ຊຸດຝຶກອົບຮົມກ່ຽວກັບການຈັດຕັ້ງປະຕິບັດວຽກງານບໍລິການຜ່ານກົນໄກປະຕູດຽວ ໄດ້ຈັດຂຶ້ນໃນວັນທີ 24-25 ເມສາ 2024 ທີ່ແຂວງຫຼວງນ້ຳທາ ໂດຍການເປັນປະທານຂອງ ທ່ານ ຈັນທອງ ແກ້ວປະ
ເສີດ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງ, ມີທ່ານ ນາງ ຄໍາແດງ ກອງຈໍາປາ ຫົວໜ້າພະແນກພາຍໃນແຂວງ, ທ່ານ ນາງ ເຄືອວັນ ຈັນທະພູວົງ ຮອງຫົວໜ້າກົມພັດທະນາການບໍລິຫານລັດ ກະຊວງພາຍໃນ,ມີນັກສຳມະນາກອນຈາກພະແນກການຂອງແຂວງ, ຮອງເຈົ້າເມືອງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ກອງປະຊຸມໄດ້ຮັບຟັງການນໍາສະເໜີນິຕິກໍາ ແລະ ລະບຽບການຈັດຕັ້ງປະຕິບັດວຽກງານບໍລິການຜ່ານກົນໄກປະຕູດຽວ, ຄໍາສັ່ງ 09/ນຍ, ມະຕິ 05/ຄບສພ ແລະ ຍຸດທະສາດແຫ່ງຊາດ ວ່າດ້ວຍການບໍລິການຂອງລັດຜ່ານກົນໄກປະຕູດຽວ ຮອດປີ 2030, ທັກສະການສື່ສານ, ມາລະຍາດໃນການບໍລິການປະຊາຊົນທີ່ດີ, (ຄຸນສົມບັດ, ຈັນຍາທໍາ, ຈັນຍາບັນຂອງພະນັກງານ, ນໍາສະເໜີ ບົດບາດຂອງການນໍາພາຊີ້ນໍາລວມ, ການຊຸກຍູ້ໃຫ້ບັນດາເມືອງເປີດສູນບໍລິການຜ່ານປະຕູດຽວ, ຄວາມເປັນເອກະພາບຂອງບັນດາຂະແໜງການ, ນໍາສະເໜີບົດບາດ ແລະ ໜ້າທີ່ຂອງຫ້ອງການພາຍໃນເມືອງ ໃນການນໍາພາ-ຊີ້ນໍາວຽກງານບໍລິການຜ່ານປະຕູດຽວ, ການສະຫຼຸບລາຍງານການຕິດຕາມຊຸກຍູ້ຫ້ອງການພາຍໃນ ແລະ ບັນດາຂະແໜງການທີ່ເອົາວຽກເຂົ້າມາບໍລິການຜ່ານປະຕູດຽວ, ລວມເຖິງຄວາມເປັນເອກະພາບຂອງຂະແໜງການ, ນໍາສະເໜີ ກົນໄກຈໍລະຈອນເອກະສານ ແລະ ອໍານວຍຄວາມສະດວກເອົາເອກະສານຈາກຂະແໜງການຕ່າງໆ, ກົນໄກຈໍລະຈອນເອກະສານ ນັບແຕ່ເອກະສານເຂົ້າສູ່ບໍລິການຜ່ານປະຕູດຽວ ຈົນຮອດຂັ້ນຕອນອະນຸມັດ ແລະ ແຈ້ງໃຫ້ປະຊາຊົນມາຮັບເອົາເອກະສານ, ຍົກໃຫ້ເຫັນຂໍ້ສະດວກ, ຂໍ້ຫຍຸ້ງຍາກ ແລະ ສິ່ງທ້າທ້າຍເຊັ່ນ: ເອກະສານບໍ່ໄດ້ຕາມກໍານົດ ຫຼື ເອກະສານມີຄວາມຜິດພາດ ແລະ ນໍາສະເໜີວຽກງານຄຸ້ມຄອງ, ສໍາເນົາເອກະສານການຈົດບັນທຶກເອກະສານເຂົ້າ-ອອກ, ວິທີເກັບມ້ຽນໃສ່ຕູ້ເອກະສານ ແລະ ນໍາສະເໜີໃຊ້ໂປຣແກມສໍາເນົາເອກະສານຜ່ານລະບົບເອເລັກໂທຣນິກ.
ການເປີດຊຸດຝຶກອົບຮົມໃນຄັ້ງນີ້ ເພື່ອເປັນການສ້າງຄວາມເຂັ້ມແຂງໃຫ້ພະນັກງານທີ່ຮັບຜິດຊອບວຽກງານບໍລິການຜ່ານກົນໄກປະຕູດຽວຂອງແຂວງ, ເມືອງໃຫ້ມີຄວາມຮັບຮູ້ ແລະ ເຂົ້າໃຈວຽກງານດັ່ງກ່າວ ແລະ ສາມາດໄປຈັດຕັ້ງປະຕິບັດໄດ້ຢູ່ສູນບໍລິການຜ່ານກົນໄກປະຕູດຽວ. ທັງນີ້ກໍເພື່ອສ້າງຄວາມສະດວກໃຫ້ແກ່ຜູ້ມາໃຊ້ບໍລິການຜ່ານຈຸດບໍລິການບ່ອນດຽວ ແລະ ໄດ້ແລກປ່ຽນບົດຮຽນການຈັດຕັ້ງປະ
ຕິບັດວຽກງານການບໍລິການຜ່ານກົນໄກປະຕູດຽວ ຂອງນະຄອນຫຼວງພະບາງ ແລະ ພະແນກພາຍໃນແຂວງຫຼວງພະບາງ ຊຶ່ງເປັນແຂວງໜຶ່ງທີ່ມີປະສົບການກ່ຽວກັບການຈັດຕັ້ງປະຕິບັດວຽກງານບໍລິການຜ່ານກົນໄກປະຕູດຽວ ໂດຍສະເພາະສູນບໍລິການຜ່ານກົນໄກປະຕູດຽວນະຄອນຫຼວງພະບາງ ເພື່ອສົນ
ທະນາແລກປ່ຽນບົດຮຽນ ສອບຖາມໃນຈຸດທີ່ຍັງເຮັດບໍ່ທັນໄດ້ດີ ຫຼື ພົບຄວາມຫຍຸ້ງຍາກ ແລ້ວນໍາເອົາບົດຮຽນ ແລະ ປະສົບການຂອງແຂວງຫຼວງພະບາງ ໄປໝູນໃຊ້ ເພື່ອເຮັດໃຫ້ສູນບໍລິການຜ່ານປະຕູດຽວໃຫ້ມີປະສິດທິພາບດີຂຶ້ນ.
ຂ່າວ: ນ. ອຸ້ມ ສົມນໍວັນ
ຄໍາເຫັນ