟື້ນຟູເຂື່ອນໄຟຟ້ານ້ຳທາ 1 ໂດຍຕິດພັນກັບການທ່ອງທ່ຽວ ຕາມທ່າແຮງຂອງແຂວງ, ການຫັນເອົາພະນັກງານລົງກໍ່ສ້າງຮາກຖານການເມືອງ, ພັດທະນາຊົນນະບົດຮອບດ້ານ ຕາມທິດ 3 ສ້າງ, ການກໍ່ສ້າງຫນ່ວຍພັກປອດໃສ ເຂັ້ມແຂງ ໜັກແໜ້ນ ແລະ ອື່ນໆ
ໂອກາດນີ້, ສະຫາຍ ວຽງສະຫວັດ ສີພັນດອນ ໄດ້ຮຽກຮ້ອງໃຫ້ຄະນະພັກແຕ່ລະຂັ້ນ ຈົ່ງເຊີດຊູຄວາມຮັບຜິດຊອບຕໍ່ໜ້າທີ່ການເມືອງຂອງຕົນສຶກສາອົບຮົມການເມືອງນຳພາແນວຄິດໃຫ້ຖັນແຖວພະນັກງານ, ທະຫານ, ຕຳຫຼວດ ແລະ ປະຊາຊົນບັນດາເຜົ່າ ເຊື່ອມຊືມແນວທາງນະໂຍບາຍຂອງພັກ, ກົດໝາຍຂອງລັດແຕ່ລະໄລຍະ, ເປັນເຈົ້າການເຕົ້າໂຮມຄວາມສາມັກຄີໃຫ້ໜັກແໜ້ນ, ປະສານງານຮ່ວມມືແກ້ໄຂວຽກງານໃຫ້ທັນການ, ເປັນແບບຢ່າງທີ່ດີໃນການຈັດຕັ້ງປະຕິບັດແນວທາງຂອງພັກ-ລັດ ສືບຕໍ່ຈັດຕັ້ງປະຕິບັດວຽກງານຕາມພາລະບົດບາດ, ສິດ ແລະ ໜ້າທີ່ຂອງຕົນຮັບຜິດຊອບ ໃຫ້ມີຜົນສຳເລັດຕາມລະດັບຄາດໝາຍ.
(ຂ່າວ: ແກ້ວ)
ຄໍາເຫັນ